മഞ്ജു വാര്യരെ വീണ്ടും വിസ്തരിക്കണമെന്ന് സര്‍ക്കാര്‍; വേണ്ടെന്ന് ദിലീപ്‌

webdesk14 — Thu, 16 Feb 2023 09:50:02 +0000

നടിയെ അക്രമിച്ച കേസില്‍ സാക്ഷിയായ നടി മഞ്ജുവാര്യരെ വീണ്ടും വിസ്തരിക്കണമെന്ന് സര്‍ക്കാര്‍ സുപ്രീം കോടതിയില്‍. വിചാരണ നീട്ടി കൊണ്ടുപോകാനാണ് സാക്ഷികളെ വീണ്ടും വിസ്തരിക്കുന്നതെന്ന വാദം അടിസ്ഥാന രഹിതമാണെന്നും സംസ്ഥാനം അറിയിച്ചു. ഇതേ സമയം വിചാരണ തീര്‍ക്കാന്‍ ആറ് മാസം കൂടി സാവകാശം വേണമെന്ന് വിചാരണകോടതി ഹൈക്കോടതിയെ അറിയിച്ചു.

നാലു പേരെയാണ് കേസില്‍ ഇനി വീണ്ടും വിസ്തരിക്കാനുള്ളത്. പ്രതിഭാഗം നീട്ടിക്കൊണ്ടുപോവാത്ത പക്ഷം ഇത് ഒരു മാസത്തിനകം തീര്‍ക്കാനാകും. വിചാരണ നീട്ടാന്‍ വേണ്ടിയാണ് സാക്ഷികളെ വീണ്ടും വിസ്തരിക്കുന്നതെന്ന പ്രതി ദിലീപിന്റെ വാദത്തെ സര്‍ക്കാര്‍ എതിര്‍ത്തു. അനാവശ്യ ക്രോസ് വിസ്താരത്തിലൂടെ പ്രതിഭാഗമാണ് വിചാരണ ദീര്‍ഘിപ്പിക്കുന്നതെന്ന് പ്രോസിക്യൂഷന്‍ അറിയിച്ചു.

അമ്മാവന് സമ്മാനിക്കാന്‍ കുട്ടിയെതട്ടിക്കൊണ്ട് പോയി; യുവാവ് അറസ്റ്റില്‍

webdesk14 — Sun, 08 Jan 2023 06:47:34 +0000

പ്രായപൂര്‍ത്തിയാകാത്ത ആണ്‍കുട്ടിയെ തട്ടികൊണ്ടുപോയ കേസില്‍ 21കാരന്‍ അറസ്റ്റില്‍. കുട്ടികളില്ലാത്ത അമ്മാവന് സമ്മാനിക്കാന്‍ വേണ്ടിയാണ് കുട്ടിയെ തട്ടികൊണ്ടുപോയതെന്ന് പ്രതി പൊലീസിനോട് സമ്മതിച്ചു. ഗൗതംപൂരിലെ വീടിനു മുന്നില്‍ കളിച്ചുകൊണ്ടിരിക്കെ കഴിഞ്ഞ ഞായറാഴ്ച്ചയാണ് കുട്ടിയെ കാണാതായത്. കുട്ടിക്ക് വേണ്ടി നടത്തിയ തിരച്ചിലുകളെല്ലാം ഫലം കാണാത്തതിനെ തുടര്‍ന്ന് പിതാവ് പൊലീസില്‍ പരാതി നല്‍കുകയായിരുന്നു. തുടര്‍ന്ന്പൊലീസ് നടത്തിയ അന്വോഷണത്തില്‍ പരാതിക്കാരന്റെ അയല്‍വാസിയെ നീരജ് എന്ന യുവാവിനെയും അതേ ദിവസം കാണാതായിട്ടുണ്ടെന്ന് മനസിലായി. അടുത്ത ദിവസങ്ങളില്‍ അയാള്‍ തിരിച്ചുവന്നതുമില്ല. ഇയാള്‍ തലസ്ഥാനം തന്നെ വിട്ടതായിട്ടാണ് വ്യക്തമാവുന്നതെന്നാണ് പൊലീസിന്റെ നിഗമനം. അമ്മാവനും ഭാര്യക്കും നാല് ആണ്‍മക്കള്‍ ജനിച്ചിരുന്നെന്നും എന്നാല്‍ എല്ലാ കുഞ്ഞുങ്ങളും മരിച്ചുപോയെന്നും അതിനാല്‍ അമ്മാവന് കൊടുക്കാന്‍ വേണ്ടിയാണ് കുട്ടിയെ തട്ടികൊണ്ട വന്നതെന്നും ഇയാള്‍ പൊലീസില്‍ മൊഴി നല്‍കി. പൊലീസ് കുഞ്ഞിനെ രക്ഷിക്കുകയും യുവാവിനെയും അമ്മാവനെയും അറസ്റ്റ് ചെയ്യുകയും ചെയ്തു.

caase – Chandrika Daily

മഞ്ജു വാര്യരെ വീണ്ടും വിസ്തരിക്കണമെന്ന് സര്‍ക്കാര്‍; വേണ്ടെന്ന് ദിലീപ്‌

അമ്മാവന് സമ്മാനിക്കാന്‍ കുട്ടിയെതട്ടിക്കൊണ്ട് പോയി; യുവാവ് അറസ്റ്റില്‍