ഒരിക്കല്‍ പോര്‍ച്ചുഗീസ് കോളനിയായിരുന്ന ഈ രാജ്യത്തിന്റെ ജനസംഖ്യ 6 ലക്ഷത്തില്‍ താഴെ ശരാശരി കേരളത്തിലെ ഒരു താലൂക്കിലെ ജനസംഖ്യക്ക് തുല്യം.

പക്ഷേ, ഈ ചെറുരാജ്യം ഇപ്പോള്‍ ലോകമൊട്ടാകെ വാര്‍ത്തകളില്‍ നിറഞ്ഞുനില്‍ക്കുകയാണ്. കാരണം ഫുട്‌ബോള്‍ ലോകകപ്പ് ചരിത്രത്തില്‍ ആദ്യമായി അവര്‍ യോഗ്യത നേടിയിരിക്കുന്നു.

ഇന്നലെ നടന്ന ആഫ്രിക്കന്‍ യോഗ്യതാ മത്സരത്തില്‍ എസ്വാതിനിയെ എതിരില്ലാത്ത മൂന്നു ഗോളുകള്‍ക്ക് തോല്‍പ്പിച്ചാണ് ‘ബ്ലൂ ഷാര്‍ക്കുകള്‍’ എന്ന് വിളിപ്പേരുള്ള കേപ് വെര്‍ദെ ചരിത്രം സൃഷ്ടിച്ചത്. 2018ല്‍ ലോകകപ്പിന് യോഗ്യത നേടിയ ഐസ്ലാന്‍ഡിന് ശേഷം, ലോകകപ്പില്‍ കളിക്കുന്ന ഏറ്റവും ജനസംഖ്യ കുറഞ്ഞ രാജ്യമായും അവര്‍ മാറി.

ആഫ്രിക്കന്‍ യോഗ്യതാ റൗണ്ടിലെ ഗ്രൂപ്പ് ഡി മത്സരങ്ങളില്‍ പത്ത് കളികളില്‍ ഏഴില്‍ ജയം നേടി 23 പോയിന്റുമായി കേപ് വെര്‍ദെ മുന്നിലെത്തി. കാമറൂണ്‍, ലിബിയ, എസ്വാതിനി എന്നിവരെ പിന്നിലാക്കി അവര്‍ ലോകകപ്പിന് ടിക്കറ്റെടുത്തു.

ഫിഫ റാങ്കിംഗില്‍ 70-ാം സ്ഥാനത്തുള്ള ഇവരുടെ ടീമില്‍ യൂറോപ്പിലെ ടോപ്പ് 5 ലീഗുകളില്‍ കളിക്കുന്ന ഒരേയൊരു താരമുണ്ട് സ്‌പെയിനിലെ വിയ്യാറയലിന് വേണ്ടി പ്രതിരോധം നയിക്കുന്ന ലോഗന്‍ കോസ്റ്റ. ബാക്കിയുള്ളവര്‍ പോര്‍ച്ചുഗല്‍, തുര്‍ക്കി, സൗദി അറേബ്യ, യു.എ.ഇ, ഹംഗറി, റഷ്യ, ഇസ്രായേല്‍ തുടങ്ങിയ രാജ്യങ്ങളിലായി വിവിധ ക്ലബ്ബുകളില്‍ കളിക്കുന്നു.

ഇവരുടെ നേട്ടം ഫുട്‌ബോളിലെ ‘ഡേവിഡ് ്‌ െഗൊലിയാത്ത്’ കഥകളില്‍ പുതു അധ്യായം ചേര്‍ത്തിരിക്കുകയാണ്.

അതേസമയം, മറ്റൊരു ചെറിയ രാജ്യം കൂടി ഫുട്‌ബോള്‍ ലോകത്ത് ശ്രദ്ധേയമായി ഫറോവൈലന്‍ഡ്‌സ്. വടക്കന്‍ അറ്റ്‌ലാന്റിക് സമുദ്രത്തിലെ ഈ ദ്വീപ് രാജ്യത്തിന്റെ ജനസംഖ്യ വെറും 54,900 മാത്രമാണ് ഒരു വലിയ സ്റ്റേഡിയത്തിന്റെ ഇരിപ്പിട ശേഷിയ്ക്ക് തുല്യം!

യൂറോപ്യന്‍ യോഗ്യതയിലെ ഗ്രൂപ്പ് എല്ലില്‍ മത്സരിക്കുന്ന ഫറോവൈലന്‍ഡ്‌സ്, ചെക്ക് റിപ്പബ്ലിക്കിനെ 21ന് തോല്‍പ്പിച്ച് ലോകകപ്പ് യോഗ്യതയിലേക്കുള്ള പ്രതീക്ഷ പുതുക്കിയിരിക്കുകയാണ്. ഗ്രൂപ്പില്‍ ഒന്നാമതുള്ള ക്രൊയേഷ്യയ്ക്കു പിന്നില്‍, പ്ലേഓഫ് വഴി കടക്കാനുള്ള സ്വപ്നത്തിലാണ് അവര്‍. ഫിഫ റാങ്കിംഗില്‍ ഇവര്‍ ഇപ്പോള്‍ 136-ാം സ്ഥാനത്താണ്.

ലോക ഫുട്‌ബോളില്‍ ശക്തി, പണം, ജനസംഖ്യ ഇവയെല്ലാം മേല്പ്പട്ടിടുന്ന കാലത്ത്, ഈ ചെറിയ രാജ്യങ്ങളുടെ അത്ഭുതം ലോകത്തിന് തന്നെ പ്രചോദനമാകുകയാണ്.