പള്ളിയുടെ സാന്നിധ്യം പ്രദേശത്ത് ലവ് ജിഹാദ്, കന്നുകാലി കശാപ്പ്, അനധികൃത ബംഗ്ലാദേശി കുടിയേറ്റം എന്നിവ വര്‍ധിക്കുന്നതിന് കാരണമാകുമെന്ന് അവകാശപ്പെട്ടാണ് സംഘം നിര്‍മാണം തടഞ്ഞത്.

പള്ളി പണിയുന്ന പ്രദേശത്തിന് സമീപം ജനക്കൂട്ടത്തെ എത്തിച്ച് ബജ്‌റംഗ്ദള്‍ പ്രവര്‍ത്തകര്‍ പ്രതിഷേധിക്കുകയായിരുന്നു. നിര്‍മാണം നിര്‍ത്തിയില്ലെങ്കില്‍ പ്രദേശത്തെ സാമുദായിക സൗഹാര്‍ദ്ദം തകര്‍ക്കുമെന്നും ഇവര്‍ ഭീഷണി മുഴക്കി. ഇതിന്റെ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്.

ബി.ജെ.പി ഭരിക്കുന്ന സംസ്ഥാനത്ത് ന്യൂനപക്ഷങ്ങള്‍ക്കെതിരായ അക്രമങ്ങള്‍ പതിവാണ്. സംസ്ഥാനത്ത് ആള്‍ക്കൂട്ട കൊലപാതകങ്ങളും ആക്രമണങ്ങളും വ്യാപകമായി റിപ്പോര്‍ട്ട് ചെയ്യപ്പെടാറുണ്ട്.

2013 മേയിലെ മാവോയിസ്റ്റ് ആക്രമണത്തില്‍ സംസ്ഥാനത്തെ പ്രധാന കോണ്‍ഗ്രസ് നേതാക്കളായിരുന്ന മഹേന്ദ്ര കര്‍മ്മയും വി.സി ശുക്ലയും അടക്കമുള്ളവര്‍ കൊല്ലപ്പെട്ടിരുന്നു. ഇതിന് ശേഷം കോണ്‍ഗ്രസ് സംഘടനാസംവിധാനത്തെ പുനരുജ്ജീവിപ്പിച്ച ഭൂപേഷ് ബഗേല്‍ നിയമസഭ തെരഞ്ഞെടുപ്പിലെ വന്‍ വിജയത്തില്‍ നിര്‍ണായക പങ്കാണ് വഹിച്ചത്. മുഖ്യമന്ത്രി പദവിക്കൊപ്പം ഭൂപേഷ് ബഗേല്‍ തന്നെയാണ് സംസ്ഥാന കോണ്‍ഗ്രസ് അധ്യക്ഷ സ്ഥാനവും വഹിച്ചിരുന്നത്. രണ്ട് ചുമതലകളും ഒരുമിച്ച് കൊണ്ടുപോകുന്നതിലെ ബുദ്ധിമുട്ട് അദ്ദേഹം രാഹുല്‍ ഗാന്ധിയെ അറിയിച്ചിരുന്നു. ഇതിന് പിന്നാലെയാണ് കൊണ്ടഗോണ്‍ എം.എല്‍.എ ആയ മോഹന്‍ മാര്‍ക്കാമിനെ അധ്യക്ഷ സ്ഥാനത്ത് നിയമിക്കുന്നത്. ആദിവാസി വിഭാഗത്തില്‍പ്പെടുന്ന ഒരു നേതാവ് അധ്യക്ഷ പദവിയിലക്ക് എത്തുന്നത് ആദ്യമായാണ്. 2014 ജൂണില്‍ തുടങ്ങിയ പരിശ്രമങ്ങളാണ് ഇപ്പോള്‍ അധികാരത്തിലെത്താന്‍ സഹായിച്ചതെന്ന് ഭൂപേഷ് ബഗേല്‍ വികാരാധീതനായി പ്രതികരിച്ചു.

ആകെ 90 മണ്ഡലങ്ങളുള്ള ഛത്തീസ്ഗഡില്‍ സര്‍ക്കാര്‍ രൂപീകരണത്തിന് വേണ്ട കേവലഭൂരിപക്ഷം 46 സീറ്റുകളാണ്. എന്നാല്‍ ഇതിനകം 61 സീറ്റുകള്‍ കോണ്‍ഗ്രസ് നേടിക്കഴിഞ്ഞു.

കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ നേരിട്ടുള്ള പ്രചാരണത്തില്‍ സഖ്യങ്ങളൊന്നുമില്ലാതെയാണ് കോണ്‍ഗ്രസ് ബിജെപിക്കെതിരെ തെരഞ്ഞെടുപ്പ് ഗോദയിലിറങ്ങുന്നത്. 90 സീറ്റുകളിലും ഇരു പാര്‍ട്ടികളുടെയും സ്ഥാനാര്‍ഥികള്‍ മത്സരിച്ചായിരുന്നു പോരാട്ടം.

അതേസമയം സംസ്ഥാനത്തിന്റെ ആദ്യമുഖ്യമന്ത്രിയും കോണ്‍ഗ്രസ് മുഖമായിരുന്ന അജിത് ജോഗി ഇത്തവണ സ്വന്തം പാര്‍ട്ടിയുമായി ബി.എസ്പിയ്ക്ക് ഒപ്പമാണ് കളത്തിലിറങ്ങിയത്. 2000 മുതല്‍ 2003 വരെ ഛത്തീസ്ഗഢില്‍ മുഖ്യമന്ത്രിയായിരുന്ന ജോഗി. തെരഞ്ഞെടുപ്പിന് മുന്നോടിയായി അദ്ദേഹം ജനതാ കോണ്‍ഗ്രസ് ഛത്തീസ്ഗഢ് രൂപീകരിക്കുകയും മായാവതിയുമായും ഇടതുപാര്‍ട്ടികളുമായും ചേര്‍ന്ന് തെരഞ്ഞെടുപ്പിനെ നേരിടാന്‍ തീരുമാനിക്കുകയുമായിരുന്നു.

ഐക്കണ്‍ നേതാവ് പോലുമില്ലാത്ത ഛത്തീസ്ഗഢ് കോണ്‍ഗ്രസിന്റെ വോട്ടുകള്‍ മായാവതിയും ഇടതുപാര്‍ട്ടികളും തമ്മിലുണ്ടാക്കിയ ഈ സഖ്യം പിടിച്ചെടുക്കുമെന്നായിരുന്നു വിലയിരുത്തപ്പെട്ടിരുന്നത്. എന്നാല്‍ കാമ്പ്യന്‍ ചൂടുപിടിക്കവേയാണ് ബി.ജെ.പി ക്യാമ്പിനെയും ഇടതുസഖ്യത്തേയും വിറപ്പിച്ച് രാഹുല്‍ ഗാന്ധിയുടെ രംഗപ്രവേശനമുണ്ടായത്.

മുന്നണികളുടെ വോട്ടുവിഹിതം

2003 മുതല്‍ ഛത്തീസ്ഗഢില്‍ ഏതാണ്ട് 73% പോളിംഗ് നടക്കാറുണ്ട്. 2003-ല്‍ ബിജെപിയും കോണ്‍ഗ്രസും തമ്മിലുള്ള വോട്ട് വിഹിതത്തിന്റെ വ്യത്യാസം 2.6% മാത്രമായിരുന്നു. ആ വ്യത്യാസം ചുരുങ്ങുച്ചുരുങ്ങി ഒടുവില്‍ 2013-ല്‍ വോട്ട് വിഹിതത്തിന്റെ വ്യത്യാസം വെറും 75% ത്തിലും താഴെയായി. അതായത് ഒരു ശതമാനം പോലും വ്യത്യാസമില്ല. എങ്കിലും തെരഞ്ഞെടുപ്പ് തന്ത്രവും കോണ്‍ഗ്രസിനുണ്ടായ പാടവ കുറവും മൂലം ബിജെപി ഛത്തീസ്ഗഡ് പിടിച്ചെടുക്കുകയായിരുന്നു

ഛത്തീസ്ഗഡില്‍ ഐക്കണായി രാഹുല്‍ ഗാന്ധി

വോട്ട് വിഹിതത്തിലെല്ല കാര്യം എന്ന അറിവോടെയാണ് ഇത്തവണ കോണ്‍ഗ്രസ് ഇറങ്ങിയത്. സര്‍ക്കാര്‍ വിരുദ്ധ വികാരം വോട്ടാക്കിയും സീറ്റാക്കിയും മാറ്റാനുമുള്ള പാടവത്തിലേക്കാണ് രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ് എത്തിയത്. കഴിഞ്ഞ തെരഞ്ഞെടുപ്പിലെ തെറ്റ് ഇത്തവണ കോണ്‍ഗ്രസ് ആവര്‍ത്തിച്ചില്ല. നോട്ട് നിരോധനവും കര്‍ഷകപ്രശ്‌നങ്ങളും ബിജെപിയ്ക്ക് കനത്ത തിരിച്ചടിയായി. ഇതെല്ലാം സജീവപ്രചാരണവിഷയങ്ങളായി രാഹുല്‍ ഗാന്ധി തെരഞ്ഞെടുപ്പ് ഗോദയില്‍ ഇറങ്ങിയതോടെ കോണ്‍ഗ്രസിന്റെ ഗ്രാഫ് ഉയരുകയായിരുന്നു.
അഴിമതിക്കഥകളും കാര്‍ഷികപ്രതിസന്ധിയും ഉയര്‍ത്തിക്കാട്ടി കോണ്‍ഗ്രസ് നടത്തിയ പ്രചാരണം വോട്ടായി പെട്ടിയില്‍ വീണെന്ന് തെളിയിക്കുകയാണ് ഇത്തവണ തെരഞ്ഞെടുപ്പ് ഫലം.

കോണ്‍ഗ്രസ് ഛത്തീസ്ഗഢ് (ജെ.സി.സി) എന്ന തന്റെ പാര്‍ട്ടിയും ബി.എസ്.പിയും ഇടതു പാര്‍ട്ടികളുമായുള്ള സഖ്യത്തിലൂടെ ആവുന്നത്ര സീറ്റുകള്‍ പിടിച്ച് നിയമസഭയില്‍ കിങ് മേക്കറാകുകയായിരുന്നു അജിത് ജോഗി ലക്ഷ്യമിട്ടത്. ബിജെപിക്ക് അനുകൂലവും കോണ്‍ഗ്രസിന് പ്രഹരവുമാവുമെന്ന് കരുതിയ ഈ സംഖ്യത്തിന് എന്നാല്‍ രാഹുല്‍ തരംഗത്തിന് മുന്നില്‍ വെല്ലുവിളിയുയുര്‍ത്താനായില്ല.

വന്‍ മുന്നേറ്റം നടത്തിയ കോണ്‍ഗ്രസിന് സ്വന്തം നിലയ്ക്ക് സര്‍ക്കാര്‍ രൂപീകരിക്കാന്‍ ഇനി ഒരു ബുദ്ധിമുട്ടുമില്ല. ഒരു ഐക്കണ്‍ പോലുമില്ലാതെ ഛത്തീസ്ഗഡില്‍ കോണ്‍ഗ്രസിന് ഇത്തവണ എല്ലാം രാഹുലായിരുന്നു.

‘അമ്മയും മകനും’ ജാമ്യത്തിലിറങ്ങി നടക്കുകയാണ്. ജാമ്യത്തിലിറങ്ങേണ്ടി വന്നതിനാലാണ് സര്‍ക്കാരിന്റെ നോട്ട് നിരോധന നീക്കത്തെ അവര്‍ എതിര്‍ത്തത്. അവര്‍ക്ക് ജാമ്യം തേടേണ്ടി വന്നത് നോട്ടുനിരോധനം മൂലമാണ്. ജാമ്യം നേടിയവരാണ് മോദിക്ക് സര്‍ട്ടിഫിക്കറ്റുമായി വരുന്നത്. നിരവധി കടലാസു കമ്പനികളാണ് നോട്ട് നിരോധനം മൂലം അടച്ചുപൂട്ടിയതെന്നും മോദി കുറ്റപ്പെടുത്തി.

കഴിഞ്ഞദിവസം ജഗ്ദല്‍പൂരില്‍ നടന്ന റാലിയിലും മോദി ഗാന്ധി കുടുംബത്തെയും കോണ്‍ഗ്രസിനെയും അധിക്ഷേപിക്കുന്ന തരത്തില്‍ പ്രസംഗിച്ചിരുന്നു. എ.സി മുറിയിലിരിക്കുന്ന നഗര മാവോയിസ്റ്റുകളെ കോണ്‍ഗ്രസ് പിന്തുണക്കുകയാണെന്നാരോപിച്ച മോദി ഒരു കുടുംബത്തതിന്റെ വികസനത്തിന് മാത്രമാണ് കോണ്‍ഗ്രസ് ശ്രദ്ധകൊടുത്തിരിക്കുന്നതെന്നും വിമര്‍ശിച്ചു.

അതേസമയം രാഹുല്‍ ഗാന്ധി നിരന്തരം ഉന്നയിക്കുന്ന റഫാല്‍, ബാങ്ക് തട്ടിപ്പ് തുടങ്ങിയ അഴിമതി ആരോപണങ്ങളെക്കുറിച്ചും ജനകീയ വിഷയങ്ങളെക്കുറിച്ചും മോദി മിണ്ടിയില്ല.

തെരഞ്ഞെടുപ്പില്‍ വോട്ട് ചെയ്താല്‍ ശക്തമായ നടപടി നേരിടേണ്ടി വരുമെന്ന മാവോയിസ്റ്റ് ഭീഷണിയുടെ പശ്ചാതലത്തില്‍ പോളിങ് നടക്കുന്നത്. ഇതാണ് ശതമാനത്തില്‍ കുറവ് വരാന്‍ കാരണം. തെരഞ്ഞെടുപ്പിന് മുന്നോടിയായി മാവോയിസ്റ്റുകള്‍ നിരവധി ആക്രമണങ്ങളാണ് നടത്തിയത്.

Sukma: 103-year-old woman Soni Bai exercised her voting rights at a polling booth in Gorgunda’s Devarpalli. His son carried her to the polling station in his arms. #ChhattisgarhAssemblyElections2018 pic.twitter.com/dIJk9kXrRN

— ANI (@ANI) November 12, 2018

അതേസമയം വോട്ടെടുപ്പിനായി ഒരു ലക്ഷം സുരക്ഷാ ഉദ്യോഗസ്ഥരെയാണ് നിയോഗിച്ചിട്ടുള്ളത്. സമാധാനപരമായ വോട്ടെടുപ്പ് ഉറപ്പുവരുത്തുന്നതിനായി കേന്ദ്ര പാരമിലിറ്ററി സേന ഉള്‍പ്പെടെയുള്ളവരെയാണ് നിയോഗിച്ചിട്ടുള്ളത്. വോട്ടെടുപ്പിന് തൊട്ടുമുന്നേയായി വിവിധ ബൂത്തുകള്‍ക്ക് സമീപത്തുനിന്നും സ്‌ഫോടന വസ്തുകള്‍ കണ്ടെത്തിയിട്ടുണ്ട്. വോട്ടെടുപ്പ് ആരംഭിച്ച ദന്തേവാഡയില്‍ പുലര്‍ച്ചെ 7മണിക്ക് സ്‌ഫോടനം നടന്നു. അപകടത്തില്‍ പരിക്കൊന്നും റിപ്പോര്‍ട്ട് ചെയ്തിട്ടില്ല.

കഴിഞ്ഞ 10 ദിവസത്തിനിടെ മാവോയിസ്റ്റുകള്‍ സ്‌ഫോടനത്തിനായി സ്ഥാപിച്ച 300 ഐ.ഇ.ഡികളാണ് സുരക്ഷാ സേന കണ്ടെടുത്തത്. 650 കമ്പനി സി.ആര്‍.പി.എഫ്, ബി.എസ്.എഫ്, ഐ.ടി.ബി.പി സൈനികരെയാണ് സുരക്ഷക്കായി ഉപയോഗിച്ചതെന്ന് ചത്തീസ്ഗഡ് ഡി.ജി ഡി.എം അശ്വതി പറഞ്ഞു. ഇതിനു പുറമെ 200 കമ്പനി നക്‌സല്‍ വിരുദ്ധ സേനക്കാരെയും സുരക്ഷക്കായി വിനിയോഗിച്ചിട്ടുണ്ട്. പോളിങ് ബൂത്തുകളിലേക്ക് പോളിങ് സാമഗ്രികള്‍ ഹെലികോപ്റ്റര്‍ വഴിയാണ് എത്തിച്ചത്. സുരക്ഷ ശക്തിപ്പെടുത്തുന്നതിന്റെ ഭാഗമായി മധ്യപ്രദേശ്. മഹാരാഷ്ട്ര, തെലങ്കാന, ആന്ധ്ര, ഒഡീഷ അതിര്‍ത്തികളിലും അതീവ ജാഗ്രത പുലര്‍ത്തുന്നുണ്ട്. അതീവ പ്രശ്‌ന ബാധിത മേഖലയായ മൊഹ്്‌ല-മാന്‍പൂര്‍, അനന്തഗഡ്, ഭാനുപ്രതാപ്പൂര്‍, കന്‍കര്‍, കേശ്കല്‍, കൊണ്ടേഗാവ്, നാരായണ്‍പൂര്‍, ദന്തേവാഡ, ബിജാപൂര്‍, കൊണ്ട എന്നീ പത്ത് മണ്ഡലങ്ങളില്‍ രാവിലെ ഏഴു മുതല്‍ വൈകീട്ട് മൂന്നു മണിവരെയാണ് വോട്ടെടുപ്പ്. മറ്റ് എട്ടു മണ്ഡലങ്ങളില്‍ രാവിലെ എട്ടു മുതല്‍ വൈകീട്ട് അഞ്ചുമണി വരെയും വോട്ടെടുപ്പ് നടക്കും. ആദ്യഘട്ട വോട്ടെടുപ്പ് നടക്കുന്ന 18ല്‍ 12 ഇടത്തും 2013ല്‍ കോണ്‍ഗ്രസാണ് വിജയിച്ചിരുന്നത്.

കഴിഞ്ഞ32 വര്‍ഷമായി ബിജെപിയുമായി ബന്ധപ്പെട്ടിരുന്ന വ്യക്തിയാണ് താന്‍. ഈ കാര്യങ്ങള്‍ എല്ലാം ഇത്ര കാലം മനസ്സില്‍ കൊണ്ടു നടക്കുകയായിരുന്നു ഞാന്‍. അതിനാല്‍ തന്നെയാണ് ഇപ്പോള്‍ ബിജെപി വിടാന്‍ തയ്യാറായിരിക്കുന്നതെന്നും അവര്‍ പറഞ്ഞു.

Atal Bihari Vajpayee & Lal Krishna Advani had established the BJP, the party has lost its ideologies & culture. Keeping these things in mind I left BJP after being associated with the party for 32 years: Karuna Shukla, niece of Atal Bihari Vajpayee pic.twitter.com/LzzYcrEC9W

— ANI (@ANI) October 23, 2018

ബിജെപി വിട്ട് കോണ്‍ഗ്രസിലെത്തിയ കരുണ ശുക്ലയെ ചത്തീസ്ഗഢില്‍ മുഖ്യമന്ത്രി രമണ്‍സിങ്ങിനെതിരെ കോണ്‍ഗ്രസ് സീറ്റില്‍ മത്സരിക്കാന്‍ തീരുമാനിച്ചിരിക്കുകയാണ് പാര്‍ട്ടി. രാജ്‌നന്ദ്ഗാവ് മണ്ഡലത്തിലാണ് കരുണ ശുക്ല കോണ്‍ഗ്രസ് സ്ഥാനാര്‍ത്ഥിയായി മത്സരിക്കുക.

രമണ്‍ സിംഗ് കഴിഞ്ഞ 15 വര്‍ഷക്കാലമായി ഛത്തീസ്ഗഢില്‍ മുഖ്യമന്ത്രിയായി തുടരുകയാണ്. കഴിഞ്ഞ പത്തുവര്‍ഷമായി രാജ്‌നന്ദ്ഗാവിലെ എംഎല്‍എയുമാണ് അദ്ദേഹം. പക്ഷെ അവിടെ ജനങ്ങളുടെ ക്ഷേമത്തിനു വേണ്ടി രമണ്‍ സിംഗ് ഒന്നും ചെയ്തിട്ടില്ലെന്ന് കരുണ ശുക്ല കുറ്റപ്പെടുത്തി.
രാജ്‌നന്ദഗോണിലെ ജനങ്ങള്‍ക്ക് വേണ്ടി യുദ്ധം ചെയ്യാന്‍ കോണ്‍ഗ്രസ് പ്രസിഡന്റ് രാഹുല്‍ ഗാന്ധി തന്നെ ഇങ്ങോട്ട് അയച്ചതെന്നും വാജ്‌പേയിയുടെ അനന്തരവള്‍ കരുണ ശുക്ല കൂട്ടിച്ചേര്‍ത്തു.

Dr Raman Singh has served as CM Chhattisgarh for 15 yrs & as the MLA of Rajnandgaon from last 10 yrs but he didn’t do anything for the betterment of people there. So, Congress president sent me to fight for the people of Rajnandgaon: Karuna Shukla, niece of Atal Bihari Vajpayee pic.twitter.com/LT7IOh57Pw

— ANI (@ANI) October 23, 2018

കോണ്‍ഗ്രസ് പുറത്തിറക്കിയ രണ്ടാമത്തെ സ്ഥാനാര്‍ത്ഥി പട്ടികയിലാണ് കരുണ ശുക്ലയുടെ സ്ഥാനാര്‍ത്ഥിത്വം പ്രഖ്യാപിച്ചത്. സ്‌ക്രീനിങ് കമ്മറ്റിയാണ് കരുണാ ശുക്ലയുടെ പേര് ശുപാര്‍ശ ചെയ്തത്.

ജാന്‍ഗിരി മണ്ഡലത്തില്‍നിന്നുള്ള ബിജെപി എംപിയായിരുന്നു കരുണ ശുക്ല. വാജ്‌പേയി സജീവ രാഷ്ട്രീയത്തില്‍നിന്ന് പിന്മാറിയതിന് പിന്നാലെ ബിജെപി കരുണ ശുക്ലയെ പതിയെ മാറ്റി നിര്‍ത്തി. തുടര്‍ന്നാണ് ഇവര്‍ കോണ്‍ഗ്രസില്‍ ചേര്‍ന്നത്.

ആറ് സ്ഥാനാര്‍ത്ഥികളെയാണ് രണ്ടാംഘട്ട പട്ടികയില്‍ കോണ്‍ഗ്രസ് ഉള്‍പ്പെടുത്തിയിരിക്കുന്നത്. ആദ്യ പട്ടികയില്‍ പന്ത്രണ്ടുപേരുടെ പേരുകള്‍ കോണ്‍ഗ്രസ് പ്രഖ്യാപിച്ചിരുന്നു.

രാജ്‌നന്ദ്ഗാവ് മണ്ഡലത്തിലാണ് കരുണ ശുക്ല കോണ്‍ഗ്രസ് സ്ഥാനാര്‍ത്ഥിയായി മത്സരിക്കുക. കോണ്‍ഗ്രസ് പുറത്തിറക്കിയ രണ്ടാമത്തെ സ്ഥാനാര്‍ത്ഥി പട്ടികയിലാണ് കരുണ ശുക്ലയുടെ സ്ഥാനാര്‍ത്ഥിത്വം പ്രഖ്യാപിച്ചത്. സ്‌ക്രീനിങ് കമ്മറ്റിയാണ് കരുണാ ശുക്ലയുടെ പേര് ശുപാര്‍ശ ചെയ്തത്.

Dr Raman Singh has served as CM Chhattisgarh for 15 yrs & as the MLA of Rajnandgaon from last 10 yrs but he didn’t do anything for the betterment of people there. So, Congress president sent me to fight for the people of Rajnandgaon: Karuna Shukla, niece of Atal Bihari Vajpayee pic.twitter.com/LT7IOh57Pw

— ANI (@ANI) October 23, 2018

ജാന്‍ഗിരി മണ്ഡലത്തില്‍നിന്നുള്ള ബിജെപി എംപിയായിരുന്നു കരുണ ശുക്ല. വാജ്‌പേയി സജീവ രാഷ്ട്രീയത്തില്‍നിന്ന് പിന്മാറിയതിന് പിന്നാലെ ബിജെപി കരുണ ശുക്ലയെ പതിയെ മാറ്റി നിര്‍ത്തി. തുടര്‍ന്നാണ് ഇവര്‍ കോണ്‍ഗ്രസില്‍ ചേര്‍ന്നത്.

ആറ് സ്ഥാനാര്‍ത്ഥികളെയാണ് രണ്ടാംഘട്ട പട്ടികയില്‍ കോണ്‍ഗ്രസ് ഉള്‍പ്പെടുത്തിയിരിക്കുന്നത്. ആദ്യ പട്ടികയില്‍ പന്ത്രണ്ടുപേരുടെ പേരുകള്‍ കോണ്‍ഗ്രസ് പ്രഖ്യാപിച്ചിരുന്നു.

കഴിഞ്ഞ 15 വര്‍ഷവും ഭരണവിരുദ്ധ വികാരം ഉയര്‍ന്നെങ്കിലും കോണ്‍ഗ്രസിന് മുതലെടുക്കാനായില്ല. നേരിയ വോട്ട് ശതമാനത്തിലാണ് മൂന്നു നിയമസഭാ തെരഞ്ഞെടുപ്പുകളിലും കോണ്‍ഗ്രസിന് അധികാരം നഷ്ടപ്പെട്ടത്. 2013ല്‍ നടന്ന തെരഞ്ഞെടുപ്പില്‍ 90 സീറ്റുകളില്‍ 49 സീറ്റുകളില്‍ ബിജെപി വിജയിച്ചു. 39 സീറ്റുകളില്‍ മാത്രം കോണ്‍ഗ്രസ് വിജയം നേടി. ബിജെപിക്ക് 41.04 ശതമാനം വോട്ടുകളും കോണ്‍ഗ്രസിന് 40.29 ശതമാനം വോട്ടുകളും ലഭിച്ചു.

നേരിയ വോട്ടിനാണ് പലയിടങ്ങളിലും കോണ്‍ഗ്രസ് സ്ഥാനാര്‍ത്ഥികള്‍ പരാജയപ്പെട്ടത്. അജിത് യോഗി പാര്‍ട്ടിവിട്ടത് കോണ്‍ഗ്രസിന് കനത്ത തിരിച്ചടിയാണ്. തെരഞ്ഞെടുപ്പ് അടുക്കും തോറും പുറത്തു വരുന്ന ഫലങ്ങള്‍ കോണ്‍ഗ്രസിന് അനുകൂലമാണ്. വരുന്ന തെരഞ്ഞെടുപ്പില്‍ 54 സീറ്റുകള്‍ വരെ കോണ്‍ഗ്രസ് നേടുമെന്ന് എബിപി ന്യൂസ്സി വോട്ടര്‍ അഭിപ്രായ സര്‍വേ സര്‍വേ ഫലം പറയുന്നു.

ബിജെപി 33 സീറ്റുകളും മറ്റുള്ളവര്‍ മൂന്ന് സീറ്റുകളും നേടും. ഛത്തീസ്ഗഡില്‍ കോണ്‍ഗ്രസ് 40ശതമാനം വോട്ടു നേടുമെന്നും ബിജെപിക്ക് 39 ശതമാനം വോട്ടുകള്‍ ലഭിക്കുമെന്നും പ്രവചനമുണ്ട്.

ബി.ജെ.പിയുടെ ബി ടീമായ ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) സഖ്യത്തിലേര്‍പ്പെട്ടതോടെ ബി.എസ്.പി ബി.ജെ.പിയെ സഹായിക്കുകയാണ് ചെയ്തിരിക്കുന്നത്. ബി.എസ്.പിക്കെതിരെ കേന്ദ്ര ഏജന്‍സികളുടെ അന്വേഷണമാണ് തെരഞ്ഞെടുപ്പില്‍ ബി.ജെ.പിയെ സഹായിക്കാന്‍ മായാവതിയെ നിര്‍ബന്ധിക്കുന്നത്. ബി.എസ്.പി പ്രഖ്യാപിച്ച സ്ഥാനാര്‍ത്ഥികളെല്ലാം ബി.ജെ.പിയുടെ നാമനിര്‍ദേശ പ്രകാരമാണ്. ഇതെല്ലാം ഛത്തിസ്ഗഡിലെ ജനങ്ങള്‍ മനസ്സിലാക്കുന്നുണ്ടെന്നും സംസ്ഥാന കോണ്‍ഗ്രസ് അധ്യക്ഷന്‍ ഭൂപേഷ് ബാഗല്‍ പറഞ്ഞു.

അസംബ്ലി തെരഞ്ഞെടുപ്പ് ആസന്നമായ ഛത്തിസ്ഗഡില്‍ അജിത് ജോഗിയുടെ പാര്‍ട്ടിയായ ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) ബി.എസ്.പി വ്യാഴായ്ചയാണ് സഖ്യത്തിലേര്‍പ്പെട്ടത്ത്. 90 അംഗ അസംബ്ലിയില്‍ ബി.എസ്.പിയുടെ 22 സ്ഥാനാര്‍ത്ഥികളെ പ്രഖ്യാപിച്ച മായാവതി, 35 സീറ്റില്‍ ബി.എസ്.പി സ്ഥാനാര്‍ത്ഥികള്‍ മത്സരിക്കുമെന്നും ലഖ്‌നൗവില്‍ പറഞ്ഞിരുന്നു. തെരഞ്ഞെടുപ്പില്‍ സഖ്യം വിജയിക്കുകയാണെങ്കില്‍ അജിത് ജോഗി മുഖ്യമന്ത്രിയാകുമെന്നും വ്യക്തമാക്കി. ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) ചേര്‍ന്ന് ഉടന്‍തന്നെ തെരഞ്ഞെടുപ്പ് പ്രചരണം ആരംഭിക്കുമെന്നും പ്രചരണ റാലികള്‍ നടത്തുന്നത് സംബന്ധിച്ച് ഉടന്‍തന്നെ അന്തിമ തീരുമാനത്തിലെത്തുമെന്നും മായാവതി പത്രസമ്മേളനത്തില്‍ വ്യക്തമാക്കിയിരുന്നു.

അതേസമയം ബി.എസ്.പി പുതിയ സഖ്യം രൂപികരിച്ചതോടെ കോണ്‍ഗ്രസ് വീണ്ടും ദുര്‍ബലരായെന്നും,ബി.എസ്.പി-ജെ.സി.സി സഖ്യത്തിന് ബി.ജെ.പിക്ക് വെല്ലുവിളിയാവില്ലയെന്നും സംസ്ഥാന ബി.ജെ.പി അധ്യക്ഷന്‍ ധരംലാല്‍ കൗശിക് പറഞ്ഞു. വരാനിരിക്കുന്ന തെരഞ്ഞെടുപ്പില്‍ സംസ്ഥാനത്ത് ത്രികോണ മത്സരത്തിനാവും കളമൊരുങ്ങുക. എന്നാല്‍ തുടര്‍ച്ചയായ നാലാം തവണയും ബി.ജെ.പി ഛത്തിസ്ഗഡില്‍ സര്‍ക്കാര്‍ രൂപികരിക്കുമെന്നും അദ്ദേഹം കൂട്ടിച്ചേര്‍്ത്തു. 2003 മുതല്‍ ബി.ജെ.പിയാണ് ഛത്തിസ്ഗഡ് ഭരിക്കുന്നത്. രമണ്‍ സിങ് ആണ് മുഖ്യമന്ത്രി.