ബാലവേല, ബാലവിവാഹം എന്നിവ കണ്ടെത്താന്‍ ലക്ഷ്യമിട്ട് 12 പരിശോധനകളാണ് ഇക്കാലയളവില്‍ നടത്തിയത്. എ.ഡി.എം. എന്‍.എം. മെഹറലിയുടെ അധ്യക്ഷതയില്‍ യോഗം ചേര്‍ന്ന് ശരണബാല്യം പദ്ധതി അവലോകനം ചെയ്തു. പുല്‍പ്പറ്റ പഞ്ചായത്തിലെ അടക്കാകളത്ത് 14നും 18നും ഇടയിലുള്ള ഇതര സംസ്ഥാനക്കാരായവര്‍ ജോലി ചെയ്യുന്നെന്ന വിവരം ലഭിച്ചതിനെ തുടര്‍ന്ന് പരിശോധന നടത്തിയതായി മലപ്പുറം ജില്ലാ ശിശുസംരക്ഷണ ഓഫീസര്‍.

ഇവിടെ ജോലി ചെയ്യുന്ന 18നു താഴെയുള്ള പെണ്‍കുട്ടികള്‍ വിവാഹിതരാണെന്നും മൂന്ന് മുതല്‍ ആറ് മാസം വരെ ജോലി കാലയളവായതിനാല്‍ അവരെ സ്‌കൂളില്‍ വിടാന്‍ കഴിയുന്നില്ലെന്നും തൊഴില്‍ ഉടമകളില്‍ നിന്നും വിവരം ലഭിച്ചതായും അവര്‍ പറഞ്ഞു. ബാലവിവാഹം ജില്ലയില്‍ കുറവാണെന്നും അപൂര്‍വമായി ചില പ്രദേശങ്ങളില്‍ നടക്കുന്നുണ്ടെന്നും ഇത് തടയാന്‍ ബോധവത്കരണം നടത്തണമെന്നും അഭിപ്രായമുയര്‍ന്നു. ബാലികവിവാഹം തടയുന്നതിന് സ്‌കൂളുകള്‍ കേന്ദ്രീകരിച്ച് ബോധവത്കരണം നടത്താനും തീരുമാനിച്ചു.

പേനയോ അതുപോലുള്ള ചെറിയ വസ്തുക്കളോ വില്‍ക്കുന്നതിന് കുട്ടികള്‍ രക്ഷിതാക്കളെ സഹായിക്കുന്നത് എങ്ങനെയാണ് ബാലവേലയാവുന്നതെന്ന് ജസ്റ്റിസ് വിജി അരുണ്‍ വിധിന്യായത്തില്‍ ചോദിച്ചു. കുട്ടികളെ തെരുവില്‍ കച്ചവടത്തിനല്ല പഠിക്കാനാണ് വിടേണ്ടത് എന്നതില്‍ തര്‍ക്കമില്ല. എന്നാല്‍ മാതാപിതാക്കള്‍ നാടോടി ജീവിതം നയിക്കുമ്പോള്‍ എങ്ങനെയാണ് കുട്ടികള്‍ക്ക് വിദ്യാഭ്യാസം നല്‍കാനാവുക ? എന്തൊക്കെയായാലും കുട്ടികളെ മാതാപിതാക്കളില്‍ നിന്നും വേര്‍പെടുത്തി പാര്‍പ്പിച്ച നടപടി ശരിയല്ല. ദരിദ്രരാവുകയെന്നത് കുറ്റകരമല്ലെന്ന്, ഗാന്ധിജിയെ ഉദ്ധരിച്ചുകൊണ്ട് കോടതി അഭിപ്രായപ്പെട്ടു.