CBSE Exam Result – Chandrika Daily

സിബിഎസ്ഇ പത്താം ക്ലാസ് ഫലങ്ങളും പ്രഖ്യാപിച്ചു ; 93.12 ശതമാനം വിജയം

webdesk15 — Fri, 12 May 2023 08:47:32 +0000

സിബിഎസ്ഇ പന്ത്രടാം ക്‌ളാസ് ഫലപ്രഖാപനത്തിന് പിന്നാലെ പത്താം ക്ലാസ് ഫലങ്ങളും പ്രഖ്യാപിച്ചു.93.12 ശതമാനമാണ് വിജയം. സിബിഎസ്ഇ വെബ്‌സൈറ്റിൽ നേരിട്ടുള്ള ലിങ്ക് പോസ്റ്റ് ചെയ്തിട്ടുണ്ട് – cbseresults.nic.in, cbse.gov.in. വിദ്യാർത്ഥികളുടെ സൗകര്യാർത്ഥം ബോർഡ് മൂന്ന് ലിങ്കുകൾ നൽകിയിട്ടുണ്ട്. സിബിഎസ്ഇ പത്താം ക്ലാസ് ബോർഡ് പരീക്ഷ 2023 ഈ വർഷം ഫെബ്രുവരി 15 നും മാർച്ച് 21 നും ഇടയിലാണ് നടന്നത്.2019 ലെ വിജയശതമാനം 91.10 ശതമാനമായിരുന്നു

സി.ബി.എസ്.ഇ പത്താം ക്ലാസ് പരീക്ഷാഫലം; മലയാളി വിദ്യാര്‍ത്ഥി ഒന്നാമത്

chandrika — Mon, 06 May 2019 11:13:13 +0000

തിരുവനന്തപുരം: സിബിഎസ്ഇ പത്താം ക്ലാസ് പരീക്ഷാഫലം പ്രഖ്യാപിച്ചു. 91.1 ശതമാനം വിജയമാണ് ഇക്കുറി രേഖപ്പെടുത്തിയത്. പാലക്കാട് കൊപ്പം ലയണ്‍സ് സ്‌കൂള്‍ വിദ്യാര്‍ത്ഥിനി ഭാവന എന്‍ ശിവദാസ് 500ല്‍ 499 മാര്‍ക്ക് നേടി തിരുവനന്തപുരം സോണില്‍ ഒന്നാം സ്ഥാനത്ത് എത്തി. ഭാവനയടക്കം ആകെ 13 വിദ്യാര്‍ത്ഥികളാണ് രാജ്യത്താകെ ഉയര്‍ന്ന മാര്‍ക്ക് നേടിയത്. ഇവരില്‍ ഏഴ് പേരും ഡെറാഢൂണ്‍ സോണില്‍ നിന്നുള്ളവരാണ്.

കഴിഞ്ഞ വര്‍ഷത്തേക്കാള്‍ 5 ശതമാനത്തിന്റെ വര്‍ധനവാണ് വിജയശതമാനത്തിലുണ്ടായത്. 86.07 ആയിരുന്നു കഴിഞ്ഞ വര്‍ഷത്തെ വിജയശതമാനം. 99.85 ശതമാനം വിജയം നേടിയ തിരുവനന്തപുരം സോണ്‍ ആണ് മേഖലാ അടിസ്ഥാനത്തില്‍ രാജ്യത്ത് മുന്നില്‍ നില്‍ക്കുന്നത്. 99 ശതമാനം വിജയവുമായി ചെന്നൈ രണ്ടാം സ്ഥാനം നേടി.

സി.ബി.എസ്.ഇ പത്താം ക്ലാസ് പരീക്ഷാഫലം പ്രസിദ്ധീകരിച്ചു; മലയാളി വിദ്യാര്‍ഥിനിക്ക് ഒന്നാംറാങ്ക്

ചന്ദ്രിക വെബ് ഡെസ്‌ക്‌ — Tue, 29 May 2018 11:16:59 +0000

ന്യൂഡല്‍ഹി: സി.ബി.എസ്.ഇ പത്താം ക്ലാസ് പരീക്ഷാഫലം പ്രസിദ്ധീകരിച്ചു. മലയാളി വിദ്യാര്‍ഥിനി ഉള്‍പ്പെടെ നാലുപേര്‍ക്ക് ഒന്നാംറാങ്ക് ലഭിച്ചു. കൊച്ചി ഭവന്‍സ് വിദ്യാലയയിലെ ജി.ശ്രീലക്ഷ്മിയാണ് ഒന്നാംറാങ്ക് ലഭിച്ച മലയാളി. ഗുരുഗ്രാം ഡി.പി.എസിലെ പ്രാഖര്‍ മിത്തല്‍, ബിജ്‌നോര്‍ ആര്‍.പി പബ്ലിക് സ്‌കൂളിലെ റിംഷിം അഗര്‍വാള്‍, ഷാംലി സ്‌കോട്ടിഷ് ഇന്റര്‍നാഷണല്‍ സ്‌കൂളിലെ നന്ദിനി ഗാര്‍ഗ് എന്നിവരാണ് ശ്രീലക്ഷ്മിക്കൊപ്പം ഒന്നാംറാങ്ക് പങ്കിട്ടത്. നാലുപേരും 500-ല്‍ 499 മാര്‍ക്ക് നേടിയാണ് ഒന്നാമതെത്തിയത്.

16 ലക്ഷം വിദ്യാര്‍ഥികളാണ് രാജ്യത്ത് സി.ബി.എസ്.ഇ ഫലം കാത്തിരുന്നത്. 99.60 ശതമാനം വിജയം നേടിയ തിരുവനന്തപുരം മേഖലയാണ് ഒന്നാമതെത്തിയത്. 97.37 ശതമാനം വിജയം നേടിയ ചെന്നൈ മേഖല രണ്ടാംസ്ഥാനം നേടി. 91.86 ശതമാനം വിജയം നേടി അജ്മീര്‍ മേഖല മൂന്നാമതായി.

സി.ബി.എസ്.ഇ പന്ത്രണ്ടാം ക്ലാസ് പരീക്ഷാഫലം പ്രസിദ്ധീകരിച്ചു

chandrika — Sat, 26 May 2018 08:15:10 +0000

ന്യൂഡല്‍ഹി: സി.ബി.എസ്.ഇ പന്ത്രണ്ടാം ക്ലാസ് പരീക്ഷാഫലം പ്രസിദ്ധീകരിച്ചു. 83.01 ആണ് വിജയശതമാനം. മുന്‍ വര്‍ഷത്തേക്കാല്‍ ഒരു ശതമാനത്തിന്റെ വര്‍ധനവുണ്ടായത്. രാജ്യത്ത് വിജയശതമാനത്തില്‍ തിരുവനന്തപുരമാണ് ഏറ്റവും ഒന്നാമത്.

97.32ആണ് തിരുവനന്തപുരത്തിന്റെ വിജയശതമാനം. 93.87 ശതമാനവുമായി ചെന്നൈ രണ്ടാം സ്ഥാനത്തും 89 ശതമാനവുമായി ഡല്‍ഹി മൂന്നാം സ്ഥാനത്തുമാണുള്ളത്. 500ല്‍ 499 മാര്‍ക്ക് നേടിയ നോയിഡ സ്വദേശിനി മേഘ്‌ന ശ്രീവാസ്തവയാണ് ഏറ്റവും കൂടുതല്‍ മാര്‍ക്ക് നേടിയ വിദ്യാര്‍ത്ഥി.

പരീക്ഷാ ഫലം ലഭിക്കാന്‍:

cbseresults.nic.in
cbse.nic.in

എന്നീ വെബ്‌സൈറ്റിലും ഗുഗിള്‍.കോമിലും പരീക്ഷഫലം ലഭിക്കും.