by poll – Chandrika Daily

പാലായില്‍ ഉപതെരഞ്ഞെടുപ്പ് സെപ്തംബര്‍ 23ന്

web desk 1 — Sun, 25 Aug 2019 07:24:20 +0000

തിരുവനന്തപുരം: കെ.എം മാണി അന്തരിച്ചതിനെ തുടര്‍ന്ന് ഒഴിവു വന്ന പാലാ നിയോജക മണ്ഡലത്തിലേക്കുള്ള ഉപതെരഞ്ഞെടുപ്പ് സെപ്തംബര്‍ 23ന് നടക്കും. സെപ്തംബര്‍ 27നാണ് വോട്ടെടുപ്പ്.

പാലാ നിയോജക മണ്ഡലത്തില്‍ എം.എല്‍.എ ഇല്ലാതായിട്ട് ആറ് മാസം തികയുന്ന പശ്ചാതലത്തിലാണ് സെപ്തംബറില്‍ ഉപതെരഞ്ഞെടുപ്പ് നടക്കുന്നത്. ഈ മാസം 28ന് ഉപതെരഞ്ഞെടുപ്പ് ഗസറ്റില്‍ വിജ്ഞാപനം ചെയ്യും. കേരളത്തിലുള്‍പ്പെടെ നാല് മണ്ഡലങ്ങളിലെ ഉപതെരഞ്ഞെടുപ്പുകളാണ് തെരഞ്ഞെടുപ്പ് കമ്മീഷന്‍ പ്രഖ്യാപിച്ചത്.

അക്രമം അഴിച്ചുവിടാന്‍ മഹാരാഷ്ട്ര മുഖ്യമന്ത്രി ആഹ്വാനം ചെയ്യുന്ന ശബ്ദരേഖ പുറത്ത്

chandrika — Sat, 26 May 2018 09:58:30 +0000

മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് ബി.ജെ.പി പ്രവര്‍ത്തകരോട് അക്രമം നടത്തിയാണെങ്കിലും പല്‍ഗാര്‍ ഉപതെരഞ്ഞെടുപ്പില്‍ വിജയിക്കണമെന്ന് ആഹ്വാനം ചെയ്യുന്ന ശബ്ദരേഖ പുറത്ത്. ശിവസേന അദ്ധ്യക്ഷന്‍ ഉദ്ധവ് താക്കറെയാണ് ഓഡിയോ പുറത്ത് വിട്ടത്.
മെയ് 28നാണ് പല്‍ഗാറില്‍ തെരഞ്ഞെടുപ്പ് നടക്കാനിരിക്കുന്നത്. കഴിഞ്ഞ ദിവസം ഇവിടെ നടന്ന ഒരു റാലിയെ അഭിസംബോധനം ചെയ്യുകയായിരുന്നു ഉദ്ധവ് താക്കറെ.

എന്നാല്‍ ശിവസേന ആ ശബ്ദ രേഖയില്‍ കൃത്രമിത്വം കാണിച്ചെന്നും അതിന്റെ പൂര്‍ണ്ണരൂപം ഉടന്‍ പുറത്തു വിടുമെന്നും ബി.ജെ.പി പറഞ്ഞു. ഇന്റര്‍നെറ്റില്‍ നടക്കുന്ന വ്യാജ പ്രചാരങ്ങളെ പ്രതിരോധിക്കാന്‍ പ്രത്യേക ക്യാമ്പയിനും നടത്തുമെന്നും അവര്‍ അവകാശപ്പെട്ടു.
‘പല്‍ഗാറില്‍ നമ്മളെ ആരെങ്കിലും വെല്ലുവിളിക്കുകയോ വിശ്വാസ വഞ്ചനയോ, സംഖ്യത്തില്‍ നിന്ന് പിന്മാറുകയോ ചെയ്താല്‍ അവരെ പാഠം പഠിപ്പിക്കണം. നമ്മള്‍ മിണ്ടാതിരിക്കരുത്. ഒരു വലിയ അക്രമം അവര്‍ക്കു നേരെ അഴിച്ചു വിട്ട് ബി.ജെ.പി എന്താണെന്ന് മനസ്സിലാക്കി കൊടുക്കണം’. ശബ്ദരേഖയില്‍ ഇങ്ങനെയാണ് ഫഡ്‌നാവിസിന്റെ വാക്കുകള്‍.

‘തെരഞ്ഞെടുപ്പില്‍ വിജയിക്കണമെങ്കില്‍ നമുക്ക് അതേ നാണയത്തില്‍ മറുപടി നല്‍കാന്‍ കഴിയണം. ആരുടെയും ഭീഷണിക്ക് നിന്നു കൊടുക്കേണ്ടതില്ല, മറിച്ച് അങ്ങോട്ടു കേറി അക്രമിക്കാനാകണം. ഞാന്‍ നിങ്ങള്‍ക്കു പിന്നിലുണ്ട്’ ഫഡ്‌നാവിസിന്റെ വാക്കുകളാണ് ഇത്.

ശത്രുക്കള്‍ക്കെതിരെ ഇത്തരം വാക്കുകള്‍ ഉപയോഗിക്കല്‍ ഒരു മുഖ്യമന്ത്രിക്കും യോജിച്ചതല്ലെന്ന് ശിവസേന എം പി സഞ്ചയ് റാവൂത്ത് പറഞ്ഞു.

യു.പി ഉപതെരഞ്ഞെടുപ്പ്; യോഗിയുടെ ഗൊരക്പുരില്‍ 43% പോളിങ്; ഫുല്‍പുരില്‍ 37 ശതമാനം മാത്രം

chandrika — Sun, 11 Mar 2018 17:56:36 +0000

ലക്‌നോ: ഉപതെരഞ്ഞെടുപ്പ് നടന്ന ഉത്തര്‍പ്രദേശിലെ ഗൊരക്പുര്‍, ഫുല്‍പുര്‍ ലോക്‌സഭാ മണ്ഡലങ്ങളില്‍ കുറഞ്ഞ പോളിങ്. ഗൊരക്പുരില്‍ 43 ശതമാനവും ഫുല്‍പുരില്‍ 37.39 ശതമാനവുമാണ് പോളിങ് രേഖപ്പെടുത്തിയത്. മുഖ്യമന്ത്രി യോഗി ആദിത്യനാഥും ഉപമുഖ്യമന്ത്രി കേശവ് പ്രസാദ് മൗര്യയും എം.പി.സ്ഥാനം രാജിവെച്ച ഒഴിവിലായിരുന്നു വോട്ടെടുപ്പ്. ഗൊരക്പുരില്‍ 10 ഉം ഫുല്‍പുരില്‍ 22 സ്ഥാനാര്‍ത്ഥികളും ജനവിധി തേടി. ഇത്തവണ സ്ഥാനാര്‍ത്ഥിയെ മല്‍സരിപ്പിക്കാത്ത ബി.എസ്.പി, എസ്.പിക്ക് പിന്തുണ പ്രഖ്യാപിച്ചിരുന്നു.
എന്നാല്‍ നിയമസഭയിലേക്ക് എസ്.പി.യുമായി സഖ്യമുണ്ടാക്കിയ കോണ്‍ഗ്രസ് രണ്ടിടങ്ങളിലും സ്ഥാനാര്‍ത്ഥിയെ നിര്‍ത്തി. ഗൊരക്പുരിനെ അഞ്ചു തവണ പ്രതിനിധീകരിച്ച ആദിത്യനാഥ് മുഖ്യമന്ത്രിയായി ഒരു വര്‍ഷം തികയുന്ന സമയത്താണ് വോട്ടെടുപ്പ്. പ്രഥമ പ്രധാനമന്ത്രി ജവാഹര്‍ലാല്‍ നെഹ്‌റു മത്സരിച്ച മണ്ഡലം കൂടിയാണ് ഫുല്‍പുര്‍. ഉത്തര്‍പ്രദേശിലേത് കൂടാതെ ബിഹാറില്‍ ഒരു ലോക്സഭാ മണ്ഡലത്തിലേക്കും രണ്ട് നിയമസഭാ മണ്ഡലങ്ങളിലേക്കും ഉപതെരഞ്ഞെടുപ്പുകള്‍ നടന്നു. ആര്‍.ജെ.ഡി എം.പി മുഹമ്മദ് തസ്‌ലിമുദ്ദീന്റെ മരണത്തെ തുടര്‍ന്നായിരുന്നു അറാറിയ മണ്ഡലത്തില്‍ ഉപതെരഞ്ഞെടുപ്പ്. ഇവിടെ 57 ശതമാനമാണ് പോളിങ്. നിയമസഭാ മണ്ഡലങ്ങളായ ജെഹാനാബാദില്‍ 51 ഉം ഭാബുവയില്‍ 55 ശതമാനവും പോളിങ് രേഖപ്പെടുത്തി. ഫലപ്രഖ്യാപനം 14ന് നടക്കും.

രാജ്യസഭാ ഉപതെരഞ്ഞെടുപ്പ് മാര്‍ച്ച് 23 ന്

chandrika — Sat, 24 Feb 2018 04:02:04 +0000

എംപി വീരേന്ദ്രകുമാര്‍ രാജിവെച്ചതിനെ തുടര്‍ന്ന് ഒഴിവ് വന്ന രാജ്യസഭാ സീറ്റിലേക്ക് മാര്‍ച്ച് 23 ന് ഉപതെരെഞ്ഞെടുപ്പ് നടക്കും. കേരളത്തില്‍ നടക്കുന്ന ഉപതെരഞ്ഞെടുപ്പിന് പുറമെ രാജ്യസഭയിലേക്ക് ഒഴിവ് വരുന്ന 58 സീറ്റുകളിലേക്കും മാര്‍ച്ച് 23 ന് വോട്ടെടുപ്പ് നടക്കും. നാമനിര്‍ദേശ പത്രിക സമര്‍പ്പിക്കേണ്ട അവസാന തീയതി മാര്‍ച്ച് 12 ആണ്. സൂക്ഷ്മ പരിശോധന 15 ന് നടക്കും വോട്ടെണ്ണല്‍ ആവശ്യമെങ്കില്‍ മാര്‍ച്ച് 23 ന് അഞ്ച് മണിക്ക് നടക്കും.

16 സംസ്ഥാനങ്ങളില്‍ നിന്നുള്ള 58 അംഗങ്ങളാണ് ഏപ്രില്‍, മെയ് മാസങ്ങളിലായി രാജ്യസഭയില്‍ നിന്ന് വിരമിക്കുന്നത്. കേന്ദ്ര മന്ത്രിമാരായ രവിശങ്കര്‍ പ്രസാദ്, ജെപി നദ്ദ, ധര്‍മേന്ദ്ര പ്രധാന്‍, തവര്‍ചന്ദ് ഗെഹ്‌ലോട്ട്, രാാംദാസ് അതവാലെ എന്നിവരാണ് ഏപ്രില്‍, മെയ് മാസങ്ങളില്‍ വിരമിക്കുന്നവരില്‍ പ്രമുഖര്‍.