വാട്‌സ്ആപ്പ് ചാറ്റില്‍ സ്വാമി സെക്സ് വീഡിയോ അയച്ച് കൊടുക്കാന്‍ ആവശ്യപ്പെടുന്നതിന്റെ സ്‌ക്രീന്‍ഷോട്ടും സൈബര്‍ വാരിയേഴസ് ഫെയ്‌സ്ബുക്ക് പേജിലൂടെ പുറത്തുവിട്ടു. ധ്വജ പ്രണാമം ചക്രപാണി സ്വാമി എന്ന തലക്കെട്ടോടുകൂടിയാണ് വീഡിയോ ഷെയര്‍ ചെയ്തിരിക്കുന്നത്. ഹണിട്രാപ്പില്‍ ഹിന്ദു മഹാസഭാ തലവന്‍ ചക്രപാണി കുടുങ്ങിയതോടെ സോഷ്യല്‍മീഡിയയില്‍ ഇത് ആഘോഷിക്കുകയാണ്.

പെണ്‍കുട്ടിയാണെന്ന് പരിചയപ്പെടുത്തി ചക്രപാണി ഔദ്യോഗികമായി ഹിന്ദു മഹാസഭയുടെ വെബ്സൈറ്റില്‍ നല്‍കിയ നമ്പറിലേക്കാണ് കേരളാ സൈബര്‍ വാരിയേഴ്സ് അംഗങ്ങള്‍ വാട്ട്സാപ്പ് സന്ദേശം അയച്ചത്. ഇത് വിശ്വസിച്ച സ്വാമി പിന്നീടാണ് സെക്‌സ് വിഡിയോ അയക്കാന്‍ ആവശ്യപ്പെടുന്നത്. സന്ദേശം അയച്ച ഉടനെ ഡിലീറ്റ് ചെയ്യുന്നത് കൊണ്ട് സ്‌ക്രീന്‍ഷോട്ട് എടുക്കാന്‍ ബുദ്ധിമുട്ടിയതായും വീഡിയോയില്‍ പറയുന്നുണ്ട്. സ്‌കൂള്‍ ഡ്രെസിലും, കൂട്ടുകാരികളോടൊപ്പവും ഫോട്ടോ അയക്കാന്‍ സ്വാമി ചക്രപാണി ആവശ്യപ്പെടുന്ന ചാറ്റ് ദൃശ്യങ്ങളും ഇവര്‍ പുറത്ത് വിട്ടിട്ടുണ്ട്. ആറു മിനുട്ടും 34 സെക്കന്റും ദൈര്‍ഘ്യമേറിയതാണ് വീഡിയോ. ഒരു ലക്ഷത്തോളം പേരാണ് വീഡിയോ ഇതുവരെ കണ്ടിരിക്കുന്നത്.

അതേസമയം കോഴിസ്വാമിയെ പിടിച്ചു, മലയാളികളോടാണോ കളി, ഇങ്ങള് പൊളിച്ചു ബ്രോസ് തുടങ്ങിയ രസകരമായ കമന്റ് നല്‍കിയാണ് ട്രോളന്‍മാര്‍ വീഡിയോയെ വരവേറ്റത്.

നേരത്തെ കേരളത്തിനെതിരെ ബീഫുമായി ബന്ധപ്പെട്ട് ചക്രപാണി വിവാദ പ്രസ്താവന നടത്തിയതിനു പിന്നാലെ ഹിന്ദു മഹാസഭയുടെ വൈബ്‌സൈറ്റ് ഹാക്ക് ചെയ്ത് അതില്‍ കേരള ബീഫ് കറി ഉണ്ടാക്കുന്ന വിധം വിവരിച്ച് കൊണ്ടാണ് സൈബര്‍ വാരിയേഴ്‌സ് പ്രതിഷേധമറിയിച്ചിരുന്നത്.

കേരളത്തിലെ ജനങ്ങള്‍ പശുക്കളെ കൊല്ലുന്നത് കൊണ്ടാണ് പ്രളയമുണ്ടായതെന്നാണ് ഹിന്ദു മഹാസഭ നേതാവ് ചക്രപാണി പറഞ്ഞത്. എന്നാല്‍ ഇതിനു മറുപടി എന്ന തരത്തില്‍ കേരളത്തിലെ നാടന്‍ ബീഫ് കറി ഉണ്ടാകുന്ന വിധവും ഒപ്പം ഒരു സന്ദേശവും ചേര്‍ത്ത് വെബ്‌സൈറ്റ് എഡിറ്റ് ചെയ്താണ് ഹാക്കര്‍മാര്‍ പകരംവീട്ടിയത്

ഹോം പേജില്‍ ബീഫ് തീറ്റക്കാരെ രക്ഷിക്കുന്നത് പാപമാണ്. മൃഗങ്ങളെ കൊല്ലാത്തവരെ സഹായിക്കേണ്ടാതാണ്എന്ന ചക്രപാണിയുടെ പ്രസ്താവനയും അതിനു താഴെയായി ‘ചക്രപാണി സൈക്കോ, ഞങ്ങള്‍ വ്യക്തികളെ അവരുടെ സ്വഭാവത്തിന്റെ അടിസ്ഥാനത്തിലാണ് ബഹുമാനിക്കുന്നത്, ഭക്ഷണ ശീലത്തിന്റെ പേരിലല്ല’. എന്റെ നടുവിരല്‍ നമസ്‌കാരം എന്ന് എഴുതിയിട്ടുണ്ട്.

കേരളത്തിലെ പ്രളയവുമായി ബന്ധപ്പെട്ടു ഹിന്ദുമഹാസഭ നേതാവ് ചക്രപാണി നടത്തിയ പ്രസ്താവനകള്‍ ഏറെ വിവാദങ്ങള്‍ക്ക് വഴിയൊരുക്കിയിരുന്നു. ഭൂമിയോട് പാപം ചെയ്ത മനുഷ്യര്‍ക്ക് പ്രകൃതി നല്‍കിയ ശിക്ഷയാണ് ഈ ദുരന്തമെന്നും ഏതാനും ചിലര്‍ ചെയ്ത തെറ്റിന് ശിക്ഷക്കപ്പെട്ടത് നിരപരാധികളായ ജനങ്ങളാണെന്നും ചക്രപാണി പറയുകയുണ്ടായി.

കേരളത്തിലെ ജനങ്ങള്‍ക്ക് കഴിക്കാന്‍ മറ്റ് നിരവധി ഭക്ഷണ പദാര്‍ത്ഥങ്ങള്‍ ഉണ്ട് എന്നിട്ടും അവര്‍ പശുക്കളെ കൊല്ലുകയും കഴിക്കുകയും ചെയ്യുന്നു. ദുരിതത്തില്‍ അകപ്പെട്ട ബീഫ് കഴിക്കാത്തവരെ മാത്രം ഹിന്ദുക്കള്‍ സഹായിച്ചാല്‍ മതിയെന്നും ചക്രപാണി ആഹ്വാനം ചെയ്യുകയുണ്ടായി. മനപൂര്‍വം പശുവിന്റെ മാംസം കഴിച്ച് ഹിന്ദു മതവികാരം വ്രണപ്പെടുത്താന്‍ ശ്രമിച്ചവരോടും റോഡില്‍ പശുവിനെ അറുത്തവരോടും ഒരിക്കലും ക്ഷമിക്കരുതെന്നും ചക്രപാണി പറഞ്ഞിരുന്നു.

പ്രളയത്തില്‍ നൂറുകണക്കിന് ആളുകള്‍ മരിക്കുകയും ലക്ഷ കണക്കിന് പേര്‍ക്ക് വീട് നഷ്ടമായ സാഹചര്യത്തിലാണ് ഹിന്ദുമഹാസഭ നേതാവ് ചക്രപാണി കേരളത്തിനെതിരെ വിദ്വേഷ പ്രചരണം അഴിച്ചുവിട്ടത്. ഇതിനെതിരെ സമൂഹ മാധ്യമങ്ങളില്‍ വ്യാപക പ്രതിഷേധമുയര്‍ന്നിരുന്നു.