പ്രദേശത്ത് കോണ്‍ക്രീറ്റ് പാലം നിര്‍മിക്കുന്നതിനാവശ്യമായ സാമഗ്രികള്‍ കൊണ്ടുപോകുന്നതിന് നിര്‍മിച്ച താല്‍ക്കാലിക പാലമാണ് നാലംഗ സംഘം മോഷ്ടിച്ചത്. 90 അടി നീളമായിരുന്നു പാലത്തിന്. നിര്‍മാണശേഷം മറ്റൊരിടത്തേക്ക് മാറ്റി സ്ഥാപിച്ച പാലം കഴിഞ്ഞ മാസം 26നാണ് കാണാനില്ലെന്ന് അധികൃതര്‍ തിരിച്ചറിഞ്ഞത്. തുടര്‍ന്ന് പാലം നിര്‍മാണത്തിന് കരാറെടുത്ത കമ്പനി പൊലീസില്‍ പരാതി നല്‍കി. ജൂണ്‍ ആറിനാണ് അവസാനമായി പാലം കണ്ടതെന്ന് പൊലീസിന്റെ അന്വേഷണത്തില്‍ വ്യക്തമായി. തുടര്‍ന്ന് പ്രദേശത്തെ സിസിടിവി ദൃശ്യങ്ങളെ അടിസ്ഥാനമാക്കി നടത്തിയ പരിശോധനയില്‍ പാലം നിര്‍മിക്കാന്‍ കരാറെടുത്ത സ്ഥാപനത്തിലെ ജീവനക്കാരനെയും മൂന്നു കൂട്ടാളികളെയും പിടികൂടുകയായിരുന്നു.

പാലമുണ്ടായിരുന്ന ദിശയിലേക്ക് കൂറ്റന്‍ വാഹനം കടന്നുപോകുന്ന ദൃശ്യങ്ങള്‍ ലഭിച്ചതാണ് അന്വേഷണത്തിന് വഴിത്തിരിവായത്. 6000 കിലോഗ്രാം ഭാരമുള്ള ഇരുമ്പ് മോഷ്ടിക്കാന്‍ സഹായിക്കുന്ന ഗ്യാസ് കട്ടിങ് മെഷീനുകളാണ് ഈ വാഹനത്തിലുണ്ടായിരുന്നത്. ഇതില്‍ നിന്ന് പാലത്തിന്റെ അവശിഷ്ടങ്ങള്‍ കണ്ടെടുത്തതായും പൊലീസ് വ്യക്തമാക്കി.

അര്‍ധ സെഞ്ചുറി നേടിയ അമ്പാട്ടി റായുഡു, ഫാഫ് ഡൂപ്ലെസിസ് എന്നിവരുടെ ഇന്നിങ്‌സുകളാണ് ചെന്നൈ വിജയത്തില്‍ നിര്‍ണായകമായത്.  മൂന്ന് സിക്സും ആറ് ഫോറുമടക്കം റായിഡു 48 പന്തിൽ നിന്ന് 71 റൺസെടുത്തു. റായുഡുവാണ് കളിയിലെ താരവും. 44 പന്തിൽ നിന്ന് 58 റൺസെടുത്ത് ഡുപ്ലെസി പുറത്താവാതെ ടീമിനെ വിജയത്തിലെത്തിച്ചു. നായകൻ എംഎസ് ധോണി ഇറങ്ങിയെങ്കിലും 2 പന്തിൽ നിന്ന് റൺസൊന്നുമെടുക്കാതെ പുറത്താവാതെ നിന്നു. ധോനിയുടെ നായകത്വത്തില്‍ ചെന്നൈയുടെ നൂറാമത്തെ വിജയമാണിത്.

https://twitter.com/IPL/status/1307381656362217473

നേരത്തെ ടോസ് നഷ്ടപ്പെട്ട് ആദ്യം ബാറ്റ് ചെയ്ത മുംബൈ ഇന്ത്യന്‍സ് ഒമ്പത് വിക്കറ്റ് നഷ്ടത്തില്‍ 162 റണ്‍സെടുത്തിരുന്നു. മികച്ച തുടക്കം ലഭിച്ചെങ്കിലും ചെന്നൈയുടെ ഒത്തിണക്കത്തോടെയുള്ള ബോളിങിനും ഫീൽഡിങിനും മുന്നിൽ മുംബൈക്ക് കൂറ്റൻ സ്കോർ പടുത്തുയർത്താനായില്ല. മികച്ച തുടക്കം ലഭിച്ച മുംബൈയെ ചെന്നൈ ക്യാപ്റ്റന്‍ എം.എസ് ധോനി തന്റെ ബൗളിങ് മാറ്റങ്ങളിലൂടെ പിടിച്ചുകെട്ടുകയായിരുന്നു. ലുങ്കി എൻഗിഡി മൂന്ന് വിക്കറ്റും ചാഹറും ജഡേജയും 2 വീതം വിക്കറ്റുകളും വീഴ്ത്തി. 31 പന്തില്‍ നിന്ന് 42 റണ്‍സെടുത്ത സൗരഭ് തിവാരിയാണ് മുംബൈ നിരയിലെ ടോപ് സ്‌കോറര്‍. സൂര്യകുമാര്‍ യാദവ് (17), ഹാര്‍ദിക് പാണ്ഡ്യ (14), ക്രുനാന്‍ പാണ്ഡ്യ (3), പൊള്ളാര്‍ഡ് (18) എന്നിവരെല്ലാം കാര്യമായ സംഭാവനകളില്ലാതെ മടങ്ങി.

ഹൈദരാബാദ്:ആര് ജയിക്കുമിന്ന്…? തലൈവര്‍ ധോണിയോ അതോ കിടിലന്‍ രോഹിതോ…? ഇന്ത്യന്‍ പ്രീമിയര്‍ ലീഗ് ക്രിക്കറ്റ് ആറാം പതിപ്പിന്റെ കലാശക്കൊട്ടാണിന്ന്. രാജിവ് ഗാന്ധി സ്‌റ്റേഡിയത്തില്‍ രണ്ട് സൂപ്പര്‍ ടീമുകളാണ് അങ്കത്തിന്. ഗ്രൂപ്പ് ഘട്ടത്തില്‍ ആദ്യ രണ്ട് സ്ഥാനങ്ങള്‍ സ്വന്തമാക്കിയവര്‍ തന്നെ നേര്‍ക്കുനേര്‍.
ഗ്രൂപ്പ് തലത്തില്‍ രണ്ട് തവണയും ഫസ്റ്റ് എലിമിനേറ്ററിലും ഈ രണ്ട് ടീമുകളും മുഖാമുഖം വന്നപ്പോള്‍ മൂന്ന് തവണയും ഏകപക്ഷീയ വിജയങ്ങള്‍ സ്വന്തമാക്കിയത് മുംബൈയാണ്. ചെന്നൈയെ അവരുടെ തട്ടകമായ ചെപ്പോക്കില്‍ തകര്‍ത്തവരും മുംബൈ തന്നെ. ആ ആത്മവിശ്വാസം ഇന്ന് രോഹിതിനും സംഘത്തിനുമുണ്ട്. പക്ഷേ മഹേന്ദ്രസിംഗ് ധോണിയെന്ന നായകനെയും വിക്കറ്റ് കീപ്പറെയും ഹാര്‍ഡ് ഹിറ്ററെയും മറക്കാനാവില്ല. കളിയുടെ ഗതി ഏത് വഴിക്കും തിരിച്ചുവിടാന്‍ കഴിയുന്ന വ്യക്തിഗത പ്രഭാവമുണ്ട് ധോണിക്ക്. ചെന്നൈ സംഘത്തില്‍ മറ്റാര്‍ക്കുമില്ല ഈ കഴിവ് എന്നത് പക്ഷേ മുംബൈക്ക് തുണയാണ്.
ലോകകപ്പാണ് വരുന്നത്. ലോകകപ്പിന് മുമ്പ് ഇന്ത്യന്‍ താരങ്ങള്‍ക്ക് കരുത്ത് പ്രകടിപ്പിക്കാനുള്ള അവസരം കൂടിയാണ് ഈ അങ്കം. രാത്രി 7-30 നാണ് പോരാട്ടം ആരംഭിക്കുന്നത്. രാജിവ് ഗാന്ധി സ്‌റ്റേഡിയത്തിലെ ട്രാക്ക് നല്ല ബാറ്റിംഗിന് പേരു കേട്ടതാണ്. വിലയ സ്‌ക്കോര്‍ നേടാന്‍ എളുപ്പം കഴിയുന്ന ചെറിയ വേദി. രണ്ട് ഭാഗത്തും കൂറ്റനടിക്കാരായ ബാറ്റ്‌സ്മാന്മാര്‍ ധാരാളമുള്ളതിനല്‍ പ്രവചനം പോലും അസാധ്യമാണ്.മുംബൈയുടെ ബാറ്റിംഗ് കരുത്ത്് നായകന്‍ രോഹിത് തന്നെ. വലിയ ഇന്നിംഗ്‌സിലേക്ക് രോഹിത് പോയാല്‍ ചെന്നൈ തകരുമെന്നുറപ്പ്. പക്ഷേ സമീപകാലത്തായി വലിയ ഇന്നിംഗ്‌സ് കളിക്കാന്‍ മുംബൈക്കാരനായിട്ടില്ല. ക്വിന്റണ്‍ ഡികോക്ക് എന്ന ദക്ഷിണാഫ്രിക്കക്കാരനാണ് മറ്റൊരു ഓപ്പണര്‍. അടിയുറച്ച് കളിക്കുന്നയാളാണ് ഡികോക്ക്. പക്ഷേ പലപ്പോഴും നല്ല തുടക്കം ലഭിക്കാറില്ല. സൂര്യ കുമാര്‍ യാദവ്, ഇഷാന്‍ കിഷന്‍ എന്നിവരാണ് മൂന്നും നാലും സ്ഥാനങ്ങളില്‍ വരാറുള്ളത്. ആദ്യ എലിമിനേറ്ററില്‍ തകര്‍പ്പന്‍ ബാറ്റിംഗ് പ്രകടനം നടത്തിയിരുന്നു യാദവ്. ഇഷാന് പക്ഷേ സീസണില്‍ വലിയ ഇന്നിംഗ്‌സുകളില്ല. ഇവര്‍ക്ക് ശേഷം വരുന്ന മൂന്ന് പേര്‍ കിടിലന്‍ ഓള്‍റൗണ്ടര്‍മാരാണ്. പാണ്ഡ്യ സഹോദരങ്ങളായ ക്രുനാലും ഹാര്‍ദ്ദിക്കും. പിന്നെ വിന്‍ഡീസില്‍ നിന്നുള്ള ഡാഷിംഗ് ബാറ്റ്‌സ്മാന്‍ കരണ്‍ പൊലാര്‍ഡും.
ഇതേ പോലെ ശക്തമാണ് ചെന്നൈ ബാറ്റിംഗും. ഇന്നിംഗ്‌സിന് തുടക്കമിടുന്നത് അനുഭവസമ്പന്നരായ ഫാസ് ഡുപ്ലസിയും ഷെയിന്‍ വാട്ട്‌സണുമാണ്. രണ്ട് പേരും വലിയ ഷോട്ടുകളുടെ വക്താക്കളാണ്. കഴിഞ്ഞ ദിവസം ഡല്‍ഹിക്കെതിരെ രണ്ടാം എലിമിനേറ്ററില്‍ രണ്ട് പേരും അര്‍ധശതകം നേടിയിരുന്നു. ഏത് സമയത്തും പൊട്ടിത്തെറിക്കാനും ഏത് സമയത്തും പ്രതിരോധത്തില്‍ കളിക്കാനും കഴിവുണ്ട് ദക്ഷിണാഫ്രിക്കന്‍ നായകനായ ഡൂപ്ലസിക്ക്. വാട്ട്‌സണ്‍ ചെന്നൈയുടെ ഏറ്റവും സീനിയര്‍ ബാറ്റ്‌സ്മാനാണ്. ബിഗ് ബാഷ് ക്രിക്കറ്റില്‍ നിന്നും വിരമിച്ച വാട്ട്‌സണ് ഇന്ത്യയില്‍ ശക്തമായ ഫാന്‍സുണ്ട്. മൂന്നാം നമ്പറില്‍ സുരേഷ് റൈനയും നാലാം നമ്പറില്‍ അമ്പാട്് റാഡിയുവുമാണ് വരുക. രണ്ട്് പേരും ആഭ്യന്തര രംഗത്തെ വ്യക്തമായി അറിയുന്നവരാണ്. മഹേന്ദ്രസിംഗ് ധോണി അടുത്ത നമ്പറിലും പിറകെ രവീന്ദു ജഡേജയും വരുമ്പോള്‍ ബാറ്റിംഗിന് വ്യക്തമായ ആഴമാവും.ബൗളിംഗ് കാര്യത്തില്‍ സ്പിന്നര്‍മാരുടെ കരുത്തുള്ളവരാണ് ചെന്നൈക്കാര്‍. മൂന്ന് ലോകോത്തര സ്പിന്നര്‍മാര്‍-ഹര്‍ഭജന്‍സിംഗ്, രവീന്ദു ജഡേജ, ഇംറാന്‍ താഹിര്‍ എന്നിവരുടെ ശക്തി എല്ലാ മല്‍സരങ്ങളിലും പ്രകടമാണ്. പക്ഷേ പേസ് ഡിപ്പാര്‍ട്ട്‌മെന്റില്‍ ആ കരുത്തില്ല. ദിപക് ചാഹര്‍ എന്ന ശരാശരിക്കാരനാണ് പലപ്പോഴും പുതിയ പന്ത് എടുക്കാറുള്ളത്. ഡ്വിന്‍ ബ്രാവോ എന്ന മീഡിയം പേസറെയും ഡെത്ത് ഓവറുകളില്‍ ധോണി ഉപയോഗപ്പെടുത്താറുണ്ട്.ഫീല്‍ഡിംഗ് രണ്ട് ടീമിനും പലപ്പോഴും പ്രശ്‌നമാണ്. നിര്‍ണായക വേളകളില്‍ ക്യാച്ചുകള്‍ മിസ് ചെയ്യുന്നതില്‍ രണ്ട് ഭാഗത്തെയും താരങ്ങള്‍ മോശക്കാരല്ല. ഇത്തവണ ഐ.പി.എല്ലില്‍ കണ്ട നിരാശാജനകമായ കാഴ്ച്ചയും ഫീല്‍ഡിംഗ് ദൗര്‍ബല്യങ്ങളാണ്.

വിശാഖപ്പട്ടണം: പ്രതീക്ഷിക്കപ്പെട്ടത് പോലെ തന്നെ… ഇന്ത്യന്‍ പ്രീമിയര്‍ ലീഗ് ക്രിക്കറ്റിന്റെ ആറാം പതിപ്പിലെ കിരീട പോരാട്ടം മഹേന്ദ്രസിംഗ് ധോണിയും രോഹിത് ശര്‍മ്മയും തമ്മില്‍. അഥവാ ചെന്നൈ സൂപ്പര്‍ കിംഗ്‌സും മുംബൈ ഇന്ത്യന്‍സും തമ്മില്‍. ഇന്ദിരാഗാന്ധി സ്‌റ്റേഡിയത്തില്‍ ഇന്നലെ നടന്ന രണ്ടാം എലിമിനേറ്ററില്‍ ആദ്യം ബാറ്റ് ചെയ്ത ഡല്‍ഹി ക്യാപിറ്റല്‍സ് കരസ്ഥമാക്കിയ 147 റണ്‍സ് എന്ന ലക്ഷ്യം ഫാസ് ഡുപ്ലസിയെന്ന (50) ദക്ഷിണാഫ്രിക്കന്‍ ഓപ്പണറുടെ മെയ് വഴക്കത്തിലും ഷെയിന്‍ വാട്ട്‌സണ്‍ (50) എന്ന ഓസ്‌ട്രേലിയക്കാരന്റെ വേഗതയിലും ചെന്നൈ മറികടന്നു. ഞായറാഴ്ച്ച ഹൈദരാബാദിലെ രാജിവ് ഗാന്ധി സ്‌റ്റേഡിത്തിലാണ് കലാശപ്പോരാട്ടം. മുംബൈയോട് ഇതിനകം മൂന്ന് മല്‍സരങ്ങളില്‍ തോറ്റവരാണ് ചെന്നൈ. ഫസ്റ്റ് എലിമിനേറ്ററില്‍ തകര്‍ന്നതിനെ തുടര്‍ന്നാണ് ഇന്നലെ അവര്‍ ഡല്‍ഹിയുമായി കളിക്കേണ്ടി വന്നത്.
ഡല്‍ഹി ഇന്നിംഗ്‌സില്‍ ആരും പൊരുതിയില്ല. ആദ്യം ബാറ്റ് ചെയ്തപ്പോള്‍ റിഷാഭ് പന്ത് മാത്രമാണ് ചെറിയ വെല്ലുവിളി ഉയര്‍ത്തിയത്. 25 പന്തില്‍ 38 റണ്‍സാണ് അദ്ദേഹം നേടിയത്. പതിവ് പോലെ കൂറ്റനടികള്‍ക്ക്് മുതിരാന്‍ കഴിയുന്ന സാഹചര്യമായിരുന്നില്ല. ഓപ്പണര്‍ പ്രിഥ്‌വി ഷാ അഞ്ചില്‍ മടങ്ങിയത് മുതല്‍ ആരംഭിച്ച കൊഴിച്ചില്‍ അതിവേഗതയിലായിരുന്നു. ധവാന്‍ (18), കോളിന്‍ മണ്‍റോ (27), നായകന്‍ ശ്രേയാസ് അയ്യര്‍ (13), അക്‌സര്‍ പട്ടേല്‍ (3) റുഥര്‍ ഫോര്‍ഡ് (10) കീമോ പോള്‍ (3) എന്നിവരെല്ലാം വേഗത്തില്‍ പുറത്തായി. അവസാന ഓവറില്‍ വന്ന ഇഷാന്ത് ശര്‍മ മൂന്ന് പന്തുകള്‍ മാത്രമാണ് നേരിട്ടത്. ഒരു സിക്‌സറും ഒരു ബൗണ്ടറിയുമായി ഇഷാന്ത് പത്ത് റണ്‍സ് നേടിയതോടെയാണ് സ്‌ക്കോര്‍ 140 കടന്നത്. ചെന്നൈ ബൗളര്‍മാരില്‍ എല്ലാവരും മികവ് കാട്ടി. ദീപക് ചാഹര്‍, ഹര്‍ഭജന്‍സിംഗ്, രവീന്ദു ജഡേജ, ഡ്വിന്‍ ബ്രാവോ എന്നിവര്‍ രണ്ട് വീതം വിക്കറ്റുകള്‍ നേടി.പതുക്കെ തുടങ്ങിയ ചെന്നൈ ഓപ്പണര്‍മാരായ ഡുപ്ലസിയും ഷെയിന്‍ വാട്ട്‌സണും പിന്നെ കത്തികയറുകയായിരുന്നു. സുന്ദരമായ ഏഴ് ബൗണ്ടറികളിലുടെ ഡുപ്ലസിയാണ് ആദ്യം 50 ല്‍ എത്തിയത്. ട്രെന്‍ഡ് ബോള്‍ട്ടിന്റെ പന്തില്‍ അദ്ദേഹം ഉടന്‍ പുറത്താവുകയും ചെയ്തു. 32 പന്തുകള്‍ നേരിട്ട വാട്ട്‌സണ്‍ നാല് തവണ പന്തിനെ ഗ്യാലറിയിലെത്തിച്ചു. മൂന്ന് ബൗണ്ടറികളും. 50 ല്‍ അദ്ദേഹവും പുറത്തായി. വാട്ട്‌സണ്‍ പുറത്താവുമ്പോള്‍ സ്‌ക്കോര്‍ 109 റണ്‍സായിരുന്നു. പിറകെയെത്തിയ സുരേഷ് റൈനയും അമ്പാട്ട് റായിഡുവും വലിയ സാഹസത്തിന് മുതിര്‍ന്നില്ല. അക്‌സര്‍ പട്ടേലിനെ ക്രിസ് വിട്ട് ബൗണ്ടറി കടത്തിയ റായിഡു ഗ്യാലറയുടെ കൈയ്യടി നേടിയപ്പോള്‍ പിറകെ സുരേഷ് റൈന പുറത്തായി. പട്ടേലിന്റെ പന്തില്‍ ക്ലീന്‍ ബൗള്‍ഡ്.
പകരം വന്നത് തലൈവര്‍ മഹേന്ദ്രസിംഗ് ധോണി. ധോണിയെ കണ്ടതും ഗ്യാലറി ആവേശത്തിലായി. വലിയ സാഹസത്തിന്റെ ആവശ്യമുണ്ടായിരുന്നില്ല ആ സമയത്ത്. ഡല്‍ഹി ക്യാപ്റ്റന്‍ ശ്രേയാസ് അയ്യര്‍ ധോണിയെ കണ്ടതും തന്റെ മികച്ച ബൗളര്‍ ബോള്‍ട്ടിനെ ആക്രമണത്തിന് വിളിച്ചു. രണ്ടാം പന്ത് തന്നെ ലെഗ് സൈഡിലുടെ ധോണി ബൗണ്ടറി കടത്തി. റിക്കി പോണ്ടിംഗ്, സൗരവ് ഗാംഗുലി, മുഹമ്മദ് കൈഫ്, പ്രവീണ്‍ ആംറെ തുടങ്ങിയവരെല്ലാമായിരുന്നു ഡല്‍ഹിയുടെ സപ്പോര്‍ട്ടിംഗ് സംഘത്തില്‍. പക്ഷേ സ്റ്റീഫന്‍ ഫ്‌ളെമിംഗിന്റെ നിര്‍ദ്ദേശങ്ങളില്‍ ഒരിക്കല്‍ കൂടി ചെന്നൈ കരുത്തരായി.