പുതിയ ഭരണസമിതിയെ നിയമിച്ചതിനെ കുറിച്ച് ഔദ്യോഗിക അറിയിപ്പ് ലഭിച്ചിരുന്നില്ലെന്നും, അറിയിപ്പ് ലഭിച്ചിരുന്നെങ്കില്‍ ചുമതല കൈമാറുന്ന ചടങ്ങില്‍ പങ്കെടുത്തേനെയെന്നും പ്രേംകുമാര്‍ പറഞ്ഞു.

‘മാറ്റം സര്‍ക്കാരിന്റെ തീരുമാനമാണ്. എന്നെ നിയോഗിച്ചത് സര്‍ക്കാരാണ്, അതിനാല്‍ എപ്പോള്‍ വേണമെങ്കിലും ഉചിതമായ തീരുമാനമെടുക്കാം. അന്താരാഷ്ട്ര പ്രശസ്തനായ ചലച്ചിത്രകാരനെയാണ് സര്‍ക്കാര്‍ കണ്ടെത്തിയിരിക്കുന്നത്. അതിനെ സ്വാഗതം ചെയ്യേണ്ടതാണ്,” പ്രേംകുമാര്‍ പറഞ്ഞു.

റസൂല്‍ പൂക്കുട്ടി ഏറെ ആദരിക്കുന്ന വ്യക്തിത്വമാണ.് ”അദ്ദേഹത്തെ നിയമിച്ചതും സ്ഥാനമേറ്റെടുത്തതും സംബന്ധിച്ച് അറിയിപ്പ് ലഭിച്ചില്ല. ചടങ്ങില്‍ പങ്കെടുക്കണമെന്ന് ആഗ്രഹമുണ്ടായിരുന്നു. പങ്കെടുക്കാനായില്ല എന്നതില്‍ വിഷമമുണ്ട്, പക്ഷേ പരാതിയോ പരിഭവമോ ഇല്ല,” എന്നും അദ്ദേഹം വ്യക്തമാക്കി.

”റസൂല്‍ പൂക്കുട്ടിയുടെ വരവ് അക്കാദമിക്ക് ഗുണം ചെയ്യും. സര്‍ക്കാരിന്റെ വിവേചനാധികാരമാണ് പുതിയ നിയമനവും ക്ഷണവുമായി ബന്ധപ്പെട്ട കാര്യങ്ങളും. എനിക്ക് ഏല്‍പ്പിച്ച ചുമതലകള്‍ ആത്മാര്‍ഥമായി നിര്‍വഹിക്കാന്‍ കഴിഞ്ഞുവെന്ന് വിശ്വാസമുണ്ട്,” അദ്ദേഹം കൂട്ടിച്ചേര്‍ത്തു.

മാറ്റത്തിന് രാഷ്ട്രീയകാരണമില്ലെന്നും, ”അറിയിപ്പ് നല്‍കിയിരുന്നെങ്കില്‍ പങ്കെടുക്കുമായിരുന്നുവെന്നതാണ് എന്റെ വിഷമം,” എന്നും പ്രേംകുമാര്‍ വ്യക്തമാക്കി.

റസൂല്‍ പൂക്കുട്ടി ചുമതലയേറ്റപ്പോള്‍ ആദ്യമായി തന്നെ തനിക്കാണ് വിളിച്ചതെന്ന് പ്രേംകുമാര്‍ കൂട്ടിച്ചേര്‍ത്തു.

രണ്ട് ദിവസത്തിനകം ഇതുസംബന്ധിച്ച സാംസ്‌കാരിക വകുപ്പ് ഉത്തരവ് പുറപ്പെടുവിക്കുമെന്ന് അധികൃതര്‍ അറിയിച്ചു.

സംവിധായകന്‍ രഞ്ജിത്ത് രാജിവെച്ചതിനെ തുടര്‍ന്ന്, വൈസ് ചെയര്‍മാനായിരുന്ന പ്രേംകുമാര്‍ താല്‍ക്കാലികമായി ചുമതല വഹിച്ചുവരികയായിരുന്നു. അക്കാദമിക്ക് സ്ഥിരം ചെയര്‍മാന്‍ ആവശ്യമുണ്ടെന്ന ആവശ്യം പരിഗണിച്ചാണ് ഈ തീരുമാനം എടുത്തത്.

‘സ്ലംഡോഗ് മില്യനെയര്‍’ എന്ന ചിത്രത്തിന് മികച്ച ശബ്ദസംയോജനത്തിനുള്ള ഓസ്‌കര്‍ പുരസ്‌കാരം നേടിയ റസൂല്‍ പൂക്കുട്ടി, ഇന്ത്യന്‍ സിനിമയിലെ പ്രമുഖ സാങ്കേതിക വിദഗ്ധരില്‍ ഒരാളാണ്.

പുനർ നിയമനത്തിന് അർഹതയുണ്ടാകുമെന്നും അറിയിപ്പിൽ പറയുന്നുണ്ട്. കേന്ദ്രസർക്കാറിലെ ഒരു സെക്രട്ടറിക്ക് ലഭിക്കുന്ന ശമ്പളവും അലവൻസുകളും സെബി ചെയർമാനും ലഭിക്കും. പ്രതിമാസം 5,62,500 രൂപയാണ് ശമ്പളം.

2022 മാർച്ചിൽ സെബി മേധാവി ആയി ചുമതലയേറ്റ മാധബി ബുച്ച് സ്വകാര്യ മേഖലയിൽ നിന്ന് സെബിയുടെ അധ്യക്ഷപദത്തിലേക്ക് എത്തിയ ആദ്യ വ്യക്തിയാണ്. സെബി ചെയർപേഴ്‌സണായി നിയമിക്കപ്പെടുന്നതിന് മുമ്പ് 2021 ഒക്‌ടോബർ 4 വരെ സെബിയുടെ മുഴുവൻ സമയ അംഗമായി സേവനമനുഷ്ഠിച്ചു.

കഴിഞ്ഞ വർഷം ഓഗസ്റ്റിൽ യു എസ് ആസ്ഥാനമായുള്ള ഹിൻഡൻബർഗ് റിസർച്ച് സെബി ചെയർപേഴ്സൺ ബുച്ചിനും അവരുടെ ഭർത്താവ് ധവൽ ബുച്ചിനും അദാനി പണമിടപാട് അഴിമതിയിൽ ഉപയോഗിച്ച ഓഫ്‌ഷോർ ഫണ്ടുകളിൽ ഓഹരിയുണ്ടെന്ന് ആരോപിച്ചിരുന്നു. എന്നാൽ ദമ്പതികൾ ആരോപണം നിഷേധിക്കുകയും ചെയ്തു. പിന്നീട് 2024 സെപ്റ്റംബറിൽ ഏകദേശം 500 സെബി ജീവനക്കാർ ‘ടോക്സിക്’ തൊഴിൽ സംസ്കാരത്തിനെതിരെ പ്രതിഷേധിച്ചിരുന്നു.

പാലേരി മാണിക്യം സിനിമയിൽ അഭിനയിക്കാൻ എത്തിയ തന്നോട് രഞ്ജിത്ത് മോശമായി പെരുമാറി എന്നായിരുന്നു ബംഗാളി നടിയുടെ പരാതി. ലൈം​ഗിക താത്പര്യത്തോടെ സ്പർശിക്കാൻ ശ്രമിച്ചുവെന്നാണ് പരാതി. നടിയുടെ പരാതിയുടെ അടിസ്ഥാനത്തിൽ എറണാകുളം നോർത്ത് പോലീസ് കേസ് രജിസ്റ്റർ ചെയ്തിരുന്നു. ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെയാണ് രഞ്ജിത്തിനെതിരെ ആരോപണം ഉയർന്നത്.

നടിയുടെ പരാതിക്ക് പിന്നാലെ സിനിമയിൽ അവസരം വാഗ്ദാനം ചെയ്ത് പീഡിപ്പിച്ചെന്ന് ആരോപിച്ച് കോഴിക്കോട് സ്വദേശിയായ യുവാവ് പരാതി നൽകിയിരുന്നു. കോഴിക്കോട് മാങ്കാവ് സ്വദേശിയാണ് പരാതി നൽകിയത്. 2012ലാണ് പരാതിയ്ക്ക് ആസ്പദമായ സംഭവം നടന്നത്. യുവാവിന്റെ പരാതിയുടെ അടിസ്ഥാനത്തിൽ ജാമ്യമില്ലാ വകുപ്പ് പ്രകാരം കസബ പൊലീസ് രഞ്ജിത്തിനെതിരെ കേസെടുത്തിരുന്നു.

മനോജ് സോണിയുടെ രാജി അംഗീകരിച്ചതായി ഔദ്യോഗിക അറിയിപ്പു വന്നിട്ടില്ല. രണ്ടാഴ്ച മുമ്പു തന്നെ മനോജ് സോണി രാജിനല്‍കിയെന്നാണ് ഔദ്യോഗിക വൃത്തങ്ങളെ ഉദ്ധരിച്ചുകൊണ്ടുള്ള റിപ്പോര്‍ട്ട്. രാജി അംഗീകരിച്ചിട്ടില്ലെന്നും റിപ്പോര്‍ട്ടില്‍ പറയുന്നു.

2017ലാണ് മനോജ് സോണി യു.പി.എസ്.സി അംഗമാകുന്നത്. 2023 മേയ് 16ന് യു.പി.എസ്.സി ചെയര്‍മാനായി മനോജ്‌ ചുമതലയേറ്റു.വ്യാജ രേഖകള്‍ നല്‍കി സിവില്‍ സര്‍വീസില്‍ പ്രവേശിപ്പിച്ച പ്രൊബേഷണറി ഐഎഎസ് പൂജ ഖേദ്കറുമായി ബന്ധപ്പെട്ട വിവാദങ്ങൾ നിലനിൽക്കേയാണ് മനോജ്‌ സോണിയുടെ രാജിയും.

സര്‍ക്കാരിന്റെ ശുപാര്‍ശ ഗവര്‍ണര്‍ തടഞ്ഞു വച്ചിരിക്കുകയായിരുന്നു. സ്പീക്കര്‍, മുഖ്യമന്ത്രി, പ്രതിപക്ഷ നേതാവ് എന്നിവരടങ്ങിയ സമിതിയാണ് മനുഷ്യാവകാശ കമ്മിഷന്‍ ചെയര്‍മാനെ തിരഞ്ഞെടുക്കുന്നത്. പ്രതിപക്ഷ നേതാവ് വിയോജിച്ചാലും നിയമനം നടത്തുന്നതില്‍ തടസ്സമില്ല. 2023 ഏപ്രില്‍ 24നാണ് എസ് മണികുമാര്‍ കേരള ഹൈക്കോടതിയില്‍ നിന്ന് വിരമിച്ചത്.

അസിസ്റ്റന്റ് സോളിസിറ്റര്‍ ജനറലായി പ്രവര്‍ത്തിച്ചിരുന്ന അദ്ദേഹം 2006 ജൂലൈയിലാണ് മദ്രാസ് ഹൈക്കോടതി ജഡ്ജിയായത്. ജഡ്ജിയായിരുന്ന മണികുമാര്‍ 2019 ഒക്ടോബര്‍ 11നാണ് കേരള ഹൈക്കോടതി ചീഫ് ജസ്റ്റിസായത്.

മുംബൈ ഗവ. ലോ കോളജില്‍നിന്ന് എല്‍.എല്‍.ബി ബിരുദവും തിരുവനന്തപുരം ഗവ. ലോ കോളജില്‍നിന്ന് ബിരുദാനന്തര ബിരുദവും നേടി. 1990ല്‍ തൃശൂര്‍ ബാറില്‍ അഭിഭാഷകനായി പ്രവര്‍ത്തനമാരംഭിച്ചു. 2006-11 കാലയളവില്‍ തൃശൂര്‍ കോടതിയില്‍ ഗവ. പ്ലീഡറായും പബ്ലിക് പ്രോസിക്യൂട്ടറുമായും പ്രവര്‍ത്തിച്ചു. ആഗസ്റ്റ് ഒന്നിനാണ് വഖഫ് ബോര്‍ഡ് ചെയര്‍മാന്‍ സ്ഥാനം ടി.കെ ഹംസ രാജിവച്ചത്. ഒന്നര വര്‍ഷം കാലാവധി ബാക്കിനില്‍ക്കെയായിരുന്നു രാജി. മന്ത്രി വി. അബ്ദുറഹ്മാനുമായുള്ള അഭിപ്രായ ഭിന്നതയാണു രാജിയില്‍ കലാശിച്ചതെന്ന് റിപ്പോര്‍ട്ടുകളുണ്ടായിരുന്നു.

എന്നാല്‍, പ്രായാധിക്യം മൂലമാണ് പദവി ഒഴിയുന്നതെന്നാണ് ടി.കെ ഹംസ വാര്‍ത്താസമ്മേളനത്തില്‍ വ്യക്തമാക്കിയത്. മന്ത്രി അബ്ദുറഹ്മാനും ടി.കെ ഹംസയും തമ്മില്‍ ഏറെനാളായി അഭിപ്രായ ഭിന്നത നിലനില്‍ക്കുന്നുണ്ട്. മന്ത്രിതല യോഗങ്ങളില്‍ ടി.കെ ഹംസ പങ്കെടുക്കാത്തത് വിമര്‍ശനത്തിന് കാരണമായിരുന്നു. ഇതിനുപിന്നാലെയാണ് പാര്‍ട്ടി നിര്‍ദേശപ്രകാരം ഹംസ ചെയര്‍മാന്‍ സ്ഥാനം രാജിവച്ചതെന്നാണ് അറിയുന്നത്.

മുന്‍പ് വഖഫ് ബോര്‍ഡ് ചെയര്‍മാനായിരുന്ന ഡോ.മുഹമ്മദ് യൂസഫിന്റെ നിര്യാണത്തെ തുടര്‍ന്ന് ഒന്നരവര്‍ഷം മുന്‍പാണ് ശാഫി സഅദി തെരഞ്ഞെടുപ്പിലൂടെ വഖഫ് ബോര്‍ഡ് ചെയര്‍മാനായി തെരഞ്ഞെടുക്കപ്പെട്ടത്. മുട്ടല വഖഫ് ഡിവിഷനില്‍ നിന്നുള്ള ബോര്‍ഡ് അംഗമായ അന്‍വര്‍ ചിത്രദുര്‍ഗയും ബാര്‍ കൗണ്‍സില്‍ പ്രതിനിധി അഡ്വ. റിയാസ് ഖാനും ധാരണ പ്രകാരം അടുത്ത തെരഞ്ഞെടുപ്പില്‍ വഖഫ് ബോര്‍ഡ് ചെയര്‍മാന്‍ സ്ഥാനത്തേക്ക് മത്സരിക്കാനാണ് സാധ്യതയെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.