‘ആര്‍.എസ്.എസ് നേതാവ് രാകേഷ് സിന്‍ഹയാണ് പ്രതിമയില്‍ ഹാരാര്‍പ്പണം നടത്തിയത്. ബി.ജെ.പി സര്‍ക്കാര്‍ ദളിത് വിരുദ്ധരാണ്. അംബേദ്കറുടെ പേരുപയോഗിച്ച് ദളിത് വിഭാഗക്കാരെ ആകര്‍ഷിക്കുക മാത്രമാണ് അവരുടെ താല്‍പര്യം’-അഭിഭാഷകര്‍ വാര്‍ത്താ ഏജന്‍സിയായ എ.എന്‍.ഐയോട് പറഞ്ഞു.

അതിനിടെ ഉത്തര്‍പ്രദേശിലെ ഹാമിര്‍പൂര്‍ നഗരത്തിലെ ക്ഷേത്രത്തില്‍ ബി.ജെ.പി എം.എല്‍.എ മനീഷ് അനുരാഗി ദര്‍ശനം നടത്തിയതിന് പിന്നാലെ ശുദ്ധിക്രിയകള്‍ ചെയ്തതായും എ.എന്‍.ഐ റിപ്പോര്‍ട്ട് ചെയ്തു. കഴിഞ്ഞ മാസമായിരുന്നു ഈ സംഭവം.

Meerut: A group of Dalit lawyers ‘purified’ statue of Dr BR Ambedkar near Dist Court y’day, say “RSS’ Rakesh Sinha came&garlanded the statue.BJP govt oppresses Dalits.They’ve nothing to do with Ambedkar but do this to promote BJP&allure Dalits. So we purified this with Gangajal.” pic.twitter.com/cs8tnzZ3XE

— ANI UP (@ANINewsUP) August 11, 2018

ഉപാധ്യായ ഞങ്ങള്‍ക്ക് പ്രചോദനം നല്‍കിയ നേതാവ് തന്നെയാണ്. അദ്ദേഹത്തിന്റെ പ്രതിമ സ്ഥാപിക്കുന്നതിനെ ഞാന്‍ പിന്തുണക്കുന്നു. എന്നാല്‍ മുന്‍സിപ്പല്‍ കോര്‍പറേഷന്‍ ഓഫീസ് കോമ്പൗണ്ടിലല്ല നഗരത്തിനകത്താണ് അദ്ദേഹത്തിന്റെ പ്രതിമ സ്ഥാപിക്കേണ്ടത്-മേയര്‍ നവീന്‍ കുമാര്‍ ജെയ്ന്‍ പറഞ്ഞു.

കഴിഞ്ഞ മാസം ആഗ്ര എം.എല്‍.എ ജഗന്‍ പ്രസാദ് ഗാര്‍ഗ് അഞ്ച് തവണയാണ് അംബേദ്കര്‍ പ്രതിമ മാറ്റി ദീനദയാലിന്റെ പ്രതിമ സ്ഥാപിക്കണം എന്നാവശ്യപ്പെട്ട് മുഖ്യമന്ത്രി യോഗി ആദിത്യനാഥിന് കത്തെഴുതിയത്. പ്രതിമ മാറ്റുമ്പോള്‍ ക്രമസമാധാന പ്രശ്‌നമുണ്ടാവുന്നതിനെ കുറിച്ച് ജാഗ്രത പാലിക്കണമെന്നാവശ്യപ്പെട്ട് ആഗ്ര മജിസ്‌ട്രേറ്റിനും ആഗ്ര എസ്.പിക്കും സാംസ്‌കാരിക വകുപ്പ് ഡെപ്യൂട്ടി ഡയരക്ടര്‍ കത്തയച്ചിരുന്നു.

കഴിഞ്ഞ ഒരു മാസത്തിനിടയില്‍ യു.പിയില്‍ മാത്രം ആറിടത്താണ് അംബേദ്കര്‍ പ്രതിമകള്‍ തകര്‍ക്കപ്പെട്ടത്. ഏപ്രില്‍ 14ന് അംബേദ്കറുടെ ജന്‍മദിനത്തില്‍ പ്രതിമകള്‍ തകര്‍ക്കപ്പെടാന്‍ സാധ്യതയുണ്ടെന്ന് ഇന്റലിജന്‍സ് റിപ്പോര്‍ട്ടുണ്ടായിരുന്നു. മീററ്റ്, ബുദയൂം, സഹാറന്‍പൂര്‍, ഫിറോസാബാദ്, ബുലന്ദ്ശഹര്‍ എന്നിവിടങ്ങളിലെ പ്രതിമകളാണ് മാര്‍ച്ചില്‍ തകര്‍ക്കപ്പെട്ടത്.

Statue of BR Ambedkar locked inside an iron cage and a police personnel deputed for the statue’s protection, in Badaun. pic.twitter.com/U271aSz35O

— ANI UP (@ANINewsUP) April 12, 2018

ദുംഗ്രൈയ്യ ഗ്രാമത്തില്‍ സ്ഥാപിച്ചിരുന്ന അംബേദ്കര്‍ പ്രതിമ വെള്ളിയാഴ്ച രാത്രി ചിലര്‍ തകര്‍ത്തതിനെ തുടര്‍ന്നാണ് പുതിയ പ്രതിമ സ്ഥാപിച്ചത്. പ്രതിമ തകര്‍ത്തതിനെതിരെ ശക്തമായ പ്രതിഷേധമുയര്‍ന്നിരുന്നു. പ്രതിമ ഞായറാഴ്ച അനാച്ഛാദനം ചെയ്തപ്പോഴാണ് അംബേദ്കറിന്റെ കോട്ടിന് കാവി നിറമാണെന്ന കാര്യം ശ്രദ്ധയില്‍ പെട്ടത്. കാവി ശ്രദ്ധയില്‍ പെട്ടതോടെ സോഷ്യല്‍ മീഡിയയില്‍ അടക്കം വന്‍ പ്രതിഷേധമാണുണ്ടായത്.

അടുത്തിടെ അംബേദ്കറുടെ പേര് ഭീംറാവു അംബേദ്കര്‍ എന്നതില്‍ നിന്ന് ‘ഭീംറാവു റാംജി അംബേദ്കര്‍’ എന്ന് മാറ്റി സംസ്ഥാന സര്‍ക്കാര്‍ ഉത്തരവിറക്കിയത് വന്‍ പ്രതിഷേധത്തിന് കാരണമായിരുന്നു.

#WATCH Badaun: The damaged statue of BR Ambedkar which was rebuilt and painted saffron, re-painted blue by BSP Leader Himendra Gautam. pic.twitter.com/Tntf7shNAN

— ANI UP (@ANINewsUP) April 10, 2018