child_abuse – Chandrika Daily

ഒമ്പതാംക്ലാസുകാരിയെ പീഡിപ്പിച്ച സംഭവം പ്രതികളുടെ അറസ്റ്റ് വൈകുന്നു

chandrika — Fri, 28 Jun 2019 11:54:53 +0000

കോഴിക്കോട്: ഒമ്പതാംക്ലാസ് വിദ്യാര്‍ത്ഥിനിയെ വിവിധ സ്ഥലങ്ങളില്‍ കൊണ്ടുപോയി പീഡിപ്പിച്ച സംഭവവുമായി ബന്ധപ്പെട്ട കേസില്‍ അറസ്റ്റ് വൈകുന്നു. സംഭവം കഴിഞ്ഞ് ഒരു മാസമായിട്ടും പ്രതികളെപ്പറ്റി വ്യക്തമായ ചിത്രം പൊലീസിന് ലഭിച്ചിട്ടില്ല. അതേസമയം, പ്രതികളുടെ വിവരങ്ങള്‍ ലഭിക്കാന്‍ ഫെയ്‌സ് ബുക്ക് വഴി അന്വേഷണം നടത്തുകയാണ് പൊലീസ്. പെണ്‍കുട്ടിയുടെ ഫെയ്‌സ് ബുക്ക് സുഹൃത്തുക്കളില്‍ ചിലരുടെ ഫോട്ടോകള്‍ പൊലീസിന് ലഭിച്ചിരുന്നു. ഇവരെപ്പറ്റി വ്യക്തമായ വിവരം നല്‍കാന്‍ പെണ്‍കുട്ടിക്ക് കഴിഞ്ഞിട്ടില്ല.
പെണ്‍കുട്ടിയെ യുവാക്കള്‍ എത്തിച്ച സ്ഥലങ്ങളിലെല്ലാം പൊലീസ് അന്വേഷണം നടത്തിയിരുന്നു. വനിതാപൊലീസിന്റെ സഹായത്തോടെയാണ് പെണ്‍കുട്ടിയെ തെളിവെടുപ്പിനായി എത്തിച്ചത്. ഇപ്പോള്‍ ചൈല്‍ഡ് ഹോമില്‍ കഴിയുന്ന പെണ്‍കുട്ടി മാനസികമായി തളര്‍ന്നിരിക്കുന്നതായി പൊലീസ് പറഞ്ഞു. പീഡിപ്പിച്ച സംഘത്തില്‍ എട്ടു പേര്‍ ഉണ്ടായിരുന്നുവെന്നാണ് വിദ്യാര്‍ത്ഥിനി മൊഴി നല്‍കിയിരുന്നത്.
അതേസമയം, ചേവായൂര്‍ പൊലീസിന് നല്‍കിയ മൊഴിയും അന്വേഷണസംഘത്തോട് പറഞ്ഞ കാര്യങ്ങളിലും വൈരുധ്യമുണ്ടെന്നും ചൂണ്ടികാണിക്കപ്പെടുന്നു. പീഡനം നടന്ന സമയം, സ്ഥലം, തിയതി എന്നീ കാര്യങ്ങളില്‍ വ്യക്തത വരുത്താന്‍ പൊലീസിന് ഇനിയും സാധിച്ചിട്ടില്ല എന്നത് പ്രശ്‌നമാവുകയാണ്.
കോടതിയുടെ അനുമതിയോടെ പെണ്‍കുട്ടിയുടെ മൊഴി വീണ്ടും എടുക്കാനാണ് പൊലീസിന്റെ നീക്കം. മേയ് 24നാണ് സംഭവത്തില്‍ കേസെടുത്തത്. പതിനാലുകാരിയായ വിദ്യാര്‍ത്ഥിനിയെ നല്ലളം, ബേപ്പൂര്‍, ചേവായൂര്‍, മാറാട്, പന്തീരാങ്കാവ് എന്നിവിടങ്ങളിലെ വിവിധ സ്ഥലങ്ങളില്‍ കൊണ്ടുപോയി പീഡിപ്പിച്ചുവെന്നാണ് പരാതി. വിവിധ പൊലീസ് സ്റ്റേഷന്‍ പരിധികളില്‍ നടന്ന സംഭവമായതിനാല്‍ പ്രതികളെ കണ്ടെത്താനും അറസ്റ്റ് നടത്താനും താമസം നേരിടുമെന്നാണ് പൊലീസിന്റെ ഭാഗത്തുനിന്നുള്ള വിശദീകരണം.

വിമാനത്തില്‍ വെച്ച് ലൈംഗിക കയ്യേറ്റം; പൊട്ടിക്കരഞ്ഞ് ദംഗല്‍ നായിക സൈറ വസീം

chandrika — Sun, 10 Dec 2017 06:48:14 +0000

ഡല്‍ഹി:ഡല്‍ഹി-മുംബൈ വിമാനത്തില്‍ വച്ച് തനിക്ക് നേരെ ലൈംഗികാതിക്രമമുണ്ടായെന്ന് തുറന്ന് പറഞ്ഞ് ദംഗല്‍ നായിക സൈറ വസീം. ഇന്‍സ്റ്റഗ്രാം വീഡിയോയിലാണ് ഈ ദുരനുഭവത്തെക്കുറിച്ച് സൈറ വെളഇപ്പെടുത്തിയത്. എയര്‍ വിസ്താര എയര്‍ലൈനില്‍ വച്ചാണ് സംഭവം. ഇതിനെക്കുറിച്ച് വളരെ വൈകാരികമായാണ് സൈറയുടെ പ്രതികരണം.

Somebody misbehaved with her in the flight Strict actions must be taken on this incident OMG she is Crying #zairawasim #zaira #zairawasim #zairawasim #zaira #zairawasim #zaira #zairawasim #zaira @zairawasim_

A post shared by Zaira Wasim Fans (@zaira_wasim123) on Dec 9, 2017 at 9:46pm PST

All of You Are requested to share #shameonvistaraairlines #share We are with you @zairawasim_ If this can happen with #zairawasim it can happen with Anyone .. Raise your voice #repost #shameless #acts #bollywood #airport #flight #flightattendant #fools #hashtags #live #follow4follow #like4like

A post shared by zaira wasim (@zaira_wasimworld) on Dec 10, 2017 at 12:35am PST

വിമാനത്തില്‍ യാത്ര ചെയ്യുന്നതിനിടെ നടിക്കുനേരെ ശാരീരിക അതിക്രമം ഉണ്ടാവുകയായിരുന്നു. പിന്‍ സീറ്റില്‍ യാത്ര ചെയ്തിരുന്ന ആള്‍ സൈറയെ ശാരീരികമായി ദുരുപയോഗം ചെയ്യാന്‍ ശ്രമിക്കുകയായിരുന്നുവെന്നും സൈറ പറയുന്നു. ഒരു പെണ്‍കുട്ടിയോട് ഇത്തരത്തിലാണോ പെരുമാറേണ്ടത്, സ്വയം സഹായിക്കാന്‍ പെണ്‍കുട്ടികള്‍ ശ്രമിക്കാതെ ആരും സഹായിക്കാന്‍ ഉണ്ടാവില്ലെന്നും നടി പറയുന്നുണ്ട്. അറിയാതെ സംഭവിച്ചതാണെന്ന് ആദ്യം കരുതിയത്. എന്നാല്‍ പിന്നീടും തോണ്ടലും തലോടലും തുടരുകയായിരുന്നുവെന്നും സൈറ വ്യക്തമാക്കുന്നു.

അതേസമയം, നടിയുടെ ആരോപണം അന്വേഷിക്കുമെന്ന് എയര്‍ലൈന്‍ അധികൃതര്‍ വിശദമാക്കി. തന്നെ ഉപദ്രവിച്ച ആളുടെ ചിത്രമെടുക്കാന്‍ ശ്രമിച്ചെങ്കിലും വെളിച്ചക്കുറവ് മൂലം മുഖം കൃത്യമായി ലഭിച്ചില്ലെന്ന് നടി പറഞ്ഞു. എയര്‍ലൈന്‍ ജീവനക്കാര്‍ സഹായിച്ചില്ലെന്നും സൈറ ആരോപിക്കുന്നുണ്ട്. അതിനിടെ, സംഭവത്തില്‍ കേസെടുക്കുമെന്ന് ദേശീയ വനിതാകമ്മീഷന്‍ അറിയിച്ചു. എന്നാല്‍ മുംബൈ എയര്‍പോര്‍ട്ട് പോലീസ് സ്‌റ്റേഷനില്‍ ഇത് സംബന്ധിച്ച ഔദ്യോഗിക പരാതി ഇതുവരെ ലഭിച്ചിട്ടില്ല.

ബാലഭവനിലെ പ്രകൃതിവിരുദ്ധ പീഡനം; ഒളിവിലായിരുന്ന വൈദികന്‍ പിടിയില്‍

chandrika — Tue, 18 Jul 2017 04:05:53 +0000

കല്‍പ്പറ്റ: വയനാട് മീനങ്ങാടിയില്‍ ബാലഭവനിലെ ആണ്‍കുട്ടികളെ പ്രകൃതിവിരുദ്ധ പീഡനത്തിനിരയാക്കിയ വൈദികന്‍ പിടിയില്‍. കണ്ണൂര്‍ കൊട്ടിയൂര്‍ സ്വദേശി സജി ജോസഫാണ് പിടിയിലായത് ഒളിവില്‍ പോയ പുരോഹിതനെ മംഗലാപുരത്തുവെച്ചാണ് പോലീസ് പിടികൂടുന്നത്.

മീനങ്ങാടി ബാലഭവനില്‍ വൈദികനായിരുന്ന സജിക്കെതിരെ പരാതി ലഭിച്ചതിനെത്തുടര്‍ന്ന് പൊലീസ് നേരത്തെ പോക്‌സോ നിയമപ്രകാരം കേസെടുത്തിരുന്നു. ഇക്കഴിഞ്ഞ അവധിക്കാലത്താണ് വൈദികന്‍ കുട്ടികളെ ലൈംഗികമായി പീഡിപ്പിച്ചത്. ഇതുസംബന്ധിച്ച് പീഡനത്തിന് ഇരയായ കൂട്ടികള്‍ പൊലീസില്‍ മൊഴി നല്‍കിയിട്ടുണ്ട്. ചൈല്‍ഡ്‌ലൈന്‍ നടത്തിയ കൗണ്‍സിലിങിനിടെയാണ് സംഭവം പുറത്തായത്. ഇതേത്തുടര്‍ന്നാണ് പൊലീസ് കേസെടുത്തത്. സംഭവം വിവാദമായതോടെ മീനങ്ങാടി ബാലഭവന്‍ ഇപ്പോള്‍ പൂട്ടിയിട്ടിരിക്കുകയാണ്.