നാരായണ്‍പൂര്‍ ഗ്രാമത്തിലെ നഴ്സറി മുതല്‍ എട്ടാം ക്ലാസ് വരെയുള്ള സ്‌കൂളില്‍, കുട്ടി ഹോംവര്‍ക്ക് ചെയ്തിട്ടില്ലെന്ന് കണ്ട അധ്യാപിക കുട്ടിയെ ക്ലാസ് മുറിക്ക് പുറത്തേക്ക് വിളിച്ച് സ്‌കൂള്‍ വളപ്പിലെ മരത്തില്‍ കയറുപയോഗിച്ച് തൂക്കുകയായിരുന്നു. കുട്ടി കരഞ്ഞുകൊണ്ട് സഹായം തേടുന്ന ദൃശ്യം സമൂഹമാധ്യമങ്ങളില്‍ പ്രചരിച്ചതോടെ സംഭവം പ്രതിഷേധം വളര്‍ത്തി.

സ്‌കൂള്‍ മാനേജ്‌മെന്റ് ഗുരുതരമായ പിഴവ് സമ്മതിക്കുകയും മാപ്പുപറയുകയും ചെയ്തു. ജില്ലാ വിദ്യാഭ്യാസ വകുപ്പ് അന്വേഷണം ആരംഭിച്ചിരിക്കുകയാണ്. ക്ലസ്റ്റര്‍ ഇന്‍-ചാര്‍ജിന്റെ വിശദമായ റിപ്പോര്‍ട്ട് മുതിര്‍ന്ന ഉദ്യോഗസ്ഥര്‍ക്ക് സമര്‍പ്പിച്ചിട്ടുണ്ടെന്നും തുടര്‍ നടപടികള്‍ ഉടന്‍ കൈക്കൊള്ളുമെന്നുമാണ് ബ്ലോക്ക് എജ്യൂക്കേഷന്‍ ഓഫീസറുടെ പ്രതികരണം.

ഇന്ന് രാവിലെ ഡിആര്‍ജി സംഘം ഇന്ദ്രാവതി ദേശീയോദ്യാനത്തിനുള്ളില്‍ നക്സല്‍ വിരുദ്ധ ഓപ്പറേഷന്‍ നടത്തുന്നതിനിടെയാണ് സ്ഫോടനമുണ്ടായത്. ഞായറാഴ്ച്ചയാണ് ഓപ്പറേഷന്‍ ആരംഭിച്ചത്. പരിക്കേറ്റ് മൂന്ന് സൈനികര്‍ക്ക് പ്രഥമശുശ്രൂഷകള്‍ നല്‍കി. ഇവരെ വനമേഖലയില്‍ നിന്ന് മാറ്റിക്കൊണ്ടിരിക്കുകയാണെന്നും അധികൃതര്‍ അറിയിച്ചു.

ഛത്തീസ്ഗഡ് പൊലീസിലെ ഒരു പ്രത്യേക നക്സല്‍ വിരുദ്ധ യൂണിറ്റാണ് ഡിആര്‍ജി. സംസ്ഥാനത്തെ സംഘര്‍ഷ മേഖലകളിലും അതീവ അപകട സാധ്യതയുള്ള ഇടങ്ങളിലുമാണ് ഇവരെ പലപ്പോഴും സ്ഥാപിക്കുക.

നിര്‍ബന്ധിത മതപരിവര്‍ത്തനം ആരോപിച്ചാണ് രണ്ട് കന്യാസ്ത്രീകളെ ബലം പ്രയോഗിച്ച് അറസ്റ്റ് ചെയ്തത്. കേന്ദ്ര സര്‍ക്കാരിന്റെ അനുമതിയോടെയാണിത്. ജാമ്യം കൊടുക്കുന്നതിനെതിരെ പ്രോസിക്യൂഷന്‍ ശക്തമായി രംഗത്തുവന്നത് സര്‍ക്കാറിന്റെ പ്രതികാരം തീര്‍ന്നിട്ടില്ലെന്നതിന് തെളിവാണ്. ഈ സാഹചര്യത്തില്‍ സമരങ്ങള്‍ അവസാനിപ്പിക്കാന്‍ സമയമായിട്ടില്ല. നീതി നിഷേധം സമ്പൂര്‍ണ്ണമായും അവസാനിപ്പിക്കും വരെ സമരങ്ങളുമായി മുന്നോട്ടു പോകേണ്ടതുണ്ട്. ഇത് ബഹുസ്വരതയെ സംരക്ഷിക്കാനുള്ള സമരമാണ്.

എല്ലാ വിഭാഗങ്ങള്‍ക്കും മതം പ്രചരിപ്പിക്കാനുള്ള സ്വാതന്ത്ര്യം ഭരണഘടന നല്‍കുന്നുണ്ട്. കന്യാസ്ത്രികള്‍ക്കെതിരെ നടത്തിയ നീക്കങ്ങള്‍ ഭരണഘടനക്കെതിരെയുള്ള നീക്കങ്ങളാണ്. ഭരണഘടനയും ബഹുസ്വരയും അംഗീകരിക്കാന്‍ കഴിയാത്തവരാണ് ഇതിനുപിന്നില്‍. ദേശീയത ശക്തിപ്പെടുത്തിയ ബഹുസ്വരതയെ മനസ്സിലാക്കാത്തവര്‍ ഇപ്പോഴും രാജ്യത്ത് അവശേഷിക്കുന്നുവെന്നത് ഗൗരവതരമാണ്. ഭരണത്തിലുള്ളവരുടെ പിന്തുണ ഇത്തരക്കാര്‍ക്കുണ്ട്. ന്യൂനപക്ഷങ്ങള്‍ക്കും പിന്നാക്ക വിഭാഗങ്ങള്‍ക്കും കിട്ടാവുന്ന അവസരങ്ങളിലൊക്കെ ഓരോരോ നിയമങ്ങള്‍ പാര്‍ലമെന്റില്‍ പാസാക്കി ഭരണകൂടം നീങ്ങിക്കൊണ്ടിരിക്കുകയാണ്. ശക്തമായ പ്രതിഷേധമാണ് ഇവിടെ ആവശ്യം. ജനാധിപത്യരീതിയില്‍ അനീതിക്കും അതിക്രമങ്ങള്‍ക്കും എതിരെ പോരാട്ടം തുടരേണ്ടിയിരിക്കുന്നു. ജനങ്ങളെ വേട്ടയാടുന്ന ഭരണകൂട നടപടിക്കെതിരെ ശക്തമായ പ്രതിഷേധമുയരണമെന്നും തങ്ങള്‍ പറഞ്ഞു.

കന്യാസ്ത്രീകളുടെ അറസ്റ്റ് ഏവരുടെയും കണ്ണുതുറപ്പിക്കേണ്ട സംഭവമാണെന്ന് മുഖ്യപ്രഭാഷണം നടത്തിയ മുസ്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. സേവനം മാത്രം വ്രതം ആക്കിയവരാണ് കന്യാസ്ത്രീകള്‍. കന്യാസ്ത്രീ വേഷം ധരിച്ചു എന്ന കാരണത്താലാണ് അറസ്റ്റ് നടന്നത്. മതവേഷം ധരിച്ച് ഉത്തരേന്ത്യന്‍ സംസ്ഥാനങ്ങളില്‍ സഞ്ചരിക്കാന്‍ ആകാത്ത സ്ഥിതിയാണ്. ബസ്സറ്റാന്‍ഡിലും റെയില്‍വേ സ്റ്റേഷനിലും ഇത്തരം വേഷമിട്ടിറങ്ങിയാല്‍ ബജ്‌റങ്ദല്‍ പോലുള്ള സംഘടനകള്‍ നിഷ്ഠൂരമായ ജനകീയ വിചാരണയ്ക്ക് വിധേയമാക്കുകയാണ്. ബജ്‌റങ്ദല്‍ പറഞ്ഞത് പോലെയാണ് കേസെടുത്തതും അറസ്റ്റ് ചെയ്തതും. കേസ് ഏറ്റവും വലിയ കുറ്റകൃത്യങ്ങളെ കൈകാര്യം ചെയ്യുന്ന എന്‍.ഐ.എ കോടതിയിലേക്കാണ് മാറ്റിയത്. മതേതര പാര്‍ട്ടികള്‍ ഒരുമിച്ച് ശബ്ദിച്ചപ്പോഴാണ് ജാമ്യത്തിനു സമ്മര്‍ദ്ദം ഉണ്ടായതും ജാമ്യം കിട്ടിയതും. ഇക്കൂട്ടര്‍ കേരളത്തില്‍ വന്നു പറയുന്ന നല്ല വാക്കുകള്‍ക്ക് ഒരു വിലയുമില്ല. ഇവരുടെ അസ്സല്‍ സ്വഭാവം വര്‍ഗീയ ഫാസിസ്റ്റ് നിലപാടാണ്. കരിനിയമങ്ങള്‍ക്ക് എതിരായ പോരാട്ടങ്ങളില്‍ മുസ്‌ലിംലീഗ് എക്കാലവും മുന്‍നിരയിലുണ്ടാകുമെന്നും അദ്ദേഹം പറഞ്ഞു.

ലത്തീന്‍ അതിരൂപത വികാരി ജനറല്‍ ഫാ. യൂജിന്‍ പെരേര മുഖ്യാതിഥിയായി. മുസ്ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി. കെ ഫിറോസ് അധ്യക്ഷത വഹിച്ചു. സംസ്ഥാന ട്രഷറര്‍ പി. ഇസ്മായില്‍ സ്വാഗതം പറഞ്ഞു. സെക്രട്ടറി ഗഫൂര്‍ കോല്‍ക്കളത്തില്‍ നന്ദി പറഞ്ഞു. മുസ്ലിം ലീഗ് സംസ്ഥാന സെക്രട്ടറി അഡ്വ. മുഹമ്മദ് ഷാ, തിരുവനന്തപുരം ജില്ല ജനറല്‍ സെക്രട്ടറി നിസാര്‍ മുഹമ്മദ് സുല്‍ഫി, കൊല്ലം ജില്ല ജനറല്‍ സെക്രട്ടറി അഡ്വ. സുല്‍ഫിക്കര്‍ സലാം, യൂത്ത് ലീഗ് സംസ്ഥാന ഭാരവാഹികളായ കെ.എ മാഹീന്‍, അഡ്വ. കാര്യറ നസീര്‍, ദേശീയ ഭാരവാഹികളായ ടി.പി അഷ്റഫലി, ഷിബു മീരാന്‍, സി.കെ ഷാക്കിര്‍ പ്രസംഗിച്ചു. ഹാരിസ് കരമന, ഫൈസ് പൂവ്വച്ചല്‍, റെജി തടിക്കാട്, സാജന്‍ ഹിലാല്‍ മുഹമ്മദ്, എസ്. മുഹമ്മദ് ഹനീഫ, ജാഫര്‍ ഖാന്‍, ഷാഫി കാട്ടില്‍, ഷിബി കാസിം, അമീന്‍ പിട്ടയില്‍, പി.എ സലീം, കെ. പി സുബൈര്‍, ഷബീര്‍ ഷാജഹാന്‍ സംബന്ധിച്ചു.

ഇക്കാര്യത്തിൽ കേരളത്തിൽ നിന്നുള്ള എംപിമാർ പാർലമെൻ്റിനകത്തും പുറത്തും ശക്തമായ ഇടപെടലുകൾ നടത്തുകയുണ്ടായി. രാഷ്ട്രീയകേരളവും മാധ്യമങ്ങളും പൊതുസമൂഹവും ഈ അനീതിക്കെതിരെ ശക്തമായി പ്രതിഷേധിച്ചു. സംസ്ഥാനത്തെ എംപിമാർ ആഭ്യന്തരമന്ത്രിയെ കണ്ട ശേഷമുള്ള പ്രത്യാശ സാക്ഷാത്കരിക്കപ്പെടാനാണ് ഇപ്പോൾ എല്ലാവരും കാത്തിരിക്കുന്നത്. രാജ്യത്തിൻ്റെ വിവിധ ഭാഗങ്ങളിൽ ന്യൂനപക്ഷങ്ങൾക്കെതിരെ നടക്കുന്ന അതിക്രമങ്ങളുടെ ഭാഗം കൂടിയാണ് ഈ അന്യായ നടപടി. വിവിധ മതങ്ങളുടെയും സമുദായങ്ങളുടെയും സമാധാനപരമായ സഹവർത്തിത്വവും സൗഹൃദവും തകർക്കാൻ ഉന്നംവെച്ച് നടക്കുന്ന ഇത്തരം ശ്രമങ്ങൾക്കെതിരെയുള്ള ജാഗ്രതയാണ് ഈ സംഭവവും ആവശ്യപ്പെടുന്നത്. രാജ്യത്തിന്റെ അടിസ്ഥാനമായ മതേതരത്വം തകർക്കാനുള്ള കൊണ്ടുപിടിച്ച ശ്രമങ്ങൾക്കെതിരെ കർശന നടപടി സ്വീകരിക്കണമെന്നും സമദാനി ആവശ്യപ്പെട്ടു.

അതേസമയം,  അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷ സെഷന്‍സ് കോടതി പരിഗണിച്ചില്ല. പരിഗണിക്കാന്‍ അധികാരമില്ലെന്നും ജാമ്യത്തിനായി ഹൈക്കോടതിയെ സമീപിക്കാനും ദുര്‍ഗ് സെഷന്‍സ് കോടതി നിര്‍ദേശിച്ചു. മനുഷ്യക്കടത്ത് അടക്കമുള്ള വകപ്പുകള്‍ ചുമത്തിയതിനാല്‍ കേസ് പരിഗണിക്കേണ്ടത് എന്‍ഐഎ കോടതിയാണെന്ന് പൊലീസ് വാദിച്ചു. ഇതിന്റെ അടിസ്ഥാനത്തിലാണ് ജാമ്യ ഹര്‍ജി പരിഗണിക്കാന്‍ അധികാരമില്ലെന്നും ജാമ്യത്തിനായി ഹൈക്കോടതിയെ സമീപിക്കാനും ഹര്‍ജിക്കാരോട് കോടതി ആവശ്യപ്പെട്ടു.

കന്യാസ്ത്രീകളുടെ ജാമ്യാപേക്ഷ പരിഗണക്കുന്നതിനിടെ സെഷന്‍സ് കോടതിക്ക് സമീപം ബജ് റംഗദള്‍ പ്രവര്‍ത്തകര്‍ തടിച്ചു കൂടി. ജാമ്യഹര്‍ജി പരിഗണിക്കാന്‍ വിസമ്മതിച്ചതോടെ പ്രവര്‍ത്തകര്‍ ആഹ്ലാദ പ്രകടനം നടത്തി.

രാജ്യത്തിന്റെ നിരവധി ഭാഗങ്ങളിൽ ആസൂത്രിതമായി നടപ്പാക്കുന്ന ജനാധിപത്യാവകാശ ധ്വംസനത്തിന്റെയും ന്യൂനപക്ഷ വേട്ടയുടെയും ഏറ്റവും പുതിയ ഉദാഹരണങ്ങളിൽ ഒന്നാണിതെന്നും സമദാനി പറഞ്ഞു.

ഹരിയാനയിലെ ഭിവാനിയിലാണ് സംഭവം. രാജസ്ഥാനിലെ ഗോപാല്‍ഗഢ് സ്വദേശികളാണ് നസീറും ജുനൈദും. ഇരുവരെയും കഴിഞ്ഞ ദിവസമാണ് രാജസ്ഥാനിലെ ഭരത്പൂരില്‍നിന്ന് ഒരു സംഘം തട്ടിക്കൊണ്ടുപോയത്. പശുക്കടത്ത് ആരോപിച്ചാണ് ഇവരെ ബജ്രങ് ദള്‍ നേതാക്കള്‍ അടങ്ങുന്ന സംഘം തട്ടിക്കൊണ്ടുപോയതെന്ന് കുടുംബം ആരോപിക്കുന്നു. ഇവരെ ഭിവാനിയില്‍ എത്തിച്ച ശേഷം വാഹനത്തിലിട്ട് ജീവനോടെ കത്തിക്കുകയായിരുന്നുവെന്നാണ് അറിയുന്നത്.

സംഭവത്തില്‍ ബജ്രങ് ദള്‍ നേതാക്കളായ മോനു മനേശ്വര്‍, ലോകേഷ്, റിങ്കു സൈനി, ശ്രീകാന്ത് അടക്കമുള്ളവര്‍ക്കെതിരെ കേസെടുത്തിട്ടുണ്ട്. മൃതദേഹം ഡി.എന്‍.എ പരിശോധനയ്ക്ക് വിധേയമാക്കുമെന്ന് പൊലീസ് അറിയിച്ചു. ഗോപാല്‍ഗഢ് എസ്.എച്ച്‌.ഒ ആണ് കേസ് അന്വേഷിക്കുന്നത്.

ഛത്തീസ്ഗഡ് നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് ഇന്ന് നടക്കാനിരിക്കെ മാവോയിസ്റ്റുകള്‍ ഇന്നലെ അനന്തഗഡ് ഗ്രാമത്തില്‍ നടത്തിയ സ്‌ഫോടന പരമ്പരയില്‍ ഒരു ബി. എസ്. എഫ് ജവാന്‍ കൊല്ലപ്പെട്ടു. ബി.എസ്.എഫ് അസിസ്റ്റന്റ് സബ് ഇന്‍സ്‌പെക്ടര്‍ മഹേന്ദര്‍ സിംഗ് ആണ് മരിച്ചത്. ഗുരുതരമായി പരിക്കേറ്റ ഇദ്ദേഹത്തെ ഹെലികോപ്ടറില്‍ റായ്പൂര്‍ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല.

ഇന്ന് വോട്ടെടുപ്പ് നടക്കുന്ന മവോയിസ്റ്റ് മേഖലയിലെ 18 അസംബ്ലി സീറ്റുകളിലായി ഒരു ലക്ഷത്തോളം സുരക്ഷാഭന്മാരെ വിന്യസിച്ചിരിക്കെയാണ് തെരഞ്ഞെടുപ്പ് ബഹിഷ്‌കരിക്കാന്‍ ആഹ്വാനം ചെയ്ത മാവോയിസ്റ്റുകളുടെ ആക്രമണം. റായ്പൂരില്‍ നിന്ന് 180 കിലോമീറ്റര്‍ അകലെ കന്‍കേര്‍ ജില്ലയിലെ കോയലിബേദ മേഖലയില്‍ ഇന്നലെ പുലര്‍ച്ചെ ഏഴ് കുഴിബോംബുകള്‍ പരമ്പരയായി ബന്ധിപ്പിച്ച് തുടര്‍ച്ചയായി സ്‌ഫോടനങ്ങള്‍ നടത്തുകയായിരുന്നു.

ബീജാപ്പുര്‍ ജില്ലയിലെ ബേദ്രെ മേഖലയിലുണ്ടായ സുരക്ഷാ സേനയുമായുണ്ടായ ഏറ്റുമുട്ടലില്‍ ഒരു മാവോയിസ്റ്റ് കൊല്ലപ്പെട്ടു. മറ്റൊരാളെ സുരക്ഷാസേന പിടികൂടി. ഇവിടെനിന്ന് ആയുധങ്ങളും വെടിക്കോപ്പുകളും പിടിച്ചെടുത്തിട്ടുണ്ട്. പ്രദേശത്ത് ഏറ്റുമുട്ടല്‍ തുടരുകയാണെന്ന് റിപ്പോര്‍ട്ടുണ്ട്. എന്നാല്‍ മേഖലയില്‍ സ്ഥിതിഗതികള്‍ ശാന്തമാണെന്നും സുരക്ഷാസേന പ്രദേശത്ത് തിരച്ചില്‍ നടത്തുന്നുണ്ടെന്നും നക്‌സല്‍ വിരുദ്ധ ഓപറേഷന്‍സ് ഡി.ഐ.ജി പി. സുന്ദര്‍രാജ് അറിയിച്ചു.