മരുന്ന് വിതരണക്കാര്‍ക്ക് സര്‍ക്കാര്‍ മെഡിക്കല്‍ കോളജുകളിലും ജില്ലാ ആശുപത്രികളിലുമായി 158.68 കോടി രൂപയുടെ കുടിശ്ശികയുണ്ട്. കോഴിക്കോട് മെഡിക്കല്‍ കോളജില്‍ മാത്രം 34.90 കോടി രൂപയുടെ കുടിശ്ശികയാണുള്ളത്. കുടിശ്ശിക തീര്‍ത്തില്ലെങ്കില്‍ സംസ്ഥാനത്തൊട്ടാകെ വിതരണം നിര്‍ത്തിവയ്ക്കുമെന്ന് ഉപകരണ വിതരണക്കാരുടെ സംഘടന സിഡിഎംഐഡി അറിയിച്ചു. 31 നകം കുടിശ്ശിക തീര്‍ത്തില്ലെങ്കില്‍ വിതരണം പുനരാരംഭിക്കില്ലെന്ന് വിതരണക്കാര്‍ അറിയിച്ചു.

ഹൃദ്രോഗത്തിനു കാരണമാകുന്ന പ്രമേഹം,ഉയര്‍ന്ന കൊളസ്‌ട്രോള്‍, രക്താതിസമ്മര്‍ദം എന്നിവ ബാധിച്ചവരുടെ എണ്ണത്തിലും രോഗവ്യാപനത്തിലും കേരളം മുന്നിലാണെന്ന്  ഡോ.പ്രഭാനിനി ഗുപ്ത പറഞ്ഞു. കാര്‍ഡിയോളജിക്കല്‍ സൊസൈറ്റി ഓഫ് ഇന്ത്യ കേരളചാപ്റ്റര്‍ വാര്‍ഷികസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അവര്‍.