രോഹിത് നയിക്കുന്ന ഇന്ത്യ തങ്ങളുടെ ഉദ്ഘാടന മത്സരത്തില്‍ അണ്ടര്‍ഡോഗ് ചിലിയെ നേരിടും. എഫ്‌ഐഎച്ച് അംഗീകൃത ഇവന്റില്‍ ഇരുവരും പരസ്പരം കളിച്ചിട്ടില്ല.

2016-ല്‍ ഉത്തര്‍പ്രദേശിലെ ലഖ്നൗവില്‍ ആതിഥേയത്വം വഹിച്ച എഫ്‌ഐഎച്ച് ജൂനിയര്‍ പുരുഷ ലോകകപ്പ് ഇന്ത്യ അവസാനമായി നേടിയിരുന്നു – തുടര്‍ന്നുള്ള ദശകത്തില്‍ ഇന്ത്യന്‍ ക്യാപ്റ്റന്‍ ഹര്‍മന്‍പ്രീത് സിംഗ്, മന്‍ദീപ് സിംഗ്, ഗുര്‍ജന്ത് സിംഗ്, വരുണ്‍ കുമാര്‍, സുമിത്, നീലകണ്ഠ ശര്‍മ്മ, സിമ്രാന്‍ജീത് സിംഗ് എന്നിവരുള്‍പ്പെടെയുള്ള സീനിയര്‍ സൈഡ് താരങ്ങള്‍ക്ക് ഈ ടൂര്‍ണമെന്റ് ലഭിച്ചു.

തമിഴ്നാട്ടിലെ ടൂര്‍ണമെന്റ് ലോക ഹോക്കിയില്‍ താരങ്ങള്‍ ഉയര്‍ന്നുവരുന്ന വേദിയാകും. കൂടാതെ ഇന്ത്യയ്ക്ക് ഭാവിയെ തിരിച്ചറിയാനും അലങ്കരിക്കാനുമുള്ള അവസരമായിരിക്കും.

ഗ്രൂപ്പ് ഘട്ടത്തില്‍, നവംബര്‍ 29 ന് ചെന്നൈയില്‍ നടക്കുന്ന രണ്ടാം മത്സരത്തില്‍ ഇന്ത്യ ഒമാനെയും ഡിസംബര്‍ 2 ന് മധുരയില്‍ സ്വിറ്റ്‌സര്‍ലന്‍ഡിനെയും നേരിടും.

ചിലിയുടെ കോച്ച് മാറ്റിയാസ് അമോറോസോ പറഞ്ഞു, ‘ഇന്ത്യയിലെ ചെന്നൈയില്‍ എത്തുന്നതില്‍ ഞങ്ങള്‍ വളരെ ആവേശഭരിതരാണെന്നും ഹോം ടീമിനെതിരായ ഞങ്ങളുടെ ആദ്യ മത്സരത്തിനായി കാത്തിരിക്കുകയാണ്. ഞങ്ങള്‍ ഒരിക്കലും വലിയ കാണികളുടെ മുന്നില്‍ കളിച്ചിട്ടില്ല, അതിനാല്‍ ടീം വളരെയധികം ആവേശത്തിലാണ്, അതിനാല്‍ നാളെ കാണാന്‍ ധാരാളം ആളുകള്‍ എത്തും. ഞങ്ങളുടെ മികച്ച പ്രകടനം നടത്താന്‍ ഞങ്ങള്‍ ആഗ്രഹിക്കുന്നു.’

കാനഡ, ദക്ഷിണാഫ്രിക്ക, അയര്‍ലന്‍ഡ് എന്നിവയ്ക്കൊപ്പം പൂള്‍ എയില്‍ നിലവിലെ ചാമ്പ്യന്മാരായ ജര്‍മ്മനിക്കൊപ്പം 24 ടീമുകളാണ് ടൂര്‍ണമെന്റില്‍ പങ്കെടുക്കുന്നത്. പൂള്‍ ബിയില്‍ ഇന്ത്യ, ഒമാന്‍, സ്വിറ്റ്സര്‍ലന്‍ഡ്, ചിലി എന്നിവരും പൂള്‍ സിയില്‍ അര്‍ജന്റീന, ന്യൂസിലാന്‍ഡ്, ജപ്പാന്‍, ചൈന എന്നിവരും ഉള്‍പ്പെടുന്നു. പൂള്‍ ഡിയില്‍ സ്‌പെയിന്‍, ബെല്‍ജിയം, ഈജിപ്ത്, നമീബിയ എന്നിവരും പൂള്‍ ഇയില്‍ നെതര്‍ലാന്‍ഡ്, മലേഷ്യ, ഇംഗ്ലണ്ട്, ഓസ്ട്രിയ എന്നിവരും പൂള്‍ എഫില്‍ ഫ്രാന്‍സ്, ഓസ്ട്രേലിയ, കൊറിയ, ബംഗ്ലാദേശ് എന്നിവരും ഉണ്ട്.

അവസാന ഘട്ടം വരെ അര്‍ജന്റീനയെ സമര്‍ഥമായി തടഞ്ഞുനിര്‍ത്തിയ ചിലി പ്രതിരോധം ആദ്യപകുതിയില്‍ കോട്ട കെട്ടിയിരുന്നു. പന്തിന്മേല്‍ വ്യക്തമായ ആധിപത്യം പുലര്‍ത്തുകയും എതിരാളികളുടെ ഹാഫിലേക്ക് നിരന്തരം കയറിയെത്തുകയും ചെയ്തിട്ടും ഉറച്ച ഗോളവസരങ്ങള്‍ തുറന്നെടുക്കുന്നതില്‍നിന്ന് മെസ്സിയെയും സംഘത്തെയും അവര്‍ ഫലപ്രദമായി തടഞ്ഞു. കരുത്തരായ എതിരാളികള്‍ക്കെതിരെ സമനില ലക്ഷ്യമിട്ട് കളിക്കുന്നതുപോലെയായിരുന്നു ചിലിയുടെ നീക്കങ്ങള്‍. ഇടവേളവരെ ചിലിയുടെ വെറ്ററന്‍ ഗോളി ക്ലോഡിയോ ബ്രാവോയെ കാര്യമായി പരീക്ഷിക്കാന്‍ അര്‍ജന്റീനക്ക് കഴിഞ്ഞില്ല. ബോക്‌സിന് പുറത്തുനിന്ന് ഷോട്ടുകള്‍ തൊടുക്കാനുള്ള ഹൂലിയന്‍ ആല്‍വാരസിന്റെയും റോഡ്രിഗോ ഡി പോളിന്റേയുമൊക്കെ ശ്രമങ്ങള്‍ ലക്ഷ്യം തെറ്റി.

13 ഷോട്ടുകള്‍ ആദ്യപകുതിയില്‍ അര്‍ജന്റീന പായിച്ചതില്‍ ഗോള്‍വലക്ക് നേരെയെത്തിയത് മൂന്നെണ്ണം മാത്രം. പ്രതിരോധത്തില്‍ ശ്രദ്ധയൂന്നിയ ചിലിയാകട്ടെ, ആദ്യപകുതിയില്‍ ഒരു ഷോട്ടുപോലും അര്‍ജന്റീനയുടെ ഗോള്‍മുഖത്തേക്ക് പായിച്ചില്ലെന്നത് ശ്രദ്ധേയമായി. ഏയ്ഞ്ചല്‍ ഡി മരിയയുടെ അഭാവം പ്രകടമായ ആദ്യപകുതിയില്‍ നിക്കോളാസ് ഗോണ്‍സാലസിന് ബോക്‌സില്‍ അപകടകാരിയാവാന്‍ കഴിഞ്ഞില്ല. 35-ാം മിനിറ്റില്‍ ബോക്‌സിന് പുറത്തുനിന്ന് മെസ്സി തൊടുത്ത തകര്‍പ്പന്‍ ഗ്രൗണ്ടര്‍ വലതു പോസ്റ്റിനിടിച്ചാണ് വഴിമാറിയത്.

ഇടവേളക്കുശേഷം ഇരുനിരയും ആക്രമണ-പ്രത്യാക്രമണങ്ങള്‍ക്കിറങ്ങിയപ്പോള്‍ കളി ആവേശകരമായി. 50-ാം മിനിറ്റില്‍ മെസ്സിയുടെ പാസില്‍ നഹുവേല്‍ മൊളീനയുടെ കിടിലന്‍ ഷോട്ട് ശ്രമകരമായാണ് ബ്രാവോ തടഞ്ഞത്. ഇതിനു ലഭിച്ച കോര്‍ണര്‍കിക്കില്‍ നിന്നുവന്ന നീക്കത്തില്‍ ലിസാന്‍ഡ്രോ മാര്‍ട്ടിനെസിന്റെ ഷോട്ട് ചിലി ഡിഫന്‍ഡറുടെ കൈകളില്‍തട്ടി വഴിമാറിയെങ്കിലും അര്‍ജന്റീനയുടെ പെനാല്‍റ്റി വാദങ്ങളെ റഫറി അംഗീകരിച്ചില്ല. അര്‍ജന്റീന ആക്രമണം കനപ്പിച്ചുതുടങ്ങുകയായിരുന്നു. 56-ാം മിനിറ്റില്‍ മെസ്സി ബോക്‌സിലേക്ക് ഉയര്‍ത്തിയിട്ട ഫ്രീകിക്കില്‍ മക് അലിസ്റ്റര്‍ക്ക് ഒന്നുകാല്‍വെച്ചാല്‍ വല കുലുക്കാമായിരുന്നു. പ?ക്ഷേ, പന്ത് എത്തിപ്പിടിക്കാനായില്ല. കളി ഒരു മണിക്കൂര്‍ പിന്നിട്ടതിന് തൊട്ടുപിന്നാലെയാണ് ഏറ്റവും മൂര്‍ച്ചയേറിയ ആക്രമണം അര്‍ജന്റീനയുടെ ഭാഗത്തുനിന്നുണ്ടായത്. പന്തുമായി ബോക്‌സില്‍ കയറിയ നി?ക്കോളാസ് ഗോണ്‍സാലസിന്റെ ചാട്ടുളി കണക്കേയുള്ള ഷോട്ട് ബ്രാവോയുടെ കൈകളില്‍ തട്ടിയശേഷം ഗോള്‍പോസ്റ്റിനിടിച്ചാണ് ലക്ഷ്യംതെറ്റിയത്.

മധ്യനിരയില്‍ എന്‍സോ ഫെര്‍ണാണ്ടസിനെ മാറ്റി അര്‍ജന്റീന ജിയോവാനി ലോ ചെല്‍സോയെ കൊണ്ടുവന്നു. ഗോളെന്ന അജണ്ട മുന്‍നിര്‍ത്തി ഡി മരിയയും ലൗതാറോ മാര്‍ട്ടിനെസും പിന്നാലെയെത്തി. ആല്‍വാരെസും ഗോണ്‍സാലസും തിരിച്ചുകയറി. ഇതോടെ മുന്നേറ്റം ചടുലമായി. ഇതിനിടയില്‍, മത്സരത്തിലെ തങ്ങളുടെ ആദ്യത്തെ ഉറച്ച അവസരം ചിലി തുറന്നെടുത്തത് 71-ാം മിനിറ്റില്‍. റോഡ്രിഗോ എചെവെറിയയുടെ ഷോട്ട് എമിലിയാനോ മാര്‍ട്ടിനെസ് ശ്രമകരമായി തടഞ്ഞു. ഇതിന്റെ തനിയാവര്‍ത്തനം 76-ാം മിനിറ്റില്‍. ഇക്കുറിയും മാര്‍ട്ടിനെസിന്റെ വിശ്വസ്ത കരങ്ങള്‍ അര്‍ജന്റീനയുടെ കൂട്ടിനെത്തി.

അവസാന ഘട്ടത്തില്‍ ചിലിയുടെ ഒറ്റപ്പെട്ട പ്രത്യാക്രമണങ്ങള്‍ക്ക് മൂര്‍ച്ചയുണ്ടായിരുന്നു. അര്‍ജന്റീയാകട്ടെ, വല ലക്ഷ്യമിട്ട് നിറയൊഴിക്കാനാകാതെ ചിലി ഡിഫന്‍സിനുമുന്നില്‍ നിരന്തരം തോല്‍വി വഴങ്ങി. ഒടുവില്‍ കോര്‍ണര്‍ കിക്കില്‍നിന്നുവന്ന നീക്കത്തില്‍ ലൗതാറോ മാര്‍ട്ടിനെസ് വല കുലുക്കിയതോടെ കളത്തിലും ഗാലറിയിലും ആഘോഷം കനക്കുകയായിരുന്നു. വാറിലെ പരിശോധനയിലും വിശുദ്ധമാക്കപ്പെട്ട് ഗോള്‍ അംഗീകരിച്ചതോടെ മെസ്സിക്കും കൂട്ടര്‍ക്കും ആശ്വാസമായി. ഇഞ്ചുറി ടൈമിന്റെ അവസാന മിനിറ്റില്‍ ഗോളി മാത്രം നില്‍ക്കേ രണ്ടാം ഗോളിനുള്ള അവസരം മാര്‍ട്ടിനെസ് അവിശ്വസനീയമായി പാഴാക്കിയില്ലെങ്കില്‍ അര്‍ജന്റീന വിജയം കൂടുതല്‍ കേമമായേനേ.

കോച്ച് ലയണല്‍ സ്‌കലോനിയുടെ ആക്രമണ തന്ത്രം തുടക്കം മുതലെ പുറത്തെടുത്ത അര്‍ജന്റീന 12-ാം മിനിറ്റില്‍ തന്നെ ലക്ഷ്യം കണ്ടു. സ്വന്തം ഹാഫില്‍ നിന്നും മെസി പൊടുന്നനെ നീട്ടിയ നീള പാസ് അഗ്യൂറോ തന്റെ തനത് വേഗതയില്‍ വലയിലെത്തിക്കുകയായിരുന്നു. ഗോള്‍ കണ്ടെതോടെ അധിപത്യം പുലര്‍ത്തിയ മെസിയും സംഘവും മൈതാനത്ത് സുന്ദരമായ നീക്കങ്ങളാണ് പുറത്തെടുത്തത്. ആദ്യ ഗോളിന് 10 മിനിറ്റുകള്‍ പിന്നിടുംമുന്നേ ആദ്യ ഇലവനില്‍ തന്നെ അവസരം ലഭിച്ച പൗളോ ഡിബാലയും ലീഡ് ഉയര്‍ത്തി. ബോക്‌സിലേക്ക് വന്നെത്തിയ പന്ത് ഇടതു വിങ്ങിലെ കൃത്യമായ ഇടപടിലൂടെ യുവന്റസ് താരം വലയിലെത്തിക്കുകയായിരുന്നു. കോപ്പയിലെ ഡിബാലയുടെ ആദ്യ ഗോളാണിത്.

തുടര്‍ന്ന് പരുക്കനായി മാറിയ കളിയുടെ ആവേശം പലപ്പോഴും കയ്യാങ്കളിയിലും എത്തി. 37ാം മിനിറ്റില്‍ ചിലിയുടെ ഔട്ട് ലൈനില്‍ വെച്ച് പന്തിനായി നടത്തിയ തള്ളാണ് മെസിയെയും ചിലെ താരം ഗാരി മെദലിനും ചുവപ്പുകാര്‍ഡിലേക്ക് എത്തിച്ചത്. സൂപ്പര്‍താരം ലയണല്‍ മെസ്സി രാജ്യന്തര മത്സരത്തില്‍ ഇത് രണ്ടാം തവണയാണ് ചുവപ്പുകാര്‍ഡ് കണ്ടു പുറത്താവുന്നത്. ആകെ 37 ഫൗളുകള്‍ കണ്ട മല്‍സരത്തില്‍ ഏഴ് മഞ്ഞക്കാര്‍ഡുകളും റഫറി പുറത്തെടുത്തു.

ഇതോടെ 10 പേരുമായി നടന്ന മല്‍സരത്തിന്റെ 59-ാം മിനിറ്റില്‍ പെനാല്‍റ്റിയിലൂടെ അര്‍തുറോ വിദാലാണ് ചിലിയുടെ ആശ്വാസ ഗോള്‍ നേടിയത്. കായികമായി എതിര്‍ത്ത ഗാരി മെദലിനെതിരെ കാര്യമായ ഫൗളൊന്നും ചെയ്യാതിരുന്നിട്ടും മെസിക്കു ചുവപ്പുകാര്‍ഡ് നല്‍കിയതും രണ്ടാം പകുതിയില്‍ ചിലിക്ക് അനുവദിച്ച പെനല്‍റ്റിയും റഫറിയെ വിവാദത്തിലാക്കിയിട്ടുണ്ട്.

Ladies and gentlemen, please take your seats. Introducing #Alexis7…#GGMU #MUFC @Alexis_Sanchez pic.twitter.com/t9RIIx4mE4

— Manchester United (@ManUtd) January 22, 2018

2014ല്‍ ബാഴ്‌സലോണ വിട്ട് ആഴ്‌സണലില്‍ എത്തിയ സാഞ്ചസ് പക്ഷെ തന്റെ കരാര്‍ പിന്നീട് പുതുക്കാന്‍ തയ്യാറായിരുന്നില്ല. 2014 ഇല്‍ അടുത്ത ജൂണില്‍ കരാര്‍ തീരുന്ന താരത്തെ വെറുതെ നഷ്ടമാവും എന്നറിയാവുന്ന ആഴ്‌സണല്‍ ജനുവരിയില്‍ തന്നെ താരത്തെ വില്‍ക്കാന്‍ തയ്യാറാവുകയായിരുന്നു. താരത്തെ മാഞ്ചസ്റ്റര്‍ സിറ്റി സ്വന്തമാക്കും എന്നുറപ്പിച്ചിരിക്കെ അസാധാരണ നീക്കത്തിലൂടെയാണ് യുണൈറ്റഡ് സ്വന്തമാക്കിയത്.

കഴിഞ്ഞ ട്രാന്‍സ്ഫര്‍ വിന്‍ഡോയില്‍ സാഞ്ചസിനായി 60 മില്യണ്‍ മുടക്കാന്‍ തയ്യാറായ സിറ്റി പക്ഷെ ഇത്തവണ അത് 20 മില്യണ്‍ ആയി ചുരുക്കിയതോടെയാണ് അവസരം മുതലാക്കാന്‍ യുണൈറ്റഡ് രംഗത്ത് എത്തിയത്.  സഞ്ചസിന് പകരക്കാരനായി യൂണൈറ്റഡ് താരം മികിതാര്യന്‍ ആഴ്‌സണലില്‍ ചേരും.

ഇതാദ്യമായാണ് ജര്‍മനി കോണ്‍ഫെഡറേഷന്‍സ് കപ്പ് ജേതാക്കളാവുന്നത്. ഇതോടെ ഫ്രാന്‍സിന് ശേഷം ലോകകപ്പും കോണ്‍ഫെഡറേഷന്‍സ് കപ്പും ഒപ്പം നേടുന്ന ടീമായി ജര്‍മനി.

കളിയുടെ 20-ാം മിനിറ്റില്‍ ചിലി താരം മാഴ്‌സലോ ദയസിന്റെ വന്ന പിഴവില്‍ മിഡ്ഫീല്‍ഡര്‍ ലാര്‍സ് സ്റ്റിന്‍ഡിലാണ് ജര്‍മനിയുടെ വിജയഗോള്‍ നേടിയത്. മാഴ്‌സലോയുടെ പിഴവ് നിന്നും പന്ത് കിട്ടിയ ടിമോ വെര്‍ണര്‍, ചിലി പോസ്റ്റില്‍ തക്കം പാര്‍ത്തുനിന്ന ജര്‍മന്‍ ഗോളടിയന്ത്രം സ്റ്റിന്‍ഡിലിന് അനായാസം എത്തിക്കുകയായിരുന്നു.

ആക്രമിച്ചു കളിക്കുന്നതിനിടെ അപ്രതീക്ഷിതമായാണ് കളിയുടെ ഗതിമാറ്റി ചിലി പോസ്റ്റില്‍ ഗോള്‍ വീണത്. ജര്‍മന്‍ പോസ്റ്റിലേത്തക്ക് ചിലി നടത്തിയ ഗോളന്നുറച്ച ഒരു നീക്കം പെട്ടന്ന് പ്രത്യാക്രമണത്തിലേക്കും പിന്നീട് ജര്‍മനിയുടെ വിജയ ഗോളുമായി മാറുകയായിരുന്നു.

ചിലിയുടെ ഡിഫന്‍സിലെ മിസ്സില്‍ നിന്നും പന്ത് കിട്ടുമ്പോള്‍ മുന്നോട്ട് കയറിവരുന്ന ഗോളി മാത്രമായിരുന്നു വെര്‍ണര്‍ക്ക് എതിരാളി. പിന്നീട് ഒപ്പം കയറിയ സഹായി സ്റ്റിഡിലിന് പന്ത് തട്ടിക്കൊടുക്കുകയായി. ഒഴിഞ്ഞ ഗോള്‍പോസ്റ്റിന് മുന്നില്‍ പന്ത് കിട്ടിയ സ്റ്റിഡലിന് പിന്നെ ഗോളടിക്കുക മാത്രമായി പണി. വിജയഗോളിനൊപ്പം ടൂര്‍ണമെന്റിലെ തന്റെ ഗോള്‍ സമ്പാദ്യം മൂന്നാക്കി ജര്‍മന്‍ യുവനിരയിലെ പുതിയ ഗോളടി വീരന്‍.

കൂടുതല്‍ നേരം പന്തു കൈവശം വച്ചും അക്രമച്ചും കളിയില്‍ ആധിപത്യം പുലര്‍ത്തിയ ചിലി, പന്ത് ജര്‍മന്‍ ഗോള്‍വലയില്‍ എത്തിക്കുന്നതില്‍ പരാജയപ്പെടുകയായിരുന്നു. അവസാന മിനിറ്റുകളില്‍ ജര്‍മന്‍ ഗോള്‍കീപ്പര്‍ മാര്‍ക് ആന്ദ്രെ ടെര്‍സ്റ്റെഗന്റെ ഉജ്വല സേവുകന്‍ ചിലിക്ക് മുന്നില്‍ വന്‍മതിലുമായി. ജയത്തോടെ ജര്‍മനി ഫിഫ റാങ്കിങിലും ഒന്നാം സ്ഥാനത്ത്‌ എത്തി.

പടുകൂറ്റന്‍ പതാകക്ക് പുറമെ മത്സരം കാണാന്‍ പോയ 12000-ലധികം ആരാധകരുടെ കൈകളിലും ഫലസ്തീന്‍ പതാകയുണ്ടായിരുന്നു. കുടിയേറിയ ഫലസ്തീന്‍ വംശജര്‍ക്കൊപ്പം തദ്ദേശീയരായ ചിലിയന്‍ ആരാധകരും ഇസ്രാഈലിന്റെ ക്രൂരതയില്‍ ബുദ്ധിമുട്ടുന്ന ഫലസ്തീനോടുള്ള ഐക്യദാര്‍ഢ്യം പ്രകടിപ്പിച്ചത് ചിലി-ഫലസ്തീന്‍ ബന്ധത്തിന്റെ ഹൃദ്യമായ പ്രഖ്യാപനമായി.

അമേരിക്കയുടെ പരസ്യ പിന്തുണയോടെ ഇസ്രാഈല്‍ ഫലസ്തീന്‍ ജനതയെ ഇഞ്ചിഞ്ചായി ഇല്ലാതാക്കുമ്പോള്‍, അതിനോട് പരസ്യമായി വിയോജിപ്പ് പ്രകടിപ്പിച്ച രാജ്യമാണ് ചിലി. അറബ് രാജ്യങ്ങള്‍ കഴിഞ്ഞാല്‍ ഏറ്റവുമധികം ഫലസ്തീന്‍ വംശജര്‍ക്ക് ഇടംനല്‍കിയതും ചിലി തന്നെ. അഞ്ചു ലക്ഷത്തോളം ഫലസ്തീന്‍ / അറബ് വംശജരാണ് ചിലിയില്‍ സമാധനത്തോടെയും ഗവണ്‍മെന്റിന്റെയും ജനങ്ങളുടെയും പിന്തുണയോടെയും കഴിയുന്നത്.

ഫലസ്തീനികളുടെ സ്വന്തം പാലസ്റ്റിനോ

ഇന്നലെ സാന്‍ ലോറന്‍സോയെ എതിരില്ലാത്ത ഒരു ഗോളിന് വീഴ്ത്തിയ ഡിപോര്‍ട്ടിവോ പാലസ്റ്റിനോ ക്ലബ്ബ് തന്നെ ചിലി എന്ന രാജ്യം ഫലസ്തീനികള്‍ക്ക് നല്‍കുന്ന പിന്തുണയുടെ വലിയ തെളിവാണ്. 1920-ല്‍ ഫലസ്തീന്‍ അഭയാര്‍ത്ഥികള്‍ രൂപം നല്‍കിയ ക്ലബ്ബിന് പിന്നീട് ചിലി ഫുട്‌ബോള്‍ ഫെഡറേഷന്‍ അംഗീകാരം നല്‍കുകയും ദേശീയ ചാമ്പ്യന്മാരാകുന്ന വിധം ക്ലബ്ബ് വളരുകയും ചെയ്തു. മുന്‍ അര്‍ജന്റീനാ ക്യാപ്ടന്‍ ഗില്ലര്‍മോ കോള്‍, മുന്‍ ചിലിയന്‍ ക്യാപ്ടന്‍ ഏലിയാസ് ഫിഗറോവ തുടങ്ങി നിരവധി പ്രമുഖര്‍ പാലസ്റ്റിനോയില്‍ കളിച്ചിട്ടുണ്ട്. പഴയ കാലത്തിന്റെ പ്രതാപത്തിലൊന്നുമില്ലെങ്കിലും 2008-ലെ ക്ലോസുറ ടൂര്‍ണമെന്റില്‍ ഫൈനല്‍ വരെ മുന്നേറിയ പാലസ്റ്റിനോ കയ്യടി നേടിയിരുന്നു. പ്രധാനമായും ചിലി, അര്‍ജന്റീനാ കളിക്കാരാണ് ഇപ്പോഴത്തെ ടീമിലുള്ളത്. റിസര്‍വ് ടീമിലുള്ള ഷാദി ഷബാന്‍ മാത്രമാണ് ഏക ഫലസ്തീന്‍ കളിക്കാരന്‍.

ബന്ധം കളിക്കളത്തിനു പുറത്തും

കളിക്കളത്തില്‍ മാത്രമല്ല, നയതന്ത്ര മേഖലയിലും ചിലി ഫലസ്തീനുള്ള പിന്തുണ പരസ്യമായി പ്രഖ്യാപിച്ചിട്ടുണ്ട്. 2014-ല്‍ ഗസ്സയ്ക്കു മേലുള്ള ക്രൂരമായ ആക്രമണത്തില്‍ പ്രതിഷേധിച്ച് ചിലി ഇസ്രാഈല്‍ അംബാസഡറെ പുറത്താക്കുകയും വ്യാപാര ബന്ധങ്ങള്‍ വിച്ഛേദിക്കുകയും ചെയ്തിരുന്നു. ഇസ്രാഈലുമായി സൈനിക, വാണിജ്യ സഹകരണമുണ്ടെങ്കിലും ഫലസ്തീനു മേല്‍ അക്രമം നടക്കുമ്പോഴെല്ലാം ചിലിയന്‍ ജനതയും ഭരണകൂടവും ശക്തമായ മറുപടിയുമായി രംഗത്തെത്താറുണ്ട്. സെപ്തംബറില്‍, ഇസ്രാഈല്‍ യൂണിവേഴ്‌സിറ്റികളുമായുള്ള ബന്ധം അവസാനിപ്പിക്കണമെന്നാവശ്യപ്പെടുന്ന പ്രമേയത്തില്‍ ചിലിയിലേതടക്കമുള്ള ലാറ്റിനമേരിക്കന്‍ സര്‍വകലാശാലകളില്‍ നിന്നുള്ള 25,000 വിദ്യാര്‍ത്ഥികള്‍ ഒപ്പുവെച്ചിരുന്നു.