ChowkidarChorHe – Chandrika Daily https://www.chandrikadaily.com Tue, 07 May 2019 06:13:41 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg ChowkidarChorHe – Chandrika Daily https://www.chandrikadaily.com 32 32 അമേഠിയില്‍ ബൂത്ത് പിടിത്തം; സ്മൃതി ഇറാനിയുടെ വീഡിയോ കെട്ടിച്ചമച്ചതെന്ന് തെരഞ്ഞെടുപ്പ് കമ്മീഷന്‍ https://www.chandrikadaily.com/ec-rubbishes-smriti-iranis-charges-of-booth-capturing-by-congress-in-amethi.html https://www.chandrikadaily.com/ec-rubbishes-smriti-iranis-charges-of-booth-capturing-by-congress-in-amethi.html#respond Tue, 07 May 2019 06:08:21 +0000 http://www.chandrikadaily.com/?p=126499 അഞ്ചാംഘട്ട വോട്ടെടുപ്പിനിടെ അമേഠിയില്‍ കോണ്‍ഗ്രസ് ബൂത്ത് പിടിത്തമെന്ന സ്മൃതി ഇറാനിയുടെ ആരോപണത്തെ തള്ളി തെരഞ്ഞെടുപ്പ് കമ്മീഷന്‍.
ബൂത്ത് പിടിത്തമെന്ന് കാണിച്ച് സ്മൃതി ഇറാനി ട്വിറ്ററില്‍ പുറത്തുവിട്ട വീഡിയോ കെട്ടിച്ചമച്ചതാണെന്നും ഉത്തര്‍പ്രദേശിലെ ചീഫ് ഇലക്ടറല്‍ ഓഫീസര്‍ ലക്കു വെങ്കടേശ്വര്‍ലു വ്യക്തമാക്കി.

കോണ്‍ഗ്രസ് വോട്ടര്‍മാരെ ബലം പ്രയോഗിച്ച് വോട്ട് ചെയ്യിക്കുന്നുവെന്നായിരുന്നു കേന്ദ്രമന്ത്രി കൂടിയായ സ്മൃതി ഇറാനിയുടെ ആരോപണം. ഇതിന് തെളിവായി അമേഠിയിലെ ഒരു സ്ത്രീയുടെ വീഡിയോ കേന്ദ്ര മന്ത്രി ട്വീറ്റ് ചെയ്യുകയുമുണ്ടായി. എന്നാല്‍ സോഷ്യല്‍ നെറ്റ്വര്‍ക്കുകളില്‍ വൈറലായ വീഡിയോ ക്ലിപ്പിലെ പ്രായമായ സ്ത്രീയുടെ ആരോപണങ്ങള്‍ അടിസ്ഥാനരഹിതമാണെന്നാണ് തെരഞ്ഞെടുപ്പ് കമ്മീഷണര്‍ വെങ്കടേശ്വര്‍ലു പറഞ്ഞു. ഇത്തരത്തില്‍ ബൂത്ത് പിടുത്തമോ നിര്‍ബന്ധിച്ച് വോട്ട് ചെയ്യിക്കലോ നടന്നിട്ടില്ലെന്നും ലാക്കു വെങ്കട്ടേശര്‍ലൂ പറഞ്ഞു.

പരാതിയുടെ അടിസ്ഥാനത്തില്‍ സെക്ടര്‍ ഓഫീസര്‍, മുതിര്‍ന്ന ഉദ്യോഗസ്ഥര്‍, നിരീക്ഷകര്‍ എന്നിവരെല്ലാം ബൂത്തിലെത്തി പരിശോധന നടത്തിയിരുന്നു. രാഷ്ട്രീയ പാര്‍ട്ടികളുടെ പോളിങ് ഏജന്റുമാരോടും, പോളിംഗ് ബൂത്തിലെ മറ്റ് ഉദ്യോഗസ്ഥര്‍ക്കെതിരെയുമുള്ള വീഡിയോ ക്ലിപ്പ് കെട്ടിച്ചമച്ചതാണെന്ന് വ്യക്തമായെന്നും ചീഫ് ഇലക്ടറല്‍ ഓഫീസര്‍ പറഞ്ഞു.

അതേസമയം വോട്ടുദിനത്തില്‍ രാഹുല്‍ ഗാന്ധിക്കെതിരെ നടത്തിയ കള്ള പ്രചരണം സ്മൃതി ഇറാനിക്ക് കനത്ത തിരിച്ചടിയായിരിക്കുകയാണ്. കോണ്‍ഗ്രസിന്റെ ബൂത്ത് പിടുത്തത്തിന്റെ തെളിവ് തെരഞ്ഞെടുപ്പ് കമ്മീഷന്റെ ശ്രദ്ധയ്ക്ക് എന്ന കുറിപ്പോടെയാണ് കേന്ദ്ര മന്ത്രി വീഡിയോ ഷെയര്‍ ചെയ്തിരുന്നത്. കോണ്‍ഗ്രസ് പ്രവര്‍ത്തകര്‍ വോട്ടര്‍മാരെ ബലം പ്രയോഗിച്ച് വോട്ട് ചെയ്യിക്കുകയാണെന്നും ബൂത്തുപിടിത്തം രാഹുലിന്റെ അറിവോടെയെന്നാണ് സ്മൃതി ഇറാനി ആരോപിക്കുന്നത്.

അതേസമയം അമേഠിയിലെ തോല്‍വി മുന്നില്‍ കണ്ടാണ് വ്യാജ ആരോപണവുമായി സ്മൃതി ഇറാനി രംഗത്തെത്തിയതെന്നായിരുന്നു കോണ്‍ഗ്രസിന്റെ പ്രതികരണം.

]]> https://www.chandrikadaily.com/ec-rubbishes-smriti-iranis-charges-of-booth-capturing-by-congress-in-amethi.html/feed 0 വാരണാസിയില്‍ അടവ്മാറ്റി മഹാസഖ്യം; മോദിക്കെതിരേ പൊതുസ്ഥാനാര്‍ഥിയായി തേജ് ബഹ്ദൂര്‍ https://www.chandrikadaily.com/bsf-constable-tej-bahadur-as-its-candidate-against-fake-chowkidar-modi.html https://www.chandrikadaily.com/bsf-constable-tej-bahadur-as-its-candidate-against-fake-chowkidar-modi.html#respond Mon, 29 Apr 2019 15:14:24 +0000 http://www.chandrikadaily.com/?p=125681 ലക്‌നൗ: വാരണാസിയില്‍ പ്രധാനമന്ത്രി നരേന്ദ്രമോദിക്കെതിരേ അടവ്മാറ്റി മഹാസഖ്യം പൊതുസ്ഥാനാര്‍ഥിയെ പ്രഖ്യാപിച്ചു. സൈനിക വിഷയത്തില്‍ വൈറല്‍ വീഡിയോയിലൂടെ രാജ്യശ്രദ്ധേ നേടിയ മുന്‍ ബി.എസ്.എഫ് ജവാന്‍ തേജ് ബഹദൂര്‍ യാദവ് പ്രധാനമന്ത്രി നരേന്ദ്രമോദിക്കെതിരേ വാരാണസിയില്‍ മത്സരിക്കും. മോദിക്കെതിരെ വാരണാസിയില്‍നിന്നു മല്‍സരിക്കുന്ന ശാലിനി യാദവിനെ മാറ്റിയാണ് എസ്പിയുടെ പുതിയ പ്രഖ്യാപനം.

സമാജ് വാദി പാര്‍ട്ടിയില്‍ ചേര്‍ന്ന തേജ് ബഹ്ദൂര്‍ പ്രതിപക്ഷ മഹാസഖ്യത്തിന്റെ സ്ഥാനാര്‍ഥിയായാണ് വാരണാസിയില്‍ ജനവിധി തേടുന്നത്.

ജമ്മു കശ്മീരിലെ നിയന്ത്രണ രേഖയ്ക്കു സമീപം തണുത്തുറഞ്ഞ പര്‍വതപ്രദേശങ്ങളില്‍ സേവനം ചെയ്യുന്ന ബി.എസ്.എഫ്. ജവാന്മാര്‍ക്ക് നല്‍കുന്ന ഭക്ഷണം മോശമാണെന്ന് ഫെയ്സ്ബുക്ക് ലൈവിലൂടെ പരാതി ഉന്നയിച്ചതോടെയാണ് തേജ് ബഹാദൂര്‍ യാദവ് ശ്രദ്ധേയനായത്. എന്നാല്‍ യാദവിന്റെ പരാതി കെട്ടിച്ചമച്ചതാണെന്ന് കണ്ടെത്തി അദ്ദേഹത്തെ സേനയില്‍നിന്ന് പുറത്താക്കുകയായിരുന്നു.
‘അഴിമതി ഉന്നയിച്ചതിനാണ് എന്നെ പുറത്താക്കിയത്. സേനകളിലെ അഴിമതിയെ ഇല്ലായ്മ ചെയ്യുകയാണു തന്റെ കര്‍ത്തവ്യം’ – എസ്പിയുടെ സ്ഥാനാര്‍ഥിത്വത്തെക്കുറിച്ച് യാദവ് മാധ്യമങ്ങളോട് പറഞ്ഞു.

ബി.എസ്.എഫില്‍നിന്ന് പുറത്താക്കപ്പെട്ട തേജ് ബഹദൂര്‍ യാദവ് ലോക്സഭ തിരഞ്ഞെടുപ്പില്‍ പ്രധാനമന്ത്രിക്കെതിരേ മത്സരിക്കുമെന്ന് നേരത്തെ വ്യക്തമാക്കിയിരുന്നു. ഇതിനിടെയാണ് അപ്രതീക്ഷിതമായി അദ്ദേഹം സമാജ് വാദി പാര്‍ട്ടിയില്‍ ചേര്‍ന്നത്. മുന്‍ ജവാന്‍ മത്സരിക്കാന്‍ തയ്യാറായതോടെ വാരണാസി വീണ്ടും ചര്‍ച്ചാ വിഷയമായിരിക്കുകയാണ്. ഫേക് ചൗക്കിദാറിനെ നേരിടാന്‍ യഥാര്‍ത്ഥ ചൗക്കിദാര്‍ രംഗത്തെത്തിയെന്നാണ് സോഷ്യല്‍ മീഡിയ പ്രചാരണം. എസ്പി-ബിഎസ്പി സഖ്യത്തിന് പുറമെ ആര്‍എല്‍ഡിയും തേജ് ബഹദൂറിന് പിന്തുണ പ്രഖ്യാപിച്ചു്.

അതേസമയം കഴിഞ്ഞ തവണ മോദിയോടു പരാജയപ്പെട്ട അജയ് റായിയെ ആണ് ഇത്തവണയും വാരാണസിയില്‍ കോണ്‍ഗ്രസിന്റെ ഇവിടെ സ്ഥാനാര്‍ഥിയാക്കിയിരിക്കുന്നത്. എസപിയുടെ ശാലിനി സിംഗ് പിന്മാറിയതോടെ അജയ് റായിയെ പിന്‍ലിക്കാന്‍ കോണ്‍ഗ്രസ് തയാറാകുമോ എന്നാണ് ജനം ഉറ്റുനോക്കുന്നത്. അവസാന ഘട്ട പോളിങ് നടക്കുന്ന മേയ് 19നാണ് വാരാണസിയിലും തെരഞ്ഞെടുപ്പ് നടക്കുക. നാമനിര്‍ദേശപത്രിക സമര്‍പ്പിക്കാനുള്ള അവസാന തീയതി തിങ്കളാഴ്ചയാണ്.

]]> https://www.chandrikadaily.com/bsf-constable-tej-bahadur-as-its-candidate-against-fake-chowkidar-modi.html/feed 0 “മദ്യം”; പ്രതിപക്ഷ മഹാസഖ്യത്തെ അധിക്ഷേപിച്ച് മോദി https://www.chandrikadaily.com/pm-narendra-modis-sarab-swipe-at-up-gathbandhan-congress-says-its-shameful.html https://www.chandrikadaily.com/pm-narendra-modis-sarab-swipe-at-up-gathbandhan-congress-says-its-shameful.html#respond Thu, 28 Mar 2019 16:04:56 +0000 http://www.chandrikadaily.com/?p=122590 യുപിയിലെ യോഗി ഭരണത്തിനെതിരെയും വര്‍ഗീയ ഫാസിസത്തിനെതിരെയും ഒത്തുചേര്‍ന്ന പ്രതിപക്ഷ മഹാസഖ്യത്തെ പൊതുവേദിയില്‍ അധിക്ഷേപിച്ച് പ്രധാനമന്ത്രി നരേന്ദ്രമോദി.
പൊതുതെരഞ്ഞെടുപ്പില്‍ കേന്ദ്രസര്‍ക്കാറിനെതിരെ രൂപം കൊണ്ട മഹാസഖ്യത്തെ മദ്യമെന്ന് വിശേഷിപ്പിച്ചാണ് പ്രധാനമന്ത്രി രംഗത്തെത്തിയത്. മീററ്റില്‍ ബി.ജെ.പിയുടെ തെരഞ്ഞെടുപ്പ് പ്രചാരണ പരിപാടിയില്‍ സംസാരിക്കുകയായിരുന്നു മോദി.

പ്രതിപക്ഷ പാര്‍ട്ടികളുടെ ചുരുക്കെഴുത്താണ് ശരാബ്(മദ്യം) എന്ന് അദ്ദേഹം അധിക്ഷേപിച്ചു. സമാജ് വാദി പാര്‍ട്ടിയില്‍നിന്ന് എസ്.എയും രാഷ്ട്രീയ ലോക്ദളില്‍നിന്ന് ആര്‍.എയും ബി.എസ്.പിയില്‍നിന്ന് ബിയും എയും എടുക്കു. ശരാബ് ആയി. ഈ രാഷ്ട്ര മദ്യം കുടിക്കുന്നത് ഉത്തര്‍പ്രദേശിന്റെ ആരോഗ്യം തകര്‍ക്കും. ഈ വിപത്തിനെതിരെ രാജ്യത്തെ രക്ഷിക്കണമെന്നും മോദി പറഞ്ഞു. രാജ്യസുരക്ഷ പ്രചാരണ ആയുധമാക്കിയായിരുന്നു മോദിയുടെ പ്രസംഗം. ഭൂമിയിലും ആകാശത്തും ബഹിരാകാശത്തും മിന്നലാക്രമണം നടത്താന്‍ തന്റെ സര്‍ക്കാര്‍ ധൈര്യം കാട്ടിയെന്ന്് സദസ്സില്‍ മോദി അവകാശപ്പെട്ടു.

അതേസമയം മോദിയുടെ അധിക്ഷേപിത്തിനെതിരെ പ്രതിപക്ഷ പാര്‍ട്ടികള്‍ ശക്തമായി രംഗത്തുവന്നു. കഴിഞ്ഞ അഞ്ച് വര്‍ഷത്തിനിടെ മരീചിക കാട്ടി രാജ്യത്തെ പറ്റിക്കുകയായിരുന്നു ബി.ജെ.പിയെന്ന് സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവ് കുറ്റപ്പെടുത്തി. തെരഞ്ഞെടുപ്പ് അടുത്തപ്പോഴും അവര്‍ അത് തന്നെയാണ് ചെയ്യുന്നതെന്ന് അദ്ദേഹം പറഞ്ഞു. മോദിക്ക് അഹങ്കാരം തലക്ക് പിടിച്ചിരിക്കുകയാണെന്നും അതുകൊണ്ട് വേറെ മദ്യത്തിന്റെ ആവശ്യമില്ലെന്നും കോണ്‍ഗ്രസ് പരിഹസിച്ചു. പ്രധാനമന്ത്രി പദത്തില്‍ ഇരിക്കുന്ന മോദി ഇത്ര തരംതാഴരുതെന്ന് കോണ്‍ഗ്രസ് വിമര്‍ശിച്ചു.

അതേസമയം മോദിയുടെ ചുരുക്കെഴുത്ത് സാമാന്യ ബോധമില്ലാത്തതായി എന്നാണ് സോഷ്യല്‍ മീഡിയയില്‍ വിമര്‍ശനം ഉയരുന്നത്.

]]> https://www.chandrikadaily.com/pm-narendra-modis-sarab-swipe-at-up-gathbandhan-congress-says-its-shameful.html/feed 0 ഐ.പി.എല്‍ മത്സരത്തിനിടെ മോദി വിരുദ്ധ മുദ്രാവാക്യം മുഴങ്ങി; വീഡിയോ സോഷ്യല്‍ മീഡിയയില്‍ വൈറല്‍ https://www.chandrikadaily.com/chowkidar-chor-haislogans-raised-during-ipl-match-in-jaipur.html https://www.chandrikadaily.com/chowkidar-chor-haislogans-raised-during-ipl-match-in-jaipur.html#respond Tue, 26 Mar 2019 09:53:40 +0000 http://www.chandrikadaily.com/?p=122383 ആര്‍ അശ്വിന്റെ മങ്കാദിങിന് പിന്നാലെ രാഷ്ട്രീയമായും ചര്‍ച്ചയായി ഇന്നലത്തെ ഐ.പി.എല്‍ മത്സരം. രാജസ്ഥാനിലെ ജെയ്പൂര്‍ സ്്റ്റ്ഡിയത്തില്‍ നടന്ന ഐ.പി.എല്ലിനിടെ പ്രധാനമന്ത്രി നരരേന്ദ്രമോദിക്കെതിരെ ‘ചൗകിദാര്‍ ചോര്‍ ഹെ’ മുദ്രാവാക്യം മുഴങ്ങിയതാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്.

രാജസ്ഥാന്‍ റോയല്‍സും കിങ്സ് ഇലവന്‍ പഞ്ചാബും തമ്മില്‍ നടന്ന മത്സരത്തിനിടെയാണ് ഗാലറിയില്‍ നിന്നും മോദി വിരുദ്ധ മുദ്രാവാക്യം തുടരെ മുഴങ്ങിയത്. കമന്ററി സംഭാഷണങ്ങളെ മറകടക്കുന്ന ശബ്ദത്തിലായിരുന്നു മുദ്രാവാക്യം. ‘ചൗകിദാര്‍ ചോര്‍ ഹെ’ മുദ്രാവാക്യം മുഴങ്ങുന്നതിന്റെ വീഡിയോ ഇതിനകം സാമൂഹ്യ മാധ്യമങ്ങളില്‍ വൈറലായി കഴിഞ്ഞു. ബി.ജെ.പി ഉയര്‍ത്തുന്ന മേം ഭീ ചൗക്കിദാര്‍ മുദ്രാവാക്യത്തിനു കിട്ടിയ പ്രഹരവും രാഹുല്‍ ഗാന്ധിയുടെ ചൗക്കി ദാര്‍ ചോര്‍ ഹേ എന്ന പരാമര്‍ശത്തിനു കിട്ടിയ അംഗീകാരവുമാണിത്.

അതേസമയം ഐ.പി.എല്ലിനിടെ രാജസ്ഥാന്‍ റോയല്‍സ് ഓപ്പണര്‍ ജോസ് ബട്ലറെ മങ്കാദിങ് വിക്കറ്റിലൂടെ പുറത്താക്കിയ ആര്‍.അശ്വിന്റെ നടപടി വിവാദമായിരുന്നു. അശ്വിനെ അനുകൂലിച്ചും എതിര്‍ത്തും ആരാധകരും താരങ്ങളും രംഗത്തെത്തി. രാജസ്ഥാന്റെ ഇന്നിങ്സിലെ 13-ാം ഓവറിലാണ് കിങ്സ് ഇലവന്‍ പഞ്ചാബ് ക്യാപ്റ്റനായ അശ്വിന്‍ ബട്ലറുടെ വിക്കറ്റെടുത്തത്. അശ്വിന്റെ ചതിപ്രയോഗമാണ് ഇതെന്നും സ്പോര്‍ട്സ്മാന്‍ സ്പിര്റ്റിന് നിരക്കാത്തതാണെന്നും ആരാധകര്‍ പറയുന്നു.

]]> https://www.chandrikadaily.com/chowkidar-chor-haislogans-raised-during-ipl-match-in-jaipur.html/feed 0 ഹാക്കിങിന് പിന്നാലെ ബി.ജെ.പി വെബ്‌സൈറ്റിനെതിരെ മോഷണ ആരോപണവുമായി ഡിസൈനര്‍ കമ്പനി https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html#respond Mon, 25 Mar 2019 13:40:00 +0000 http://www.chandrikadaily.com/?p=122296 ഹാക്കിങിനെ തുടര്‍ന്ന് ആഴ്ചകളോളം പൂട്ടിക്കിടന്ന ശേഷം തുറന്ന ബി.ജെ.പി വെബ്‌സൈറ്റിനെതിരെ മോഷണ ആരോപണവുമായി വെബ്ഡിസൈനര്‍ കമ്പനി. ബിജെപി സൈറ്റ് പ്രവര്‍ത്തനസജ്ജമാക്കാനായി തങ്ങളുടെ ‘ടെംപ്ലേറ്റ്’ മോഷ്ടിച്ചുവെന്ന പരാതിയുമായി ആന്ധ്രാപ്രദേശില്‍ നിന്നുള്ള വെബ് ഡിസൈന്‍ കമ്പനിയായ ഡബ്ല്യു 3 ലേഔട്ട്സാണ് രംഗത്തെത്തിയത്.

അനുവാദമില്ലാതെ തങ്ങളുടെ സൈറ്റ് ലേഔട്ട് മോഷ്ടിക്കുകയും ടെംപ്ലേറ്റ് ഡിസൈനിങിലെ തങ്ങളുടെ കമ്പനിയുടെ പേര് മറച്ചുവെച്ചുവെന്നുമാണ് ഡബ്ല്യു 3 ലേഔട്ട് ആരോപിക്കുന്നത്. രാജ്യത്തിന്റെ കാവല്‍ക്കാരെന്ന് പറയുന്ന പാര്‍ട്ടി തങ്ങളുടെ പകര്‍പ്പവകാശമുള്ള ടെംപ്ലേറ്റ് മോഷ്ടിച്ചുവെന്ന ഡബ്ല്യു 3 ലേഔട്ട്സിന്റെ ആരോപണം പൊതുതെരഞ്ഞെടുപ്പ് അടുത്തിരിക്കെ ബിജെപിക്ക് വീണ്ടും തലവേദനയായിരിക്കുകയാണ്. കവല്‍ക്കാരന്‍ കള്ളനാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ മുദ്രാവാക്യത്തിനെതിരെ ചൗക്കിദാര്‍ കാംപൈനിങുമായി ഇറങ്ങിയ ബിജെപിക്ക് പുതിയ വെല്ലുവിളിയായിരിക്കുകയാണ് ആരോപണം.

ബി.ജെ.പിയുടെ സ്ഥാനാര്‍ഥി പട്ടികയുമായാണ് രണ്ടാഴ്ചയ്ക്ക് ശേഷം വെബ്‌സൈറ്റ് താല്‍ക്കാലികമായി പ്രവര്‍ത്തനക്ഷമമായത്. ബി.ജെ.പിയുടെ ഐ.ടി സെല്‍ തങ്ങളുടെ ടെംപ്ലേറ്റ് ഉപയോഗിച്ചതില്‍ ആദ്യം സന്തോഷം തോന്നിയിരുന്നു. എന്നാല്‍ പ്രതിഫലം നല്‍കാതെ ബാക്ക് ലിങ്ക് ഒഴിവാക്കിയശേഷമാണ് ഞങ്ങളുടെ ടെംപ്ലേറ്റ് അവര്‍ ഉപയോഗിച്ചിരിക്കുന്നത്. നിര്‍മാതാക്കളുടെ പേര് പോലും നല്‍കാന്‍ ബി.ജെ.പി തയാറായിട്ടില്ലെന്നും കമ്പനി പരാതിപ്പെടുന്നു. ടെംപ്ലേറ്റുകള്‍ സൗജന്യമായി ഉപയോഗിക്കാന്‍ വേണ്ടിയാണ് നിര്‍മിച്ചിട്ടുള്ളതെങ്കിലും പേജിന് ഏറ്റവും അടിയിലായി കമ്പനിയുടെ പേര് ഉണ്ടായിരുന്നു. ഇതാണ് ബി.ജെ.പി എടുത്തു മാറ്റിയത്. സോഴ്സ് കോഡിലൂടെ ഇത് തങ്ങളുടെ ടെംപ്ലേറ്റ് തന്നെയാണെന്ന് വ്യക്തമായിട്ടുണ്ട്. എന്നാല്‍ ഇത് ബി.ജെ.പിയെ അറിയിച്ചപ്പോള്‍ മറുപടി ഉണ്ടാവുകയല്ല മറിച്ച് സോഴ്സ് കോഡ് തിരുത്തുകയാണ് ചെയ്തതെന്നും കമ്പനി പറയുന്നു. പ്രതിഫലം തന്നില്ലെങ്കിലും തങ്ങളുടെ ടെംപ്ലേറ്റ് ഉപയോഗിക്കുമ്പോള്‍ ഒരു നന്ദി പറയാനെങ്കിലുമുള്ള മാന്യത ബി.ജെ.പി കാണിക്കേണ്ടതായിരുന്നു എന്നും ഡബ്ല്യു 3 ലേഔട്ട്സ് വ്യക്തമാക്കി.

അവര്‍ ഇപ്പോള്‍ സൈറ്റ് കോഡ് പൂര്‍ണമായും മാറ്റിയേക്കാം. രാജ്യത്തിന്റെ കാവല്‍ക്കാരന്‍ എന്ന് സ്വയം വിശേഷിപ്പിക്കുന്ന നേതാവിന്റെ പാര്‍ട്ടി ഇത്തരമൊരു മോഷണം ചെയ്യുമെന്ന് കരുതിയില്ല. ഒരു ചെറിയ സ്ഥാപനത്തിന്റെ ചോരയും നീരുമാണ് മോഷ്ടിച്ചത്. എന്നാല്‍ തങ്ങള്‍ വഞ്ചിക്കപ്പെട്ടുവെന്നത് മനസിലാക്കി ബി.ജെ.പിയെ അറിയിച്ചപ്പോള്‍ അവഗണിക്കുകയാണുണ്ടായതെന്നും കമ്പനി ട്വീറ്റ് ചെയ്തു.

സംഭവം പുറത്തുവന്നതോടെ സോഷ്യല്‍ മീഡിയയില്‍ അടക്കം ബി.ജെ.പിക്കെതിരെ കടുത്ത വിമര്‍ശനമാണ് ഉയരുന്നത്. കോണ്‍ഗ്രസ് നേതാവ് ദിവ്യ സ്പന്ദന ഉള്‍പ്പെടെയുള്ളവര്‍ ബി.ജെ.പിക്കെതിരെ രംഗത്തെത്തി. അതേസമയം ബി.ജെ.പിയുടെ ഔദ്യോഗിക പ്രതികരണം ഇനിയും പുറത്തുവന്നിട്ടില്ല. കാവല്‍ക്കാരന്‍ കള്ളനാണ് എന്ന കോണ്‍ഗ്രസ് ക്യാംപെയ്ന്റെ പശ്ചാത്തലത്തില്‍ ബി.ജെ.പിക്ക് തലവേദനയായിരിക്കുകയാണ് പുതിയ സംഭവം.

]]> https://www.chandrikadaily.com/bjp-plagiarising-our-website-code-alleges-andhra-startup-party-denies-charge.html/feed 0