മുഖ്യമന്ത്രി പിണറായി വിജയനേയും എക്‌സൈസ് മന്ത്രി ടി.പി രാമകൃഷ്ണനേയും ഒന്നും രണ്ടും പ്രതികളാക്കിയാണ് ഹര്‍ജി നല്‍കിയത്. വിജിലന്‍സ് കോടതിക്ക് നേരിട്ട് കേസെടുക്കുന്നതില്‍ പ്രോസിക്യൂഷന്‍ അനുമതി ആവശ്യമില്ലെന്ന് ഹര്‍ജിയില്‍ ചൂണ്ടിക്കാട്ടി.

അഴിമതി നിരോധന നിയമത്തിലെ ഭേദഗതി പ്രകാരം ജനപ്രതിനിധികള്‍ക്കും ഉദ്യോഗസ്ഥര്‍ക്കും എതിരെ വിജിലന്‍സ് കേസ് എടുക്കുന്നതിന് മുമ്പ് പ്രോസിക്യൂഷന്‍ അനുമതി സര്‍ക്കാറില്‍ നിന്ന് ലഭിക്കണം. ഇതിനായി പ്രതിപക്ഷനേതാവ് ഗവര്‍ണറെ സമീപിച്ചെങ്കിലും ഗവര്‍ണര്‍ ആവശ്യം തള്ളുകയായിരുന്നു.

ബ്രൂവറി, ഡിസ്റ്റിലറി അനുമതിക്ക് പിന്നില്‍ സാമ്പത്തിക താല്‍പ്പര്യം മാത്രമാണുള്ളതെന്നും അദ്ദേഹം അരോപിച്ചു. ലൈസന്‍സ് അനുവദിച്ചതില്‍ മുഖ്യമന്ത്രിക്കും എക്‌സൈസ് മന്ത്രിക്കും സ്വാര്‍ത്ഥ താത്പര്യമാണുള്ളത്. അനുമതി നല്‍കിയതെല്ലാം സ്വന്തക്കാര്‍ക്കാണ്. സിപിഎമ്മിന്റെ ധനസമാഹരണത്തിനുള്ള കേന്ദ്രമായി എക്‌സൈസ് വകുപ്പ് മാറിയെന്നും ചെന്നിത്തല പറഞ്ഞു.

തിരുവനന്തപുരം : ബ്രൂവറി, ഡിസ്റ്റിലറി അനുമതി സംസ്ഥാന സര്‍ക്കാര്‍ റദ്ദാക്കി. പുതിയ അനുമതി കൂടുതല്‍ പരിശോധനകള്‍ക്കുശേഷം മാത്രമേ നല്‍കാനാകുവെന്നു മുഖ്യമന്ത്രി പിണറായി വിജയന്‍ പറഞ്ഞു. ഇപ്പോള്‍ അനുവദിച്ചതില്‍ യാതൊരു വീഴ്ചയുമില്ല. വിവാദം ഒഴിവാക്കുന്നതിനാണു തീരുമാനമെടുത്തത്. നാടിന്റെ പൊതുവായ കാര്യങ്ങള്‍ക്ക് ഒരുമിച്ചു നില്‍ക്കുന്നതിനു ചില വിട്ടുവീഴ്ചകള്‍ ആവശ്യമെന്നും മുഖ്യമന്ത്രി വ്യക്തമാക്കി.