കഴിഞ്ഞ ദിവസം വൈകീട്ടാണ് ഉത്തര്‍പ്രദേശിലെ സഹരന്‍പൂരില്‍ ചന്ദ്രശേഖര്‍ ആസാദ് സഞ്ചരിച്ച വാഹനത്തിന് നേരെ വെടിവെപ്പുണ്ടായത്. ആക്രമണത്തില്‍ പരിക്കേറ്റ ആസാദിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. അദ്ദേഹം അപകടനില തരണം ചെയ്തതായി ഡോക്ടര്‍മാര്‍ അറിയിച്ചിരുന്നു.

വാഹനം കണ്ടെത്തിയ വീട്ടിലെ നാലുപേരെ പൊലീസ് കസ്റ്റ്ഡിയിലെടുത്തിട്ടുണ്ട്. ഇവരെ ചോദ്യം ചെയ്താല്‍ പ്രതികളെ കുറിച്ചുള്ള കൂടുതല്‍ വിവരങ്ങള്‍ ലഭിക്കുമെന്ന് പൊലീസ് പറഞ്ഞു.

ചന്ദ്രശേഖര്‍ അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു. ബഹുജന്‍ മിഷന്‍ മൂവ്‌മെന്റുമായി ബന്ധപ്പെട്ട ഒരു പൊതുപരിപാടിയില്‍ പങ്കെടുക്കാന്‍ എത്തിയപ്പോഴാണ് ഇന്ന് ഉച്ചയോടെ ആക്രമണം ഉണ്ടായത്.