car – Chandrika Daily https://www.chandrikadaily.com Tue, 09 Dec 2025 05:08:04 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg car – Chandrika Daily https://www.chandrikadaily.com 32 32 നിയന്ത്രണം നഷ്ടപ്പെട്ട കാര്‍ ബസിന്റെയും കാറുകളുടെയും മുകളിലൂടെ പറന്നു; ഒറാഡിയയില്‍ ദുരന്തം ഒഴിവായി https://www.chandrikadaily.com/the-car-lost-control-and-flew-over-the-bus-and-cars-disaster-averted-in-oradea.html https://www.chandrikadaily.com/the-car-lost-control-and-flew-over-the-bus-and-cars-disaster-averted-in-oradea.html#respond Tue, 09 Dec 2025 05:08:04 +0000 https://www.chandrikadaily.com/?p=367618 റുമാനിയയിലെ ഒറാഡിയയില്‍ നിയന്ത്രണം വിട്ട കാര്‍ ബസിന്റെയും കാറിന്റെയും മുകളിലൂടെ പറന്ന് അതിഭീകര ദുരന്തം ഒഴിവായി.ഡിസംബര്‍ 3നുണ്ടായ കാര്‍ അപകടത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ വ്യാപകമായി ശ്രദ്ധ നേടുകയാണ്.

55 വയസ്സുകാരനായ  മെര്‍സിഡസ് ഡ്രൈവര്‍ വാഹനമോടിക്കുന്നതിനിടെ ബോധരഹിതനായതിനെ തുടര്‍ന്നാണ് അപകടം സംഭവിച്ചത്. റോഡിലെ സിസിടിവി ദൃശ്യങ്ങളില്‍, തെറ്റായ ദിശയില്‍ അതിവേഗത്തില്‍ വന്ന കാര്‍ ഒരു റൗണ്ട്എബൗട്ടിലേക്ക് കുതിച്ചുകയറുന്നതും, പിന്നീട് നടപ്പാതയുടെ അരികില്‍ ഇടിച്ച് നിരവധി അടി ഉയരത്തില്‍ വായുവിലേക്ക് ഉയരുന്നതുമാണ് കാണുന്നത്.

കാര്‍ ഒരു ബസിനും രണ്ട് കാറുകള്‍ക്കും മുകളിലൂടെ പറന്നതിന് ശേഷമാണ് സമീപത്തെ പെട്രോള്‍ പമ്പില്‍ നിന്ന് ഏതാനും മീറ്റര്‍ അകലെയുള്ള ഇരുമ്പ് തൂണില്‍ ഇടിച്ച് നില്‍ക്കുന്നത്. പമ്പില്‍ നേരിട്ട് ഇടിക്കാതിരുന്നതോടെ വലിയ ദുരന്തം ഒഴിവായി. പ്രമേഹരോഗിയായ ഡ്രൈവര്‍ ബോധരഹിതനായതാണെന്നാണ് പ്രാഥമിക നിഗമനം.

അപകടത്തില്‍ എല്ലുകള്‍ ഒടിഞ്ഞുവെങ്കിലും ജീവന് ഭീഷണിയില്ലെന്ന് ആശുപത്രി അധികൃതര്‍ അറിയിച്ചു. അടിയന്തരസേവന സംഘം സ്ഥലത്തെത്തി ഡ്രൈവറെ ഉടന്‍ ആശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന് ഡ്രൈവറുടെ ലൈസന്‍സ് 90 ദിവസത്തേക്ക് സസ്പെന്‍ഡ് ചെയ്തിരിക്കുകയാണ്. കൂടാതെ 1,600 റുമാനിയന്‍ ലിയു (ഏകദേശം 27,000) പിഴയും ചുമത്തിയിട്ടുണ്ട്. സംഭവം സംബന്ധിച്ച് അന്വേഷണം തുടരുന്നു.

 

]]> https://www.chandrikadaily.com/the-car-lost-control-and-flew-over-the-bus-and-cars-disaster-averted-in-oradea.html/feed 0 ശബരിമല ദര്‍ശനം കഴിഞ്ഞ് മടങ്ങവെ കാര്‍ അപകടം; അഞ്ച് മരണം https://www.chandrikadaily.com/car-accident-while-returning-after-visiting-sabarimala-five-deaths.html https://www.chandrikadaily.com/car-accident-while-returning-after-visiting-sabarimala-five-deaths.html#respond Sat, 06 Dec 2025 05:15:37 +0000 https://www.chandrikadaily.com/?p=367126 ചെന്നൈ: ശബരിമല ദര്‍ശനം കഴിഞ്ഞ് മടങ്ങിയ അയ്യപ്പഭക്തര്‍ സഞ്ചരിച്ച കാര്‍ അപടത്തില്‍പ്പെട്ട് അഞ്ചു മരണം. തമിഴ്നാട്ടിലെ രാമനാഥപുരം കീഴക്കരയിലാണ് കാറുകള്‍ അപകടത്തിപ്പെട്ടത്. ഏഴ് പേര്‍ക്ക് ഗുരുതരമായി പരിക്കേറ്റു. ഇന്നലെ രാത്രി രണ്ട് മണിയോടെയായിരുന്നു അപകടം. ശബരിമല ദര്‍ശനം കഴിഞ്ഞ് മടങ്ങിയ നാല് അയ്യപ്പ ഭക്തരും വാഹനത്തിന്റെ ഡ്രൈവറുമാണ് മരിച്ചത്. മരിച്ചവര്‍ ആന്ധ്ര സ്വദേശികളാണ്.

റോഡിന് സമീപം നിര്‍ത്തിയിട്ട് ഉറങ്ങുകയായിരുന്ന അയ്യപ്പഭക്തരുടെ കാറില്‍ രാമനാഥപുരം സ്വദേശികള്‍ സഞ്ചരിച്ച കാര്‍ നിയന്ത്രണംവിട്ട് ഇടിക്കുകയായിരുന്നു. രണ്ട് കാറുകളിലായി 12 യാത്രക്കാരാണ് ഉണ്ടായിരുന്നത്.

]]> https://www.chandrikadaily.com/car-accident-while-returning-after-visiting-sabarimala-five-deaths.html/feed 0 റോഡില്‍ പശിവിനെ കണ്ട് കാര്‍ വെട്ടിച്ചു; അപകടത്തില്‍ ഡ്രൈവര്‍ മരിച്ചു https://www.chandrikadaily.com/car-saw-a-cow-on-the-road-and-cut-it-off-the-driver-died-in-the-accident.html https://www.chandrikadaily.com/car-saw-a-cow-on-the-road-and-cut-it-off-the-driver-died-in-the-accident.html#respond Fri, 05 Dec 2025 06:55:13 +0000 https://www.chandrikadaily.com/?p=366941 പാലക്കാട്: പശുവിനെ കണ്ട് വെട്ടിച്ച കാര്‍ മണ്‍തിട്ടയിലിടിച്ച് കോണ്‍ട്രാക്ടര്‍ മരിച്ചു. ചെര്‍പ്പുളശ്ശേരി, നിരപറമ്പില്‍ കോന്തത്തൊടി വീട്ടില്‍ മുഹമ്മദിന്റെ മകന്‍ അബ്ദുറഹിമാനാണ് (56) മരിച്ചത്.

ഇന്നലെ വൈകുന്നേരം 5.40 ഓടെ നിരപ്പറമ്പിലൂടെ ഇലക്ട്രിക്ക് കാറില്‍ വരുമ്പോഴാണ് അപകടം. റോഡിലേക്ക് പെട്ടെന്ന് കയറി വന്ന പശുവിനെ കണ്ട് ഭയന്ന ഇദ്ദേഹം കാര്‍ വെട്ടിച്ചു. ഇതോടെ നിയന്ത്രണം വിട്ട വാഹനം അടുത്തുള്ള മണ്‍തിട്ടയില്‍ കയറുകയായിരുന്നു.
സാരമായി പരിക്കേറ്റ ഇദ്ദേഹത്തിന്റെ ജീവന്‍ രക്ഷിക്കാനായില്ല. മൃതദേഹം ചെര്‍പ്പുളശ്ശേരി ആശുപത്രി മോര്‍ച്ചറിയിലേക്ക് മാറ്റി.

 

]]> https://www.chandrikadaily.com/car-saw-a-cow-on-the-road-and-cut-it-off-the-driver-died-in-the-accident.html/feed 0 മുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി https://www.chandrikadaily.com/new-vehicle-for-chief-minister-order-issued-sanctioning-rs-1-10-crore.html https://www.chandrikadaily.com/new-vehicle-for-chief-minister-order-issued-sanctioning-rs-1-10-crore.html#respond Mon, 01 Dec 2025 15:20:14 +0000 https://www.chandrikadaily.com/?p=366262 തിരുവനന്തപുരം: മുഖ്യമന്ത്രിക്ക് വാഹനം വാങ്ങാൻ 1.10 കോടി അനുവദിച്ച് ഉത്തരവിറക്കി. ട്രഷറി നിയന്ത്രണങ്ങളിൽ ഇളവ് വരുത്തിയാണ് തുക അനുവദിച്ചത്. ധനമന്ത്രിയാണ് ഇന്ന് തുക അനുവദിച്ച് ഉത്തരവിറക്കിയത്. ​നിലവിൽ മുഖ്യമന്ത്രി ഉപയോഗിക്കുന്ന രണ്ട് വാഹനങ്ങൾക്ക് പകരമായാണ് പുതിയ വാഹനം വാങ്ങുന്നത്.

സംസ്ഥാന സർക്കാർ കടുത്ത സാമ്പത്തിക പ്രതിസന്ധിയിലിരിക്കെയാണ് മുഖ്യമന്ത്രിക്ക് കാ‍ർ വാങ്ങാൻ ഒരു കോടി 10 ലക്ഷം രൂപ അനുവദിച്ചിരിക്കുന്നത്. പുതിയ ഒരു മുഖ്യമന്ത്രിക്ക് കാർ വാങ്ങാനെന്ന് ഉത്തരവിൽ കൃത്യമായി പറയുന്നുണ്ട്. കോവിഡ് കാലത്തെ വെട്ടിച്ചുരുക്കാൻ ധനവകുപ്പ് തീരുമാനമെടുത്തിരുന്നു. അതിനിടെയാണ് മുഖ്യമന്ത്രിക്ക് കാറ് വാങ്ങാൻ പണം അനുവദിച്ചിരിക്കുന്നത്.

 

]]> https://www.chandrikadaily.com/new-vehicle-for-chief-minister-order-issued-sanctioning-rs-1-10-crore.html/feed 0 ഭൂട്ടാന്‍ കാര്‍ കള്ളക്കടത്ത് കേസ്: നടന്‍ അമിത് ചക്കാലക്കലിന്റെ പിടിച്ചെടുത്ത ലാന്‍ഡ് ക്രൂയിസര്‍ കസ്റ്റംസ് വിട്ടു നല്‍കി https://www.chandrikadaily.com/actor-amit-chakkalakkals-seized-land-cruiser-released-by-customs.html https://www.chandrikadaily.com/actor-amit-chakkalakkals-seized-land-cruiser-released-by-customs.html#respond Sat, 29 Nov 2025 10:19:15 +0000 https://www.chandrikadaily.com/?p=365941 കൊച്ചി: ഭൂട്ടാനില്‍ നിന്ന് ആഡംബര കാറുകള്‍ കടത്തുന്ന കേസുമായി ബന്ധപ്പെട്ട് കസ്റ്റംസ് പിടിച്ചെടുത്ത നടന്‍ അമിത് ചക്കാലക്കലിന്റെ ലാന്‍ഡ് ക്രൂയിസര്‍ വാഹനം തിരികെ വിട്ടു നല്‍കി. ‘ ഓപ്പറേഷന്‍ നുംഖോര്‍ ‘ പരിശോധനയുടെ ഭാഗമായി പിടിച്ചെടുത്ത മധ്യപ്രദേശ് രജിസ്‌ട്രേഷനിലുള്ള വാഹനമാണ് കസ്റ്റംസ് അഡീഷണല്‍ കമ്മീഷണറുടെ ഉത്തരവിനെ തുടര്‍ന്ന് വിട്ടുനല്‍കിയത്. അമിത് നല്‍കിയ അപേക്ഷ പരിഗണിച്ചാണ് തീരുമാനം. ബോണ്ടില്‍ ഒപ്പുവെക്കുകയും 20 ശതമാനം ബാങ്ക് ഗ്യാരണ്ടി സമര്‍പ്പിക്കുകയും ചെയ്തതോടെയാണ് വാഹനം താല്‍ക്കാലികമായി വിട്ടു നല്‍കിയത്. എന്നാല്‍ വാഹനം ഉപയോഗിക്കരുത് കേരളത്തിന് പുറത്തേക്ക് കൊണ്ടുപോകാന്‍ പാടില്ല തുടങ്ങിയ കര്‍ശന വ്യവസ്ഥകള്‍ തുടരും.

ഭൂട്ടാനില്‍ നിന്ന് നികുതി വെട്ടിച്ച് വാഹനങ്ങള്‍ കേരളത്തിലേക്ക് കടത്തിയതുമായി ബന്ധപ്പെട്ട കസ്റ്റംസ് റെയ്ഡിനിടെയാണ് അമിത്തിന്റെ വാഹനങ്ങളും ഗാരേജിലുള്ള മറ്റ് വാഹനങ്ങളും പിടിച്ചെടുത്തത്. അമിത് ചക്കാലക്കല്‍ ഒന്നിലധികം തവണ കസ്റ്റംസ് മുന്നില്‍ ഹാജരായി രേഖകള്‍ സമര്‍പ്പിച്ചിരുന്നു. ഗാരേജില്‍ നിന്നുള്ള വാഹനങ്ങള്‍ അറ്റകുറ്റപ്പണിക്കെത്തിച്ചതാണെന്ന് അമിത് വ്യക്തമാക്കി. വാഹനങ്ങളുടെ യഥാര്‍ത്ഥ ഉടമകളും നേരത്തെ കസ്റ്റംസ് ഉദ്യോഗസ്ഥരോട് ഹാജരായിരുന്നു. ഭൂട്ടാന്‍, നേപ്പാള്‍ റൂട്ടുകളിലൂടെ ലാന്‍ഡ് ക്രൂയിസര്‍, ഡിഫന്‍ഡര്‍ പോലുള്ള ആഡംബര കാറുകള്‍ വ്യാജ രേഖകളുടെ സഹായത്തോടെ ഇന്ത്യയില്‍ കടത്തുകയും പിന്നീട് താരങ്ങള്‍ക്കുള്‍പ്പെടെ വിലകുറച്ച് വില്‍ക്കുകയും ചെയ്ത ഒരു സിന്‍ഡിക്കേറ്റിന്റെ പ്രവര്‍ത്തനമാണ് അന്വേഷണത്തില്‍ പുറത്തുവന്നത്.

ഇന്ത്യന്‍ ആര്‍മി, യുഎസ് എംബസി, വിദേശകാര്യ മന്ത്രാലയം എന്നിവയുമായി ബന്ധപ്പെട്ടതാണെന്ന് തോന്നിക്കുന്ന വ്യാജ രേഖകളും, വ്യാജ ആര്‍ടിഒ രജിസ്‌ട്രേഷനുകളും ഉപയോഗിച്ചിരുന്നതായി പ്രാഥമിക അന്വേഷണത്തില്‍ കണ്ടെത്തി. ഈ കേസിന്റെ ഭാഗമായി ദുല്‍ഖര്‍ സല്‍മാന്‍, പൃഥ്വിരാജ്, അമിത് ചക്കാലക്കല്‍ തുടങ്ങിയ നടന്മാരുടെ വീടുകള്‍ ഉള്‍പ്പെടെ കേരളത്തിലെ 17 ഇടങ്ങളില്‍ കസ്റ്റംസ് കഴിഞ്ഞ സെപ്റ്റംബറില്‍ റെയ്ഡ് നടത്തിയിരുന്നു. വാഹന ഡീലര്‍മാരുടെ വീടുകളിലും പരിശോധന നടന്നു. വ്യാജ രേഖകള്‍ വഴി ഇറക്കുമതി ചെയ്ത വാഹനങ്ങളുമായി ബന്ധപ്പെട്ട ഇടപാടുകള്‍, സാമ്പത്തിക കള്ളപ്പണം എന്നിവയാണ് എന്‍ഫോഴ്‌സ്‌മെന്റ് ഡയറക്ടറേറ്റിന്റെ നിലവിലെ അന്വേഷണത്തിന്റെ കേന്ദ്രീകരണം. കസ്റ്റംസിനൊപ്പം ഇഡിയും കേസില്‍ അന്വേഷണം തുടരുകയാണ്.

]]> https://www.chandrikadaily.com/actor-amit-chakkalakkals-seized-land-cruiser-released-by-customs.html/feed 0 ഭൂട്ടാന്‍ കാര്‍ കടത്ത്: നടന്‍ അമിത് ചക്കാലക്കലിന് ഇ.ഡി നോട്ടീസ് https://www.chandrikadaily.com/bhutan-car-smuggling-ed-notice-to-actor-amit-chakalakal.html https://www.chandrikadaily.com/bhutan-car-smuggling-ed-notice-to-actor-amit-chakalakal.html#respond Wed, 12 Nov 2025 16:29:57 +0000 https://www.chandrikadaily.com/?p=363454 കൊച്ചി: ഭൂട്ടാന്‍ കാര്‍ കടത്തുമായി ബന്ധപ്പെട്ട കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റ് നടന്‍ അമിത് ചക്കാലക്കല്‍ അടക്കമുള്ളവര്‍ക്ക് നോട്ടീസ് നല്‍കി. ദുല്‍ഖര്‍ സല്‍മാനെയും നോട്ടീസ് നല്‍കി വിളിപ്പിക്കാനാണ് നീക്കം. നേരത്തെ കേസുമായി ബന്ധപ്പെട്ട് മമ്മൂട്ടി, ദുല്‍ഖര്‍ സല്‍മാന്‍, പൃഥിരാജ്, അമിത് ചക്കാലക്കല്‍ എന്നിവരുടെ വീടുകള്‍ ഇ.ഡി പരിശോധിച്ചിരുന്നു.

കസ്റ്റംസ് പ്രിവന്റീവ് വിഭാഗം നടത്തിയ പരിശോധനക്ക് പിന്നാലെയായിരുന്നു ഇ.ഡി റെയ്ഡ്. സംസ്ഥാനത്തെ 17 ഇടങ്ങളിലായി കസ്റ്റംസ് പ്രിവന്റീവ് വിഭാഗം നടത്തിയ അന്വേഷണത്തിന്റെ തുടര്‍ച്ചയായാണ് ഇപ്പോള്‍ ഇ.ഡിയുടെ അന്വേഷണം. വ്യാജരേഖകളുണ്ടാക്കി ഇന്ത്യയിലേക്ക് വാഹനമെത്തിച്ച ഇടനിലക്കാര്‍, കച്ചവടക്കാര്‍, വാഹനം വാങ്ങിയവര്‍ എന്നിവരെ കേന്ദ്രീകരിച്ച് കാര്‍ കള്ളക്കടത്ത് കേസിലെ കള്ളപ്പണ ഇടപാടാണ് ഇ.ഡി പരിശോധിക്കുന്നത്.

വാഹന കടത്തില്‍ ഫെമ നിയമത്തിന്റെ മൂന്ന്, നാല്, എട്ട് വകുപ്പുകളുടെ ലംഘനം കണ്ടെത്തിയതായി നേരത്തെ ഇ.ഡി അധികൃതര്‍ അറിയിച്ചിരുന്നു. ഭൂട്ടാനില്‍നിന്ന് സൈന്യം ഉപേക്ഷിച്ച 200ഓളം ആഡംബര വാഹനങ്ങള്‍ കേരളമടക്കം ഇന്ത്യന്‍ സംസ്ഥാനങ്ങളിലേക്ക് കടത്തിയെന്ന വിവരത്തെത്തുടര്‍ന്നാണ് കസ്റ്റംസ് പ്രിവന്റീവ് വിഭാഗം ‘ഓപറേഷന്‍ നുംഖോര്‍’ എന്ന പേരില്‍ വ്യാപക പരിശോധന നടത്തിയത്.

]]> https://www.chandrikadaily.com/bhutan-car-smuggling-ed-notice-to-actor-amit-chakalakal.html/feed 0 22 വര്‍ഷത്തിന് ശേഷം തിരിച്ചുവരവ്: നവംബര്‍ 25ന് ടാറ്റ സിയറ ഇന്ത്യന്‍ വിപണിയില്‍ https://www.chandrikadaily.com/comeback-after-22-years-tata-sierra-in-indian-market-on-november-25.html https://www.chandrikadaily.com/comeback-after-22-years-tata-sierra-in-indian-market-on-november-25.html#respond Tue, 04 Nov 2025 14:42:58 +0000 https://www.chandrikadaily.com/?p=361971 മുംബൈ: 22 വര്‍ഷത്തെ ഇടവേളയ്ക്ക് ശേഷം ടാറ്റ മോട്ടോഴ്‌സ് അവതരിപ്പിക്കുന്ന പുതിയ സിയറ വാഹനലോകത്ത് വലിയ ആവേശം സൃഷ്ടിക്കുന്നു. ”ദ ലെജന്‍ഡ് റിട്ടേണ്‍സ്” എന്ന പേരില്‍ പുറത്തിറങ്ങിയ പുതിയ ടീസറില്‍ ഇന്റീരിയര്‍ ഡിസൈന്‍ ആദ്യമായി വ്യക്തമാകുന്നു. നവംബര്‍ 25ന് സിയറ ഇന്ത്യന്‍ വിപണിയില്‍ എത്തും.

പുതിയ സിയറയില്‍ കോംപാക്ട് എസ് യു വി വിഭാഗത്തിലെ ഏറ്റവും വലിയ പനോരാമിക് സണ്‍റൂഫ് ഉള്‍പ്പെടും. കൂടാതെ ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, സെന്‍ട്രല്‍ ടച്ച്‌സ്‌ക്രീന്‍ ഇന്‍ഫോടെയിന്‍മെന്റ് സിസ്റ്റം, ഫ്രണ്ട് പാസഞ്ചറിനുള്ള പ്രത്യേക ഇന്‍ഫോടെയിന്‍മെന്റ് സ്‌ക്രീന്‍ എന്നിവയടങ്ങിയ ത്രിപ്പിള്‍ സ്‌ക്രീന്‍ സജ്ജീകരണം ലഭ്യമാകും എന്നാണ് സൂചന.

ടാറ്റയുടെ മോഡല്‍ നിരയില്‍ സിയറ കര്‍വ്, ഹാരിയര്‍ മോഡലുകള്‍ക്കിടയിലായിരിക്കും സ്ഥാനം നേടുക. വിപണിയില്‍ ഹ്യുണ്ടായി ക്രെറ്റ, മാരുതി ഗ്രാന്‍ഡ് വിറ്റാര, ഹോണ്ട എലിവേറ്റ് തുടങ്ങിയവയാണ് സിയറയുടെ പ്രധാന എതിരാളികള്‍.

ആദ്യം ഐസിഇ (പെട്രോള്‍/ഡീസല്‍) പതിപ്പായി സിയറ എത്തും. തുടര്‍ന്ന് ഇലക്ട്രിക് പതിപ്പും പുറത്തിറങ്ങും. 2023-ലെ ഡല്‍ഹി ഓട്ടോ എക്‌സ്‌പോയില്‍ കണ്‍സെപ്റ്റ് രൂപത്തില്‍ ആദ്യമായി അവതരിപ്പിച്ച സിയറയെ, 2025-ലെ ഭാരത് മൊബിലിറ്റി എക്‌സ്‌പോയില്‍ പ്രൊഡക്ഷന്‍ പതിപ്പായി പ്രദര്‍ശിപ്പിച്ചിരുന്നു.

]]> https://www.chandrikadaily.com/comeback-after-22-years-tata-sierra-in-indian-market-on-november-25.html/feed 0 ഇനി പറക്കും കാറുകളുടെ ലോകം: ചൈന ‘ഷവോപെങ്’ പരീക്ഷണ ഉല്‍പാദനം തുടങ്ങി https://www.chandrikadaily.com/11now-the-world-of-flying-cars-china-shaopeng-test-production-started.html https://www.chandrikadaily.com/11now-the-world-of-flying-cars-china-shaopeng-test-production-started.html#respond Tue, 04 Nov 2025 10:33:22 +0000 https://www.chandrikadaily.com/?p=361898 ബെയ്ജിങ്: വാഹനലോകത്തെ അടുത്ത തലമുറയായ പറക്കും കാറുകള്‍ രംഗത്തിറക്കാനുള്ള നിര്‍ണായക ചുവടുവെപ്പുമായി ചൈന മുന്നോട്ടു കടന്നു. ചൈന ആസ്ഥാനമായുള്ള ‘ഷവോപെങ്’ കമ്പനി പറക്കും കാറുകളുടെ പരീക്ഷണ ഉല്‍പാദനം ആരംഭിച്ചതായി റിപ്പോര്‍ട്ടുകള്‍ പറയുന്നു. ടെസ്ലയും മറ്റു യു.എസ് കമ്പനികളും ഇതേ രംഗത്ത് പ്രവേശിക്കാന്‍ തയ്യാറെടുക്കുന്ന സമയത്താണ് ചൈനയുടെ ഈ നീക്കം.

ദക്ഷിണ ചൈനയിലെ ഗ്വാങ്ഷൂവിലെ ഹുവാങ്പു ജില്ലയില്‍ സ്ഥിതിചെയ്യുന്ന പ്ലാന്റിലാണ് ഉല്‍പാദനം ആരംഭിച്ചത്. 1,20,000 ചതുരശ്ര മീറ്റര്‍ വിസ്തൃതിയുള്ള ഈ ഫാക്ടറി, വേര്‍പെടുത്താവുന്ന ഇലക്ട്രിക് വിമാന ഭാഗങ്ങള്‍ ‘ലാന്‍ഡ് എയര്‍ക്രാഫ്റ്റ് കാരിയര്‍’ നിര്‍മ്മിക്കാന്‍ തയ്യാറായിരിക്കുന്നു.

സിന്‍ഹുവ വാര്‍ത്താ ഏജന്‍സിയുടെ റിപ്പോര്‍ട്ട് പ്രകാരം, ഫാക്ടറിയ്ക്ക് വര്‍ഷത്തില്‍ 10,000 വിമാന മൊഡ്യൂളുകള്‍ നിര്‍മ്മിക്കാനുള്ള ശേഷിയുണ്ട്. പൂര്‍ണമായും പ്രവര്‍ത്തനക്ഷമമായ ശേഷം, ഓരോ 30 മിനിറ്റിലും ഒരു പറക്കും ഭാഗം വീതം കൂട്ടിച്ചേര്‍ക്കാനാകും.

ഉല്‍പ്പന്നം അവതരിപ്പിച്ചതിനു പിന്നാലെ 5,000 പറക്കും കാറുകള്‍ക്കുള്ള ഓര്‍ഡറുകള്‍ ഇതിനകം ലഭിച്ചതായും, 2026-ല്‍ വന്‍തോതിലുള്ള ഉല്‍പാദനവും വിതരണവും ആരംഭിക്കാനാണ് പദ്ധതി എന്നും ‘ഷവോപെങ്’ അറിയിച്ചു.

‘മദര്‍ഷിപ്പ്’ എന്നറിയപ്പെടുന്ന ആറുചക്രങ്ങളുള്ള ഗ്രൗണ്ട് വാഹനം, കൂടാതെ വേര്‍പെടുത്താവുന്ന ഇലക്ട്രിക് വെര്‍ട്ടിക്കല്‍ ടേക്ക്-ഓഫ് ആന്‍ഡ് ലാന്‍ഡിംഗ് വിമാനവും ഇതില്‍ ഉള്‍പ്പെടുന്നു. ഓട്ടോമാറ്റിക്, മാനുവല്‍ എന്നീ രണ്ട് ഫ്‌ലൈറ്റ് മോഡുകളും ഉണ്ടായിരിക്കും. 5.5 മീറ്റര്‍ നീളമുള്ള ഈ കാര്‍ സാധാരണ ലൈസന്‍സോടെ റോഡുകളില്‍ ഓടിക്കാനും പാര്‍ക്ക് ചെയ്യാനും കഴിയും.

അതേസമയം, ടെസ്ലാ സി.ഇ.ഒ ഇലോണ്‍ മസ്‌ക് തന്റെ സ്ഥാപനവും പറക്കും കാര്‍ നിര്‍മാണത്തിലേക്ക് കടന്നുവരുന്നുവെന്ന് വ്യക്തമാക്കി. രണ്ട് മാസത്തിനുള്ളില്‍ വാഹനം അനാച്ഛാദനം ചെയ്യുമെന്ന് അദ്ദേഹം അറിയിച്ചു.

മറ്റൊരു യു.എസ് കമ്പനി ആയ ‘അലെഫ് എയറോനോട്ടിക്‌സ്’ അവരുടെ പറക്കും കാര്‍ പരീക്ഷണയോട്ടങ്ങള്‍ അടുത്തിടെ പ്രദര്‍ശിപ്പിച്ചു. വാണിജ്യ ഉത്പാദനം ഉടന്‍ ആരംഭിക്കുമെന്നും കമ്പനി അറിയിച്ചു. ഇതിനകം ഒരു ബില്യണ്‍ ഡോളറിലധികം മുന്‍കൂര്‍ ബുക്കിങ് ലഭിച്ചതായും സി.ഇ.ഒ ജിം ഡുക്കോവ്‌നി വ്യക്തമാക്കി. ഈ കാറുകള്‍ ഡ്രൈവിംഗ് ലൈസന്‍സിനൊപ്പം ലൈറ്റ് പ്ലെയിന്‍ ഫ്‌ലൈയിങ് ലൈസന്‍സും ആവശ്യമായിരിക്കും.

]]> https://www.chandrikadaily.com/11now-the-world-of-flying-cars-china-shaopeng-test-production-started.html/feed 0 തൊടുപുഴയില്‍ കാര്‍ താഴ്ചയിലേക്ക് മറിഞ്ഞു; പിഞ്ചുകുഞ്ഞ് ഉള്‍പ്പെടെ രണ്ടുപേര്‍ മരിച്ചു https://www.chandrikadaily.com/car-overturns-in-thodupuzha-two-people-including-a-toddler-die.html https://www.chandrikadaily.com/car-overturns-in-thodupuzha-two-people-including-a-toddler-die.html#respond Sun, 19 Oct 2025 15:34:57 +0000 https://www.chandrikadaily.com/?p=359267 തൊടുപുഴ: തൊടുപുഴ മുട്ടം ശങ്കരപ്പിള്ളിയില്‍ കാര്‍ താഴ്ചയിലേക്ക് മറിഞ്ഞ് പിഞ്ചുകുഞ്ഞ് ഉള്‍പ്പെടെ രണ്ടുപേര്‍ മരിച്ചു. മൂന്നു പേര്‍ക്ക് പരിക്കേറ്റു. വെങ്ങല്ലൂര്‍ കരടിപ്പറമ്പില്‍ ആമിന ബീവി (58), കൊച്ചുമകള്‍ മിഷേല്‍ മറിയം (4 മാസം ) എന്നിവരാണ് മരിച്ചത്. തൊടുപുഴ പുളിയന്‍മല സംസ്ഥാനപാതയില്‍ വൈകിട്ട് 4.45 നായിരുന്നു അപകടം.

നിയന്ത്രണം നഷ്ടപ്പെട്ട് മരത്തിലിടിച്ച കാര്‍ താഴ്ചയിലേക്ക് മറിയുകയായിരുന്നു. കെ എസ് ഷാമോന്‍, ഭാര്യ ഹസീന (29), ഇവരുടെ മകള്‍ നാലുവയസുള്ള ഐഷ എന്നിവര്‍ക്കാണ് പരിക്കേറ്റത്. ഷാമോന്‍ ഹസീന ദമ്പതികളുടെ മകളാണ് മിഷേല്‍ മറിയം. ഷാമോന്റെ അമ്മയാണ് മരിച്ച അമീനബീവി. വെള്ളത്തൂവല്‍ പൊലീസ് സ്റ്റേഷനിലെ സിവില്‍ പൊലീസ് ഓഫീസറാണ് ഷാമോന്‍.

തൊടുപുഴ ഭാഗത്തേക്ക് വന്ന കാര്‍ ശങ്കരപ്പിള്ളി പാലത്തിന് സമീപം നിയന്ത്രണം വിട്ട് റോഡരികിലെ മരത്തില്‍ ഇടിച്ചതിനു ശേഷം താഴ്ചയിലേക്ക് മറിയുകയായിരുന്നു. അപകടത്തില്‍ പരിക്കേറ്റവരെ നാട്ടുകാര്‍ തൊടുപുഴയിലെ സ്വകാര്യ ആശുപത്രിയില്‍ എത്തിച്ചെങ്കിലും അമീന ബീവിയേയും, മിഷേല്‍ മറിയത്തിനേയും രക്ഷിക്കാന്‍ കഴിഞ്ഞില്ല. മൃതദേഹം തൊടുപുഴ ജില്ലാ ആശുപത്രിയിലേക്ക് മാറ്റി. തിങ്കളാഴ്ച പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടു നല്‍കും.

]]> https://www.chandrikadaily.com/car-overturns-in-thodupuzha-two-people-including-a-toddler-die.html/feed 0 തിരുവനന്തപുരത്ത് ആഡംബര കാറിനെ ചൊല്ലി തര്‍ക്കം; മകന്റെ തലയില്‍ കമ്പിപ്പാര കൊണ്ട് അടിച്ചു, പിതാവ് അറസ്റ്റില്‍ https://www.chandrikadaily.com/argument-over-luxury-car-in-tthiruvananthapuram-the-son-was-beaten-on-the-head-with-a-wire-rod-and-the-father-was-arrested.html https://www.chandrikadaily.com/argument-over-luxury-car-in-tthiruvananthapuram-the-son-was-beaten-on-the-head-with-a-wire-rod-and-the-father-was-arrested.html#respond Sun, 12 Oct 2025 17:17:46 +0000 https://www.chandrikadaily.com/?p=358082 ആഡംബര കാര്‍ വേണമെന്ന് ആവശ്യപ്പെട്ടുണ്ടായ വഴക്കിനെ തുടര്‍ന്ന് മകന്റെ തലയില്‍ കമ്പിപ്പാര കൊണ്ട് അടിച്ച പിതാവ് അറസ്റ്റില്‍. വഞ്ചിയൂര്‍ സ്വദേശി വിജയാനന്ദനെയാണ് പൊലീസ് അറസ്റ്റ് ചെയ്തത്. കാറിനെ ചൊല്ലിയുണ്ടായ തര്‍ക്കം ഒടുവില്‍ ഉന്തും തള്ളിലേക്ക് എത്തുകയും പിന്നാലെ പിതാവ് കമ്പിപ്പാര എടുത്ത് മകന്റെ തലയ്ക്ക് അടിക്കുകയുമായിരുന്നു.

പരിക്കേറ്റ ഹൃത്വിക്ക് (22) തിരുവനന്തപുരം മെഡിക്കല്‍ കോളജ് ആശുപത്രിയില്‍ തീവ്രപരിചരണവിഭാഗത്തില്‍ ചികിത്സയിലാണ്. ഹൃത്വിക്കിന്റെ നില ഗുരുതരമാണെന്നാണ് വിവരം. വിജയാനന്ദന്റെ ഏക മകനാണ് ഹൃത്വിക്.

ഒരു വര്‍ഷം മുന്‍പ് ഇയാള്‍ മകന് 17 ലക്ഷം രൂപയുടെ ബൈക്ക് വാങ്ങിക്കൊടുത്തിരുന്നു. എന്നാല്‍ ആഡംബര കാര്‍ വാങ്ങണമെന്ന് കുറച്ചു ദിവസങ്ങളായി ഹൃത്വിക്ക് പിതാവിനോടു നിരന്തരം ആവശ്യപ്പെട്ടിരുന്നു. അതേസമയം കാര്‍ വാങ്ങാനുള്ള സാമ്പത്തികാവസ്ഥ ഇല്ലെന്ന് പിതാവ് പറഞ്ഞെങ്കിലും അതു ഹൃത്വിക്ക് കേട്ടില്ല. പിന്നാലെയുണ്ടായ വഴക്കിനിടെ മകന്‍ മാതാപിതാക്കളെ ആക്രമിക്കാന്‍ ശ്രമിച്ചു. ഇതു ചെറുക്കുന്നതിനിടെയാണ് പിതാവ് കമ്പിപ്പാര എടുത്ത് മകന്റെ തലയ്ക്കടിച്ചത്.

]]> https://www.chandrikadaily.com/argument-over-luxury-car-in-tthiruvananthapuram-the-son-was-beaten-on-the-head-with-a-wire-rod-and-the-father-was-arrested.html/feed 0