മൃതദേഹങ്ങള്‍ ബന്ധപ്പെട്ട തദ്ദേശസ്ഥാപന സെക്രട്ടറിമാര്‍ക്ക് കൈമാറി നടപടികള്‍ പൂര്‍ത്തിയാക്കും. മൃതശരീരങ്ങളുടെ സൂക്ഷിപ്പ്, കൈമാറ്റം, സംസ്‌ക്കാരം എന്നിവക്ക് രജിസ്‌ട്രേഷന്‍ വകുപ്പ് ഐ.ജി ശ്രീധന്യ സുരേഷിനെ നോഡല്‍ ഓഫീസറായി ചുമതലപ്പെടുത്തിയിട്ടുണ്ട്.

ആറുപതിറ്റാണ്ടോളം അബുദാബിയില്‍ പ്രവാസ ജീവിതം നയിച്ച ദാവൂദ്ഹാജി മത-സാമുഹിക- സാംസ്‌കാരിക-വിദ്യാഭ്യാസ മേഖലകളില്‍ നിറഞ്ഞുനിന്ന വ്യക്തിത്വമായിരുന്നു. അരനൂറ്റാണ്ടിലേറെ അദ്ദേഹം അബുദാബി രാജകുടുംബത്തിലെ വിശ്വസ്ഥനായ ഉദ്യോഗസ്ഥനായി സേവനം ചെയ്ത ദാവൂദ്ഹാജി സാധാരണക്കാരന്റെ പ്രയാസങ്ങളില്‍ എന്നും കൂടെനില്‍ക്കുകയും പരമാവധി സഹായങ്ങള്‍ ചെയ്തുകൊടുക്കുകയും ചെയ്തു.

അബുദാബി ഇന്ത്യന്‍ ഇസ്ലാമിക് സെന്റര്‍ വൈസ് പ്രസിഡണ്ട്, കെഎംസിസി നാഷണല്‍ കമ്മിറ്റി ഉപദേശക സമിതിയംഗം, തൃശൂര്‍ മാലിക്ക് ദീനാര്‍ ഇസ്ലാമിക് കോംപ്ലക്‌സ് പ്രസിഡണ്ട് തുടങ്ങി വിവിധ സംഘടനകളില്‍ നേതൃത്വപരമായ പങ്ക് വഹിച്ചിട്ടുണ്ട്.

അബുദാബിയില്‍ നടന്ന ജനാസ നമസ്‌കാരത്തില്‍ നിരവധിപേര്‍ പങ്കെടുത്തു. തുടര്‍ന്നുനടന്ന പ്രാര്‍ത്ഥനക്ക് കെഎംസിസി നേതാവും പണ്ഡിതനുമായ യു അബ്ദുല്ല ഫാറൂഖി നേതൃത്വം നല്‍കി. മത-സാമൂഹിക-സാംസ്‌കാരിക മേഖലകളിലെ നിരവധി പ്രമുഖര്‍ സന്നിഹിതരായിരുന്നു.

ഡ്രൈവര്‍മാരുടെ അശ്രദ്ധ കാരണമെന്ന് അപകടമുണ്ടായതെന്നാണ് മോട്ടോര്‍ വെഹിക്കിള്‍ ഉദ്യോഗസ്ഥരുടെ പ്രാഥമിക പരിശോധനയിലെ കണ്ടെത്തല്‍. റോഡിന്റെ അപാകതയും അപകടത്തിന് കാരണമായിട്ടുണ്ട്. അപകട മേഖലയായ പ്രദേശത്ത് മുന്നറിയിപ്പ് ബോര്‍ഡുകള്‍ ഉണ്ടായിരുന്നില്ലെന്നും മോട്ടോര്‍ വെഹിക്കിള്‍ ഉദ്യോഗസ്ഥരുടെ പ്രാഥമിക റിപ്പോര്‍ട്ടില്‍ പറയുന്നുണ്ട്.