OET/ IELTS ഭാഷാ യോഗ്യതയും ( OETപരീക്ഷയിൽ reading, speaking, listening എന്നിവയിൽ ബി ഗ്രേഡും Writing ൽ സി പ്ളസുംഅല്ലേങ്കിൽ IELTS reading, speaking, listening സ്കോർ 7നും Writing ൽ സ്കോർ 6.5 ) നഴ്സിംഗിൽ ഡിഗ്രിയോ ഡിപ്ളോമയോ ഉള്ള ഉദ്യോഗാർത്ഥികൾക്ക് നഴ്സ് തസ്തികയിലേക്ക് അപേക്ഷിക്കാം.കഴിഞ്ഞ 9 മാസത്തിനുള്ളിൽ OET പരീക്ഷയിൽ ഏതെങ്കിലും 2 മോഡ്യൂളിന് ബി ഗ്രേഡോ IELTS പരീക്ഷയിൽ ഏതെങ്കിലും 2 മോഡ്യൂളിന് സ്കോർ ഏഴോ ലഭിച്ച നഴ്സുമാർക്കും അപേക്ഷിക്കാം.
ഉദ്യോഗാർത്ഥികൾക്ക് uknhs.norka@kerala.gov.in എന്ന ഇ-മെയിൽ വിലാസത്തിൽ സി വി , ഒഇടി സ്കോർ എന്നിവ അയയ്ക്കാവുന്നതാണ്. ഡോക്ടർമാരിൽ ജനറൽ മെഡിസിൻ, അനസ്തെറ്റിസ്റ്റ്, സൈക്യാട്രിസ്റ്റ് എന്നീ വിഭാഗങ്ങളിലേക്കാണ് ഒഴിവുകൾ ഉള്ളത്. ബന്ധപ്പെട്ട വിഭാഗങ്ങളിൽ ബിരുദാനന്തര ബിരുദത്തിനു ശേഷം 4 വർഷത്തെ എക്സ്പീരിയൻസ് ഉള്ളവർക്ക് അപേക്ഷിക്കാം. പ്ലാബ് നിർബന്ധമില്ല.

വിശദ വിവരങ്ങൾക്ക് 1800 425 3939 ടോൾ ഫ്രീ നമ്പരിൽ ബന്ധപ്പെടാവുന്നതാണ് എന്ന് നോർക്കാ ചീഫ് എക്സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾക്ക് നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജിന്റെ www.nifl.norkaroots.org എന്ന വെബ്സൈറ്റ് സന്ദർശിക്കുക.

ശുചിത്വ കേരളത്തിലേക്കുള്ള യാത്രയിലെ നിര്‍ണായക ചുവടുവെപ്പാകും യുവ പ്രഫഷണല്‍മാരുടെ നിയമനമെന്ന് മന്ത്രി എം ബി രാജേഷ് പറഞ്ഞു. നഗരങ്ങളിലെ ശുചിത്വ പ്രവര്‍ത്തനങ്ങള്‍ക്ക് ഇത് ശക്തി പകരും. 2026 ഓടെ ശുചിത്വ കേരളം സാധ്യമാക്കാനുള്ള ഇടപെടലുകളാണ് സര്‍ക്കാര്‍ നടത്തുന്നത്. ഖര-ദ്രവ-കെട്ടിട മാലിന്യങ്ങളുള്‍പ്പെടെ കൈകാര്യം ചെയ്യുന്ന പുത്തന്‍ മാതൃകകള്‍ സംസ്ഥാനത്ത് സൃഷ്ടിക്കും. ജനങ്ങളെ ബോധവത്കരിച്ച്, ജനകീയമായിത്തന്നെ മാലിന്യ സംസ്‌കരണ പ്രവര്‍ത്തനങ്ങള്‍ ഏറ്റെടുക്കാനാണ് സര്‍ക്കാര്‍ ശ്രമം. ഈ ലക്ഷ്യം മുന്‍നിര്‍ത്തിയുള്ള പ്രവര്‍ത്തനങ്ങളില്‍ യുവ പ്രൊഫഷണലുകള്‍ക്കും നിര്‍ണായക പങ്ക് വഹിക്കാനാകുമെന്നും മന്ത്രി പറഞ്ഞു.

മാലിന്യ സംസ്‌കരണ പദ്ധതികള്‍ എല്ലാ നഗരസഭകളിലും യാഥാര്‍ഥ്യമാക്കാനുള്ള വിപുലമായ പ്രവര്‍ത്തനങ്ങളുമായി സര്‍ക്കാര്‍ മുന്നോട്ടുപോവുകയാണ്. നഗരസഭകളില്‍ ഹെല്‍ത്ത് ഇന്‍സ്‌പെക്ടര്‍മാരാണ് മാലിന്യ-ശുചിത്വ പ്രവര്‍ത്തനങ്ങള്‍ ഏകോപിപ്പിക്കുന്നത്. തദ്ദേശ സ്വയം ഭരണ വകുപ്പ് ഏകോപനം യാഥാര്‍ഥ്യമായതോടെ എല്ലാ നഗരസഭകളിലും ക്ലീന്‍ സിറ്റി മാനേജര്‍മാരും നിയമിക്കപ്പെടുകയാണ്. ഇതിന് പുറമേ കോര്‍പറേഷനുകളില്‍ എന്‍വയോണ്‍മെന്റല്‍ എഞ്ചിനീയര്‍മാരും നിയമിക്കപ്പെടും. ഇവര്‍ക്കൊപ്പം യുവ പ്രൊഫഷണലുകള്‍ കൂടി എത്തുന്നതോടെ, ശുചിത്വ-മാലിന്യ സംസ്‌കരണ പ്രവര്‍ത്തനങ്ങള്‍ക്ക് പുത്തന്‍ കുതിപ്പ് സാധ്യമാകുമെന്നാണ് പ്രതീക്ഷിക്കപ്പെടുന്നത്.

കണ്ണൂരിലടക്കം രാജ്യത്തൊട്ടാകെയുള്ള 18 ക്യാമ്പസുകളില്‍ പഠിപ്പിക്കപ്പെടുന്ന വിവിധ കോഴ്‌സുകള്‍ അനുദിനം മാറിക്കൊണ്ടിരിക്കുന്ന ഫാഷന്‍ സങ്കല്‍പങ്ങള്‍ക്കനുസൃതയുള്ളതാണ്. ഫാഷന്‍ അനുബന്ധ വിഷയങ്ങള്‍ക്ക് പുറമെ ആശയവിനിമയം, ക്രിയാത്മക ചിന്ത, തൊഴില്‍ നൈതികത എന്നിവക്കൊപ്പം പുതുതായി പ്രസക്തമായിക്കൊണ്ടിരിക്കുന്ന ആര്‍ട്ടിഫിഷ്യല്‍ ഇന്റലിജന്‍സ്, ഫാഷന്‍ തിങ്കിംഗ്, ഓഗ്മെന്റഡ് റിയാലിറ്റി, സ്മാര്‍ട്ട് ജ്വല്ലറി, ത്രീ ഡി പ്രിന്റിങ് തുടങ്ങിയവയും കരിക്കുലത്തില്‍ ഉള്‍പ്പെടുത്തിയിട്ടുണ്ട്. റെഗുലര്‍, സ്റ്റുഡിയോ പരിശീലനം, സംയോജിത പ്രവര്‍ത്തനം, സ്വയംപഠനം എന്നിവ സമന്വയിപ്പിച്ച് ഇന്റര്‍ഡിസിപ്ലിനറി സ്വഭാവത്തോടെയുള്ള പഠനരീതിയാണുള്ളത്.

നാലു വര്‍ഷം ദൈര്‍ഘ്യമുള്ള ബാച്ചിലര്‍ ഓഫ് ഡിസൈന്‍ (ബി.ഡിസ്), ബാച്ചിലര്‍ ഓഫ് ഫാഷന്‍ ടെക്‌നോളജി (ബി.എഫ്.ടെക്) എന്നിങ്ങനെ രണ്ട് കോഴ്‌സുകളാണ് ബിരുദതലത്തില്‍ പഠിപ്പിക്കപ്പെടുന്നത്. ബി.ഡിസ് കോഴ്‌സില്‍ ഫാഷന്‍, ആക്‌സസറി, ഫാഷന്‍ കമ്മ്യൂണിക്കേഷന്‍, നിറ്റ്‌വെയര്‍, ലെതര്‍, ടെക്‌സ്‌റ്റൈല്‍ എന്നിങ്ങനെയുള്ള സ്‌പെഷ്യലൈസേഷനാണുള്ളത്. കണ്ണൂരില്‍ ഫാഷന്‍, ടെക്‌സ്‌റ്റൈല്‍, നിറ്റ്‌വെയര്‍ ഡിസൈന്‍, ഫാഷന്‍ കമ്മ്യൂണിക്കേഷന്‍ എന്നീ ബി.ഡിസ് പ്രോഗ്രാമുകളും അപ്പാരല്‍ പ്രൊഡക്ഷനിലെ ബി.എഫ്.ടെക് പ്രോഗ്രാമുമാണുള്ളത്. കേരളത്തില്‍ പ്ലസ്ടു പഠിച്ചവര്‍ക്ക് കണ്ണൂരില്‍ 7 സീറ്റ് വീതം കൂടുതലായുണ്ടാവും.

ബി.ഡിസ് പ്രവേശനത്തിന് ഏതെങ്കിലും വിഷയത്തില്‍ പ്ലസ്ടു വിജയിച്ചവര്‍ക്ക് അപേക്ഷിക്കാം. എന്നാല്‍ ബി.എഫ്.ടെക് പ്രോഗ്രാമിന് അപേക്ഷിക്കുവാന്‍ ഫിസിക്‌സ്, ഗണിതം എന്നിവ ഉള്‍ക്കൊള്ളുന്ന പ്ലസ്ടു വിജയിച്ചിരിക്കണം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം. മാര്‍ക്ക് നിബന്ധനയില്ല. പിഴയില്ലാതെ ഡിസംബര്‍ 31 വരെയും 5,000 രൂപ പിഴയോടെ ജനുവരി ആദ്യവാരം വരെയും അപേക്ഷിക്കാം.

കേന്ദ്ര മാനദണ്ഡപ്രകാരം വിവിധ വിഭാഗങ്ങള്‍ക്ക് സംവരണമുണ്ട്. പൊതു, ഒ.ബി.സി, സാമ്പത്തിക സംവരണ വിഭാഗങ്ങള്‍ക്ക് 3000 രൂപ, പട്ടികജാതി/വര്‍ഗ, ഭിന്നശേഷിക്കാര്‍ എന്നിവര്‍ക്ക് 1500 രൂപയുമാണ് അപേക്ഷാ ഫീസ്. 2023 ഫെബ്രുവരി അഞ്ചിന് നടക്കുന്ന പ്രവേശന പരീക്ഷക്ക് കൊച്ചി, കണ്ണൂര്‍ അടക്കം രാജ്യത്തെമ്പാടുമായി 37 പരീക്ഷാകേന്ദ്രങ്ങളുണ്ട്. ബി.ഡിസ് പ്രവേശനത്തിന് ക്രിയേറ്റീവ് അഭിരുചി പരീക്ഷ (ഇഅഠ) പൊതു അഭിരുചി പരീക്ഷ (ഏഅഠ) എന്നിവയില്‍ യോഗ്യത നേടുന്നവര്‍ സിറ്റുവേഷന്‍ ടെസ്റ്റ് കൂടി വിജയിക്കണം. ഫാഷന്‍ ടെക്‌നോളജി കോഴ്‌സിന് പൊതു അഭിരുചി പരീക്ഷ മാത്രമാണുള്ളത്.

ഫാഷന്‍ അനുബന്ധ മേഖലയില്‍ ഡിപ്ലോമ പൂര്‍ത്തിയാക്കിയവര്‍ക്ക് ലാറ്ററല്‍ എന്‍ട്രി വഴി ബി.ഡിസ് പ്രോഗ്രാമിന്റെ മൂന്നാം സെമസ്റ്ററിലേക്ക് പ്രവേശനം നേടാന്‍ അവസരമുണ്ട്. ബിരുദ കോഴ്‌സുകള്‍ക്ക് പഠനം പൂര്‍ത്തിയാക്കാന്‍ ഫീസായി 13 ലക്ഷം രൂപയോളം ചെലവുണ്ടെങ്കിലും സമര്‍ത്ഥരും നിര്‍ദ്ധനരുമായ വിദ്യാര്‍ത്ഥികള്‍ക്ക് സ്‌കോളര്‍ഷിപ്പ് ലഭിക്കാന്‍ അര്‍ഹതയുണ്ട്.

അംഗീകൃത സര്‍വകലാശാലയില്‍ നിന്ന് ബിരുദം, എന്‍.ഐ.ഡി, എന്‍.ഐ.എഫ്.ടി എന്നിവയില്‍ നിന്ന് ഡിപ്ലോമ എന്നിവ നേടിയവര്‍ക്ക് അപേക്ഷിക്കാവുന്ന മാസ്റ്റര്‍ ഓഫ് ഡിസൈന്‍ (എം.ഡിസ്), മാസ്റ്റര്‍ ഓഫ് ഫാഷന്‍ മാനേജ്‌മെന്റ് (എം.എഫ്.എം), എന്‍.ഐ.എഫ്.ടി യില്‍ നിന്ന് ബി.എഫ്.ടെക്, ഏതെങ്കിലും വിഷയത്തില്‍ എഞ്ചിനീയറിംഗ് ബിരുദം എന്നിവയിലേതെങ്കിലും നേടിയവര്‍ക്ക് അപേക്ഷിക്കാവുന്ന മാസ്റ്റര്‍ ഓഫ് ഫാഷന്‍ ടെക്‌നോളജി (എം.എഫ്.ടെക്) പ്രോഗ്രാമുകളിലേക്കും ഇപ്പോള്‍ അപേക്ഷിക്കാം.

ബിരുദ, ബിരുദാനന്തര കോഴ്‌സുകള്‍ക്കായി മൊത്തത്തില്‍എല്ലാ കോഴ്‌സുകള്‍ക്കുമായി 4700 ലധികം സീറ്റുകളുണ്ട്. അപേക്ഷ സമര്‍പ്പിക്കുവാനും മറ്റു വിശദവിവരങ്ങള്‍ക്കും http://niftadmissions.in എന്ന വെബ്‌സൈറ്റ് പരിശോധിക്കാം.

കായിക മേഖലയില്‍ താല്‍പര്യമുള്ള വിദ്യാര്‍ഥികള്‍ക്ക് ആ മേഖലയില്‍ പഠനം നടത്താനും തൊഴിലവസരങ്ങള്‍ ഉപയോഗപ്പെടുത്താനും ഒട്ടേറെ സാധ്യതകള്‍ ഇന്ന് ലഭ്യമാണ്. വിനോദം എന്നതിനപ്പുറം സ്‌പോര്‍ട്‌സിനെ ഗൗരവമായി കാണുന്നവര്‍ക്ക് കരിയര്‍ മേഖലയിലെ സാധ്യതകള്‍ കണ്ടെത്താനും ഉയരാനുമായി പ്രവേശനം നേടാവുന്ന ഒട്ടനവധി കോഴ്‌സുകള്‍ നാട്ടിലും വിദേശത്തുമായി നിലവിലുണ്ട്.

പ്ലസ്ടു കഴിഞ്ഞതിന് ശേഷം അപേക്ഷ സമര്‍പ്പിക്കാവുന്ന ചില സ്ഥാപനങ്ങളുടെയും കോഴ്‌സുകളുടെയും വിവരങ്ങള്‍ ചുവടെ കൊടുക്കുന്നു. ചിലയിടത്ത് പ്രവേശനം ലഭിക്കണമെങ്കില്‍ കായിക മേഖലയിലെ വിവിധ തലങ്ങളിലെ മത്സരങ്ങളില്‍ മികവ് തെളിയിക്കുക എന്ന നിബന്ധന കൂടിയുണ്ട്. ഓരോ സ്ഥാപനത്തിന്റെയും വെബ്‌സൈറ്റ് പരിശോധിച്ച് ആവശ്യമായ യോഗ്യതകളും പ്രവേശന രീതിയും മനസ്സിലാക്കാം.

1. കേന്ദ്ര യുവജനകാര്യ സ്‌പോര്‍ട്‌സ് മന്ത്രാലയത്തിന് കീഴിലുള്ള നാഷണല്‍ സ്‌പോര്‍ട്‌സ് യൂണിവേഴ്‌സിറ്റി മണിപ്പൂര്‍
ബി.എസ്സി സ്‌പോര്‍ട്‌സ് കോച്ചിങ് (4 വര്‍ഷം)
ബാച്ചിലര്‍ ഓഫ് ഫിസിക്കല്‍ എജ്യുക്കേഷന്‍ ആന്‍ഡ് സ്‌പോര്‍ട്‌സ് (ബി.പി.ഇ.എസ് 3 വര്‍ഷം)

2. ലക്ഷ്മീബായ് നാഷണല്‍ കോളജ് ഓഫ് ഫിസിക്കല്‍ എജ്യുക്കേഷന്‍ തിരുവനന്തപുരം, ലക്ഷ്മീബായ് നാഷണല്‍ ഇന്‍സ്റ്റിറ്റിയൂട്ട് ഓഫ് ഫിസിക്കല്‍ എജ്യുക്കേഷന്‍, ഗ്വാളിയോര്‍, ഗുവാഹത്തി.
ബാച്ചിലര്‍ ഓഫ് ഫിസിക്കല്‍ എജ്യുക്കേഷന്‍ (ബി.പി.ഇഎഡ്4 വര്‍ഷം)
ഡിപ്ലോമ ഇന്‍ സ്‌പോര്‍ട്‌സ് കോച്ചിങ് (ഒരു വര്‍ഷംഗ്വാളിയോറില്‍ മാത്രം)

3. കാലിക്കറ്റ് സര്‍വകലാശാലക്ക് കീഴിലെ സെന്റര്‍ ഫോര്‍ ഫിസിക്കല്‍ എജ്യുക്കേഷന്‍,
ഗവ.കോളജ് ഓഫ് ഫിസിക്കല്‍ എജ്യുക്കേഷന്‍ ഈസ്റ്റ് ഹില്‍, കോഴിക്കോട്, ബി.പി.എഡ് കോളജ്, ചക്കിട്ടപ്പാറ, കോഴിക്കോട്.
ഇന്റഗ്രേറ്റഡ് ബാച്ചിലര്‍ ഓഫ് ഫിസിക്കല്‍
എജ്യുക്കേഷന്‍ (ബി.പി.ഇഎഡ് 4 വര്‍ഷം)

4. ക്രൈസ്റ്റ് കോളജ് ഇരിങ്ങാലക്കുട
ഇന്റഗ്രേറ്റഡ് ബാച്ചിലര്‍ ഓഫ് ഫിസിക്കല്‍
എജ്യുക്കേഷന്‍ (ബി.പി.ഇ) 4വര്‍ഷം

5. സെന്റ് ജോസഫ്‌സ് കോളജ്, ദേവഗിരി കോഴിക്കോട്, യു.സി കോളജ് ആലുവ, സെന്റ് തോമസ് കോളജ് പാല
ബാച്ചിലര്‍ ഓഫ് സ്‌പോര്‍ട്‌സ് മാനേജ്‌മെന്റ് (ബി.എം.എസ്) 3 വര്‍ഷം

6. സെന്റ് ജോസഫ്‌സ് അക്കാദമി ഓഫ് ഹയര്‍
എജുക്കേഷന്‍ ആന്‍ഡ് റിസര്‍ച്ച്, മൂലമറ്റം
ഇന്റഗ്രേറ്റഡ് ബാച്ചിലര്‍ ഓഫ് ഫിസിക്കല്‍
എജ്യുക്കേഷന്‍ (ബി.പി.ഇ) 4 വര്‍ഷം

7. എം.ഇ.എസ് കോളജ്, മാറമ്പള്ളി
എറണാകുളം
ബി.വോക് അഡ്വാന്‍സ്ഡ് കോഴ്‌സ് ഇന്‍
മള്‍ട്ടി സ്‌പോര്‍ട്‌സ് ആന്‍സ് ഫിറ്റ്‌നസ് ട്രെയ്‌നിങ് 3 വര്‍ഷം

8. അല്‍ഫോന്‍സാ കോളജ്, പാലാ
ബി.വോക് സ്‌പോര്‍ട്‌സ് ന്യൂട്രിഷ്യന്‍ ആന്‍ഡ് ഫിസിയോതെറാപ്പി3 വര്‍ഷം

9. തമിഴ്‌നാട് ഫിസിക്കല്‍ എജ്യുക്കേഷന്‍ ആന്‍ഡ് സ്‌പോര്‍ട്‌സ് യൂണിവേഴ്‌സിറ്റി, ചെന്നൈ
ബാച്ചിലര്‍ ഓഫ് ഫിസിക്കല്‍ എജ്യുക്കേഷന്‍ ആന്‍ഡ് സ്‌പോര്‍ട്‌സ് (ബി.പി.ഇ.എസ്)
ബി.എസ്സി എക്‌സര്‍സൈസ് ഫിസിയോളജി
ബി.എസ്സി സ്‌പോര്‍ട്‌സ് ബയോ മെക്കാനിക്‌സ് ആന്‍ഡ് കനിസിയോളജി
ബി.ബി.എ ഇന്‍ സ്‌പോര്‍ട്‌സ് മാനേജ്‌മെന്റ്
(എല്ലാം മൂന്ന് വര്‍ഷം)

10. അണ്ണാമലൈ സര്‍വകലാശാല, തമിഴ്‌നാട്
ബി.എസ്സി സ്‌പോര്‍ട്‌സ് സയന്‍സ് 3 വര്‍ഷം

11. അളഗപ്പ യൂണിവേഴ്‌സിറ്റി കോളജ് ഓഫ് ഫിസിക്കല്‍ എജുക്കേഷന്‍, തമിഴ്‌നാട്
ബി.എസ്സി ഫിസിക്കല്‍ എജ്യുക്കേഷന്‍ 3 വര്‍ഷം

12. മദ്രാസ് ക്രിസ്ത്യന്‍ കോളജ്, ചെന്നൈ
ബി.എസ്സി ഫിസിക്കല്‍ എജ്യുക്കേഷന്‍ 3
വര്‍ഷം

13. ശ്രീ രാമചന്ദ്ര ഇന്‍സ്റ്റിറ്റിയൂട്ട് ഓഫ് ഹയര്‍ എജ്യുക്കേഷന്‍ ആ റിസര്‍ച്ച്, ചെന്നൈ
ബി.എസ്സി (ഓണേഴ്‌സ്) സ്‌പോര്‍ട്‌സ് ആന്‍ഡ് എക്‌സര്‍സൈസ് സയന്‍സ്3 വര്‍ഷം
14. മണിപ്പാല്‍ കോളജ് ഓഫ് ഹെല്‍ത്ത് പ്രൊഫെഷന്‍സ്, കര്‍ണാടക
ബി.എസ്സി എക്‌സര്‍സൈസ് ആന്‍ഡ് സ്‌പോര്‍ട്‌സ് സയന്‍സ് 3 വര്‍ഷം

15. ലവ്‌ലി പ്രൊഫഷണല്‍ സര്‍വകലാശാല,
പഞ്ചാബ്
ബി.എസ്സി ഫിസിക്കല്‍ ഹെല്‍ത്ത് ആന്‍ഡ്
സ്‌പോര്‍ട്‌സ് ന്യൂട്രിഷ്യന്‍ 3 വര്‍ഷം

പ്ലസ്ടു കഴിഞ്ഞവര്‍ക്ക് സ്‌പോര്‍ട്‌സ് മേഖലയില്‍ ബിരുദ, ഡിപ്ലോമ കോഴ്‌സുകള്‍ക്ക് അവസരമൊരുക്കുന്ന വേറെയും ഒട്ടേറെ സ്ഥാപനങ്ങളുണ്ട്. നെസ്റ്റ് അക്കാദമി ഓഫ് സ്‌പോര്‍ട്‌സ് മാനേജ്‌മെന്റ്മുംബൈ, ഇന്റര്‍നാഷണല്‍ ഇന്‍സ്റ്റിറ്റിയൂട്ട് ഓഫ് സ്‌പോര്‍ട്‌സ് മാനേജ്മന്റ് മുംബൈ, എസ്.ആര്‍.എം ഇന്‍സ്‌റിറ്റിയൂട്ട് ഓഫ് സയന്‍സ് ആന്‍ഡ് ടെക്‌നോളജി ചെന്നൈ, സിംബയോസിസ് സ്‌കൂള്‍ ഓഫ് സ്‌പോര്‍ട്‌സ് സയന്‍സ്പൂനെ, അമിറ്റി സര്‍വകലാശാല നോയിഡ, സ്‌പോര്‍ട്‌സ് ആന്‍ഡ് മാനേജ്‌മെന്റ് റിസര്‍ച്ച് ഇന്‍സ്റ്റിറ്റിയൂട്ട് തിരുവനന്തപുരം എന്നിവ അവയില്‍ ചിലതാണ്. നിലവാരം കൃത്യമായി പരിശോധിച്ച് ഉറപ്പു വരുത്തിയ ശേഷം മാത്രമേ കോഴ്‌സുകളും സ്ഥാപനങ്ങളും തിരഞ്ഞെടുക്കാവൂ. ബിരുദ യോഗ്യതകളുള്ളവര്‍ക്ക് പ്രവേശനം നല്‍കുന്ന സ്‌പോര്‍ട്‌സുമായി ബന്ധപ്പെട്ട ഒട്ടേറെ കോഴ്‌സുകള്‍ വേറെയുമുണ്ട്.

ബിരുദധാരികള്‍ക്ക് കേന്ദ്രസര്‍ക്കാര്‍ സര്‍വീസിന്റെ ഭാഗമായി മികവാര്‍ന്ന കരിയര്‍ സാധ്യതകളിലേക്കെത്താന്‍ സുവര്‍ണാവസരമൊരുക്കുന്ന മത്സരപ്പരീക്ഷയാണ് സ്റ്റാഫ് സെലക്ഷന്‍ കമ്മീഷന്‍ നടത്തുന്ന കംബൈന്‍ഡ് ഗ്രാജുവേറ്റ് ലെവല്‍ (സി.ജി.എല്‍) പരീക്ഷ. കേന്ദ്ര സര്‍ക്കാരിനു കീഴിലെ വിവിധ മന്ത്രാലയങ്ങള്‍, വകുപ്പുകള്‍, സ്ഥാപനങ്ങള്‍, സ്റ്റാറ്റിയൂട്ടറി ബോഡികള്‍, െ്രെടബ്യുണലുകള്‍ എന്നിവിടങ്ങളിലെ ഗസറ്റഡ് റാങ്കിലുള്ള തസ്തികകളിലുള്‍പ്പെടെ നിയമനം ലഭിക്കാന്‍ വഴിയൊരുക്കുന്നത് കൊണ്ടുതന്നെ ബിരുദധാരികള്‍ക്ക് മുന്നിലുള്ള ഏറ്റവും ശ്രദ്ധേയമായ കടമ്പയാണ് മിനി സിവില്‍ സര്‍വീസ് എന്ന് വിശേഷിപ്പിക്കാവുന്ന സി.ജി.എല്‍ പരീക്ഷ. 35 തസ്തികകളിലായി ഗ്രൂപ്പ് ബി (ഗസറ്റഡ്), ഗ്രൂപ്പ് ബി, ഗ്രൂപ്പ് സി എന്നിങ്ങനെയുള്ള കാറ്റഗറികളിലായാണ് നിയമനം.

സി.ജി.എല്‍ വഴി നിയമനം ലഭിക്കുന്ന
തസ്തികകള്‍

ഓഡിറ്റ് ആന്‍ഡ് അക്കൗണ്ട്‌സ് ഡിപ്പാര്‍ട്‌മെന്റില്‍ അസിസ്റ്റന്റ് ഓഡിറ്റ്/ അക്കൗണ്ട്‌സ് ഓഫീസര്‍
സെന്‍ട്രല്‍ സെക്രട്ടറിയേറ്റ് സര്‍വീസ്, ഐബി, ഇലക്ട്രോണിക്‌സ്‌ഐടി, റെയില്‍വേ, വിദേശകാര്യ മന്ത്രാലയങ്ങള്‍, ആംഡ് ഫോഴ്‌സ് ഹെഡ്ക്വാര്‍ട്ടര്‍, മറ്റു സ്ഥാപനങ്ങള്‍ എന്നിവിടങ്ങളിലെ അസിസ്റ്റന്റ് സെക്ഷന്‍ ഓഫീസര്‍
വിവിധ മന്ത്രാലയങ്ങളിലെ അസിസ്റ്റന്റ്
ഡയറക്റ്റ് ടാക്‌സ്, ഇന്‍കം ടാക്‌സ് ആന്‍ഡ് കസ്റ്റംസ്, സി.ബി.ഐ, എന്‍.ഐ.എ, സെന്‍ട്രല്‍ ബ്യൂറോ ഓഫ് നാര്‍ക്കോട്ടിക്‌സ്, പോസ്റ്റല്‍ ഡിപ്പാര്‍ട്ട്‌മെന്റ്, മറ്റു വകുപ്പുകള്‍ എന്നിവിടങ്ങളിലെ ഇന്‍സ്‌പെക്ടര്‍/സബ് ഇന്‍സ്‌പെക്ടര്‍
റവന്യൂ വകുപ്പിലെ അസിസ്റ്റന്റ് എന്‍ഫോഴ്‌സ്‌മെന്റ് ഓഫീസര്‍
തപാല്‍ വകുപ്പിലെ പോസ്റ്റല്‍/ സോര്‍ട്ടിങ് അസിസ്റ്റന്റ്
സ്റ്റാറ്റിസ്റ്റിക്‌സ് മന്ത്രാലയത്തിലെ ജൂനിയര്‍ സ്റ്റാറ്റിസ്റ്റിക്കല്‍ ഓഫീസര്‍
മിലിറ്ററി എന്‍ജിനീയറിങ് സര്‍വീസിലെ സീനിയര്‍ അട്മിന്‌സിട്രേറ്റീവ് അസിസ്റ്റന്റ്
വിവിധ വകുപ്പുകളിലെ ഓഡിറ്റര്‍ / അക്കൗണ്ടന്റ്‌റ്/ ഡിവിഷണല്‍ അക്കൗണ്ടന്റ്/ ജൂനിയര്‍ അക്കൗണ്ടന്റ്
വിവിധ വകുപ്പുകളിലെ സീനിയര്‍ സെക്രട്ടറിയേറ്റ് അസിസ്റ്റന്റ്/ യു.ഡി ക്‌ളര്‍ക്ക്
സി.ബി.ഡി.ടി, സി.ബി.ഐ.സി എന്നിവിടങ്ങളില്‍ ടാക്‌സ് അസിസ്റ്റന്റ്

എല്ലാ വിഭാഗങ്ങളിലുമായി മൊത്തം ഇരുപതിനായിരത്തോളം ഒഴിവുകളുണ്ട്. പട്ടിക വിഭാഗങ്ങള്‍, ഒ.ബി.സി, സാമ്പത്തിക പിന്നാക്ക വിഭാഗങ്ങള്‍, വിമുക്ത ഭടന്മാര്‍, ഭിന്നശേഷിക്കാര്‍ എന്നിവര്‍ക്ക് നിയമാനുസൃതമായ സംവരണമുണ്ടാവും. അസിസ്റ്റന്റ് ഓഡിറ്റ്/ അക്കൗണ്ട്‌സ് ഓഫീസര്‍ തസ്തികയിലേക്ക് ഏത് ബിരുദധാരികള്‍ക്കും അപേക്ഷിക്കാമെങ്കിലും സി.എ/സി.എം.എ/ സി.എസ് എന്നിവയിലേതെങ്കിലുമോ കൊമേഴ്‌സ്, ബിസിനസ് സ്റ്റഡീസ്, ബിസിനസ് അഡ്മിനിസ്‌ട്രേഷന്‍ (ഫൈനാന്‍സ്), ബിസിനസ് എക്കണോമിക്‌സ് എന്നിവയിലേതിലെങ്കിലും ബിരുദാനന്തര ബിരുദമുള്ളവര്‍ക്ക് പരിഗണന ലഭിക്കും. ജൂനിയര്‍ സ്റ്റാറ്റിറ്റിക്കല്‍ ഓഫീസര്‍ തസ്തികയിലേക്ക് അപേക്ഷിക്കാന്‍ പ്ലസ്ടു തലത്തില്‍ ഗണിതം പഠിച്ചിരിക്കുകയോ ബിരുദതലത്തില്‍ സ്റ്റാറ്റിസ്റ്റിക്‌സ് ഒരു വിഷയമായെങ്കിലും എടുത്തിരിക്കുകയോ വേണമെന്ന നിബന്ധനയുണ്ട്. ബാക്കി എല്ലാ തസ്തികകളിലേക്ക് അപേക്ഷിക്കുവാനും ഏതെങ്കിലും ബിരുദ യോഗ്യത മതി വിദൂര വിദ്യാഭ്യാസ രീതിയില്‍ ബിരുദപഠനം പൂര്‍ത്തിയാക്കിയവര്‍ക്കും അപേക്ഷിക്കാവുന്നതാണ്.

1827, 2030, 1830, 1832 എന്നിങ്ങനെ വിവിധ തസ്തികകള്‍ക് വ്യത്യസ്ത പ്രായപരിധിയാണുള്ളത്. സംവരണ വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ നിയമാനുസൃത ഇളവ് ലഭിക്കും. https://ssc.nic.in എന്ന വെബ്‌സൈറ്റ് വഴി ഒക്ടോബര്‍ 8 വരെ ഓണ്‍ലൈനായി അപേക്ഷിക്കാം അവസാന ദിവസത്തേക്ക് നീട്ടി വെക്കാതെ മുന്‍കൂട്ടി അപേക്ഷിക്കുവാന്‍ ശ്രദ്ധിക്കണം. അപേക്ഷാ ഫീസായ 100 രൂപ ഓണ്‍ലൈനായോ എസ്.ബി.ഐ ബാങ്ക് മുഖേനയോ അടക്കാം. വനിതകള്‍, പട്ടികവിഭാഗങ്ങള്‍, ഭിന്നശേഷിക്കാര്‍, വിമുക്തഭടന്മാര്‍ എന്നിവര്‍ക്ക് ഫീസില്ല.

കമ്പ്യൂട്ടര്‍ അധിഷ്ടിത പരീക്ഷക്ക് ടയര്‍ 1, ടയര്‍ 2 എന്നിങ്ങനെ രണ്ട് ഘട്ടങ്ങളാണുണ്ടാവുക. ടയര്‍ 1 പരീക്ഷക്ക് ഒബ്ജക്ടീവ് സ്വഭാവത്തിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. കേരളത്തിലുള്ളവര്‍ക്ക് തിരുവനന്തപുരം, കൊല്ലം, കോട്ടയം, എറണാകുളം, തൃശ്ശൂര്‍, കോഴിക്കോട്, കണ്ണൂര്‍, ബംഗളുരു, മൈസൂര്‍, മംഗലാപുരം എന്നിവയടക്കം 15 പരീക്ഷാ കേന്ദ്രങ്ങളുണ്ട്. മുന്‍ഗണനാടിസ്ഥാനത്തില്‍ മൂന്ന് കേന്ദ്രങ്ങള്‍ തിരഞ്ഞെടുക്കണം. ടയര്‍ 2 പരീക്ഷയില്‍ മൂന്ന് പേപ്പറുകളാണുണ്ടാവുക. പേപ്പര്‍ 1 ഏത് തസ്തികയിലേക്കും അപേക്ഷിക്കുന്നവരുമെഴുതണം. പരീക്ഷകളുടെ രീതി, സിലബസ് എന്നിവ സംബന്ധിച്ച വിശദവിവരങ്ങള്‍ വെബ്‌സൈറ്റിലുണ്ട്. വിവിധ വകുപ്പുകളിലെ ഇന്‍സ്‌പെക്ടര്‍, സബ് ഇന്‍സ്‌പെക്ടര്‍,യുഡി ക്ലര്‍ക്ക് പദവികളിലേക്ക് അപേക്ഷിക്കുന്നവര്‍ക്ക് ശാരീരികക്ഷമത സംബന്ധിച്ച നിബന്ധനകളുണ്ട്. സിലബസ്, ചോദ്യപേപ്പര്‍ രീതി എന്നിവയെല്ലാം കൃത്യമായി പരിശോധിച്ച് പരീക്ഷക്ക് വേണ്ട മുന്നൊരുക്കങ്ങള്‍ നടത്താന്‍ ശ്രദ്ധിക്കണം. മാതൃകാ ചോദ്യപ്പേപ്പറുകള്‍ ഉപയോഗപ്പെടുത്തി തയ്യാറെടുക്കുന്നത് ഫലപ്രദമാവും.

21 ഐഐടികളിലായുള്ള 3,000 ത്തിലധികം ബിരുദാനന്തര ബിരുദ പ്രോഗ്രാമുകള്‍ക്ക് പുറമെ വിവിധ എന്‍.ഐ.ടികള്‍, ശിബ്പൂരിലുള്ള ഐ.ഐ. ഇ.എസ്.ടി, പഞ്ചാബിലുള്ള എസ്.എല്‍.ഐ. ഇ.ടി, പൂനയിലെ ഡിഫന്‍സ് ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് ടെക്‌നോളജി, ഐ.ഐ.എസ്.സി, ജവാഹര്‍ലാല്‍ നെഹ്‌റു സെന്റര്‍ ഫോര്‍ അഡ്വാന്‍സ്ഡ് സയന്റിഫിക് റിസര്‍ച്ച്, ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പെട്രോളിയം ആന്‍ഡ് എനര്‍ജി തുടങ്ങിയ സ്ഥാപനങ്ങളിലെ കോഴ്‌സുകളിലെ പ്രവേശനത്തിനും ‘ജാം’ സ്‌കോര്‍ മാനദണ്ഡമാണ്.

വിവിധ വിഷയങ്ങളില്‍ എം.എസ്.സി, ജോയന്റ് എം.എസ്.സിപി.എച്ച്.ഡി. എം.എസ്.സിപി.എച്ച്.ഡി ഡ്യുവല്‍ ഡിഗ്രി, എം.എസ്.സി (ടെക്), എം.എസ്.സിഎം.ടെക് ഡ്യുവല്‍ ഡിഗ്രി എന്നിവയാണ് പ്രധാന പ്രോഗ്രാമുകള്‍. പാലക്കാട് ഐ.ഐ.ടിയില്‍ കെമിസ്ട്രി, ഫിസിക്‌സ്, മാത്തമാറ്റിക്‌സ് എന്നീ വിഷയങ്ങളിലാണ് എം.എസ്.സി പ്രോഗ്രാമാണുള്ളത്.

ഓരോ വിഷയത്തിലും 60 ചോദ്യങ്ങളിലായി 100 മാര്‍ക്കാണ് പരമാവധി ലഭിക്കുക. തന്നിട്ടുള്ള ഓപ്ഷനുകളില്‍ നിന്ന് ശരിയുത്തരം തിരഞ്ഞെടുക്കേണ്ട മള്‍ട്ടിപ്പിള്‍ ചോയ്‌സ്, ഒരു ചോദ്യത്തിന് ഒന്നോ അതിലധികമോ ശരിയുത്തരങ്ങള്‍ ഉണ്ടാവുന്ന മള്‍ട്ടിപ്പിള്‍ സെലക്ട്, സംഖ്യകള്‍ ഉത്തരമായി വരുന്ന ന്യൂമെറിക്കല്‍ ആന്‍സര്‍ ടൈപ്പ് എന്നീ വിഭാഗങ്ങളിലുള്ള ചോദ്യങ്ങള്‍ ഉണ്ടാവും. മള്‍ട്ടിപ്പിള്‍ ചോയ്‌സ് വിഭാഗത്തില്‍ തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും.

കെമിസ്ട്രി, ജിയോളജി, മാത്തമാറ്റിക്‌സ് എന്നിവയില്‍ ഒരു വിഷയവും ബയോടെക്‌നോളജി, എക്കണോമിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിവയില്‍ ഒരു വിഷയവുമടക്കം പരമാവധി രണ്ട് വിഷയങ്ങള്‍ തിരഞ്ഞെടുക്കാം. ഒരു വിഷയം മാത്രം തിരഞ്ഞെടുത്താല്‍ 1800 രൂപയും രണ്ട് വിഷയങ്ങള്‍ തിരഞ്ഞെടുത്താല്‍ 2500 രൂപയുമാണ് അപേക്ഷാ ഫീസ്. പെണ്‍കുട്ടികള്‍, പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് ഇത് യഥാക്രമം 900 രൂപ, 1250 രൂപ എന്നിങ്ങനെയാണ്.

തിരഞ്ഞെടുക്കാനുദ്ദേശിക്കുന്ന പ്രോഗ്രാമിന് ബാധകമായ അര്‍ഹത, വിദ്യാഭ്യാസ യോഗ്യത എന്നിവ ഉറപ്പ് വരുത്തണം. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാവുന്നതാണ്. ഓരോ വിഷയത്തിന്റെയും സിലബസ് പ്രോസ്‌പെക്ടസിലുണ്ട്. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂര്‍, പാലക്കാട്, കോഴിക്കോട്, വടകര, കണ്ണൂര്‍, മംഗളുരു, മൈസൂരു, ചെന്നൈ, കോയമ്പത്തൂര്‍, ബംഗളുരു എന്നിവിടങ്ങളിലടക്കം നിരവധി പരീക്ഷാ കേന്ദ്രങ്ങളുണ്ട്.

നിയമം പഠിക്കാന്‍ ആള്‍ ഇന്ത്യാ ലോ എന്‍ട്രന്‍സ് ടെസ്റ്റ്

ഡല്‍ഹിയിലുള്ള ദേശീയ നിയമ സര്‍വകലാശാലയിലെ പഞ്ചവര്‍ഷ നിയമബിരുദ പ്രോഗ്രാമായ ബി.എ.എല്‍.എല്‍.ബി (ഓണേഴ്‌സ്) കോഴ്‌സിന്റെ പ്രവേശനത്തിനുള്ള മാനദണ്ഡമായ ആള്‍ ഇന്ത്യാ ലോ എന്‍ട്രന്‍സ് ടെസ്റ്റിനു (‘ഐലറ്റ്’2023). 45 ശതമാനം മാര്‍ക്കോടെ പ്ലസ്ടു വിജയിച്ചവര്‍ക്ക് (പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് 40 ശതമാനം) നവംബര്‍ 15 വരെ അപേക്ഷിക്കാം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം.

2022 ഡിസംബര്‍ 11 ന് നടക്കുന്ന ഒന്നര മണിക്കൂര്‍ ദൈര്‍ഘ്യമുള്ള പ്രവേശന പരീക്ഷയില്‍ ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലോജിക്കല്‍ റീസണിങ് എന്നിങ്ങനെ മൂന്ന് കാറ്റഗറികളിലായി 150 മള്‍ട്ടിപ്പിള്‍ ചോയ്‌സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. പൊതുവിഭാഗത്തില്‍ 3,500 രൂപയാണ് പരീക്ഷാ ഫീസ്. തിരുവനന്തപുരം, കൊച്ചി, ബംഗളുരു, ചെന്നൈ, മംഗളൂരു, എന്നിവയടക്കം നിരവധി പരീക്ഷാ കേന്ദ്രങ്ങളുണ്ട്. 110 സീറ്റുകളിലേക്കാണ് പ്രവേശന പരീക്ഷയനുസരിച്ച് അഡ്മിഷന്‍ നടത്തുന്നത്. അപേക്ഷിക്കാനും മറ്റു വിശദ വിവരങ്ങള്‍ക്കും https://nationallaw universtiydelhi.in/ എന്ന വെബ്‌സൈറ്റ് സന്ദര്‍ശിക്കാം.നിയമബിരുദം പൂര്‍ത്തിയാക്കിയവര്‍ക്കും അവസാന വര്‍ഷ പരീക്ഷ എഴുതുന്നവര്‍ക്കും ‘ഐലറ്റ്’ പരീക്ഷ വഴി ഒരു വര്‍ഷം ദൈര്‍ഘ്യമുള്ള എല്‍.എല്‍.എം കോഴ്‌സിനും ഇപ്പോള്‍ അപേക്ഷിക്കാം.

പ്രഫഷനല്‍ നെറ്റ്വര്‍ക്കിങ് സൈറ്റായ ലിങ്ക്ഡ്ഇന്‍ മാതൃകയില്‍ രംഗത്തെത്തുത്ത ഫെയ്ബുക്ക്, ഉപയോക്താക്കള്‍ക്കായി റെസ്യൂം തയാറാക്കല്‍, ഇന്റര്‍വ്യൂ പരിശീലനം, ഡിജിറ്റല്‍ മാര്‍ക്കറ്റിങ് തുടങ്ങിയ വിഷയങ്ങളില്‍ സഹായവുമായാണ് എത്തുക. ബൂസ്റ്റ് യുവര്‍ റെസ്യൂമേ വിഭാഗത്തില്‍ റെസ്യൂമേയില്‍ എന്തൊക്കെ ഉള്‍പ്പെടുത്തണം, എങ്ങനെ അതിനെ വ്യത്യസ്തമാക്കാം, ഏതു ജോലിക്കും ചേരുന്ന വിധത്തില്‍ എങ്ങനെ രൂപപ്പെടുത്താം എന്നതിനെപ്പറ്റിയെല്ലാം നിര്‍ദേശങ്ങളുണ്ടാകും. ഇതിനായി ഹ്രസ്വ പഠന വീഡിയോള്‍ സൗജന്യമായി നല്‍കും. ആദ്യ ഘട്ടത്തില്‍ ആറു മുതല്‍ 11 മിനിറ്റ് വരെ ദൈര്‍ഘ്യമുള്ള 13 കോഴ്സുകളാണു പുറത്തിറക്കുന്നത്.

ഭാവിയില്‍ കൂടുതല്‍ കോഴ്സുകള്‍ ഉള്‍പ്പെടുത്തി ആവശ്യമെങ്കില്‍ പ്രീമിയം സേവനമാക്കി വരെ ലേണ്‍ വിത്ത് ഫെയ്‌സ്ബുക് മാറ്റാനാണു കമ്പനി ഉദ്ദേശിക്കുന്നത്. ഡിജിറ്റല്‍ പ്രോമിസ്, ജിസിഎഫ് ഗ്ലോബല്‍, ഹോംബേസ്, ജാസ്എച്ച്ആര്‍, ഗ്ലാസ്ഡോര്‍, ഓപ്പണ്‍ ക്ലാസ്റൂംസ് തുടങ്ങിയവയുമായി സഹകരിച്ചാണ് ഈ പ്ലാറ്റ്ഫോം ഫെയ്‌സ്ബുക് പുറത്തിറക്കുന്നത്.

പ്രീമിയം മെമ്പര്‍മാര്‍ക്കു മാത്രം സേവനം ലഭ്യമാക്കുന്ന ലിങ്ക്ഡ്ഇന്നിന് കടുത്ത വെല്ലുവിളിയുമായാണ് ഫെയ്‌സ്ബുക്ക് എത്തുന്നത്.