ഇതു പ്രകാരം എരഞ്ഞിക്കല്‍ ഭാഗത്ത് നിന്ന് തുടങ്ങുന്ന ഒന്നും രണ്ടും മൂന്നും സെക്ടര്‍ നിറവ് വേങ്ങേരിയും നാലും അഞ്ചും സെക്ടര്‍ മലബാര്‍ ആശുപത്രിയും ആസ്റ്റര്‍ മിംസും ചേര്‍ന്നും സംരക്ഷിക്കും. ആറാം സെക്ടര്‍ ബേബി മെമ്മോറിയല്‍ ആശുപത്രിയും ഏഴാം സെക്ടര്‍ വ്യാപാരി വ്യവസായി ഏകോപന സമിതിയും എട്ടാം സെക്ടര്‍ ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിയും പരിപാലിക്കും. ശുചീകരിക്കുക, മാലിന്യം തടയുക, നിരീക്ഷണം നടത്തുക, ബോധവത്ക്കരണ ബോര്‍ഡ് വെക്കുക, ആളുകൂടുന്നിടത്ത് ചെറിയ മാലിന്യ ബിന്നുകള്‍ സ്ഥാപിക്കുക, ഹരിത കര്‍മ്മ സേനക്ക് യൂസര്‍ഫീ നല്‍കുക, മാസത്തിലൊരിക്കലെങ്കിലും ശുചീകരണം നടത്തുക എന്നിവയെല്ലാം ഗ്രീന്‍ പാര്‍ട്ണര്‍മാരുടെ ചുമതലയാണ്. ഇതിനായി ജില്ല ഭരണകൂടവും നഗരസഭയും പാര്‍ട്ണര്‍മാരും ചേര്‍ന്ന് ധാരണാ പത്രം ഒപ്പുവെക്കും. സംസ്ഥാന സര്‍ക്കാര്‍ ഹരിത കേരളം മിഷന്‍ പദ്ധതിയുടെ ഭാഗമായി കനാല്‍ കോഴിക്കോടിന്റെ ജീവനാഡിയായി നിലനിര്‍ത്താനുള്ള യജ്ഞത്തില്‍ ജനങ്ങള്‍ ഒന്നിച്ചിറങ്ങുമെന്നാണ് കരുതുന്നത്.
കേരള വാട്ടര്‍ വേയ്‌സ് ആന്റ് ഇന്‍ഫ്രാസ്ട്രചേഴ്‌സ് ലിമിറ്റഡ് ആണ് കനാല്‍ നവീകരണം ഏറ്റെടുത്ത് നടപ്പാക്കുന്നത്. കനാലിലെ പായലുകള്‍ നേരത്തെ നീക്കം ചെയ്തിരുന്നു. മൂന്നുമാസം കൊണ്ട് കനാലിലൂടെ ബോട്ട് സര്‍വീസ് നടത്താന്‍ കഴിയുമെന്നാണ് പ്രതീക്ഷ.

മെയ് ആറുമുതലാണ് ജോലി തുടങ്ങിയത്. 46 ലക്ഷം രൂപയാണ് പദ്ധതി ചെലവ്. കനാലിലൂടെ ഒഴുക്ക് സുഗമമാക്കുന്നതിന്റെ ഭാഗമായാണ് ചെളി നീക്കിയത്. സില്‍ട്ട് പുഷര്‍, ഫ്‌ളോട്ടിങ് ഹിറ്റാച്ചി എന്നിവ ഉപയോഗിച്ചാണ് ചെളി നീക്കിയത്. സരോവരം വരെയുള്ള ഭാഗത്തെ പായലുകള്‍ നീക്കം ചെയ്തു. എരഞ്ഞിപ്പാലം മുതല്‍ കാരപ്പറമ്പ് വരെയുള്ള ഭാഗത്തെ പണിയും പൂര്‍ത്തിയായി. വേലിയിറക്ക സമയത്തുപോലും 1.2 മീറ്റര്‍ ജലനിരപ്പ് ഉണ്ടായാല്‍ മാത്രമെ ബോട്ട് സര്‍വീസ് സാധ്യമാവുകയുള്ളു. കല്ലായി മുതല്‍ എരഞ്ഞിപ്പാലം വരെ പരീക്ഷണാടിസ്ഥാനത്തില്‍ ബോട്ട് ഓടിച്ചിരുന്നു. കോരപ്പുഴ വരെ ബോട്ട് ഓടിക്കാനാണ് തീരുമാനം.

നഗര ഹൃദയത്തിലൂടെ കടന്നുപോകുന്ന കനോലി കനാലിന്റെ പ്രതാപം വീണ്ടെടുക്കാന്‍ കോഴിക്കോട് കോര്‍പ്പറേഷനും ജില്ലാ ഭരണകൂടവും വേങ്ങേരി നിറവിന്റെ സഹകരണത്തോടെ നടത്തുന്ന ഓപ്പറേഷന്‍ കനോലി കനാല്‍ ശൂചീകരണയജ്ഞത്തിന്റെ ആദ്യ ഘട്ടത്തിന് കഴിഞ്ഞ ആഗസ്റ്റിലാണ് തുടക്കമായത്.

30 ദിവസം നീളുന്ന കര്‍മ്മ പരിപാടിയായിരുന്നു ആദ്യ ഘട്ടം. കനാലില്‍ അടിഞ്ഞു കൂടുന്ന മാലിന്യം നീക്കി ഒഴുക്ക് നേരെയാക്കുകയാണ് ആദ്യഘട്ടം. എരഞ്ഞിക്കല്‍ മുതല്‍ കല്ലായ് വരെയുള്ള വിവധ പ്രദേശങ്ങളില്‍ വിവിധ സംഘടകള്‍ ശുചീകരണത്തിന് നേതൃത്വം നല്‍കി. പൊതുജനപങ്കാളിത്തോടെയാണ് കനാല്‍ ശുചീകരിക്കുന്നത്. കനാല്‍ ആഴം കുറഞ്ഞതിനാല്‍ മഴക്കാലത്തുണ്ടാക്കുന്ന അധികജലം ഉള്‍ക്കൊളളാനാകാത്തെ വെളളപ്പൊക്കമുണ്ടാവുന്നു. കനാലില്‍ 178 സ്ഥലങ്ങളില്‍ മലിനജലം കുഴലുകള്‍ സ്ഥാപിച്ചതായും 30 പ്രധാന ഓവുചാലുകള്‍ കനാലുമായി ബന്ധിപ്പിച്ചിട്ടുളളതായും കണ്ടെത്തിയിട്ടുണ്ട്. കല്ലായി മൂര്യാട് ഭാഗത്തെ ചെളി നീക്കം ചെയ്യാന്‍ ഇറിഗേഷന്‍ വിഭാഗത്തിന് നിര്‍ദ്ദേശം നല്‍കി.

11.2 കിലോമീറ്റര്‍ നീളമുളള കനാലി കനാല്‍ ദേശീയ ജലപാതയുടെ പ്രധാനഭാഗമാണ്. കനാല്‍ മലിനമാക്കുന്നവര്‍ക്കെതിരെ കര്‍ശന നിയമ നടപടി സ്വീകരിക്കും. കനാല്‍ ശുചീകരിച്ച ശേഷം വിവിധ പ്രദേശങ്ങളില്‍ മോണിറ്ററിംഗ് കമ്മിറ്റികള്‍ രൂപീകരിക്കും. മാലിന്യങ്ങള്‍ നിക്ഷേപിക്കുന്നത് തടയാന്‍ സിസിടിവി ക്യാമറകള്‍ സ്ഥാപിക്കും. കനാലിന്റെ ഇരുകരകളിലുമുള്ള റെസിഡന്‍ഷ്യല്‍ അസ്സോസിയേഷനുകളുടെ സഹകരണത്തോടെയാണ് പദ്ധതി പൂര്‍ത്തീകരിക്കുക.

കനാല്‍ ആഴംകൂട്ടി സൗന്ദര്യവല്‍ക്കരിക്കുന്നതിന് പദ്ധതി തയ്യാറാക്കും. 14 മീറ്റര്‍ വീതിയില്‍ കനാല്‍ നവീകരിക്കാനാണ് ലക്ഷ്യം. ശുചീകരണ പ്രവര്‍ത്തികള്‍ പൂര്‍ത്തിയാവുന്നതോടെ കനാലിന്റെ പ്രതാപം വീണ്ടെടുക്കാനാവും.

മേയറുടെ അധ്യക്ഷതയില്‍ നടന്ന യോഗത്തില്‍ ജില്ലാ കലക്ടര്‍ യു.വി. ജോസ്, ഡോ. ആര്‍.എസ്. ഗോപകുമാര്‍, ബാബുരാജ്, എം. രാധാകൃഷ്ണന്‍ മാസ്റ്റര്‍, കെ.കെ. സത്യന്‍, കെ. രന്‍ജിത്ത്, ബാബു പറമ്പത്ത്, പി.എസ്. ഹരികുമാര്‍, പി.സി.ബി എഞ്ചിനീയര്‍ ഷബ്‌ന ഘുഷി ശേഖര്‍ പങ്കെടുത്തു.

30 ദിവസം നീളുന്ന കര്‍മ്മ പരിപാടിയാണിത്. 10 ദിവസത്തിനകം പ്ലാസ്റ്റിക് മാലിന്യ ശൂചീകരണം പൂര്‍ത്തീകരിക്കും പൊതുജനപങ്കാളിത്തോടെയാണ് കനാല്‍ ശുചീകരിക്കുന്നത്. കനാല്‍ ആഴം കുറഞ്ഞതിനാല്‍ മഴക്കാലത്തുണ്ടാക്കുന്ന അധികജലം ഉള്‍ക്കൊളളാനാകാത്തെ വെളളപ്പൊക്കമുണ്ടാവുന്നു. കനാലില്‍ 178 സ്ഥലങ്ങളില്‍ മലിനജലം കുഴലുകള്‍ സ്ഥാപിച്ചതായും 30 പ്രധാന ഓവുചാലുകള്‍ കനാലുമായി ബന്ധിപ്പിച്ചിട്ടുളളതായും കണ്ടെത്തിയിട്ടുണ്ട്.

11.2 കിലോമീറ്റര്‍ നീളമുളള കനാലി കനാല്‍ ദേശീയ ജലപാതയുടെ പ്രധാനഭാഗമാണ്. കനാല്‍ മലിനമാക്കുന്നവര്‍ക്കെതിരെ കര്‍ശന നിയമ നടപടി സ്വീകരിക്കുമെന്ന് മേയറും കളക്ടറും അറിയിച്ചു. കനാല്‍ ശുചീകരിച്ച ശേഷം വിവിധ പ്രദേശങ്ങളില്‍ മോണിറ്ററിംഗ് കമ്മിറ്റികള്‍ രൂപീകരിക്കും. മാലിന്യങ്ങള്‍ നിക്ഷേപിക്കുന്നത് തടയാന്‍ സിസിടിവി ക്യാമറകള്‍ സ്ഥാപിക്കും. കനാലിന്റെ ഇരുകരകളിലുമുള്ള റെസിഡന്‍ഷ്യല്‍ അസ്സോസിയേഷനുകളുടെ സഹകരണത്തോടെയാണ് പദ്ധതി പൂര്‍ത്തീകരിക്കുക.

കനാല്‍ ആഴംകൂട്ടി സൗന്ദര്യവല്‍ക്കരിക്കുന്നതിന് പദ്ധതി തയ്യാറാക്കും. 14 മീറ്റര്‍ വീതിയില്‍ കനാല്‍ നവീകരിക്കാനാണ് ലക്ഷ്യം. ശുചീകരണ പ്രവര്‍ത്തികള്‍ പൂര്‍ത്തിയാവുന്നതോടെ കനാലിന്റെ പ്രതാപം വീണ്ടെടുക്കാനാവുമെന്ന് മേയര്‍ പറഞ്ഞു. എരഞ്ഞിക്കല്‍ മുതല്‍ കല്ലായ് വരെയുള്ള ഓരോ പ്രദേശത്തും കൗണ്‍സിലര്‍മാര്‍ ശുചീകരണത്തിന് നേതൃത്വം നല്‍കും. കനാലില്‍ അടിഞ്ഞു കൂടുന്ന മാലിന്യം നീക്കി ഒഴുക്ക് നേരെയാക്കുകയാണ് ആദ്യഘട്ടം.

സരോവരം ബയോപാര്‍ക്കിന് മുന്നില്‍ കനോലി കനാല്‍ ശുചീകരിച്ച് മേയര്‍ തോട്ടത്തില്‍ രവീന്ദ്രന്‍, കലക്ടര്‍ യു.വി ജോസ് എന്നിവര്‍ പദ്ധതി ഉദ്ഘാടനം ചെയ്തു.

കോര്‍പ്പറേഷനില്‍ മാലിന്യനിക്ഷേപ സംവിധാനം ശക്തമാക്കുന്നതിനും തീരുമാനിച്ചതായി മേയര്‍ പറഞ്ഞു. കല്ലായി പുഴയില്‍ ചെളി നീക്കി കനാലിന്റെ അഴിമുഖം തുറക്കാനാണ് പദ്ധതി. കനാലിന്റെ ആഴം കുറഞ്ഞതാണ് നഗരത്തില്‍ വെളളപ്പൊക്കത്തിന് കാരണമാകുന്നതെന്ന് മേയര്‍ പറഞ്ഞു.

പ്രശസ്ത പരിസ്ഥിതി പ്രവര്‍ത്തകരായ പ്രൊഫ. ടി.ശോഭീന്ദ്രന്‍, പ്രൊഫ.കെ.ശ്രീധരന്‍ കോര്‍പ്പറേഷന്‍ ഹെല്‍ത്ത് ഓഫീസര്‍ ഡോ.ആര്‍ എസ് ഗോപകുമാര്‍, ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ കെ.വി ബാബുരാജ്, ആസ്റ്റര്‍ മിംമ്‌സ് ഭാരവാഹികള്‍ നിറവ് വേങ്ങേരി കോര്‍ഡിനേറ്റര്‍ ബാബു നഗരസഭ കൗണ്‍സിലര്‍മാര്‍ ,പരിസ്ഥിതി പ്രവര്‍ത്തകര്‍ തുടങ്ങിയവര്‍ സംബന്ധിച്ചു.