Rewari gangrape case: Nuh Superintendent of Police Naazneen Bhasin visits the 19-year-old gangrape victim at a district hospital in Rewari. SIT formed to investigate the case is being headed by Nuh SP Bhasin. pic.twitter.com/aNZ0zKM2wl

— ANI (@ANI) September 15, 2018

കൂട്ടബലാത്സംഗത്തിനിരയായ 19 കാരിയുടെ മൊഴി രേഖപ്പെടുത്താനായി സ്ഥലം എസ്.പി നാസ്‌നിന്‍ ഭാസിന്‍ റെവാരിയിലെ ജില്ലാ ആസ്പത്രിയില്‍ സന്ദര്‍ശനം നടത്തി.

കൂട്ടബലാത്സംഗത്തിന് ഇരയായ പെണ്‍കുട്ടിയുമായി സംസാരിച്ചതായും അവളുടെ ആരോഗ്യനില തൃപിതികരമാണെന്നും എസ്.പി നാസ്‌നിന്‍ മാധ്യമങ്ങളോട് പറഞ്ഞു. പ്രധാന പ്രതികളെ തിരിച്ചറിഞ്ഞിട്ടുണ്ടെന്നും കേസ് സംബന്ധിച്ച എല്ലാ വശങ്ങളും പഠിച്ചുവരികയാണെന്നും എസ്പി കൂട്ടിച്ചേര്‍ത്തു.

സി.ബി.എസ്.ഇ പരീക്ഷയില്‍ ഉന്നത റാങ്ക് നേടി രാഷ്ട്രപതിയുടെ അനുമോദനങ്ങള്‍ ഏറ്റുവാങ്ങിയ പെണ്‍കുട്ടിയാണ് കൂട്ടബലാത്സംഗത്തിനിരയായത്.
കോച്ചിങ് സെന്ററിലേക്കുള്ള യാത്രയ്ക്കിടെ കാറിലെത്തിയ മൂന്നു പേര്‍ പെണ്‍കുട്ടിയെ തട്ടികൊണ്ടുപോകുകയായിരുന്നു.  കൂട്ടബലാത്സംഗത്തിനിരയായി ബോധരഹിതയായ പെണ്‍കുട്ടിയെ ബുധനാഴ്ച സമീപത്തെ ബസ്റ്റാന്റില്‍ ഉപേക്ഷിക്കുകയും ചെയ്തതായാണ് കേസ്.

കോച്ചിങ് സെന്ററിലേക്കുള്ള യാത്രയ്ക്കിടെ കാറിലെത്തിയ മൂന്നു പേര്‍ പെണ്‍കുട്ടിയെ തട്ടികൊണ്ടുപോകുകയായിരുന്നു. അടുത്തുള്ള വയലിലേക്ക് കൊണ്ടു പോയി ബലാത്സംഗം ചെയ്യുകയായിരുന്നുവെന്ന് പെണ്‍കുട്ടി പോലീസിന് മൊഴി നല്‍കി. ഇവരെ കൂടാതെ അവിടെയുണ്ടായിരുന്ന മറ്റു ചിലരും പീഡിപ്പിച്ചതായും പെണ്‍കുട്ടിയുടെ മൊഴിയിലുണ്ട്. ഇവരെല്ലാവരും പെണ്‍കുട്ടിയുടെ ഗ്രാമത്തില്‍ നിന്നുള്ളവരാണ്.