ഇതുമായി ബന്ധപ്പെട്ട വിഷയത്തില്‍ ദീര്‍ഘനേരം ചര്‍ച്ച നടന്നെങ്കിലും ബി.സി.സി.ഐ ഇതുവരെ അന്തിമ നിലപാട് വ്യക്തമാക്കിയിട്ടില്ല. സ്റ്റാര്‍ ഇന്ത്യയുമായി ഏര്‍പ്പെട്ട നിലവിലെ കരാര്‍ ഈ മാര്‍ച്ചില്‍ അവസാനിക്കാനിരിക്കെയാണ് പുതിയ റിപ്പോര്‍ട്ടുകള്‍ പുറത്തുവരുന്നത്.

അടുത്ത അഞ്ച് വര്‍ഷത്തേക്കുള്ള സംപ്രേഷണാവകാശത്തിനുള്ള ടെന്‍ഡര്‍ ബി.സി.സി.ഐ ഉടനെ ക്ഷണിക്കുമെന്നും റപ്പോര്‍ട്ടുണ്ട്. അതേസമയം ഐ.പി.എല്‍ മത്സരങ്ങളുടെ അടുത്ത അഞ്ചു വര്‍ഷത്തേക്കുള്ള സംപ്രേഷണവകാശം കൂടി സ്റ്റാര്‍ സ്‌പോര്‍ട്‌സ് സ്വന്തമാക്കിയിട്ടുണ്ടെന്നാണ് വിവരം. 2023-2027 കാലയളവിലേക്കുള്ള സംപ്രേഷണവകാശം 48390 കോടി രൂപക്കാണ് സ്റ്റാര്‍ ഇന്ത്യ സ്വന്തമാക്കിയത്.