വിജയവാഡ ഹൈദരാബാദ് ദേശീയപാതയിലെ ദണ്ടുമാല്‍കപുരം ഗ്രാമത്തില്‍ വച്ചാണ് അപകടമുണ്ടായത്. അമരാവതിയിലുള്ള നായിഡുവിന്റെ വസതിയില്‍ നിന്ന് ഹൈദരാബാദിലേക്ക് പോകുകയായിരുന്നു. ഏഴ് വാഹനങ്ങളാണ് വാഹനവ്യൂഹത്തിലുണ്ടായിരുന്നത്. നാലാമത്തെ വാഹനത്തിലാണ് നായിഡു യാത്ര ചെയ്തിരുന്നത്.

മുന്നില്‍ പോയ വാഹനത്തിന് കുറുകെ പശുചാടിയതോടെ പശുവിനെ ഇടിക്കാതിരിക്കാന്‍ ഡ്രൈവര്‍ പെട്ടന്ന് വാഹനം നിര്‍ത്തി. ഇതോടെ പിന്നാലെ വന്ന കാറുകള്‍ തമ്മില്‍ ഇടിക്കുകയായിരുന്നു. നാലാമത് ഉണ്ടായിരുന്ന നായിഡുവിന്റെ വാഹനം തലനാരിഴയ്ക്കാണ് അപകടത്തില്‍ നിന്ന് രക്ഷപ്പെട്ടത്.

ടി.ഡി.പി നേതാവും മുന്‍മുഖ്യമന്ത്രിയുമായ ചന്ദ്രബാബു നായിഡുവിന്റെ വസതിയോട് ചേര്‍ന്ന് പണികഴിപ്പിച്ച പ്രജാവേദിക എന്ന കെട്ടിടം ഉടന്‍ പൊളിച്ചുനീക്കണമെന്നാണ് നിര്‍ദേശം. പാര്‍ട്ടി യോഗങ്ങളുള്‍പ്പെടെ ഔദ്യോഗിക കാര്യങ്ങള്‍ക്ക് വേണ്ടിയായിരുന്നു നായിഡു വസതിയും ഹാളും ഉപയോഗിച്ചിരുന്നത്. എന്നാല്‍ അതേ കെട്ടിടത്തില്‍ തന്നെ കളക്ടര്‍മാരുടെ യോഗം വിളിച്ചചേര്‍ത്താണ് ജഗന്‍ മോഹന്‍ റെഡ്ഡി ഉത്തരവിട്ടത്. ഈ കെട്ടിടത്തിലെ അവസാന യോഗമായിരിക്കും ഇതെന്ന് യോഗത്തില്‍ വെച്ച് ജഗന്‍ പ്രഖ്യാപിക്കുകയായിരുന്നു. നടപടി സ്വാഭാവികമാണെന്ന് പ്രതികരിച്ച ജഗന്‍, ഒരു സാധരണക്കാരന്‍ അനുമതിയില്ലാതെ കെട്ടിടം നിര്‍മിച്ചാല്‍ ഉദ്യോഗസ്ഥര്‍ അത് പൊളിച്ചുനീക്കുന്നതാണ് പതിവെന്നും ഈ സര്‍ക്കാര്‍ നിയമങ്ങളെ ബഹുമാനിക്കുന്നവരും അത് പിന്തുടരുന്നവരുമാണെന്നും പറഞ്ഞു.

നിയമസഭാ തെരഞ്ഞെടുപ്പിലെ ടിഡിപിയുടെ പരാജയത്തിന് പിന്നാലെ മുഖ്യമന്ത്രിയായിരുന്ന സമയത്ത് ഉപയോഗിച്ചിരുന്ന പ്രജാവേദിക ഇത്തവണയും അനുവദിക്കണമെന്ന് ആവശ്യപ്പെട്ട് ചന്ദ്രബാബു നായിഡു ജൂണ്‍ 5ന് ജഗന്‍ മോഹന്‍ റെഡ്ഡിക്ക് കത്തെഴുതിയിരുന്നു. പ്രതിപക്ഷനേതാവിന്റെ അനക്‌സ് ആയി പ്രജാവേദിക അനുവദിക്കണമെന്നായിരുന്നു ആവശ്യം. എന്നാല്‍ നായിഡുവിന്റെ അഭ്യര്‍ത്ഥന തള്ളിക്കൊണ്ടാണ് വൈ.എസ്. ജഗന്‍ കെട്ടിടം പൊളിച്ചുനീക്കാന്‍ ഉത്തരവിട്ടത്. നാളെയാണ് കെട്ടിടം പൊളിക്കാന്‍ തുടങ്ങുക.

അതേസമയം ജഗനും വൈഎസ്ആര്‍ കോണ്‍ഗ്രസും പ്രതികാര രാഷ്ട്രീയം കളിക്കുകയാണെന്ന്‌ ടിഡിപി കുറ്റപ്പെടുത്തി. കെട്ടിടം പൊളിച്ചു നീക്കാനുള്ള തീരുമാനത്തിനു പിന്നാലെ അവിടെയുണ്ടായിരുന്ന നിരവധി വസ്തുക്കള്‍ ബോധപൂര്‍വം നശിപ്പിച്ചുവെന്ന് പാര്‍ട്ടി സംസ്ഥാന പ്രസിഡന്റ് കല വെങ്കിട്ട റാവു കുറ്റപ്പെടുത്തി. കഴിഞ്ഞയാഴ്ച നായിഡുവിന് വിമാനത്താവളത്തില്‍ ദേഹപരിശോധന നടത്തിയതും വിവാദമായിരുന്നു. വി.ഐ.പി പരിഗണന നിഷേധിക്കപ്പെട്ട നായിഡുവിനെ വിജയവാഡയിലെ ഗണ്ണാവരം വിമാനത്താവളത്തിലാണ് സാധാരണ യാത്രക്കാര്‍ക്കുള്ള പരിശോധനകള്‍ക്ക് വിധേയനാക്കിയത്. വിമാനത്തിലേക്ക് വി.ഐ.പികള്‍ക്കുള്ള വാഹനം ലഭ്യമാക്കാത്തതിനാല്‍ യാത്രക്കാര്‍ക്കുള്ള ബസില്‍ കയറിയാണ് നായിഡു എത്തിയത്. അംഗരക്ഷകരെ വിമാനം വരെ അനുഗമിക്കാന്‍ അനുവദിക്കാത്തതും വിവാദമായിരുന്നു. ബി.ജെ.പിയും വൈ.എസ്.ആര്‍ കോണ്‍ഗ്രസും എതിരാളികളെ തിരഞ്ഞുപിടിച്ച് പ്രതികാരം ചെയ്യുകയാണെന്നാണ് ടി.ഡി.പിയുടെ ആരോപണം.
ഹൈദരാബാദില്‍ നിന്ന് അമരാവതിയിലേക്ക് ഭരണകേന്ദ്രം മാറ്റിയതിനു പിന്നാലെ കൃഷ്ണ നദീ തീരത്തുള്ള വസതിയിലാണ് നായിഡു താമസിച്ചിരുന്നത്. ഇവിടെ പണിത പ്രജാവേദിക ഔദ്യോഗിക കാര്യങ്ങള്‍ക്കായി നായിഡു ഉപയോഗപ്പെടുത്തുകയായിരുന്നു.

23ന് തെരഞ്ഞെടുപ്പ് ഫലം പുറത്തുവന്നാല്‍ നടത്തേണ്ട പ്രതിപക്ഷ ഐക്യത്തെ കുറിച്ച് ചര്‍ച്ചചെയ്യാനായിരുന്നു ഇരുവരുടേയും കൂടിക്കാഴ്ച്ച. ഫലം പുറത്തുവരുന്ന അന്ന് ഡല്‍ഹിയില്‍ പ്രതിപക്ഷപാര്‍ട്ടികള്‍ യോഗം ചേരുന്നതിനെക്കുറിച്ചും കൂടിക്കാഴ്ച്ചയില്‍ ചര്‍ച്ചയുണ്ടായെന്നാണ് വിലയിരുത്തല്‍. കഴിഞ്ഞ ഞായറാഴ്ച്ച രാഹുല്‍ഗാന്ധിയേയും ശരത്പവാറിനേയും സീതാറാം യെച്ചൂരിയേയും ചന്ദ്രബാബുനായിഡു ഫോണില്‍ ബന്ധപ്പെട്ടിരുന്നു. അതിനു മുമ്പ് മായാവതിയേയും അഖിലേഷ് യാദവിനേയും നായിഡു ബന്ധപ്പെട്ടിരുന്നു.

തെരഞ്ഞെടുപ്പ് ഫലം പുറത്തുവരുന്ന അന്ന് ഡല്‍ഹിയില്‍ പ്രതിപക്ഷ നേതാക്കളെ യോഗത്തിനായി യു.പി.എ അധ്യക്ഷ സോണിയാഗാന്ധി ക്ഷണിച്ചിട്ടുണ്ട്. ഡി.എംകെ അധ്യക്ഷന്‍ എം.കെ സ്റ്റാലിന് സോണിയയുടെ ക്ഷണക്കത്ത് ലഭിച്ചിരുന്നതായി റിപ്പോര്‍ട്ടുണ്ട്. ബി.ജെ.പി യെ അധികാരത്തിലെത്തിക്കാതിരിക്കാനുള്ള ശ്രമമാണ് സോണിയയുടെ നീക്കത്തിനു പിന്നില്‍.

അഖിലേഷ്, മായാവതി, മമത, രാഹുല്‍ തുടങ്ങി പ്രതിപക്ഷ നേതാക്കളെയെല്ലാം മര്യാദയില്ലാത്ത ഭാഷയിലാണ് മോദി അഭിസംബോധന ചെയ്യുന്നതെന്നും ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ നായിഡു പറഞ്ഞു. മെയ് 23ഓടെ മോദിയുടെയും ബി.ജെ.പിയുടേയും ധിക്കാരം അവസാനിക്കും.

ബി.ജെ.പി ഇതര മതേതര ജനാധിപത്യ സര്‍ക്കാര്‍ കേന്ദ്രത്തില്‍ അധികാരത്തിലെത്തുമെന്നും നായിഡു ശുഭാപ്തി വിശ്വാസം പ്രകടിപ്പിച്ചു. നേരത്തെ ബി.ജെ.പിയുമായി യോജിച്ചു പോയിരുന്നെങ്കിലും ഇന്ന് സാഹചര്യങ്ങള്‍ മാറി. ഇന്ന് രാജ്യത്തെ ജനാധിപത്യം നേരിടുന്ന ഏറ്റവും വലിയ ഭീഷണി ബി.ജെ.പിയാണെന്നും അദ്ദേഹം പറഞ്ഞു. ഇത്തവണ ബി.ജെ.പി, ജഗന്‍, കെ.സി.ആര്‍ തുടങ്ങിയവരെയാണ് എതിര്‍ക്കുന്നത്. കഴിഞ്ഞ അഞ്ചു വര്‍ഷമായി ആന്ധ്രക്ക് വേണ്ടി നിരവധി കാര്യങ്ങള്‍ ചെയ്തിട്ടുണ്ട് അതിനാല്‍ തന്നെ നല്ല ഭരണത്തെ ജനങ്ങള്‍ പിന്തുണക്കുമെന്നാണ് വിശ്വാസമെന്നും അദ്ദേഹം കൂട്ടിച്ചേര്‍ത്തു.

#NoMoreModi, #ModiIsAMistake തുടങ്ങിയ ഹാഷ് ടാഗുകളുമായി സോഷ്യല്‍ മീഡിയയിലും പ്രധാനമന്ത്രിയുടെ സന്ദര്‍ശനത്തിന് എതിരായ പ്രതിഷേധം ശക്തമായിരുന്നു. ‘ഇനിമേല്‍ വരരുത്’ എന്നഴുതിയ, മോദിയെ ജനക്കൂട്ടം തുരത്തിയോടിക്കുന്ന ചിത്രീകരണമുള്ള പടുകൂറ്റന്‍ ഹോര്‍ഡിംഗുകള്‍ മോദി വന്നിറങ്ങിയ ഗണ്ണവാരം വിമാനത്താവളത്തിന് പുറത്ത് പ്രതിഷേധക്കാര്‍ ഉയര്‍ത്തിയിരുന്നു. വിമാനത്താവളം മുതല്‍ ഗുണ്ടൂര്‍ വരെ ദേശീയപാതയില്‍ ഉടനീളം ‘മോദിക്ക് പ്രവേശനമില്ല’ എന്നെഴുതിയ പോസ്റ്ററുകളുമായി ടിഡിപി പ്രവര്‍ത്തകര്‍ കാത്തുനിന്ന് പ്രതിഷേധിച്ചു.

#NoMoreModi
Narendra Modi cheated Andhra Pradesh.
We are ashamed of Narendra Modi
Narendra Modi &all his supporters should be thrown out of Parliament in elections 2019 pic.twitter.com/iwL3XJIk7p

— VIJAYA SREE N (@LEOVSN) February 9, 2019

തെലങ്കാന, ആന്ധ്ര വിഭജനത്തിന് ശേഷമുള്ള ആന്ധ്രയുടെ ദുരിതം കാണാനാണ് മോദി വന്നത് എന്നായിരുന്നു മുഖ്യമന്ത്രി ചന്ദ്രബാബു നായിഡുവിന്റെ പ്രതികരണം. ആന്ധ്രയ്‌ക്കെതിരെ യുദ്ധം പ്രഖ്യാപിക്കാനാണ് മോദി സംസ്ഥാനത്തെത്തിയതെന്നും രാജ്യത്തെ നശിപ്പിച്ച മോദി ആന്ധ്രയെ തകര്‍ത്തുവെന്നും ചന്ദ്രബാബു നായിഡു ആരോപിച്ചു. ടിഡിപി പ്രവര്‍ത്തകര്‍ കറുത്ത വസ്ത്രങ്ങളണിഞ്ഞ് ആന്ധ്രയിലുടനീളം പ്രതിഷേധപരിപാടികള്‍ സംഘടിപ്പിച്ചു. വിജയവാഡയില്‍ നടന്ന പ്രതിഷേധ റാലിയില്‍ ആയിരക്കണക്കിന് ടിഡിപി പ്രവര്‍ത്തകര്‍ പങ്കെടുത്തു.
സംസ്ഥാന വ്യാപകമായി പ്രതിഷേധ പരിപാടികള്‍ സംഘടിപ്പിക്കപ്പെട്ട സാഹചര്യത്തില്‍ കനത്ത സുരക്ഷയായിരുന്നു പ്രധാനമന്ത്രിക്ക് ഒരുക്കിയിരുന്നത്.

ഗുണ്ടൂര്‍ സന്ദര്‍ശനം പൂര്‍ത്തിയാക്കിയ മോദി തുടര്‍ന്ന് തമിഴ്നാട്ടിലെ തിരുപ്പൂരിലേക്ക് പോയി. വിമാനത്താവളത്തില്‍ നിന്ന് വായു സേനയുടെ ഹെലികോപ്റ്ററിലാണ് പ്രധാനമന്ത്രി റാലി നടന്ന ഗുണ്ടൂരിലേക്ക് പോയത്.

അതേസമയം ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡുവിനെതിരെ പ്രധാനമന്ത്രി നരേന്ദ്ര മോദി രൂക്ഷമായി വിമര്‍ശനമുയര്‍ത്തി. കോണ്‍ഗ്രസ് മുക്ത ഭാരതത്തിന് വേണ്ടി പ്രവര്‍ത്തിച്ച ആളാണ് എന്‍.ടി രാമറാവു. എന്നാല്‍ ഭാര്യാ പിതാവായ എന്‍.ടി.ആറിനെ പിന്നില്‍ നിന്ന് കുത്തിയ ആളാണ് ചന്ദ്രബാബു നായിഡു. എന്നാല്‍ നായിഡു തന്നെ സ്വയം കോണ്‍ഗ്രസിന് വിട്ടു കൊടുത്തു. നായിഡുവും തെലുങ്കുദേശം പാര്‍ട്ടിയും ആന്ധ്രയെ കൊള്ളയടിക്കുകയാണ്. പൊതുഖജനാവിലെ പണം ഉപയോഗിച്ചാണ് തെലുങ്കുദേശം പാര്‍ട്ടിയുടെ പ്രചരണങ്ങള്‍ നടത്തുന്നത്. നായിഡുവിന്റെ യാത്രകള്‍ക്കും പരിപാടികള്‍ക്കും നികുതി പണമാണ് ഉപയോഗിക്കുന്നത്-മോദി ആരോപിച്ചു. ആന്ധ്രക്ക് പ്രത്യേക പദവി നല്‍കാത്തതില്‍ പ്രതിഷേധിച്ച് കഴിഞ്ഞ വര്‍ഷമാണ് ചന്ദ്രബാബു നായിഡുവിന്റെ ടി.ഡി.പി എന്‍.ഡി.എ മുന്നണി വിട്ടത്. താന്‍ മോദിയേക്കാള്‍ സീനിയറാണെങ്കിലും മോദിയുടെ അഹങ്കാരം തൃപ്തിപ്പെടുത്താന്‍ അദ്ദേഹത്തെ സാര്‍ എന്ന് വിളിക്കേണ്ടി വരുന്നുവെന്നും നായിഡു കഴിഞ്ഞ ദിവസം പറഞ്ഞിരുന്നു.

Met with West Bengal Chief Minister, @MamataOfficial ji in Kolkata today.

— N Chandrababu Naidu (@ncbn) November 19, 2018

ഈമാസം 22ന് ഡല്‍ഹിയില്‍ നടക്കുന്ന പ്രതിപക്ഷ പാര്‍ട്ടി നേതാക്കളുടെ യോഗത്തിലേക്ക് മമതയെ ക്ഷണിക്കുന്നതിനാണ് നായിഡു എത്തിയത്. ബംഗാള്‍ സെക്രട്ടറിയേറ്റിലെ മമതയുടെ ഓഫീസില്‍ നടന്ന കൂടിക്കാഴ്ചയില്‍ നിലവിലെ രാഷ്ട്രീയ സാഹചര്യവും ബ.ജെ.പിക്കെതിരെ പ്രതിപക്ഷ ഐക്യം ശക്തിപ്പെടുത്തേണ്ടതിന്റെയും ആവശ്യകത ചര്‍ച്ചയായി. ജനുവരി 19ന് ബംഗാളില്‍ പ്രതിപക്ഷ കക്ഷികളുടെ കൂറ്റന്‍ റാലി സംഘടിപ്പിക്കുമെന്ന് മമത ബാനര്‍ജി അറിയിച്ചു.
അഴിമതി ആരോപണം നേരിടുന്ന സി.ബി.ഐക്ക് ആന്ധ്രയില്‍ വിലക്ക് ഏര്‍പ്പെടുത്തിയ ചന്ദ്രബാബു നായിഡുവിന്റെ നിലപാടിനെ മമത ബാനര്‍ജി പ്രശംസിച്ചിരുന്നു. ഇതിന് പിന്നാലെയാണ് ഇരു നേതാക്കളും തമ്മിലുള്ള കൂടിക്കാഴ്ച. 22ന് നടക്കുന്ന യോഗം സംബന്ധിച്ച് അന്തിമ വിലയിരുത്തലുകളും ഇരുവരും നടത്തിയെന്നാണ് സൂചന. ബി.ജെ.പി വിരുദ്ധ പ്രതിപക്ഷ പാര്‍ട്ടികളുടെ സഖ്യത്തിന്റെ രൂപീകരണത്തിനും സഖ്യത്തിന്റെ ഘടന തീരുമാനിക്കുന്നതിനുമാണ് പ്രതിപക്ഷ പാര്‍ട്ടികളുടെ യോഗം.

പ്രതിപക്ഷ സഖ്യത്തിന് മുന്‍കൈ എടുക്കുന്ന നായിഡു നേരത്തെ മറ്റു പ്രതിപക്ഷ പാര്‍ട്ടി നേതാക്കളുമായും ചര്‍ച്ച നടത്തിയിരുന്നു. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, ബഹുജന്‍ സമാജ് പാര്‍ട്ടി അധ്യക്ഷ മായാവതി, എസ്.പി നേതാക്കാളായ അഖിലേഷ് യാദവ്, മുലായം സിങ് യാദവ്, ഡല്‍ഹി മുഖ്യമന്ത്രി അരവിന്ദ് കെജ്രിവാള്‍, എന്‍.സി.പി നേതാവ് ശരദ്പവാര്‍, നാഷണല്‍ കോണ്‍ഫറണ്‍സ് നേതാവ് ഫറൂഖ് അബ്ദുള്ള, ഡി.എം.കെ അധ്യക്ഷന്‍ എം.കെ സ്റ്റാലിന്‍, ജെ.ഡി.എസ് നേതാവും കര്‍ണാടക മുഖ്യമന്ത്രിയുമായ എച്ച്.ഡി കുമാരസ്വാമി, മുന്‍ പ്രധാനമന്ത്രി എച്ച്.ഡി ദേവഗൗഡ എന്നിവരുമായും സി.പി.എം, സി.പി.ഐ നേതാക്കളുമായും ചന്ദ്രബാബു നായിഡു കൂടിക്കാഴ്ച നടത്തിയിരുന്നു.

ആന്ധ്രപ്രദേശ് മുഖ്യമന്ത്രി ടി.ഡി.പി എം.പിമാരായ ജയദേവ് ഗല്ല, സി.എം രമേശ് എന്നിവരുമായാണ് കോണ്‍ഗ്രസ് അധ്യക്ഷന്‍ കൂടികാഴ്ച നടത്തിയത്.

മറ്റ് കാര്യങ്ങളില്‍ നിന്ന് മാറി പ്രതിപക്ഷ ഐക്യത്തെ കുറിച്ച് ഞങ്ങള്‍ ചര്‍ച്ച ചെയ്തു. ഞങ്ങളുടെ ചര്‍ച്ചക്ക് അനുസൃതമായി കാര്യങ്ങലെ മുന്നോട്ട് കൊണ്ട്‌പോകാനാണ് ഞാന്‍ ആഗ്രഹിക്കുന്നത്. വരാനിരിക്കുന്ന സംസ്ഥാന തെരഞ്ഞെടുപ്പിലും പൊതുതെരഞ്ഞെടുപ്പിലും ഒരുമിച്ച് പ്രവര്‍ത്തിക്കുകയാണ് ലക്ഷ്യം, രാഹുല്‍ ട്വിറ്ററില്‍ കുറിച്ചു.

I had a good meeting today with Shri Chandrababu Naidu. Amongst other things, we discussed the issue of opposition unity. I look forward to carrying forward our dialogue and to working together in the upcoming state & general elections. pic.twitter.com/wNowJhP4sm

— Rahul Gandhi (@RahulGandhi) November 1, 2018

എല്ലാ പ്രതിപക്ഷ പാര്‍ട്ടികളും ഒരുമിച്ച് നില്‍ക്കാന്‍ ആവശ്യപ്പെട്ട രാഹുല്‍ കോണ്‍ഗ്രസും, ടി.ഡി.പിയും തമ്മിലുള്ള ശത്രുത ഭൂതകാലത്തെ സംഭവമായി മാറിയതായും പറഞ്ഞു. ഇപ്പോഴത്തെ ആവശ്യം വര്‍ത്തമാനകാലത്തേയും ഭാവിയേയും സംരക്ഷിക്കലാണ്. എല്ലാ പ്രതിപക്ഷ പാര്‍ട്ടികളും യോജിക്കേണ്ടതാണ് കാലത്തിന്റെ ആവശ്യമെന്നും കൂടികാഴ്ചക്ക് ശേഷം കോണ്‍ഗ്രസ് അധ്യക്ഷന്‍ മാധ്യമങ്ങളോട് പറഞ്ഞു.

അതേസമയം രാഹുലിന്റെ വാക്കുകളെ ശരിവെച്ച നായിഡു ഇരുപാര്‍ട്ടികളും കഴിഞ്ഞകാലം മറക്കുകയാണെന്നും ഇരു പാര്‍ട്ടികളും യോജിക്കേണ്ടത് ജനാധിപത്യ ആവശ്യമാണെന്നും അദ്ദേഹം പറഞ്ഞു. ഞങ്ങള്‍ ഒരുമിക്കുകയാണെന്നും ഇപ്പോള്‍ ഐക്യപ്പെടുത്തുന്നത് ജനാധിപത്യപരമായ നിര്‍ബന്ധമാണെന്നും രാജ്യത്തെ രക്ഷിക്കാന്‍ നാം കഴിഞ്ഞകാലത്തെ മറക്കണമെന്നും പ്രതിപക്ഷ കക്ഷികളെല്ലാം ഒന്നായിരിക്കണമെന്നും നായിഡു പറഞ്ഞു.

കൂടിക്കാഴ്ച വളരെ നല്ലതായിരുന്നെന്നും, രാജ്യത്തെ ജനാധിപത്യവും, ഭരണഘടനാ സ്ഥാപനങ്ങളും സംരക്ഷിക്കാന്‍ ഇരു പാര്‍ട്ടികളും ഒരുമിച്ച് പ്രവര്‍ത്തിക്കാന്‍ തീരുമാനിച്ചതായും കൂടികാഴ്ചക്ക് ശേഷം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പറഞ്ഞു. എല്ലാ പ്രതിപക്ഷ പാര്‍ട്ടികളും ഒരുമിച്ച് നില്‍ക്കാന്‍ ആവശ്യപ്പെട്ട രാഹുല്‍ കോണ്‍ഗ്രസും, ടി.ഡി.പിയും തമ്മിലുള്ള ശത്രുത ഭൂതകാലത്തെ സംഭവമായി മാറിയതായും പറഞ്ഞു. ഇപ്പോഴത്തെ ആവശ്യം വര്‍ത്തമാനകാലത്തേയും ഭാവിയേയും സംരക്ഷിക്കലാണ്. എല്ലാ പ്രതിപക്ഷ പാര്‍ട്ടികളും യോജിക്കേണ്ടതാണ് കാലത്തിന്റെ ആവശ്യമെന്നും അദ്ദേഹം പറഞ്ഞു.

Delhi: Andhra Pradesh Chief Minister, N. Chandrababu Naidu, TDP MPs Jayadev Galla, CM Ramesh and others meet Congress President Rahul Gandhi pic.twitter.com/oST28MdNg0

— ANI (@ANI) November 1, 2018

രാഹുലിന്റെ വാക്കുകളെ ശരിവെച്ച നായിഡു ഇരുപാര്‍ട്ടികളും കഴിഞ്ഞകാലം മറക്കുകയാണെന്നും ഇരു പാര്‍ട്ടികളും യോജിക്കേണ്ടത് ജനാധിപത്യ ആവശ്യമാണെന്നും അദ്ദേഹം പറഞ്ഞു. ഞങ്ങള്‍ ഒരുമിക്കുകയാണെന്നും ഇപ്പോള്‍ ഐക്യപ്പെടുത്തുന്നത് ജനാധിപത്യപരമായ നിര്‍ബന്ധമാണെന്നും രാജ്യത്തെ രക്ഷിക്കാന്‍ നാം കഴിഞ്ഞകാലത്തെ മറക്കണമെന്നും പ്രതിപക്ഷ കക്ഷികളെല്ലാം ഒന്നായിരിക്കണമെന്നും നായിഡു പറഞ്ഞു.

We are coming together, to save the nation. We have to forget the past, now it is a democratic compulsion to unite. All opposition needs to be one: N Chandrababu Naidu after meeting Rahul Gandhi pic.twitter.com/K8Kd8W8zRi

— ANI (@ANI) November 1, 2018

ബി.ജെ.പി സഖ്യത്തിനെതിരെ പ്രതിപക്ഷ ഐക്യ നിരയെ അണിനിരത്തുന്ന ഇടനിലക്കാരനായി നായിഡു പ്രവര്‍ത്തിക്കുമെന്നതിന്റെ സൂചനകള്‍ നല്‍കിക്കൊണ്ട് രാഹുലുമായി കൂടിക്കാഴ്ച നടത്തും മുമ്പ് എന്‍.സി.പി അധ്യക്ഷന്‍ ശരത് പവാര്‍, നാഷണല്‍ കോണ്‍ഫറന്‍സ് നേതാവ് ഫാറൂഖ് അബ്ദുള്ള എന്നിവരുമായും നായിഡു കൂടിക്കാഴ്ച നടത്തിയിരുന്നു.

രാജ്യത്തെ ജനാധിപത്യം അപകടത്തിലാണെന്നും രാഷ്ട്രീയ പാര്‍ട്ടികള്‍ യോജിക്കേണ്ടത് ആവശ്യമാണെന്നും കൂടിക്കാഴ്ചക്കു ശേഷം നേതാക്കള്‍ പറഞ്ഞു. രാജ്യത്തിന്റെ ഭാവി ഭാസുരമാക്കുന്നതിനു വേണ്ടി പദ്ധതി തയാറാക്കുന്നതിനായാണ് ഡല്‍ഹിയില്‍ പ്രതിപക്ഷ നേതാക്കളുമായി കൂടിക്കാഴ്ച നടത്തിയതെന്ന് നായിഡു പറഞ്ഞു.

ദീര്‍ഘകാലം ശത്രുക്കളായിരുന്ന കോണ്‍ഗ്രസും ടി.ഡി.പിയും തെലങ്കാന നിയമസഭാ തെരഞ്ഞെടുപ്പില്‍ സഖ്യമായാണ് മത്സരിക്കുന്നത്. തെലങ്കാനയില്‍ ലോക്‌സഭാ തെരഞ്ഞെടുപ്പിലും സഖ്യം തുടരുമെന്ന് ഇരു പാര്‍ട്ടികളും നേരത്തെ തന്നെ വ്യക്തമാക്കിയിരുന്നു. പുതിയ രാഷ്ട്രീയ സമവാക്യങ്ങള്‍ വരുന്നുവെന്നതിന്റെ സൂചന കഴിഞ്ഞ ദിവസം ടി.ഡി.പി നല്‍കിയിരുന്നു. ഒരാഴ്ചക്കിടെ ഇതു രണ്ടാം തവണയാണ് നായിഡു ഡല്‍ഹിയിലെത്തുന്നത്. പ്രതിപക്ഷ മഹാസഖ്യം രൂപപ്പെടുത്തുന്നതിനായി അടുത്ത ഏതാനും മാസം ആഴ്ചയില്‍ ഒരു തവണയെങ്കിലും നായിഡു ഡല്‍ഹിയിലെത്തുമെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന.

കഴിഞ്ഞ ശനിയാഴ്ച നായിഡു മായാവതി, അരവിന്ദ് കെജ് രിവാള്‍, ശരത് യാദവ് എന്നിവരുമായും കൂടിക്കാഴ്ച നടത്തിയിരുന്നു. 1995ലും 98ലും കോണ്‍ഗ്രസ് ഇതര വിശാല പ്രതിപക്ഷ സഖ്യത്തിന്റെ കണ്‍വീനറായിരുന്നു നായിഡു. ആന്ധ്രക്ക് പ്രത്യേക പദവി നല്‍കാത്തതില്‍ പ്രതിഷേധിച്ച് എന്‍.ഡി.എ സഖ്യം വിട്ട നായിഡു പിന്നീട് പ്രധാനമന്ത്രി മോദിക്കെതിരെ അതിരൂക്ഷ വിമര്‍ശവുമായി രംഗത്തെത്തിയിരുന്നു.

കോണ്‍ഗ്രസിന്റെ നേതൃത്വത്തില്‍ അടുത്ത വര്‍ഷം നടക്കുന്ന ലോക്‌സഭാ തെരഞ്ഞെടുപ്പില്‍ പ്രതിപക്ഷം ഒറ്റക്കെട്ടായി നീങ്ങണമെന്നാണ് നായിഡുവിന്റെ നിര്‍ദേശം. രാഹുല്‍ ഗാന്ധിയെ പ്രധാനമന്ത്രിയായി ഉയര്‍ത്തിക്കാട്ടുന്നതിനോടും അദ്ദേഹത്തിന് എതിര്‍പ്പില്ല. അതേസമയം കോണ്‍ഗ്രസുമായി ഇടഞ്ഞു നില്‍ക്കുന്ന മായാവതി അടക്കമുള്ളവരെ എങ്ങനെ സഖ്യത്തിനൊപ്പം നിര്‍ത്തുമെന്നതും രാഷ്ട്രീയ കേന്ദ്രങ്ങള്‍ ഉറ്റുനോക്കുകയാണ്.

#Visuals: Houses damaged and severe flooding in Asika in Odisha’s Ganjam district due to #CycloneTitli pic.twitter.com/U6My5p089g

— ANI (@ANI) October 13, 2018

ആന്ധ്രയുടെ തീരദേശ മേഖലകളിലാണ് കനത്ത നാശനഷ്ടമുണ്ടായത്. കൃഷിനാശവും മറ്റ് നാശനഷ്ടങ്ങളും ഉള്‍പ്പെടെ 2800 കോടിയുടെ നഷ്ടമാണ് പ്രാഥമികമായി കണക്കാക്കുന്നത്. യുദ്ധകാലാടിസ്ഥാനത്തില്‍ സംസ്ഥാനത്തിന്റെ പുനരുദ്ധാരണ പ്രവര്‍ത്തനങ്ങള്‍ പുരോഗമിക്കുകയാണെന്ന് മുഖ്യമന്ത്രി എന്‍. ചന്ദ്രബാബു നായിഡു പറഞ്ഞു. ജനങ്ങളുടെ ദുരിതം ലഘൂകരിക്കാന്‍ ഉദാരമായ സഹായം നല്‍കണമെന്ന് ചന്ദ്രബാബു നായിഡു ആവശ്യപ്പെട്ടു. എട്ട് പേര്‍ മരിക്കുകയും രണ്ട് മത്സ്യത്തൊഴിലാളികളെ കാണാതാവുകയും ചെയ്തിട്ടുണ്ടെന്ന് ചന്ദ്രബാബു നായിഡു പ്രസ്താവനയില്‍ വ്യക്തമാക്കി.

#CycloneTitli: Odisha CM Naveen Patnaik has announced that affected families of Ganjam, Gajapati&Gunupur sub-division of Rayagada will be given relief for 15 days. On an average a family of 4 members will be assisted with more than Rs 3000 as relief; Visuals from Odisha’s Ganjam pic.twitter.com/eAdRKJnfie

— ANI (@ANI) October 13, 2018

ഭുവനേശ്വര്‍: തിത്ലി ചുഴലിക്കാറ്റില്‍ ഒഡീഷയില്‍ വ്യാപക നാശനഷ്ടം. കാറ്റിനെ തുടര്‍ന്ന് ഗജപതി ജില്ലയിലുണ്ടായ കനത്ത പേമാരിയിലും ഉരുള്‍പൊട്ടലിലും 12 പേര്‍ മരിച്ചു. നാലു പേരെ കാണാതായി. വെള്ളിയാഴ്ച വൈകിട്ട് മുതല്‍ കനത്ത മഴ തുടരുന്നതിനാല്‍ പല മേഖലകളും ഒറ്റപ്പെട്ട നിലയിലാണെന്ന് സ്പെഷ്യല്‍ റിലീഫ് കമ്മീഷണര്‍ ബി.പി സേത്തി പറഞ്ഞു.
ഉരുള്‍പൊട്ടലിനെ തുടര്‍ന്ന് പല മേഖലകളും ഒറ്റപ്പെട്ടു. റോഡുകള്‍ തകര്‍ന്നു. പലയിടത്തും മരങ്ങള്‍ കടപുഴകി വീണതോടെ ഗതാഗതവും സ്തംഭിച്ചിരിക്കുകയാണ്. ദുരിത ബാധിത മേഖലകളില്‍ സന്ദര്‍ശനം നടത്തി അടിയന്തരമായി റിപ്പോര്‍ട്ട് സമര്‍പ്പിക്കാന്‍ ജില്ലാ കലക്ടര്‍ ഉദ്യോഗസ്ഥര്‍ക്ക് നിര്‍ദേശം നല്‍കിയിട്ടുണ്ട്. റിപ്പോര്‍ട്ട് ലഭിക്കുന്ന മുറയ്ക്ക് നാശനഷ്ടങ്ങള്‍ക്കുള്ള അടിയന്തര സഹായം നല്‍കും.
ദേശീയ ദുരിത നിവാരണ സേന അടക്കമുള്ള രക്ഷാപ്രവര്‍ത്തകര്‍ സ്ഥലത്തെത്തി. പ്രദേശത്ത് വെള്ളപ്പൊക്കവും റിപ്പോര്‍ട്ട് ചെയ്തിട്ടുണ്ട്. ഗഞ്ജം, ഗജപതി, പുരി, കണ്ഡമാല്‍, കേന്ദ്രപാര, രായഗഡ, ബാലസോര്‍ എന്നിവിടങ്ങളിലാണ് മഴ ഏറ്റവും നാശം വിതച്ചിരിക്കുന്നത്. ഗഞ്ജം ആണ് ഏറ്റവും കൂടുതല്‍ ദുരിതം നേരിടുന്നത്. മുഖ്യമന്ത്രി നവീന്‍ പട്നായിക് പ്രദേശത്ത് വ്യോമനിരീക്ഷണം നടത്തി. വെള്ളിയാഴ്ച 963 അഭയാര്‍ത്ഥി ക്യാംപുകളിലായി 1,27,262 പേര്‍ എത്തിയതായി അധികൃതര്‍ വ്യക്തമാക്കി. കാറ്റും മഴയും 60 ലക്ഷത്തോളം പേരെ ബാധിച്ചിട്ടുണ്ടെന്നാണ് കണക്ക്.

കോണ്‍ഗ്രസാണ് പ്രതിപക്ഷത്തുള്ളത്. എന്നാല്‍ അവരെക്കൊണ്ട് അധികമൊന്നും ചെയ്യാനാവില്ല. പക്ഷെ ബി.ജെ.പി 2019-ല്‍ ഒരിക്കലും അധികാരത്തിലെത്തില്ല. വീണ്ടും അധികാരത്തിലെത്തുക എന്നത് ബി.ജെ.പിക്ക് വിദൂര സ്വപ്‌നം മാത്രമായിരിക്കുമെന്നും നായിഡു പറഞ്ഞു.

നേരത്തെയും രാജ്യത്ത് സര്‍ക്കാര്‍ രൂപീകരിക്കുന്നതില്‍ ടി.ഡി.പിക്ക് നിര്‍ണായക പങ്കുണ്ടായിരുന്നു. 1996-ല്‍ യുണൈറ്റഡ് ഫ്രണ്ട് രൂപീകരിക്കുന്നതില്‍ ടി.ഡി.പി നിര്‍ണായക പങ്കാണ് വഹിച്ചത്. രാജ്യത്തെ രാഷ്ട്രീയ കാലാവസ്ഥ മാറ്റിമറിക്കാന്‍ ടി.ഡി.പിക്ക് ശക്തിയുണ്ടെന്നും നായിഡു പറഞ്ഞു.