കഴിഞ്ഞ മാസം 13നാണ് ഹൈക്കോടതി നിസാമിന് ഇടക്കാല ജാമ്യം അനുവദിച്ചത്. ആരോഗ്യ കാരണങ്ങള്‍ ചൂണ്ടിക്കാട്ടിയായിരുന്നു ജാമ്യം. ആദ്യം 15 ദിവസത്തേക്ക് നേടിയ ജാമ്യം പിന്നീട് നീട്ടുകയായിരുന്നു. സര്‍ക്കാര്‍ ആശുപത്രിക്ക് പകരം സ്വകാര്യ ആശുപത്രിയില്‍ ചികിത്സയില്‍ പോകരുത് എന്നതുള്‍പ്പെടെ നിരവധിയായിരുന്നു ജാമ്യ വ്യവസ്ഥകള്‍.

ഇതുള്‍പ്പെടെയുള്ളവ നിസാം ലംഘിച്ചുവെന്നാണ് കണ്ടെത്തല്‍. കൊച്ചിയിലെ സ്വകാര്യ ആശുപത്രിയില്‍ നിസാം ചികിത്സ തേടിയതായും ജയില്‍ ഡിജിപിയുടെ അന്വേഷണത്തില്‍ ബോധ്യപ്പെട്ടു. ഇതിനെത്തുടര്‍ന്നാണ് ജാമ്യം റദ്ദാക്കണമെന്ന് ജയില്‍ ഡിജിപി റിഷിരാജ് സിംഗ് ആവശ്യപ്പെട്ടത്. തുടര്‍ നടപടികള്‍ ആവശ്യപ്പെട്ട് സര്‍ക്കാരിനും എജിക്കും കത്ത് നല്‍കി . 2016 ല്‍ സെക്യൂറിറ്റി ജീവനക്കാരനെ കാറിടിച്ച് കൊലപ്പെടുത്തിയ കേസില്‍ ജീവപര്യന്തം തടവിന് കഴിയുകയാണ് നിസാം.

2015 ജനുവരി 29-നാണ് തൃശൂര്‍ ശോഭ സിറ്റിയിലെ സെക്യൂരിറ്റി ജീവനക്കാരനായിരുന്ന ചന്ദ്രബോസിനെ വ്യവസായി നിസാം ആക്രമിച്ചത്. ഗേറ്റ് തുറക്കാന്‍ വൈകിയതിനെ തുടര്‍ന്ന് മര്‍ദ്ദിച്ചും കാറിടിപ്പിച്ചും ഗുരുതരമായി പരിക്കേല്‍പിക്കുകയായിരുന്നു. ചികിത്സയിലിരിക്കെ ഫെബ്രുവരി 16 നാണ് ചന്ദ്രബോസ് മരണമടഞ്ഞത്. 79 ദിവസമാണ് കേസില്‍ വിചാരണ നടന്നത്.

2005 ജൂലൈ അഞ്ചിന് ഇടതു മുന്നണി സംസ്ഥാനത്ത് ആഹ്വാനം ചെയ്ത പൊതുപണിമുടക്കിനിടെ കല്ലേറില്‍ കാഴ്ച നഷ്ടമായ ലോറി ഡ്രൈവര്‍ കളമശ്ശേരി സ്വദേശി ചന്ദ്രബോസിന് ഏഴു ലക്ഷം രൂപ നഷ്ടപരിഹാരം നല്‍കണമെന്ന സിംഗിള്‍ ബെഞ്ചിന്റെ വിധി ശരിവെച്ചുകൊണ്ടാണ് ഉത്തരവ്.

നഷ്ടപരിഹാരത്തുകയും 75 ശതമാനം ഹര്‍ത്താല്‍ ആഹ്വാനം ചെയ്ത സി.ഐ.ടി.യു ജനറല്‍ സെക്രട്ടറി, ഇടതു മുന്നണി കണ്‍വീനര്‍ എന്നിവരില്‍ നിന്നും ബാക്കി 25 ശതമാനം സര്‍ക്കാറില്‍ നിന്നും ഈടാക്കണമെന്നായിരുന്നു സിംഗിള്‍ ബെഞ്ച് ഉത്തരവിട്ടത്. ഇത് ചോദ്യം ചെയ്ത് സര്‍ക്കാറിനു വേണ്ടി ചീഫ് സെക്രട്ടറിയും പൊലീസ് മേധാവിയും അപ്പീല്‍ നല്‍കുകയായിരുന്നു.

ജനറേറ്ററുകള്‍ കയറ്റിയ മിനി ലോറിയുമായി കണ്ണൂരില്‍ നിന്ന് കോഴിക്കോട്ടേക്ക് വരുന്നതിനിടെ കൊയിലാണ്ടിക്കടുത്ത് തിരുവങ്ങൂരിലാണ് ചന്ദ്രബോസിനു നേരെ കല്ലേറുണ്ടായത്. പരിക്കേറ്റ് കണ്ണിന്റെ കാഴ്ച നഷ്ടപ്പെട്ടുവെന്നും നഷ്ടപരിഹാരം നല്‍കണമെന്നുമാവശ്യപ്പെട്ട് ഹര്‍ത്താല്‍ നടത്തിയവര്‍ക്കെതിരെ ചന്ദ്രബോസ് കോടതിയെ സമീപിക്കുകയായിരുന്നു.

2016ല്‍ ചന്ദ്രബോസിന് അനുകൂലമായി സിംഗിള്‍ ബെഞ്ച് വിധിയെഴുതിയതോടെയാണ് സര്‍ക്കാര്‍ അപ്പീല്‍ നല്‍കിയത്.
നേരത്തെ നിരോധിച്ച ബന്ദ് രൂപം മാറിയാണ് ഹര്‍ത്താലായതെന്നും സംസ്ഥാനത്തിന്റെ ഏതെങ്കിലുമൊരു കോണിലുണ്ടായ സംഭവത്തെ ഊതി വീര്‍പ്പിച്ച് സംസ്ഥാനത്തുടനീളം അതിക്രമങ്ങള്‍ അഴിച്ചുവിടുന്ന രാഷ്ട്രീയ പാര്‍ട്ടികളുടെ നടപടി ന്യായീകരിക്കാവുന്നതല്ലെന്നും കോടതി നിരീക്ഷിച്ചു.

തൃശൂരിലെ ഒരു ഫഌറ്റില്‍ സുരക്ഷാ ജീവനക്കാരനായിരുന്ന ചന്ദ്രബോസിനെ വാഹനം ഇടിപ്പിച്ചും ചവിട്ടിയുമാണ് നിഷാം കൊലപ്പെടുത്തുന്നത്. പിന്നീട് കേസില്‍ നിന്ന് നിരവധി തവണ രക്ഷപ്പെടാന്‍ നിഷാം ശ്രമിച്ചിരുന്നു. ജയിലില്‍ ഫോണ്‍ ഉള്‍പ്പെടെയുള്ള സുഖസൗകര്യങ്ങള്‍ നിഷാമിനുണ്ടെന്നുള്ളതും വാര്‍ത്തയായിരുന്നു. സര്‍ക്കാരിന്റെ തടവുപുള്ളികള്‍ക്ക് ഇളവ് നല്‍കാനുള്ള പട്ടികയിലും ഇടം പിടിച്ച നിഷാമിന്റെ മോചനത്തിനായാണ് ഇപ്പോള്‍ ചിലരുടെ ശ്രമം. കാരുണ്യധര്‍മ്മസ്‌നേഹിയും, കായിക സംരംഭ പ്രവര്‍ത്തകനുമായ മുഹമ്മദ് നിഷാമിന്റെ ജയില്‍ മോചനത്തെക്കുറിച്ച് ചര്‍ച്ച ചെയ്യാന്‍ ജൂണ്‍ ഒന്നിന് വ്യാഴാഴ്ച്ച ഉച്ചതിരിഞ്ഞ് രണ്ടു മണിക്ക് എല്ലാ നാട്ടുകാരേയും മുറ്റിച്ചൂര്‍ സെന്റര്‍ മന്‍ഹല്‍ പാലസിലേക്ക് ക്ഷണിക്കുന്നുവെന്നാണ് നോട്ടീസിലുള്ളത്.

കോടികളുടെ സ്വത്തുള്ള നിഷാമിന്റെ മോചനത്തിന് മുന്‍കൈ എടുക്കുന്ന നാട്ടുകാര്‍ യാദൃശ്ചികമായ പ്രകോപനങ്ങളാണ് ചന്ദ്രബോസ് വധക്കിലേക്കെത്തിച്ചതെന്നാണ് ന്യായീകരിക്കുന്നത്.