കൂട്ടക്കുരുതി തുടര്‍ന്ന് ഇസ്രയേല്‍ ; മൂന്നു ദിവസത്തിനുള്ളിൽ കൊല്ലപ്പെട്ടത് മുപ്പതോളം പലസ്തീന്‍കാര്‍

webdesk15 — Fri, 12 May 2023 09:50:35 +0000

തുടര്‍ച്ചയായി മൂന്നാം ദിനവും ഇസ്രയേല്‍സൈന്യം പലസ്തീനില്‍ കൂട്ടക്കുരുതി തുടരുന്നു. കുട്ടികളും സ്ത്രീകളും അടക്കം പലസ്തീനിൽ വ്യോമാക്രമണത്തില്‍ മുപ്പതോളം പേർ കൊല്ലപ്പെട്ടു.നൂറിലധികം പേര്‍ക്ക് പരിക്കേറ്റു. ഗാസയില്‍ 158 കേന്ദ്രം ലക്ഷ്യമാക്കിയാണ് ഇസ്രയേല്‍സൈന്യം വ്യോമാക്രണം നടത്തിയത്.സാധാരണക്കാരെ കൊന്നൊടുക്കുന്നത് ഉടന്‍ അവസാനിപ്പിക്കണമെന്ന് യുഎൻ സെക്രട്ടറി ജനറൽ അന്റോണിയോ ഗുട്ടെറെസ് അഭ്യര്‍ഥിച്ചു. വിവേചനരഹിതമായ ആക്രമണങ്ങൾ ഇസ്രയേല്‍ ഉടന്‍ നിര്‍ത്തണമെന്ന് നോർവീജിയൻ അഭയാർഥി കൗൺസിലും ആവശ്യപ്പെട്ടു.ഇസ്രയേൽ സൈന്യം ഗാസയിലെ പാര്‍പ്പിടസമുച്ചയങ്ങളിലേക്ക് ബോംബ് തൊടുത്തുവിടുകയാണെന്നും പിഐജെ ബന്ധമുള്ളവരുടെ കുടുംബാംഗങ്ങളും അയൽക്കാരുമായ സാധാരണക്കാരാണ് കൊല്ലപ്പെടുന്നതെന്നും അൽ ജസീറ റിപ്പോര്‍ട്ട് ചെയ്തു.

സിറിയ ഇസ്രാഈലിലേക്ക് റോക്കറ്റ് അയച്ചു

Chandrika Web — Sun, 09 Apr 2023 05:43:00 +0000

സിറിയയില്‍നിന്ന് ആറ് റോക്കറ്റുകളില്‍ മിസൈലുകള്‍ ഇസ്രാഈലില്‍ പതിച്ചതായി റിപ്പോര്‍ട്ട്. ഗോലാന്‍കുന്നുകളിലാണ് ഇതിലൊരെണ്ണം പതിച്ചത്. ഫലസ്തിനിന് നേര്‍ക്ക് കഴിഞ്ഞ ഒരുമാസത്തോളമായി ഇസ്രാഈല്‍ വേട്ടക്ക് മറുപടിയായാണ് ഇത്. ലെബനോണിലും ഗാസയിലും പശ്ചിമതീരത്തും അക്രമം വ്യാപിച്ചിരിക്കുന്നതായാണ് റിപ്പോര്‍ട്ട്. അഅതേസമയം ഖത്തര്‍ അനുരഞ്ജനത്തിന് പരിശ്രമം തുടരുകയാണ്. ഇസ്രാഈല്‍ ബോംബാക്രമണത്തില്‍ രണ്ട് ഫലസ്തീനികള്‍ കൊല്ലപ്പെട്ടതായി സ്ഥിരീകരിച്ചിട്ടുണ്ട്. ഗാസയിലേക്കും ലെബനോണിലേക്കുമാണ് ഇസ്രാഈലിന്റെ ബോംബാക്രമണം.

അതേസമയം നെതന്യാഹുവിന്റെ ജുഡീഷ്യല്‍ പരിഷ്‌കരണത്തിനെതിരെ പതിനായിരങ്ങളാണ് ഇസ്രാഈലില്‍ കഴിഞ്ഞദിവസം പ്രകടനം നടത്തിയത്.

bombing – Chandrika Daily

കൂട്ടക്കുരുതി തുടര്‍ന്ന് ഇസ്രയേല്‍ ; മൂന്നു ദിവസത്തിനുള്ളിൽ കൊല്ലപ്പെട്ടത് മുപ്പതോളം പലസ്തീന്‍കാര്‍

സിറിയ ഇസ്രാഈലിലേക്ക് റോക്കറ്റ് അയച്ചു