ബ്രിജ്ഭൂഷണും സസപെന്‍ഡ് ചെയ്യപ്പെട്ട ഫെഡറേഷന്‍ സെക്രട്ടറി വിനോദ് തോമറിനുമെതിരെ കുറ്റം ചുമത്തണമോ എന്നതില്‍ ഇന്നലെയാണ് വാദം ആരംഭിച്ചത്. ബ്രിജ്ഭൂഷണ്‍ ഭീഷണിപ്പെടുത്തിയെന്ന ആരോപണം ബാലിശമാണെന്നും അഞ്ചു വര്‍ഷം സ്വതന്ത്രമായി നടന്നിട്ട് ഒരു ദിവസം ഭീഷണിയുണ്ടെന്ന് പറയുന്നത് മതിയായ കാരണമല്ലെന്നും അഭിഭാഷകന്‍ പറഞ്ഞു. ഇന്ത്യക്ക് പുറത്ത് നടന്നുവെന്ന് പറയുന്ന കുറ്റങ്ങള്‍ക്ക് ഇവിടെ കേസെടുക്കാനാവില്ലെന്നും അഭിഭാഷകന്‍ വാദിച്ചു.

ഇരുവര്‍ക്കും നേരത്തെ കോടതി ഇടക്കാല ജാമ്യം നല്‍കിയിരുന്നു. കടുത്ത നിബന്ധനകളോടെയാണ് ജാമ്യം അനുവദിച്ചിരിക്കുന്നത്.കേന്ദ്ര ആഭ്യന്തരമന്ത്രാലയത്തിന് കീഴിലുള്ള ഡല്‍ഹി പൊലീസ് ഇദ്ദേഹത്തിന്റെ ജാമ്യ അപേക്ഷയെ എതിര്‍ത്തില്ല.

വനിതാ ഗുസ്തി താരങ്ങളുടെ ശരീരത്തില്‍ മോശമായ രീതിയില്‍ സ്പര്‍ശിച്ചു, തികച്ചും സ്വകാര്യമായ ചോദ്യങ്ങള്‍ ചോദിച്ചു ലൈംഗികാവിശ്യങ്ങള്‍ ഉന്നയിച്ചു എന്നിവയാണ് ബ്രിഡ്ജിഭൂഷനെതിരെ എതിരെ ആരോപിച്ച ആരോപണങ്ങള്‍. ജൂണ്‍ 15ന് ഇദ്ദേഹത്തിനെതിരെ ഡല്‍ഹി പട്ട്യാല കോടതിയില്‍ ഡല്‍ഹി പൊലീസ് കുറ്റപത്രം സമര്‍പ്പിച്ചിരുന്നു.

കേസില്‍ തുടര്‍നടപടികള്‍ ഇന്ന് കോടതി തീരുമാനിക്കും. ജൂണ്‍ 26ന് കേസ് പരിഗണിച്ചിരുന്നെങ്കിലും ആയിരം പേജുള്ള കുറ്റപത്രം നോക്കി തീര്‍ക്കാന്‍ രണ്ട് ദിവസം വേണ്ടി വരുമെന്ന് കോടതി നിരീക്ഷിച്ചു. തുടര്‍ന്നാണ് കേസ് ഇന്നത്തേക്ക് മാറ്റിയത്.