പശുവിന് പ്രസവ വേദന അനുഭവപ്പെട്ട് വെപ്രാളം കാണിക്കാന്‍ തുടങ്ങിയെങ്കിലും പ്രസവം നടക്കാതെ വന്നപ്പോള്‍ ശശിധരന്‍ പരിചയക്കാരനായ മൃഗസംരക്ഷണ വകുപ്പ് ഡയറക്ടറേറ്റിലെ ഡെപ്യൂട്ടി ഡയറക്ടറായ ഡോ. വേണുഗോപാലിനെ വിളിച്ചു വരുത്തുകയായിരുന്നു. അതിസങ്കീര്‍ണമാണെന്ന് കണ്ടെത്തിയത്തിനെത്തുടര്‍ന്ന് തിരുവനന്തപുരം ജില്ലാ വെറ്ററിനറി കേന്ദ്രത്തിലെ വെറ്ററിനറി സര്‍ജന്‍ ഡോ.എ. കെ അഭിലാഷ്, തിരുപുറം വെറ്ററിനറി ഡിസ്‌പെന്‍സറിയിലെ ഡോ. എസ്. ബിജേഷ് എന്നിവരെ വിളിച്ചു വരുത്തി.

സിസേറിയന്‍ ശസ്ത്രക്രിയ അവസാനിപ്പിച്ചപ്പോള്‍ ഗര്‍ഭാവസ്ഥയിലേ മരിച്ചു പോയ രണ്ടു തലയും രണ്ടു വാലും ഉള്ള വിചിത്രരൂപത്തെയാണ് പുറത്തെടുത്തത്. ജന്മനാ ഇത്തരം ശാരീരിക വൈകല്യങ്ങള്‍ ഉള്ള പൈക്കുട്ടികള്‍ ഉണ്ടാകുന്നത് അപൂര്‍വങ്ങളില്‍ അപൂര്‍വ്വമാണെന്ന് ഡോ. ആര്‍ വേണുഗോപാല്‍ പറഞ്ഞു.