2019 ഓഗസ്റ്റ് 31-നാണ് ലോറി ഡ്രൈവറായിരുന്ന ചെന്താമര നെന്മാറ പോത്തുണ്ടിയിലെ തിരുത്തംപാടം ബോയന്‍ കോളനിയില്‍ സജിതയെ കൊലപ്പെടുത്തിയത്. ഭാര്യ പിരിഞ്ഞുപോകാന്‍ സജിതയും കുടുംബവുമാണ് കാരണമെന്ന് സംശയിച്ചതോടെയാണ് ആക്രമണം. ഒരു മന്ത്രവാദിയുടെ വാക്കില്‍ നിന്നാണ് ചെന്താമര സജിതയെ ലക്ഷ്യമാക്കിയത് ‘നീണ്ട മുടിയുള്ള സ്ത്രീയാണ് നിന്റെ കുടുംബവഴക്കിന് കാരണക്കാരി” എന്നതായിരുന്നു ആ വാക്കുകള്‍.

ആ കൊലപാതകത്തിന് ശേഷം ജയിലിലായ ചെന്താമര 2024 നവംബറില്‍ വിയ്യൂര്‍ ജയിലില്‍ നിന്ന് ജാമ്യത്തില്‍ പുറത്തിറങ്ങി. കോടതി ഉത്തരവനുസരിച്ച് നെന്മാറ പഞ്ചായത്തിന്‍ പരിധിയില്‍ പ്രവേശിക്കരുതായിരുന്നെങ്കിലും ചെന്താമര അതു ലംഘിച്ച് കൊല്ലപ്പെട്ട സജിതയുടെ വീട്ടിനടുത്ത് താമസമാക്കി.

സജിതയുടെ ഭര്‍ത്താവ് സുധാകരനും മകള്‍ അഖിലയും ചെന്താമര ഭീഷണിപ്പെടുത്തുന്നതായി പൊലീസില്‍ പരാതി നല്‍കിയിരുന്നുവെങ്കിലും, നടപടി ഉണ്ടായില്ല. അതിന്റെ പിന്നാലെ 2025 ജനുവരി 27-ന് രാവിലെ 10 മണിയോടെ, ചെന്താമര സജിതയുടെ വീട്ടില്‍ എത്തി സുധാകരനെയും ഭര്‍ത്തൃമാതാവ് ലക്ഷ്മിയേയും വെട്ടിക്കൊന്നു.

തുടര്‍ന്ന് ഒളിവിലായ ചെന്താമരയെ തമിഴ്‌നാട്ടിലെയും കേരളത്തിലെയും പൊലീസ് ചേര്‍ന്ന് നടത്തിയ വന്‍ തിരച്ചിലിനൊടുവില്‍ പോത്തുണ്ടി വനമേഖലയില്‍ നിന്ന് പിടികൂടുകയായിരുന്നു.

പാലക്കാട് എസ്.പി. അജിത് കുമാര്‍ പറഞ്ഞതനുസരിച്ച്, ചെന്താമര ”തന്ത്രശാലിയും സ്വയം കടുവയെന്ന് കരുതുന്ന ആളുമാണ്” ആസൂത്രിതമായാണ് കൊലപാതകങ്ങള്‍ നടത്തിയത്, കുറ്റബോധമൊന്നും കാണിച്ചില്ലെന്നും പൊലീസ് വ്യക്തമാക്കി.

ഇന്ന് കോടതി ആദ്യ കൊലപാതകക്കേസില്‍ ശിക്ഷ വിധിക്കും.

2019 ഓഗസ്റ്റ് 31-ന് ഭാര്യ പിണങ്ങി പോകാനും കുടുംബം തകരാനും സജിതയാണെന്ന് ആരോപിച്ച് ചെന്താമരയാണ് ഈ ക്രൂരകൃത്യം നടത്തിയത്. അടുക്കളയില്‍ പാചകം ചെയ്യുന്നതിനിടെ സജിതയെ വെട്ടിക്കൊലപ്പെടുത്തുകയായിരുന്നു.

ആറ് വര്‍ഷത്തിന് ശേഷമാണ് നാടിനെ നടുക്കിയ കൊലപാതകക്കേസിലെ അന്തിമവിധി വരുന്നത്. കേസില്‍ പ്രതി ചെന്താമരയുടെ ഭാര്യയുള്‍പ്പെടെ 67 സാക്ഷികളാണ് ഉണ്ടായിരുന്നത്. സജിതയുടെ വീട്ടില്‍ കണ്ടെത്തിയ ചെന്താമരയുടെ കാല്‍പ്പാടുകളാണ് വിചാരണയില്‍ നിര്‍ണായകമായത്.

കോടതിയില്‍ ”ഒന്നും പറയാനില്ല” എന്നായിരുന്നു ചെന്താമരയുടെ പ്രതികരണം. വിചാരണാഫലത്തില്‍ സന്തോഷമുണ്ടെന്ന് സജിതയുടെ കുടുംബം പ്രതികരിച്ചു. കേസിലെ പ്രധാന സാക്ഷിയായ പുഷ്പ ചെന്താമരയെ ഭയന്ന് തമിഴ്‌നാട്ടിലേക്ക് ഒഴിഞ്ഞതായും ബന്ധുക്കള്‍ വ്യക്തമാക്കി.

ശ്രദ്ധേയമായ മറ്റൊരു വസ്തുതയായി, സജിത കൊലക്കേസില്‍ ജാമ്യത്തില്‍ പുറത്തിറങ്ങിയ ശേഷം ചെന്താമര 2024 ജനുവരിയില്‍ സജിതയുടെ ഭര്‍ത്താവ് സുധാകരനെയും ഭര്‍തൃമാതാവ് ലക്ഷ്മിയെയും കൊലപ്പെടുത്തിയിരുന്നു.

ഈ കേസില്‍ പരോളില്‍ ഇറങ്ങിയപ്പോള്‍ സജിതയുടെ ഭര്‍ത്താവ് സുധാകരനെയും ഭര്‍തൃമാതാവിനെയും ചെന്താമര വെട്ടി കൊലപ്പെടുത്തിയെന്നാണ് കേസ്. കേസില്‍ 44 സാക്ഷികളെ വിസ്തരിച്ചു. ചെന്താമരയുടെ ഭാര്യ പിണങ്ങി പോവാന്‍ കാരണം സജിത ആണെന്ന് ഒരു മന്ത്രവാദി പറഞ്ഞതിനെ തുടര്‍ന്നാണ് യുവതിയെ കൊലപ്പെടുത്തിയത്.

2019ലാണ് പ്രതി ചെന്താമര പോത്തുണ്ടി തിരുത്തംപാടം ബോയന്‍ കോളനിയില്‍ സുധാകരന്റെ ഭാര്യ സജിതയെ വെട്ടിക്കൊലപ്പെടുത്തിയത്. ഈ കേസില്‍ വിചാരണ തുടങ്ങാനിരിക്കേ പ്രതിക്ക് ജാമ്യം ലഭിച്ചു.

തൊട്ടുപിന്നാലെയാണ് സുധാകരനെയും ലക്ഷ്മിയെയും പ്രതി വെട്ടിക്കൊന്നത്. സുധാകരന്‍ സംഭവസ്ഥലത്ത് തന്നെ മരിക്കുകയും അമ്മ ആശുപത്രിയില്‍ വെച്ചുമാണ് മരിച്ചത്. കൊലപാതകത്തിന് ശേഷം ഒളിവില്‍ പോയ പ്രതിയെ പിന്നീട് നീണ്ട തിരിച്ചിലിനൊടുവിലാണ് കണ്ടെത്തിയത്.

മൂന്ന് ഡിവൈഎസ്പിമാരും 11 ഇന്‍സ്‌പെക്ടര്‍മാരും അടക്കം 350 ഓളം പൊലീസുകാരെയാണ് വിന്യസിച്ചിരുന്നത്. ജനകീയ പ്രതിഷേധം കൂടി കണക്കിലെടുത്തായിരുന്നു വന്‍ സന്നാഹത്തെ നിയോഗിച്ചത്. ഡ്രോണ്‍ ഉപയോഗിച്ചും നിരീക്ഷണം നടത്തിയിരുന്നു.