തിരഞ്ഞെടുപ്പില്‍ കൃത്രിമത്വം കണ്ടെത്തിയതിനെ തുടര്‍ന്ന് ബ്രസീല്‍ ഫുട്‌ബോള്‍ പ്രസിഡന്റായിരുന്ന എഡ്‌നാള്‍ഡോ റോഡ്രിഗസിനെ പുറത്താക്കിയിരുന്നു. റിയോ ഡി ജനെയ്‌റോ കോടതിയുടേതായിരുന്നു നടപടി. ഒരു മാസത്തിനകം പുതിയ ഭരണസമിതിയെ തിരഞ്ഞെടുപ്പിലൂടെ കണ്ടെത്താന്‍ കോടതി ഉത്തരവിട്ടു. ഇതിനായി താത്കാലിക സമിതിയെയും കോടതി നിയോഗിച്ചു.

ഫിഫ അംഗമായ രാജ്യങ്ങളുടെ ഫുട്‌ബോള്‍ ബോഡിയില്‍ സര്‍ക്കാരിന്റെയോ മറ്റ് അധികാര കേന്ദ്രങ്ങളുടെയോ ഇടപെടല്‍ പാടില്ലെന്നാണ് നിയമം. എഡ്‌നാള്‍ഡോ റോഡ്രിഗസിന്റെ തിരഞ്ഞെടുപ്പില്‍ കൃത്രിമത്വം നടന്നിട്ടുണ്ടെങ്കിലും പിന്നാലെ സര്‍ക്കാര്‍ നടത്തിയ ഇടപെടലും ഫിഫയുടെ സസ്‌പെന്‍ഷന് കാരണമായേക്കാം. എങ്കില്‍ അഞ്ച് തവണ ലോകചാമ്പ്യന്മാരായ ബ്രസീലിന് കടുത്ത പ്രതിസന്ധി നേരിടേണ്ടി വരും.

തുടക്കം മുതല്‍ ബ്രസീല്‍ വരുതിയിലായ കളിയുടെ 15 ആം മിനിറ്റില്‍ എവര്‍ട്ടണാണ് ആദ്യം ലക്ഷ്യം കണ്ടത്. എന്നാല്‍ 44 ആം മിനിറ്റില്‍ തിയാഗോ സില്‍വയുടെ ഹാന്‍ഡ് ബോളിനെ തുടര്‍ന്ന് ലഭിച്ച പെനാല്‍റ്റിയിലൂടെ പൌലോ ഗൊറേറോയുടെ കാലുകള്‍ പെറു ഒപ്പമെത്തിച്ചു. എന്നാല്‍ ആദ്യ പകുതി അവസാനിക്കും മുന്‍പ് ഗബ്രിയേല്‍ ജീസസിലൂടെ ബ്രസീല്‍ വീണ്ടും ലീഡ് നേടി . എന്നാല്‍ 70 ആം മിനിറ്റില്‍ ഗബ്രിയേല്‍ ജീസസ് രണ്ടാം മഞ്ഞക്കാര്‍ഡ് കണ്ട് പുറത്ത്. ഇതോടെ അവസാന ഇരുപത് മിനിറ്റ് പത്തുപേരുമായി കളിച്ച ബ്രസീല്‍ 90 ആം മിനിറ്റില്‍ റിച്ചാലിസണില്‍ മൂന്നാം ഗോള്‍ നേടി കിരീടം ചൂടുകയായിരുന്നു.

പക്ഷേ ഇന്ന് ഫൈനലില്‍ പെറുവിനെ എതിരിടുമ്പോള്‍ ടീമിന്റെ വലിയ ആശ്വാസമെന്നത് ആദ്യ റൗണ്ടിലെ വമ്പന്‍ വിജയമാണ്. അഞ്ച് ഗോളിനായിരുന്നു അന്ന് ബ്രസീല്‍ പെറുവിനെ കീഴടക്കിയത്.
നെയ്മറില്ലെങ്കിലും ഉജ്ജ്വല ഫോമിലാണ് ഗബ്രിയേല്‍ ജീസസ്. റോബര്‍ട്ടോ ഫിര്‍മിനോയും സെമിയില്‍ മികവ് കാട്ടി. എവര്‍ട്ടണും കൂട്ടീന്യോയും കാസിമിറോയും അലിസണുമെല്ലാം മരക്കാനയില്‍ മിന്നുന്നവരാണ്. പെറുവിയന്‍ സംഘത്തില്‍ സൂപ്പര്‍ താരങ്ങളില്ല. പക്ഷേ രണ്ട് അട്ടിമറികള്‍ നടത്തിയാണ് അവരുടെ വരവ്. ക്വാര്‍ട്ടറില്‍ കൊളംബിയയെയും സെമിയില്‍ സാക്ഷാല്‍ ചിലിയെയും. അതിനാല്‍ ബ്രസീല്‍ ജാഗ്രതയില്‍ പിറകോട്ട് പോവില്ല.

ആദ്യ നാലു മത്സരങ്ങളില്‍ പകരക്കാരന്റെ റോളിലായിരുന്ന ഇംഗ്ലീഷ് ക്ലബ് മാഞ്ചസ്റ്റര്‍ സിറ്റിയുടെ താരമായ ഫെര്‍ണാണ്ടീഞ്ഞോ സസ്‌പെന്‍ഷന്‍ മൂലം പുറത്തിരുന്ന കസമിറോയ്ക്ക് പകരമായാണ് ബെല്‍ജിയത്തിനെതിരെ ആദ്യ ഇലവനില്‍ അവസരം ലഭിച്ചത്. മത്സരത്തിന്റെ പതിമൂന്നാം മിനുട്ടില്‍ ബെല്‍ജിയത്തിന് അനുകൂലമായി ലഭിച്ച കോര്‍ണര്‍ കിക്ക് ക്ലിയര്‍ ചെയ്യാനുള്ള ഫെര്‍ണാണ്ടീഞ്ഞോയുടെ ശ്രമം സ്വന്തം പോസ്റ്റിലേക്ക് പതിക്കുകയായിരുന്നു. ലീഡു നേടിയ ബെല്‍ജിയം ഇരുപത് മിനുട്ടിനിടെ കെവിന്‍ ഡി ബ്രൂണോയിലൂടെ ലീഡ് ഇരട്ടിയാക്കി. രണ്ടാം പകുതിയില്‍ റെനറ്റോ അഗസ്‌റ്റോയിലൂടെ ഒരു ഗോള്‍ മടക്കിയെങ്കിലും തോല്‍വി ഒഴിവാക്കാന്‍ ബ്രസീലിന് കഴിഞ്ഞില്ല.

കളി തോറ്റത്തോടെ ഫെര്‍ണാണ്ടീഞ്ഞോ ചെയ്തത് പൊറുക്കാനാകാത്ത അപരാധമാണ് എന്നാണ് ചില ആരാധകര്‍ പറയുന്നത്. ബ്രസീലെത്തിയാല്‍ താരത്തിനെ വധിക്കുമെന്നും ചിലര്‍ പറഞ്ഞു. ഫെര്‍ണാണ്ടിഞ്ഞോയുടെ ഭാര്യ റോസ ഗ്ലോസിയയുടെ ഇന്‍സ്റ്റഗ്രാം അക്കൗണ്ടിലും ചീത്തവിളികളുടെ പെരുമഴയാണ്. ആക്ഷേപസന്ദേശങ്ങള്‍ അതിരുവിട്ടതോടെ ഫെര്‍ണാണ്ടിഞ്ഞോയുടെ അമ്മ ഇന്‍സ്റ്റഗ്രാം അക്കൗണ്ട് താത്ക്കാലികമായി നീക്കം ചെയ്തു.

Brazil Football Federation statement on racial abuse aimed at Fernandinho:

“The CBF repudiates the racist attacks suffered by Fernandinho and his family. Football represents the union of colours, genres, cultures and people. We are with you. Racists will not pass!” pic.twitter.com/e2GXtvGSOw

— City Watch (@City_Watch) July 8, 2018

അതേസമയം ഫെര്‍ണാണ്ടീഞ്ഞോക്ക് പൂര്‍ണ പിന്തുണയുമായി ബ്രസീലിയന്‍ ഫുട്‌ബോള്‍ ഫെഡറേഷന്‍ രംഗത്തെത്തി. കളിക്കുന്നതും ജയിക്കുന്നതും തോല്‍ക്കുന്നതും ഒന്നിച്ചാണെന്നും ഒരു താരത്തിനുനേരെയുള്ള കുറ്റപ്പെടുത്തലും വംശീയഅധിക്ഷേപങ്ങളും ഒരിക്കലും അംഗീകരിക്കാനാകില്ലയെന്നും താരത്തിന് പൂര്‍ണ പിന്തുണ അറിയിക്കുന്നതായും ഫെഡറേഷന്‍ വ്യക്തമാക്കി. നേരത്തെ ഇംഗ്ലണ്ടിനെതിരെ പെനാല്‍ട്ടി മിസ്സാക്കിയ കൊളംബിയന്‍ താരങ്ങള്‍ക്കെതിരേയും ആരാധകരില്‍ നിന്ന് വധഭീഷണികള്‍ ഉണ്ടായിരുന്നു.

റഷ്യന്‍ ലോകകപ്പിന്റെ പ്രീ-ക്വാര്‍ട്ടര്‍ പോരാട്ടത്തില്‍ മെക്‌സികോയെ എതിരില്ലാത്ത രണ്ടു ഗോളുകള്‍ക്ക് തോല്‍പ്പിച്ചതിന് പിന്നാലെ തങ്ങളുടെ ടീമിന്റെ വിജയാഘോഷം പങ്കുവെക്കാന്‍ കുമളി രണ്ടാം മൈലില്‍ ബ്രസീല്‍ ആരാധകര്‍ റോഡിലിറങ്ങി ഗതാഗതം തടസ്സപ്പെടുത്തി. ഈ സമയത്താണ് ഹൃദയാഘാതത്തെ തുടര്‍ന്ന് ഗുരുതരാവസ്ഥയിലായ നളിനിയെ ഇതുവഴി വാഹനത്തില്‍ ആശുപത്രിയിലേക്ക് കൊണ്ടുപോകുന്നത്. റേഡില്‍ നിന്ന് ആവേശം മുഴക്കിയവരോട് ആശുപത്രിയിലേക്കാണെന്നും കടത്തി വിടണമെന്നും ആവശ്യപ്പെട്ടിട്ടും വണ്ടി കടത്തി വിടാന്‍ ആരാധകര്‍ തയ്യാറായില്ല. ഒടുവില്‍ പത്ത് മിനിറ്റിന് ശേഷം വാഹനം കടത്തി വിട്ടു.

തുടര്‍ന്ന് ആശുപത്രിയിലെത്തിച്ചപ്പോഴേക്കും നളിനി മരിച്ചിരുന്നു. അഞ്ച് മിനിറ്റ് മുന്‍പെങ്കിലും കൊണ്ടുവന്നിരുന്നെങ്കില്‍ ജീവന്‍ രക്ഷിക്കാമെന്നായിരുന്നു ഡോക്ടര്‍മാര്‍ ബന്ധുകളോട് പറഞ്ഞത്. ബ്രസീല്‍ ആരാധകരുടെ ആഘോഷത്തില്‍ കുടുങ്ങിയതിനാല്‍ ചികിത്സ വൈകിയാണ് വീട്ടമ്മ മരിച്ചതെന്നാണ് ബന്ധുകളുടെ പരാതി.

Treino da #SeleçãoBrasileira rolando e o @neymarjr participando normalmente da atividade! #GigantesPorNatureza #Worldcup2018Russia pic.twitter.com/AINEA4V0Dy

— CBF Futebol (@CBF_Futebol) June 20, 2018

ബുധാനാഴ്ച പരിശീലനം നടത്തിയ ബ്രസീല്‍ ടീമില്‍ നെയ്മറുമുണ്ടായിരുന്നു എന്നാണ് ഫെഡറേഷന്‍ പറയുന്നത്. ഫെഡറേഷന്‍ നെയ്മര്‍ പരിശീലനം നടത്തുന്ന ഫോട്ടോകളും വീഡിയോയും ട്വിറ്ററിലൂടെ പുറത്ത് വിട്ടു. നെയ്മര്‍ ബ്രസീലിനൊപ്പം ദിവസം മുഴുവന്‍ പരിശീലനം നടത്തിയെന്നും യാതൊരു വിധത്തിലുള്ള പരിക്കുകളും അദ്ദേഹത്തെ ഇപ്പോള്‍ അലട്ടുന്നില്ലെന്നും ബ്രസീല്‍ ഫുട്‌ബോള്‍ കോണ്‍ഫെഡറേഷന്‍ വ്യക്തമാക്കി. ഇതോടെ നെയ്മര്‍ അടുത്ത മത്സരം കളിക്കില്ലയെന്ന അഭ്യൂഹങ്ങള്‍ക്ക് വിരാമായി. നേരത്തെ ഫ്രെഞ്ച് ലീഗ് മത്സരത്തിനിടെ വലത് കാല്‍പ്പാദത്തിന്പരിക്കേറ്റ നെയ്മര്‍ അതേ പാദമുപയോഗിച്ച് പന്ത് തട്ടുന്ന ഫോട്ടോകളും കൂട്ടത്തിലുണ്ട്.

Fala aí, @neymarjr!

Ele treinou, correu, bateu falta, finalizou… Tudo isso para chegar bem no jogo de sexta-feira, contra a Costa Rica! #GigantesPorNatureza #WorldCup pic.twitter.com/QnucmqJG7j

— CBF Futebol (@CBF_Futebol) June 20, 2018

Duelo @neymarjr e @alissonbecker no treino desta quarta-feira. O atacante tá com a pontaria em dia, mas o goleirão foi buscar uma! #GigantesPorNatureza #Copa2018 pic.twitter.com/LDFEjUns4G

— CBF Futebol (@CBF_Futebol) June 20, 2018

Trabalho, esforço e dedicação… Foco total na vitória! #GigantesPorNatureza #Copa2018 #issomudaojogo pic.twitter.com/pm07XFIdFV

— CBF Futebol (@CBF_Futebol) June 20, 2018

ആദ്യമത്സരത്തില്‍ ടീം സമനില വഴങ്ങിയത് ബ്രസീല്‍ ആരാധകരെ നിരാശയിലാഴ്ത്തിയിരുന്നു. പിന്നീട് നെയ്മറിന്റെ പരിക്കിന്റെ വാര്‍ത്തകൂടി പുറത്തുവന്നതോടെ വളരെയധികം സമ്മര്‍ദ്ദത്തിലായിരുന്ന ആരാധകര്‍ക്ക് ഊര്‍ജം പകരുന്നതാണ് പുതിയ വാര്‍ത്തകള്‍. നാളെ ഇന്ത്യന്‍ സമയം വൈകീട്ട 5.30നാണ് കോസ്റ്റാറിക്കയ്‌ക്കെതിരെയുള്ള ബ്രസീലിന്റെ ഗ്രൂപ്പിലെ രണ്ടാം മത്സരം.

8⃣3⃣ DAYS TO GO!

If points were available for every #WorldCup game, Brazil would have won 83% of those available to them

(cc @CBF_Futebol, @neymarjr & @DaniAlvesD2 ) pic.twitter.com/gGBkvRM0y7

— FIFA World Cup (@FIFAWorldCup) March 23, 2018

ഇത്തവണ ലോകകപ്പിന് വ്യക്തമായ സാധ്യത കല്‍പ്പിക്കപ്പെടുന്ന സംഘങ്ങളില്‍ പ്രധാനികളാണ് ബ്രസീല്‍. നായക സ്ഥാനത്ത് എത്തുമെന്ന് കരുതപ്പെടുന്ന സൂപ്പര്‍ താരം നെയ്മര്‍ കാല്‍പാദത്തിലെ സര്‍ജറിക്ക് ശേഷം നാട്ടില്‍ വിശ്രമിക്കുകയാണെങ്കിലും ടിറ്റേയുടെ സംഘത്തിലെ മറ്റെല്ലാവരും മോസ്‌ക്കോയിലെത്തിയിട്ടുണ്ട്. കഴിഞ്ഞ ദിവസം ടീം ഹോട്ടലില്‍ ഒരുമിച്ച് കൂടിയ താരങ്ങള്‍ ലോകകപ്പ് മുന്‍നിര്‍ത്തി കൂടുതല്‍ ശക്തരായി നീങ്ങാനുള്ള തീരുമാനത്തിലാണ്. വിവിധ യൂറോപ്യന്‍ ലീഗുകളില്‍ കളിക്കുന്നവരാണ് ബ്രസീല്‍ സംഘത്തിലെ പ്രമുഖരെല്ലാം. മുന്‍നിരയില്‍ ചെല്‍സിയുടെ വിലിയന്‍, ബാര്‍സയുടെ കുട്ടീന്യോ, മാഞ്ചസ്റ്റര്‍ സിറ്റിയുടെ ഗബ്രിയേല്‍ ജീസസ് എന്നിവരെല്ലാമുണ്ട്. പിന്‍നിരയില്‍ അനുഭവകരുത്തുമായി റയലിന്റെ ഡാനി കാര്‍വജാലും മാര്‍സിലോയും പി.എസ്.ജിയുടെ തിയാഗോ സില്‍വ, ഡാനി ആല്‍വസ്, യുവന്തസിന്റെ സാന്ദ്രോ എന്നിവരുള്ളപ്പോള്‍ ഗോള്‍വലയം കാക്കുന്നത് സിരിയ എ ടീമായ റോമുടെ കാവല്‍ക്കാരന്‍ ആലിസണായിരിക്കും. മധ്യനിരയില്‍ റെനാറ്റോ, ആന്‍ഡേഴ്‌സണ്‍ ടാസിക്, ഡഗ്ലസ് കോസ്റ്റ തുടങ്ങിയവരെല്ലാമുണ്ട്.റഷ്യന്‍ നിരയില്‍ സൂപ്പര്‍ താരങ്ങള്‍ കുറവാണ്. സി.എസ്.കെ.ഇ മോസ്‌ക്കോയുടെ താരങ്ങള്‍ക്കാണ് ദേശീയ സംഘത്തില്‍ ഭൂരിപക്ഷം..

ബ്രസീലിലെ ബെലൊ ഹൊറിസോണ്ടെ ആശുപത്രിയില്‍ ശനിയാഴ്ചയാണ് ശസ്ത്രക്രിയ എന്ന് പിഎസ്ജിയുടെ സര്‍ജന്‍ റോഡ്രിഗോ ലാസ്മര്‍ പറഞ്ഞു. നെയ്മറിന്റെ പരുക്ക് പിഎസ്ജിയ്ക്കും ബ്രസീലിന്റെ ലോകകപ്പ് മുന്നൊരുക്കങ്ങള്‍ക്കും കനത്ത തിരിച്ചടിയായിട്ടുണ്ട്.

Viagem e chegada à @RIO de Janeiro com @neymarjr ,ele voltou para Brasil,eu estou aquí para o 15 años do projeto da @Michelin bahía pic.twitter.com/O3pIbEVL5Q

— ClaireDorlandClauzel (@Claire_Dorland) March 1, 2018

അതേസമയം നെയ്മര്‍ പ്രശ്‌നം യൂറോപ്പിലും ബ്രസീലിലും ചുടുപിടിക്കുകയാണ്. ഫ്രഞ്ച് ക്ലബായ പി.എസ്.ജിക്കായി ഫ്രഞ്ച് കപ്പില്‍ മാര്‍സലിക്കെതിരെ കളിക്കവെ പരുക്കേറ്റ് പുറത്തായ സൂപ്പര്‍ താരത്തിന്റെ കാര്യത്തില്‍ എന്ത് ചെയ്യണമെന്ന വാദമാണ് പുതിയ വിവാദമായിരിക്കുന്നത്. കാലില്‍ പൊട്ടുണ്ടെന്നും ഉടന്‍ തന്നെ ശസ്ത്രക്രിയ വേണമെന്നുമാണ് വിദഗ്ദ്ധ ഡോക്ടര്‍മാര്‍ പറയുന്നതെങ്കില്‍ പി.എസ്.ജിക്ക് സര്‍ജറിയോട് താല്‍പ്പര്യമില്ലായിരുന്നു. കഴിഞ്ഞ ദിവസം അവരുടെ പരിശീലകന്‍ പറഞ്ഞത് പരുക്ക് ഗുരുതരമല്ലെന്നും റയല്‍ മാഡ്രിഡിനെതിരെ അടുത്തയാഴ്ച്ച നടക്കുന്ന യുവേഫ ചാമ്പ്യന്‍സ് ലീഗ് പ്രി ക്വാര്‍ട്ടര്‍ രണ്ടാം പാദ പോരാട്ടത്തില്‍ ബ്രസീലുകാരന് കളിക്കാന്‍ കഴിയുമെന്നുമാണ്. പക്ഷേ ഇതാരും വിശ്വസിക്കുന്നില്ല. കാലിന്റെ എല്ലില്‍ പൊട്ടലുണ്ടായ സാഹചര്യത്തില്‍ ചുരുങ്ങിയത് രണ്ട് മാസമെങ്കിലും നെയ്മര്‍ പുറത്തിരിക്കേണ്ടി വരും.

ബ്രസീല്‍ ദേശീയ ടീമിന്റെ നായകന്‍ കൂടിയാണ് നെയ്മര്‍. ലോകകപ്പ് മൂന്ന് മാസം അരികില്‍ നില്‍ക്കവെ സ്വന്തം ക്യാപ്റ്റന്റെ ആരോഗ്യ കാര്യത്തില്‍ ബ്രസീല്‍ ദേശീയ ടീമിനും ഉത്കണ്ഠയുണ്ട്. ഉടനടി സര്‍ജറി വേണമെന്നാണ് ബ്രസീല്‍ ദേശീയ ടീം ഡോക്ടര്‍ നിര്‍ദ്ദേശിക്കുന്നത്. ഇതിനോട് നെയ്മറിനും താല്‍പ്പര്യമുണ്ട്. എന്നാല്‍ പി.എസ്.ജിയുമായുളള കരാര്‍ പ്രകാരം താരത്തിന്റെ ആരോഗ്യകാര്യത്തില്‍ അന്തിമ തീരുമാനമെടുക്കേണ്ടത് ക്ലബാണ്. അവര്‍ക്ക് പെട്ടെന്ന് സര്‍ജറിയോട് താല്‍പ്പര്യമില്ല. ലോക റെക്കോര്‍ഡ് പ്രതിഫലത്തിനാണ് ബാര്‍സിലോണയില്‍ നിന്നും പി.എസ്.ജി നെയ്മറെ സ്വന്തമാക്കിയത്. ടീം കരാര്‍ പാലിക്കാതെ സ്വന്തം താല്‍പ്പര്യത്തില്‍ നെയ്മര്‍ സര്‍ജറിക്ക് പോയാല്‍ അത് കരാര്‍ ലംഘനമാവും. പി.എസ്.ജി പരാതിപ്പെട്ടാല്‍ നെയ്മര്‍ വലിയ തുക നഷ്ടപരിഹാരം നല്‍കേണ്ടി വരും.

അണ്ടര്‍-17 ഫുട്ബോള്‍ കളിക്കാനായി വിനീഷ്യസ് ഇന്ത്യയിലെത്തില്ലെന്ന് ടീം മീഡിയ ഓഫീസര്‍ ഗ്രിഗോറിയോ ഫര്‍ണാണ്ടസ് അറിയിച്ചു.

താരത്തെ വിട്ടുനല്‍കാന്‍ ക്ലബ്ബ് തടസ്സം നിന്നതാണ് വിനീഷ്യസിന്റെ അണ്ടര്‍-17 ലോകകപ്പ് സ്വപ്നങ്ങള്‍ ഇല്ലാതാക്കിയത്. വിനീഷ്യസിനെ ലോകകപ്പിന് വിട്ടുകൊടുക്കേണ്ടതില്ലെന്ന് റയല്‍ മാഡ്രിഡും ഫ്‌ലെമിംഗോയും തമ്മില്‍ ധാരണയിലെത്തിയതോടെയാണ് ഈ അദ്ഭുത ബാലന്റെ പ്രകടനം നേരിട്ടു കാണാനുള്ള അവസരം ഇന്ത്യയിലെ ആരാധകര്‍ക്ക് നഷ്ടമാകുന്നത്. ഫുട്‌ബോളിലെ അദ്ഭുത ബാലനായി അറിയപ്പെടുന്ന വിനീഷ്യസിനെ ബ്രസീലിയന്‍ ക്ലബായ ഫ്‌ലെമിംഗോയില്‍നിന്നു പൊന്നുംവിലക്ക്, നേരത്തെ സ്പാനിഷ് വമ്പന്‍മാരായ റയല്‍ മഡ്രിഡ് സ്വന്തമാക്കിയിരുന്നു.

ബ്രസീല്‍ ഫുട്ബോള്‍ കോണ്‍ഫഡറേഷന്‍ (സിബിഎഫ്) ്പ്രഖ്യാപിച്ച 21 അംഗ ടീമില്‍ വെനീഷ്യസ് ജൂനിയര്‍ ഉണ്ട്. ബ്രസീല്‍ ടീം ഈ മാസം 25ന് ഇന്ത്യയിലെത്തുമെന്നായിരുന്നു വിവരം. ബ്രസീലിയന്‍ ലീഗില്‍ ഫ്ളെമന്‍ഗോയുടെ താരമായ വെനീഷ്യസ് ജൂനിയര്‍ ദക്ഷിണ അമേരിക്കന്‍ ചാംപ്യന്‍ഷിപ്പില്‍ ഏഴ് ഗോളുകള്‍ അടിച്ച് മികച്ച പ്രകടനം പുറത്തെടുത്തിരുന്നു. ദക്ഷിണ അമേരിക്കന്‍ ചാംപ്യന്‍ഷിപ്പിലെ മികച്ച താരമായും വെനീഷ്യസിനെ തെരഞ്ഞെടുത്തിരുന്നു.

അതെസമയം ചെറിയ ഇടവേളക്കു ശേഷം അലസാന്‍ഡ്രോ ഗോമസും, ഇമ്മാനുവല്‍ മമ്മാനയും ടീമിലേക്ക് തിരിച്ചെത്തി. മെക്‌സിക്കന്‍ ലീഗിലെ ക്ലബ് അമേരിക്കയുടെ ഗോള്‍ കീപ്പര്‍ മര്‍ച്ചേസിനെ നീണ്ട ഇടവേളയ്ക്കു ശേഷം സാംപോളി ടീമില്‍ ഉള്‍പ്പെടുത്തി. ഫിയോറന്റിനയുടെ ഡിഫെന്‍ഡര്‍ ജര്‍മന്‍ പസ്സെല്ല മാത്രമാണ് ടീമിലെ പുതുമുഖം. 21 അംഗ ടീമിനെയാണ് സാംപോളി ഇപ്പോള്‍ പ്രഖ്യാപിച്ചിരിക്കുന്നത്. ഇസക്കിയേല്‍ ഗാരായുമായി സാംപോളി കൂടികാഴ്ച നടത്തിയതിന് ശേഷം ടീമില്‍ ഉള്‍പ്പെടുത്തിയേക്കാം. ആഭ്യന്തര ലീഗിലെ കളിക്കാരെ വരും ദിവസങ്ങളില്‍ ടീമില്‍ ഉള്‍പ്പെടുത്തും.

ലയണല്‍ മെസി, അഗ്വൂറോ, ഇക്കാര്‍ഡി, ഡിബാല എന്നിവരടങ്ങിയ മുന്നേറ്റ നിരയും ഡി മരിയ, ഗോമസ് തുടങ്ങിയവര്‍ ഉള്‍പ്പെടുന്ന മിഡ് ഫീല്‍ഡിലും ആണ് ഇത്തവണയും അര്‍ജന്റീനയുടെ പ്രതീക്ഷ. ഏറെ നിര്‍ണ്ണായകമാണ് അര്‍ജന്റീനയ്ക്ക് അടുത്ത രണ്ട് മത്സരങ്ങള്‍. ഈ മത്സരങ്ങളില്‍ ഒന്ന് തോറ്റാല്‍ തന്നെ അര്‍ജന്റീനയുടെ ലോകകപ്പ് മോഹങ്ങള്‍ക്ക് കരിനിഴല്‍ വീഴും. നിലവില്‍ തെക്കേ അമേരിക്കന്‍ മേഖല ലോകകപ്പ് യോഗ്യത റൗണ്ടിലെ 16 മത്സരങ്ങള്‍ പിന്നിടുമ്പോള്‍ 24 പോയന്റുമായി അഞ്ചാം സ്ഥാനത്താണ് അര്‍ജന്റീന.

ആദ്യ നാലു സ്ഥാനക്കാര്‍ക്കാണു നേരിട്ടു യോഗ്യത. അഞ്ചാം സ്ഥാനക്കാര്‍ക്ക് ലോകകപ്പ് യോഗ്യത നേടാന്‍ ഓഷ്യാനിയ മേഖല ജേതാക്കളുമായി ഇരുപാദ പ്ലേ ഓഫ് കളിക്കണം. ഓഷ്യാനിയ ജേതാക്കളായി വരിക ദുര്‍ബലരായ ന്യൂസീലന്‍ഡ് ആവുമെന്നതിനാല്‍, പ്ലേ ഓഫ് ജയിച്ചിട്ടാണെങ്കിലും മോസ്‌കോയിലേക്ക് ടിക്കറ്റെടുക്കാനാകുമെന്നാണ് അര്‍ജന്റീനയുടെ പ്രതീക്ഷ. ഒക്ടോബര്‍ അഞ്ചിന് ബ്യൂണസ് അയേഴ്‌സില്‍ പെറുവുമായും 10ന് ക്വിറ്റോയില്‍ ഇക്വഡോറുമായാണ് അര്‍ജന്റീനയുടെ ശേഷിക്കുന്ന മത്സരങ്ങള്‍.