മത്സരത്തില്‍ പാക്കിസ്താന്‍ ജയിച്ചപ്പോള്‍ മൂന്നുപേരും പടക്കംപൊട്ടിച്ച് ആഘോഷിച്ചിരുന്നു. ഇത് ബി.ജെ.പിയുടെ പ്രാദേശികനേതാക്കളെ ചൊടിപ്പിച്ചു.തുടര്‍ന്നാണ് ചെങ്ങപ്പ എന്നയാള്‍ പോലീസിന് പരാതി നല്‍കുന്നത്. പരാതിയെ തുടര്‍ന്ന് മൂന്നുപേരെയും പോലീസ് അറസ്റ്റു ചെയ്തു.

സംഭവത്തില്‍ മനപൂര്‍വ്വമായി മത വികാരങ്ങളെ വ്രണപ്പെടുത്താനും സംഘര്‍ഷമുണ്ടാക്കാനും ശ്രമിച്ചു എന്ന് ചൂണ്ടിക്കാട്ടിയാണ് പോലീസ് കേസ് രജിസ്റ്റര്‍ ചെയ്തത്. അറസ്റ്റുചെയ്ത മൂന്നുപേരും ഒരു രാഷ്ട്രീയപാര്‍ട്ടിയിലും പെട്ടവരല്ല. ഇന്ത്യന്‍ മണ്ണില്‍ പാക് വിജയം ആഘോഷിക്കാന്‍ പാടില്ലെന്നതാണ് ബി.ജെ.പി നിലപാട്.

watch video:

ഐ.സി.സി ടൂര്‍ണമെന്റുകളില്‍ ഇതാദ്യമായി സെമിഫൈനല്‍ കളിക്കുന്ന ബംഗ്ലാദേശിന് ആദ്യ ഓവറില്‍ തന്നെ ഓപണര്‍ സൗമ്യ സര്‍ക്കാറിനെ (0) നഷ്ടമായിരുന്നു. ഭുവനേശ്വര്‍ കുമാറിനെ പ്രഹരിക്കാനുള്ള ശ്രമത്തില്‍ സൗമ്യയുടെ ബാറ്റില്‍ തട്ടിയ പന്ത് വിക്കറ്റിളക്കുകയായിരുന്നു. മൂന്നാം നമ്പറിലെത്തിയ സബ്ബിര്‍ റഹ്മാന്‍ (19) പ്രതീക്ഷ നല്‍കിയെങ്കിലും ഭുവിയുടെ തന്നെ ഇരയായി. തുടക്കത്തില്‍ മെല്ലെ നീങ്ങിയ തമീം ഇഖ്ബാല്‍ (70) മൂന്നാം വിക്കറ്റില്‍ മുഷ്ഫിഖുര്‍ റഹീമി(61)നൊപ്പം ചേര്‍ന്നതോടെ ബംഗ്ലാദേശ് 300-നു മുകളില്‍ സ്‌കോര്‍ ചെയ്യുമെന്ന് തോന്നിയെങ്കിലും തമീമിനെ പുറത്താക്കി കേദാര്‍ ജാദവ് മത്സരത്തില്‍ വഴിത്തിരിവുണ്ടാക്കി.

പരിചയ സമ്പന്നനായ ഷാകിബുല്‍ ഹസനെ (15) ജഡേജയും മുഷ്ഫിഖിനെ ജാദവും പുറത്താക്കിയതോടെ ബംഗ്ലാദേശ് അഞ്ചിന് 184 എന്ന നിലയിലേക്കു വീണു. സ്‌പെഷ്യലിസ്റ്റ് ബാറ്റ്‌സ്മാന്‍ മഹ്്മൂദുല്ലക്ക് (21) മികവ് പുറത്തെടുക്കാന്‍ കഴിയാതിരുന്നപ്പോള്‍ അവസാന ഓവറുകളില്‍ ക്യാപ്ടന്‍ മഷ്‌റഫെ മുര്‍ത്തസ (30 നോട്ടൗട്ട്) നടത്തിയ മികച്ച പ്രകടനമാണ് ബംഗ്ലാ കടുവകളെ പൊരുതാവുന്ന സ്‌കോറിലെത്തിച്ചത്.