തിങ്കളാഴ്ച സോണിപത്തില്‍ നടന്ന ഒരു വിവാഹ ചടങ്ങില്‍ യുവതിയും കുടുംബത്തോടൊപ്പം പങ്കെടുത്തിരുന്നു. അന്നേ ദിവസം യുവതി ആറ് വയസ്സുകാരിയായ വിധി എന്ന കുട്ടിയെ വാട്ടര്‍ ടബ്ബില്‍ മുക്കിക്കൊലപ്പെടുത്തുകയായിരുന്നു.

പൊലീസ് പറയുന്നതനുസരിച്ച്, പൂനം 2023 ല്‍ തന്റെ മകന്‍ ഉള്‍പ്പെടെ മൂന്ന് കുട്ടികളെ കൊലപ്പെടുത്തിയിരുന്നു. മൂന്നുപേരെയും ഒരേ രീതിയില്‍ വെള്ളത്തില്‍ മുക്കിക്കൊല്ലുകയായിരുന്നു.

പാനിപ്പത്തിലെ ഒരു ബന്ധുവിന്റെ വിവാഹത്തില്‍ പങ്കെടുക്കാന്‍ കുടുംബത്തോടൊപ്പം എത്തിയതായിരുന്നു കുട്ടി. വിവാഹ ഘോഷയാത്ര നൗള്‍ത്തയില്‍ എത്തിയപ്പോഴാണ് സംഭവം. വിധിയെ കാണാനില്ലെന്ന് അറിഞ്ഞതോടെ തിരച്ചില്‍ നടത്തുകയും ഒരു മണിക്കൂറിന് ശേഷം വിധിയുടെ തല വാട്ടര്‍ ടബ്ബില്‍ മുങ്ങികാലുകള്‍ നിലത്ത് വീണുകിടക്കുന്നതുമായി കണ്ടെത്തുകയായിരുന്നു.

തന്നെക്കാള്‍ സുന്ദരിയായി ആരും ഉണ്ടാവരുത് എന്ന അസൂയയും നീരസവും മൂലം ഇവര്‍ കുട്ടികളെ മുക്കിക്കൊല്ലുകയായിരുന്നെന്ന് പൊലീസ് പറഞ്ഞു.

2023-ല്‍ പൂനം തന്റെ സഹോദരഭാര്യയുടെ മകളെ കൊലപ്പെടുത്തിയിരുന്നു. അതേ വര്‍ഷം തന്നെ സംശയം തോന്നാതിരിക്കാന്‍ വേണ്ടി മകനെ മുക്കിക്കൊല്ലുകയും ചെയ്തു. ഈ വര്‍ഷം ആഗസ്തില്‍, കുട്ടി തന്നേക്കാള്‍ ‘സുന്ദരിയായി’ കാണപ്പെട്ടതിന്റെ പേരില്‍ പൂനം മറ്റൊരു പെണ്‍കുട്ടിയെ സിവാ ഗ്രാമത്തില്‍ കൊലപ്പെടുത്തി.

ദന്തേവാഢക്ക് സമീപമുള്ള ഗാഗല്ലുര്‍ വനമേഖലയിലാണ് ഏറ്റുമുട്ടലുണ്ടായത്. സംയുക്തസേന പരിശോധന നടത്തുന്നതിനിടെ വെടിവെപ്പുണ്ടാകുകയായിരുന്നുവെന്ന് ബിജാപ്പൂര്‍ പൊലീസ് സൂപ്രണ്ട് ഡോ.ജിതേന്ദ്ര യാദവ് പറഞ്ഞു.

അതേസമയം സംഭവസ്ഥലത്ത് നിന്ന് ഇതുവരെ അഞ്ച് മാവോയിസ്റ്റുകളുടെ മൃതദേഹം കണ്ടെത്തി. ഹെഡ് കോണ്‍സ്റ്റബിള്‍ മോനു വദാദി, കോണ്‍സ്റ്റബിള്‍ ധുക്കരു ഗോണ്ടെ എന്നിവരാണ് വെടിവെപ്പിനിടെ വീരമൃത്യു വരിച്ചത്.

ഈ വര്‍ഷം മാത്രം പൊലീസ് ഓപ്പറേഷനുകളില്‍ 269 മാവേയിസ്റ്റുകളാണ് ഛത്തീസ്ഗഢില്‍ കൊല്ലപ്പെട്ടത്. ഇതില്‍ 239 പേരും ബസ്തര്‍ ഡിവിഷനിലാണ് കൊല്ലപ്പെട്ടത്.

‘ഹരിയാനയില്‍ വോട്ട് ചോര്‍ച്ച എങ്ങനെ നടന്നു എന്നതിനെക്കുറിച്ചുള്ള ഒരു പത്രസമ്മേളനത്തില്‍ ഞാന്‍ അവതരിപ്പിച്ച ഡാറ്റ കണ്ടതിനുശേഷം, മധ്യപ്രദേശ്, ഛത്തീസ്ഗഡ്, മഹാരാഷ്ട്ര എന്നിവിടങ്ങളിലും ബിജെപി ഇതേ കാര്യം ചെയ്തിട്ടുണ്ടെന്ന് ഞാന്‍ കരുതുന്നു. ഞങ്ങളുടെ പക്കല്‍ എല്ലാ തെളിവുകളും ഉണ്ട്, അവ ഓരോന്നായി പുറത്തുവിടും – ഇതുവരെ ഞങ്ങള്‍ കാണിച്ചത് വളരെ കുറച്ച് മാത്രമാണ്,’ അദ്ദേഹം പറഞ്ഞു.

‘വോട്ട് ചോറി’ സ്ഥാപനവല്‍ക്കരിക്കാനുള്ള ശ്രമമുണ്ടെന്ന് രാഹുല്‍ ഗാന്ധി പറഞ്ഞു. ‘ജനാധിപത്യത്തിനും ഭരണഘടനയ്ക്കും നേരെ ആക്രമണമുണ്ട്. പ്രധാനമന്ത്രി മോദി, അമിത് ഷാ, മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍ എന്നിവര്‍ ഇതില്‍ നേരിട്ട് പങ്കാളികളാണ്.’ കോണ്‍ഗ്രസ് കൂടുതല്‍ തെളിവുകള്‍ ഘട്ടം ഘട്ടമായി പുറത്തുവിടുമെന്ന് അദ്ദേഹം അവകാശപ്പെട്ടു, യുവാക്കളോട് ‘ജനാധിപത്യത്തിന്റെ ഈ മൊത്തത്തിലുള്ള മോഷണത്തെ ചെറുക്കാന്‍’ ആവശ്യപ്പെട്ടു.

നവംബര്‍ 5 ന് രാഹുല്‍ ഗാന്ധി ഒരു പത്രസമ്മേളനം നടത്തി, അതില്‍ അദ്ദേഹം ‘ദി എച്ച്-ഫയലുകള്‍’ എന്ന് വിളിച്ചത് അവതരിപ്പിച്ചു, 2024 ലെ ഹരിയാന നിയമസഭാ തെരഞ്ഞെടുപ്പ് ബിജെപി ‘മോഷ്ടിച്ചു’ എന്ന് ആരോപിച്ചു. 25 ലക്ഷം എന്‍ട്രികള്‍ വ്യാജമാണെന്നും തിരഞ്ഞെടുപ്പ് കമ്മീഷന്‍ ബിജെപിയുടെ വിജയം ഉറപ്പാക്കാന്‍ അവരുമായി ‘കൂട്ടുകൂടി’ പ്രവര്‍ത്തിച്ചുവെന്നും അവകാശപ്പെടാന്‍ അദ്ദേഹം വോട്ടര്‍ പട്ടിക ഡാറ്റ ഉദ്ധരിച്ചു.

‘ഹരിയാനയിലെ എട്ട് വോട്ടര്‍മാരില്‍ ഒരാള്‍ വ്യാജരാണ്, എന്നിരുന്നാലും എട്ട് സീറ്റുകളിലെ വ്യത്യാസം 22,779 വോട്ടുകള്‍ക്ക് കോണ്‍ഗ്രസ് തോറ്റു’ എന്ന് കോണ്‍ഗ്രസ് നേതാവ് പറഞ്ഞു. 1,24,177 വ്യാജ ചിത്രങ്ങള്‍ ഉപയോഗിച്ചതായി അവകാശപ്പെട്ടുകൊണ്ട് അദ്ദേഹം വാദിച്ചു, ‘ഹരിയാനയില്‍ ഒരു തിരഞ്ഞെടുപ്പ് നടന്നിട്ടില്ലെന്ന് നിങ്ങള്‍ക്ക് മനസ്സിലാകും. ഹരിയാനയില്‍ ഒരു (തിരഞ്ഞെടുപ്പ്) മോഷണം നടന്നു, മോഷണത്തിന് ആരാണ് ഉത്തരവാദിയെന്ന് വളരെ വ്യക്തമാണ്.’ അദ്ദേഹത്തിന്റെ അഭിപ്രായത്തില്‍, ‘സര്‍ക്കാര്‍ ചോറി’ ജനാധിപത്യത്തെ നശിപ്പിച്ചു, സ്‌പെഷ്യല്‍ ഇന്റന്‍സീവ് റിവിഷന്‍ (എസ്‌ഐആര്‍) ആണ് ഏറ്റവും പുതിയ ആയുധം. കോണ്‍ഗ്രസ് വിജയത്തെ പരാജയമാക്കി മാറ്റാന്‍ തിരഞ്ഞെടുപ്പ് കമ്മീഷനും ബിജെപിയും ‘ഓപ്പറേഷന്‍ സര്‍ക്കാര്‍ ചോറി’ നടത്തിയെന്ന് രാഹുല്‍ ആരോപിച്ചു. ‘തിരഞ്ഞെടുപ്പ് കമ്മീഷന്‍ എന്തുകൊണ്ട് തനിപ്പകര്‍പ്പുകള്‍ നീക്കം ചെയ്യുന്നില്ല? കാരണം അങ്ങനെ ചെയ്താല്‍ അത് ന്യായമായ തിരഞ്ഞെടുപ്പുകള്‍ക്ക് കാരണമാകും, ന്യായമായ തിരഞ്ഞെടുപ്പ് അവര്‍ ആഗ്രഹിക്കുന്നില്ല,’ അദ്ദേഹം പറഞ്ഞു. ഔപചാരിക വിലാസങ്ങളില്ലാത്ത ആളുകള്‍ക്ക് ‘വീട് നമ്പര്‍ പൂജ്യം’ ഉപയോഗിച്ചുവെന്ന് പറഞ്ഞപ്പോള്‍ സിഇസി കള്ളം പറഞ്ഞതായും അദ്ദേഹം ആരോപിച്ചു.

അദ്ദേഹം മാധ്യമപ്രവര്‍ത്തകരോട് പറഞ്ഞു: ”എല്ലാ പ്രതിപക്ഷ പാര്‍ട്ടികള്‍ക്കും ഇത് മനസ്സിലാകും, അവര്‍ക്ക് ഇത് കാണാന്‍ കഴിയും… വോട്ടര്‍ പട്ടിക ഒരു നുണയാണെങ്കില്‍, ജനാധിപത്യമില്ല. ഒരു പ്രതിപക്ഷ നേതാവെന്ന നിലയില്‍ എന്റെ പങ്ക് നിങ്ങള്‍ ജീവിക്കുന്ന യഥാര്‍ത്ഥ ലോകത്തെ നിങ്ങളെ അറിയിക്കുക എന്നതാണ്.” കോടതികളെ സമീപിക്കുന്നതിനെക്കുറിച്ച് ചോദിച്ചപ്പോള്‍, രാഹുല്‍ ഗാന്ധി മറുപടി നല്‍കി, ”രാജ്യത്തെ പരമോന്നത കോടതിയായ സുപ്രീം കോടതി നിരീക്ഷിക്കുന്നുണ്ട്… അത് മറച്ചുവെക്കപ്പെട്ടിട്ടില്ല.”

രാജ്യത്തിന്റെ സമാധാന അന്തരീക്ഷത്തിന് കാവലിരുന്ന വ്യക്തിത്വമായിരുന്നു സയ്യിദ് മുഹമ്മദലി ശിഹാബ് തങ്ങളെന്നും അദ്ദേഹം പറഞ്ഞു. സംഘ്പരിവാര്‍ ബാബരി മസ്ജിദ് തകര്‍ത്തപ്പോള്‍ കോണ്‍ഗ്രസിനെ കുറ്റപ്പെടുത്താനും വര്‍ഗീയ ലഹളക്ക് വേദിയൊരുക്കാനും പലരും ശ്രമം നടത്തി. ശിഹാബ് തങ്ങളുടെ വാക്കുകളാണ് അന്ന് രാജ്യത്തെ രക്ഷിച്ചത്. ബാബരി വിങ്ങുന്ന വേദനയായി നിലനിന്നപ്പോഴും ഇന്ത്യ ഭരിക്കുന്നവരെ ശിക്ഷിച്ചാല്‍ പള്ളി തകര്‍ത്തവര്‍ക്ക് അത് ഗുണം ചെയ്യുമെന്ന് അദ്ദേഹം ഓര്‍മപ്പെടുത്തി. പിന്നീട് ആ വാക്കുകള്‍ യാഥാര്‍ത്ഥ്യമായത് നമ്മള്‍ കണ്ടു. ഭരണകൂട ഭീകരത ന്യൂനപക്ഷങ്ങളെ വേട്ടയാടുന്ന വര്‍ത്തമാനകാല സാഹചര്യത്തില്‍ ശിഹാബ് തങ്ങളുടെ നിലപാടിന് പ്രാധാന്യമേറുകയാണെന്നും അദ്ദേഹം പറഞ്ഞു.

ഛത്തീസ്ഗഢില്‍ മലയാളി കന്യാസ്ത്രീകളായ പ്രീതി മേരിയെയും വന്ദന ഫ്രാന്‍സിനിനെയും മനുഷ്യക്കടത്ത്, നിര്‍ബന്ധ മതപരിവര്‍ത്തനം തുടങ്ങിയ കള്ളക്കേസ് ചേര്‍ത്ത് ബി.ജെ.പിയുടെ ഫാസിസ്റ്റ് സര്‍ക്കാര്‍ ജയിലിലടച്ചിരിക്കുന്നു. ഇവര്‍ക്ക് ജാമ്യം നല്‍കുന്നതിനെ ബി.ജെ.പി സര്‍ക്കാര്‍ കോടതിയില്‍ ശക്തമായി എതിര്‍ത്തു. ചത്തീസ്ഗഢിലെ ദുര്‍ഗില്‍ ആശുപത്രി, ഓഫീസ് ജോലികള്‍ക്കായി രണ്ട് പെണ്‍കുട്ടികളെ ഒപ്പം കൂടിയതിനെയാണ് പൊലീസും ബജ്‌റംഗ്ദള്‍ പ്രവര്‍ത്തകരും ചോദ്യം ചെയ്തത്. കുടുംബത്തിന്റെ സമ്മതപ്രകാരമാണ് കന്യാസ്ത്രീകളോടൊപ്പം ജോലിക്ക് പോയതെന്ന പെണ്‍കുട്ടികളുടെ മൊഴി ഉണ്ടെകിലും സര്‍ക്കാറിന്റെ സമ്മര്‍ദ്ധം കാരണം ഇവരുടെ ജാമ്യാപേക്ഷകള്‍ തള്ളുകയാണുണ്ടായത്. കേരളത്തില്‍ ക്രൈസ്തവ സഭകളുമായി ചങ്ങാത്തം കൂടുകയും ചത്തീസ്ഗഢില്‍ അകാരണമായി കന്യാസ്ത്രീകളെ ജയിലിലടക്കാന്‍ അവസരമൊരുക്കുകയും ചെയ്തതോടെ ബി.ജെ.പിയുടെ ഇരട്ടമുഖമാണ് പുറത്ത് വന്നതെന്ന് നേതാക്കള്‍ പറഞ്ഞു. അസാമിലും കടുത്ത ന്യൂനപക്ഷ വേട്ടക്കാണ് ബി.ജെ.പി സര്‍ക്കാര്‍ നേതൃത്വം നല്‍കുന്നത്. സംരക്ഷിത വനഭൂമിയാണെന്ന സാങ്കേതികത്വം പറഞ്ഞ് അനേകം കുടുംബങ്ങളെ ബുള്‍ഡോസര്‍ രാജിലൂടെ കുടിയിറക്കുകയാണ്. പുനരധിവസിപ്പിക്കാനുള്ള നടപടികളില്ലാതെ നോട്ടീസ് നല്‍കി രണ്ട് ദിവസത്തിനകം പാവങ്ങളുടെ വീട് തകര്‍ക്കുകയും കുടിയിറക്കുകയുമാണ് ചെയ്യുന്നത്. അവസാനമായി ഗോള്‍പാര ജില്ലയില്‍ 1080 വീടുകളാണ് ബുള്‍ഡോസര്‍ ഉപയോഗിച്ച് തകര്‍ത്തത്. ബംഗാളി വംശജരായ മുസ്ലിംകളാണ് താമസക്കാരിലധികവും. അസാമില്‍ കഴിഞ്ഞ ഒരു മാസത്തിനിടെ മുവ്വായിരത്തിലധികം കുടുംബങ്ങളാണ് ഭവനരഹിതരായത്. ഈ ഭരണകൂട ഭീകരതക്കെതിരെ ജനമനസ്സ് ഉണര്‍ത്താനാണ് മുസ്ലിം യൂത്ത് ലീഗ് പ്രതിഷേധ സദസ്സ് സംഘടിപ്പിക്കുന്നതെന്ന് നേതാക്കള്‍ തുടര്‍ന്നു.

നാളെ തിരുവനന്തപുരത്ത് നടക്കുന്ന പ്രതിഷേധ സദസ്സില്‍ ലത്തീന്‍ അതിരൂപത വികാരി ജനറല്‍ ഫാ. യൂജിന്‍ പെരേര പങ്കെടുക്കും.

ഹരജിയില്‍ ഇന്നു വാദം പൂര്‍ത്തിയായി. ജാമ്യാപേക്ഷയെ ഛത്തീസ്ഗഡ് സര്‍ക്കാര്‍ എതിര്‍ത്തുവെന്നാണ് റിപ്പോര്‍ട്ട്. കേസന്വേഷണം പ്രാഥമിക ഘട്ടത്തിലാണെന്നും പ്രോസിക്യൂഷന്‍ കോടതിയെ അറിയിച്ചു.

സംസ്ഥാന സര്‍ക്കാര്‍ ജാമ്യാപേക്ഷയെ എതിര്‍ക്കില്ലെന്ന് കേന്ദ്ര ആഭ്യന്തരമന്ത്രി അമിത് ഷാ നേരത്തെ പറഞ്ഞിരുന്നെങ്കിലും വിപരീതമായാണ് പ്രോസിക്യൂഷന്‍ കോടതിയില്‍ ജാമ്യാപേക്ഷയെ എതിര്‍ത്തത്. കന്യാസ്ത്രീകള്‍ ഉടന്‍ പുറത്തുവരുമെന്ന് ബി.ജെ.പി നേതാക്കള്‍ വാദിച്ചിരുന്നു.

വിശദമായ വാദമാണ് ഇന്നു കോടതിയില്‍ നടന്നത്. മനുഷ്യക്കടത്ത് ആരോപിച്ച് കഴിഞ്ഞയാഴ്ചയാണ് സിസ്റ്റര്‍ വന്ദന ഫ്രാന്‍സിസിനെയും പ്രീതി മേരിയെയും അറസ്റ്റ് ചെയ്തത്. ഇരുവരും ദുര്‍ഗ് സെന്‍ട്രല്‍ ജയിലിലാണുള്ളത്. അറസ്റ്റില്‍ വലിയ പ്രതിഷേധമാണ് കേരളത്തിലുടനീളം ഉയരുന്നത്.

എന്‍ഐഎ കോടതിയെ സമീപിക്കാമെന്ന് സെഷന്‍സ് കോടതിയുടെ ഉത്തരവിലുണ്ടായിരുന്നു. തുടര്‍ന്നാണ് ജാമ്യാപേക്ഷയുമായി എന്‍ഐഎ കോടതിയെ സമീപിച്ചത്.

മാധ്യമങ്ങള്‍ അജണ്ട വെച്ച് ചോദ്യങ്ങളുന്നയിക്കുകയാണെന്നും മന്ത്രി പറഞ്ഞു. പെണ്‍കുട്ടികള്‍ ക്രിസ്ത്യാനികളാണെന്ന് അവര്‍ തന്നെ പറയുന്ന വോയിസ് ക്ലിപ് കേള്‍പ്പിക്കാമെന്ന് മാധ്യമപ്രവര്‍ത്തകര്‍ പറഞ്ഞതോടെ, തനിക്ക് ഹിന്ദി അറിയില്ലെന്ന് പറഞ്ഞ് മന്ത്രി ഒഴിഞ്ഞുമാറി.

സംസ്ഥാനം ഭരിക്കുന്നത് ബി.ജെ.പിയാണെന്നും അറസ്റ്റിലേക്ക് നയിച്ചത് ബജ്‌റംഗ്ദളിന്റെ പിന്തുണയോടെയാണെന്നും ചൂണ്ടിക്കാണിച്ച മാധ്യമപ്രവര്‍ത്തകരെ മന്ത്രി പരിഹസിച്ചു. കന്യാസ്ത്രീകളെ പിടിച്ചത് ബി.ജെ.പിയല്ലെന്നും ടി.ടി.ഇ ആണ് കുട്ടികളെ സംശയാസ്പദമായി കണ്ടെത്തിയതെന്നും മന്ത്രി പറഞ്ഞു.

മനുഷ്യക്കടത്തും മതപരിവര്‍ത്തനവും ആരോപിച്ചാണ് ഛത്തീസ്ഗഢില്‍ കേരളത്തില്‍നിന്നുള്ള കന്യാസ്ത്രീകളായ സിസ്റ്റര്‍ വന്ദന ഫ്രാന്‍സിസ്, സിസ്റ്റര്‍ പ്രീതി മേരി എന്നിവരെ അറസ്റ്റ് ചെയ്തത്. സംഭവത്തില്‍ രാജ്യവ്യാപകമായി പ്രതിഷേധം ശക്തമാവുകയാണ്. പാര്‍ലമെന്റില്‍ ചര്‍ച്ച വേണമെന്ന് ആവശ്യപ്പെട്ട് കോണ്‍ഗ്രസ് എം.പിമാര്‍ രംഗത്തുവന്നിട്ടുണ്ട്.

മതപരിവര്‍ത്തനം നടന്നിട്ടുണ്ടോ എന്ന ചോദ്യത്തിന് വിഷയം കോടതിയുടെ പരിഗണനയിലായതിനാല്‍ അവിടെയാണ് തീരുമാനിക്കേണ്ടതെന്നും ജോര്‍ജ് കുര്യന്‍ പറഞ്ഞു.

എന്നാല്‍ ഈ നിലപാട് ദേശീയ തലത്തില്‍ ആര്‍എസ്എസ് നിലപാടിനെ ചോദ്യം ചെയ്യുന്നതാണെന്നും ആര്‍എസ്എസ് വിലയിരുത്തുന്നു. സംസ്ഥാന നേതൃത്വത്തിന്റെ നിലപാട് തള്ളി കെ.സുരേന്ദ്രന്‍ തന്നെ രംഗത്ത് വന്നിരുന്നു.

അതേസമയം കന്യാസ്ത്രീകളുടെ അറസ്റ്റില്‍ പാര്‍ലമെന്റില്‍ പ്രതിഷേധം ഇന്നും തുടരും. രാവിലെ പത്തരയ്ക്ക് പാര്‍ലമെന്റ് കവാടത്തില്‍ പ്രതിഷേധം നടത്തുമെന്നു യുഡിഎഫ് എംപിമാര്‍ അറിയിച്ചു.

ബിഹാര്‍ വോട്ടര്‍ പട്ടികയിലെ തീവ്ര പരിശോധനയില്‍ ‘ഇന്‍ഡ്യാ’ സഖ്യ എംപിമാര്‍ ഇന്നും പ്രതിഷേധിക്കും.

മനുഷ്യക്കടത്ത് അടക്കമുള്ള വകപ്പുകള്‍ ചുമത്തിയതിനാല്‍ കേസ് പരിഗണിക്കേണ്ടത് എന്‍ഐഎ കോടതിയാണെന്ന് പൊലീസ് വാദിച്ചു. ഇതിന്റെ അടിസ്ഥാനത്തിലാണ് ജാമ്യ ഹര്‍ജി പരിഗണിക്കാന്‍ അധികാരമില്ലെന്നും ജാമ്യത്തിനായി ഹൈക്കോടതിയെ സമീപിക്കാനും ഹര്‍ജിക്കാരോട് കോടതി ആവശ്യപ്പെട്ടു. മനുഷ്യക്കടത്ത് കുറ്റം ആരോപിക്കപ്പെട്ടതിനാല്‍ കേസ്.

കന്യാസ്ത്രീകളുടെ ജാമ്യാപേക്ഷ പരിഗണക്കുന്നതിനിടെ സെഷന്‍സ് കോടതിക്ക് സമീപം ബജ് റംഗദള്‍ പ്രവര്‍ത്തകര്‍ തടിച്ചു കൂടി. ജാമ്യഹര്‍ജി പരിഗണിക്കാന്‍ വിസമ്മതിച്ചതോടെ പ്രവര്‍ത്തകര്‍ ആഹ്ലാദ പ്രകടനം നടത്തി.

സംഭവത്തില്‍ പ്രതിഷേധിച്ച് തൃശൂര്‍ അതിരൂപതയുടെ നേതൃത്വത്തില്‍ പ്രതിഷേധ റാലി നടത്തും. തൃശൂര്‍ അതിരൂപത ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത്, തൃശൂര്‍ അതിരൂപതാ സഹായം മെത്രാന്‍ മാര്‍ ടോണി നീലങ്കാവില്‍ തുടങ്ങിയവരുടെ നേതൃത്വത്തിലാണ് പ്രതിഷേധം.

പാലക്കാട് രൂപതയുടെ നേതൃത്വത്തിലും പ്രതിഷേധം നടത്തും. പാലക്കാട് ബിഷപ്പ് പീറ്റര്‍ കൊച്ചുപുരക്കല്‍, സുല്‍പേട്ട് ബിഷപ്പ് ആന്റണി അമീര്‍ എന്നിവരുടെ നേതൃത്വത്തിലാണ് പ്രകടനവും പ്രതിഷേധ സംഗമവും നടത്തുന്നത്.

കന്യാസ്ത്രീകളുടെ അറസ്റ്റില്‍ പാര്‍ലമെന്റിന് പുറത്ത് യുഡിഎഫ് എംപിമാര്‍ പ്രതിഷേധം സംഘടിപ്പിച്ചിരുന്നു. കന്യാസ്ത്രീകളെയല്ല, അവരെ ആക്രമിച്ച ഗുണ്ടകളെയാണ് സര്‍ക്കാര്‍ അറസ്റ്റ് ചെയ്യേണ്ടതെന്ന് എംപിമാര്‍ പറഞ്ഞു.