ഒന്നാം പിണറായി സര്‍ക്കാരിന്റെ കാലത്ത് 2016ല്‍ നിയമിതമായ ചിന്തയ്ക്ക് സര്‍ക്കാരിന്റെ അവസാനക്കാലത്ത് വീണ്ടും നിയമനം നല്‍കിയിരുന്നു. കഴിഞ്ഞ ഫെബ്രുവരി ആറിന് രണ്ടാം ടേം പൂര്‍ത്തിയായി. പുതിയ അധ്യക്ഷനെ നിയമിക്കുന്നതു വരെയോ പരമാവധി ആറു മാസമോ തുടരാമെന്ന വ്യവസ്ഥയിലാണ് ചിന്ത ഫെബ്രുവരിക്ക് ശേഷം ചുമതല വഹിച്ചു പോന്നത്. പിഎച്ച്ഡി പ്രബന്ധത്തിലെ പിശകും 17 മാസത്തെ ശമ്പളക്കുടിശിക ആവശ്യപ്പെട്ടതിലെ വിശദീകരണം പാളിയതുമൊക്കെയായി ചിന്തയുമായി ബന്ധപ്പെട്ട് വിവാദങ്ങള്‍ ഉയര്‍ന്നിരുന്നു. ലഹരിവിരുദ്ധ പ്രചാരണം, ജില്ലാതല അദാലത്തുകള്‍, തൊഴില്‍മേളകള്‍, ജോബ് പോര്‍ട്ടല്‍ തുടങ്ങിയവ നേട്ടമായി കാണുന്നുവെന്നാണ് ചിന്ത പറഞ്ഞു.

പ്രസംഗത്തിനിടെ മുഖ്യമന്ത്രി പിണറായി വിജയനെയും സുരേന്ദ്രന്‍ വിമര്‍ശിച്ചു. കേരളത്തിലെ പശുക്കള്‍ നാടിന് ഒരുപാട് സംഭാവന ചെയ്യുന്നുണ്ട്. എന്നാല്‍ പശുക്കള്‍ ചെയ്യുന്ന സംഭാവന പോലും പിണറായി ചെയ്യുന്നില്ലെന്ന് സുരേന്ദ്രന്‍ പറഞ്ഞു.
ജനങ്ങളുടെ പോക്കറ്റടിക്കുകയും പിച്ചച്ചട്ടിയില്‍ കൈയിട്ടു വാരുകയും ചെയ്യുന്ന സര്‍ക്കാര്‍ വന്‍കിടക്കാരെ തൊടുന്നില്ലെന്നും മാഫിയ സര്‍ക്കാര്‍ ആണ് കേരളം ഭരിക്കുന്നതെന്നും സുരേന്ദ്രന്‍ കുറ്റപ്പെടുത്തി.

യുവജന കമ്മീഷൻ അധ്യക്ഷ ചിന്ത ജെറോമിന്റെ സാമ്പത്തിക സ്രോതസ്സ് അന്വേഷിക്കണമെന്ന് ആവശ്യപ്പെട്ട് വിജിലൻസിനും ഇ.ഡി ക്കും യൂത്ത് കോൺഗ്രസിന്റെ പരാതി. 38 ലക്ഷം രൂപ ചെലവിൽ കൊല്ലത്തെ ഫോർ സ്റ്റാർ ഹോട്ടലിലാണ് ചിന്ത കുടുംബത്തോടൊപ്പം ഒന്നേമുക്കാൽ വർഷം താമസിച്ചതെന്ന് പരാതിയിൽ പറയുന്നു. അതേസമയം അമ്മയുടെ ആയുർവേദ ചികിത്സയ്ക്കായി താമസിച്ചതാണെന്നാണ് ചിന്താ ജെറോമിന്റെ വിശദീകരണം.

കൊല്ലം തങ്കശ്ശേരിയിലെ ഫോർ സ്റ്റാർ ഹോട്ടലിൽ മൂന്ന് മുറികൾ ഉള്ള അപ്പാർട്‌മെന്റിലായിരുന്നു ചിന്താ ജെറോം ഒന്നേമുക്കാൽ വർഷം താമസിച്ചതെന്നാണ് യൂത്ത് കോൺഗ്രസിന്റെ ആരോപണം. 8500 രൂപ ശരാശരി ദിവസ വാടക വരുന്ന അപാർട്‌മെന്റാണിത്. ഇക്കണക്കിൽ 38 ലക്ഷത്തോളം രൂപ ചിന്ത വാടകയായി നൽകേണ്ടി വരും. ഇത്രയും പണം യുവജന കമ്മീഷൻ അധ്യക്ഷക്ക് എങ്ങനെ കിട്ടിയെന്നും ചിന്തയുടെ സാമ്പത്തിക സ്രോതസ് അന്വഷിക്കണമെന്നും ആവശ്യപ്പെട്ടാണ് യൂത്ത് കോൺഗ്രസ് സംസ്ഥാന സെക്രട്ടറി വിഷ്ണു സുനിൽ പന്തളം വിജിലൻസിനും എൻഫോഴ്‌സ്‌മെന്റ് ഡയറക്ടറേറ്റിലും പരാതി നൽകിയത് .

അതേസമയം ആരോപണങ്ങളിൽ കഴമ്പില്ലെന്നാണ് ചിന്തയുടെ പ്രതികരണം. അമ്മയുടെ അയുർവേദ ചികിത്സയുടെ ഭാഗമായാണ് അപ്പാർട്ട്‌മെന്റിൽ താമസിച്ചത്. മാസം 20,000 രൂപയാണ് വാടകയായി നൽകിയതെന്നാണ് ചിന്ത പറയുന്നത്.

ഗവേഷണത്തിന്റെ പ്രധാന വിഷയവുമായി ബന്ധമില്ലാത്ത കാര്യമാണ് വാഴക്കുല പരാമര്‍ശം. എങ്കിലും നോട്ടപ്പിശക് അംഗീകരിക്കുന്നതായി ചിന്ത പറഞ്ഞു. പ്രബന്ധം പുസ്തകമാക്കുമ്പോള്‍ പിശകു തിരുത്തുമെന്നും അറിയിച്ചു. സദുദ്ദേശ്യത്തോടെ തെറ്റു ചൂണ്ടിക്കാണിച്ചവര്‍ക്കു നന്ദി പറയുന്നുവെന്നും ചിന്ത അറിയിച്ചു.

തനിക്ക് പറ്റിയ തെറ്റ് അതേപോലെ ബോധി കോമണ്‍സ് എന്ന സൈറ്റില്‍ വന്നതു ചൂണ്ടിക്കാട്ടി താന്‍ പ്രബന്ധം കോപ്പിയടിച്ചതാണെന്ന വാര്‍ത്ത ശരിയല്ലെന്ന് ചിന്ത പറഞ്ഞു. ഒരു വരി പോലും കോപ്പിയടിച്ചിട്ടില്ലെന്നും അതേസമയം ബോധി കോമണ്‍സ് ഉള്‍പ്പെടെയുള്ളവയില്‍നിന്ന് ആശയങ്ങള്‍ ഉള്‍ക്കൊണ്ടിട്ടുണ്ടെന്നും അതു റഫറന്‍സില്‍ സൂചിപ്പിച്ച കാര്യമാണെന്നും ചിന്ത വിശദീകരിച്ചു.

തെറ്റുകളൊക്കെ തിരുത്തി രണ്ടാമത് മറ്റൊരു പ്രബന്ധം അവതരിപ്പിക്കണമെന്നും തെറ്റുപറ്റിയ പ്രബന്ധം റദ്ദാക്കി രണ്ടാമത് ഒന്നുകൂടെ ശ്രദ്ധിച്ച് വാഴക്കുല തന്നെ അല്‍പം വിപുലീകരിച്ച് മാറ്റങ്ങള്‍ വരുത്തി എഴുതണമെന്നും അവര്‍ പറഞ്ഞു. ഒരു പരീക്ഷയ്ക്ക് പൂജ്യം മാര്‍ക്ക് കിട്ടിയിട്ട് അത് നൂറാണെന്ന് എങ്ങനെ കരുതുമെന്നും അവര്‍ ചോദിച്ചു. ഒരു വിദ്യാര്‍ത്ഥിയോട് ക്ഷമിക്കാനാകും പക്ഷെ ഗൈഡിനോട് അത് പറ്റില്ലെന്നും ലളിത ചങ്ങമ്പുഴ പറഞ്ഞു.

മലയാളത്തിലെ ജനപ്രിയ കവിതയാണ് ചങ്ങമ്പുഴയുടെ വാഴക്കുല. ഇത് തെറ്റിച്ച് വൈലോപ്പിളളിയെന്നാണ് പ്രബന്ധത്തില്‍ എഴുതിയത്. വിവിധ കമ്മിറ്റികള്‍ക്ക് മുന്നിലെത്തിയിട്ടും ആരും ഈ തെറ്റ് കണ്ടുപിടിച്ചതുമില്ല. ഇതിനെതിരെ ചിന്താ ജെറോമിനെതിരെയും ഗൈഡിനുനേരെയും രൂക്ഷവിമര്‍ശനമാണുയരുന്നത്.

കായികയുവജനക്ഷേമ വകുപ്പ് പ്രിന്‍സിപ്പല്‍ സെക്രട്ടറി ശിവശങ്കര്‍ ഐഎഎസ് ആണ് കുടിശ്ശിക അനുവദിച്ച് ഉത്തരവിറക്കിയത്. ചിന്തയ്ക്ക് 32 ലക്ഷം രൂപ ശമ്പള കുടിശ്ശിക കിട്ടിയെന്നായിരുന്നു നേരത്തെ പുറത്തുവന്ന വാര്‍ത്തകള്‍. സാമ്പത്തിക പ്രതിസന്ധിക്കിടയിലും ചിന്താ ജെറോമിന് ശമ്പള കുടിശ്ശിക നല്‍കാന്‍ ധനവകുപ്പ് അനുമതി നല്‍കിയത് വിവാദം സൃഷ്ടിച്ചിരുന്നു. അന്ന് കുടിശ്ശിക വേണമെന്ന് താന്‍ ആവശ്യപ്പെട്ടില്ലെന്നായിരുന്നു ചിന്ത ജെറോം മാധ്യമങ്ങളോട് പറഞ്ഞിരുന്നത്. തുക കിട്ടിയാല്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുമെന്നും ചിന്ത വ്യക്തമാക്കിയിരുന്നു.

യഥാര്‍ത്ഥത്തില്‍ ആ പാട്ടിലെ വാക്കുകളെ ഇഴകീറി പരിശോധിക്കുകയായിരുന്നില്ല താന്‍ ചെയ്തതെന്ന് ചിന്ത വ്യക്തമാക്കി. എന്നിരുന്നാലും അതുമായി ബന്ധപ്പെട്ടുവന്ന ഒട്ടുമിക്ക ട്രോളുകളും കണ്ടിരുന്നെന്ന് ചിന്ത പറഞ്ഞു. ഏറ്റവും ഇഷ്ടപ്പെട്ട ട്രോളേത് എന്ന ചോദ്യത്തിന് മറുപടി പറയാന്‍ ചിന്തയ്ക്ക് അധികം ആലോചിക്കേണ്ടി പോലും വന്നില്ലെന്നതാണ് വാസ്തവം. അത്രക്കും അവ ചിരിപ്പിക്കുന്നവയായിരുന്നു. ‘ശാന്തമീരാത്രിയില്‍ വാദ്യഘോഷാദികള്‍ കൊണ്ടുവാ എന്ന പാട്ട് വച്ച് ശാന്തമായിരിക്കുന്ന രാത്രിയില്‍ അലബുണ്ടാക്കുന്നവര്‍കെതിരെ കേസുകൊടുക്കണം’ എന്ന രീതിയില്‍ വന്ന ട്രോളാണ് ചിന്തയ്ക്ക് എറ്റവും ഇഷ്ടമായത്. അതു വായിച്ച് താന്‍ കുറേനേരം ചിരിച്ചെന്നും വളരെ രസകരമായി തോന്നിയ ട്രോള്‍ അതായിരുന്നുവെന്നും ചിന്ത പറഞ്ഞു.

‘ദേവരാജന്‍ മാസ്റ്ററും ഓഎന്‍വീ സാറും ഒന്നും ജീവിച്ചിരിപ്പില്ലാത്തത് നന്നായി. ഉണ്ടായിരുന്നെങ്കില്‍ ‘പൊന്നരിവാള്‍ എങ്ങിനെ അമ്പിളി ആവും?’, ‘അങ്ങനെ ആയാല്‍ തന്നെ, ആ അമ്പിളിയില്‍ എങ്ങിനെ കണ്ണ് ഏറിയും?’, ‘കണ്ണ് എറിയാനുള്ളതാണോ? കല്ല് അല്ലെ എറിയാനുള്ളത്?’ എന്നൊക്കെയുള്ള ചോദ്യങ്ങള്‍ക്ക് ഉത്തരം പറയേണ്ടി വന്നേനെ…!’മുരളി ഗോപിയുടെ കമന്റ് ഇങ്ങനെയായിരുന്നു. ഫേസ്ബുക്കിലും വാട്‌സ് അപ്പിലുമുള്‍പ്പെടെ നിരവധി പാട്ടുകളുടെ വരികള്‍ ചേര്‍ത്താണ് ട്രോളുകള്‍ ഇറങ്ങിയിരിക്കുന്നത്.

‘വെളിപാടിന്റെ പുസ്തകം’ എന്ന ചിത്രത്തിലേതാണ് പാട്ട്. ചിത്രം വിജയമായില്ലെങ്കിലും ജിമിക്കിക്കമ്മല്‍ പാട്ട് മലയാളക്കര ഏറ്റെടുത്തിരുന്നു. പാട്ടിനൊപ്പം ചുവട് വെച്ചുള്ള നിരവധി നൃത്ത രംഗങ്ങളാണ് ഇതിനോടകം ഹിറ്റായിരിക്കുന്നത്. അനില്‍ പനീച്ചൂരാന്റെ വരികള്‍ പാടിയത് വിനീത് ശ്രീനിവാസനും രഞ്ജിത് ഉണ്ണിയും ചേര്‍ന്നാണ്.