സൂപ്പര്‍താരമായ ക്രിസ്റ്റ്യാനോ റൊണാള്‍ഡോയും സാദിയോ മാനെയും അല്‍ നസറിനായി ഗോള്‍ നേടി. മത്സരത്തിന്റെ ഒന്‍പതാം മിനിറ്റില്‍ കിംഗ്സ്ലി കൊമാന്റെ ക്രോസില്‍ നിന്ന് മാനെ വോളിയിലൂടെ ആദ്യ ലീഡ് നല്‍കി. ഒന്നാം പകുതിയുടെ അവസാനത്തില്‍ മാനെയുടെ കൃത്യമായ ക്രോസില്‍ നിന്ന് റൊണാള്‍ഡോ ഹെഡ്ഡറിലൂടെ ഗോള്‍ നേടി ലീഡ് ഇരട്ടിയാക്കി.

മത്സരത്തില്‍ അല്‍ നസറിന്റെ പ്രതിരോധത്തെ തകര്‍ത്ത് മുന്നേറാന്‍ അല്‍ ഇത്തിഹാദിന് കഴിഞ്ഞില്ല. കരീം ബെന്‍സിമയടക്കമുള്ള താരങ്ങളെ അല്‍ നസര്‍ വിജയകരമായി തടഞ്ഞു. സ്റ്റീവന്‍ ബെര്‍ഗ്വിന്‍, മൂസ ഡയബി എന്നിവര്‍ക്ക് അവസരങ്ങള്‍ ലഭിച്ചെങ്കിലും ഗോള്‍ നേടാന്‍ സാധിച്ചില്ല.

ഈ ജയം വഴിയായി, സ്വന്തം മൈതാനത്ത് 19 മത്സരങ്ങളായി തുടരുന്ന അല്‍ ഇത്തിഹാദിന്റെ അപരാജിത പരമ്പരക്ക് വിരാമമായി. നാല് കളികളില്‍ നിന്ന് 12 പോയിന്റുമായി അല്‍ നസര്‍ ലീഗില്‍ ഒന്നാം സ്ഥാനത്തെത്തി.

റൊണാള്‍ഡോയുടെ പുതിയ ടീമായ അല്‍നസ്‌റിന്റെ കളി സ്റ്റേഡിയത്തിലിരുന്ന് വീക്ഷിക്കുകയായിരുന്നു റൊണാള്‍ഡോ. കണ്ടുമുട്ടിയ ശേഷം ഗാനിം റൊണാള്‍ഡോയ്‌ക്കൊപ്പമുള്ള ഫോട്ടോ ട്വിറ്ററില്‍ പങ്കുവെച്ചു. ഗാനിമിനൊപ്പം റൊണാള്‍ഡോ സമയം ചെലവിടുന്ന ഫോട്ടോ അല്‍ നസ്ര്‍ ക്ലബും പങ്കുവെച്ചു.

ഇംഗ്ലീഷ് ക്ലബില്‍നിന്ന് പുറത്തായെങ്കിലും വിലക്ക് നിലനില്‍ക്കും. എന്നാല്‍ ലോകകപ്പില്‍ കളിക്കാന്‍ ഇത് തടസ്സമായുരുന്നില്ല. ഏപ്രില്‍ 9ന് ഗുഡിസണ്‍ പാര്‍ക്കില്‍ നടന്ന എവര്‍ട്ടണെതിരായ മത്സരത്തില്‍ മാഞ്ചസ്റ്റര്‍ തോറ്റ ശേഷമാണ് വിലക്കിനിടയാക്കിയ സംഭവമുണ്ടായത്.

ഈ ഭൂമുഖത്തെ ഏറ്റവുമധികം ആരാധകരുള്ള ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോയുടെ പടിയിറക്കം തുടങ്ങിയോ? ചര്‍ച്ചയാണ് എവിടെയും.
ലോകമെമ്പാടുമുള്ള ഫുട്‌ബോള്‍ ആരാധകരുടെയും വാര്‍ത്താ മാധ്യമങ്ങളുടെ യും നിരീക്ഷകരുടെയും ഫുട്ബാള്‍ പണ്ഡിതന്മാരുടേയും ചൂടേറിയ ചര്‍ച്ചകള്‍ കൊഴുക്കുമ്പോഴും ഡിസംബര്‍ ആറു ചൊവ്വാഴ്ച ഖത്തര്‍ ലുസൈല്‍ സ്‌റ്റേഡിയ ത്തില്‍ 89000 ത്തോളം കാണികള്‍ക്ക് മുന്‍പില്‍ വെച്ച് നടന്ന ആ അപമാനം പക്ഷെ റൊണാള്‍ഡോ എന്ന ഫുട്ബാള്‍ നായകന്‍ ജീവിതത്തില്‍ ഒരിക്കലും മറക്കാന്‍ സാധ്യതയില്ല.

പകരം കളിക്കാരുടെ ക്യൂവില്‍ സൈഡില്‍ ഇരിക്കുന്ന റൊണാള്‌ഡോയുടെ മുഖത്തിനു നേരെ ക്യാമറകള്‍ മിഴികള്‍ തുറന്നു കൊണ്ടേ ഇരുന്നപ്പോള്‍ ഗ്യാലറികള്‍ തിങ്ങി നിറഞ്ഞു ആവേശക്കടല്‍ തീര്‍ത്ത ആരാധകര്‍ അപ്പോഴും റൊണാള്‍ഡോ യുടെ പേര്‍ ആര്‍ത്തു വിളിക്കുകയായിരുന്നു..
സത്യത്തില്‍ എന്താണ് പോര്‍ച്ചുഗല്‍ ടീമില്‍ സംഭവിച്ചു കൊണ്ടിരിക്കുന്നത്?

റൊണാള്‍ഡോ ഇല്ലെങ്കി ലും തങ്ങള്‍ വിജയിക്കും എന്ന് പോര്‍ച്ചുഗലിന്റെ ടീം ലോകത്തിനു കാണിച്ചു കൊടുത്തി രിക്കുന്നു എന്ന സത്യം അംഗീകരിച്ചു കൊണ്ട് തന്നെ ചോദിക്കേണ്ടി വരുന്നു.
2003ല്‍ റൊണാള്‍ഡോ ആദ്യമായി പോര്‍ച്ചുഗലിന്റെ ബൂട്ടണിഞ്ഞു കളിക്കാനിറങ്ങുമ്പോള്‍ കൃത്യമായി രണ്ടു വയസ്സും രണ്ടു മാസവും പ്രായമുണ്ടായിരുന്ന ഗോണ്‍സാലോ റാമോസ് എന്ന ആ കൈക്കുഞ്ഞ് റൊണാള്‍ഡോയെന്ന വിശ്വ പ്രസിദ്ധ കളിക്കാരനെ ബെഞ്ചിലിരുത്തി ഹാട്രിക്ക് ഗോള്‍ വര്‍ഷത്തോടെ ലോകത്തെ വിസ്മയിപ്പിച്ചിരിക്കുന്നു.

കളിയുടെ പതിനേഴാം മിനിട്ടിലും അന്‍പത്തി ഒന്നാം മിനിട്ടിലും അറുപത്തി യേഴാം മിനിട്ടിലും റാമോസ് എന്ന ആ 21 വയസ്സുകാരന്‍ പന്ത് വലയിലാക്കിയപ്പോള്‍ അമ്പരന്നത് ലോകമാകെ ഖത്തര്‍ ലോകകപ്പ് കണ്ടു കൊണ്ടിരിക്കുന്ന കോടി ക്കണ ക്കിന് ഫുട്ബാള്‍ പ്രേമികളാണ്. ഈ ഗോള്‍ വര്ഷം സ്വിസ് പടയുടെ ആത്മവീര്യം ചോര്‍ത്തിക്കളഞ്ഞു. റൊണാള്‍ഡോക്ക് പകരം ക്യാപ്റ്റനായി വന്ന പെപ്പെയും റാഫേല്‍ ഗുരീറോ യും റാഫേല്‍ ലിയാവോയും ഇടയ്ക്കു ഓരോ ഗോള്‍ വീതം നേടി ലീഡ് ഉറപ്പി ച്ചു 6 – 1 നു സ്വിസ് പടയെ തകര്‍ത്ത് തരിപ്പണമാക്കിയപ്പോള്‍ തകര്‍ന്നു വീണത് റൊണാള്‌ഡോ എന്ന ഫുട്ബാള്‍ നായകന്റെ താര പരിവേഷം കൂടിയാണ്.

തങ്ങള്‍ക്കു വിജയിക്കാന്‍ റൊണാള്‍ഡോ അനിവാര്യനല്ലെന്നു തെളിയിക്കുക മാത്രമല്ല മാനേജര്‍ ഫെര്‍ണാണ്ടോ സാന്റ്‌റോസ് ചെയ്തത് മറിച്ചു റൊണാള്‍ഡോ എന്ന അതികായനു പകരം റാമോസ് എന്ന പുതിയൊരു താരപ്പിറവിക്കു വഴിയൊരുക്കുക കൂടിയായിരുന്നു.
റൊണാള്‍ഡോയെ ആഘോഷിക്കുന്ന മാധ്യമങ്ങളും ലോകമെമ്പാടുമുള്ള ആരാധകരും അത്ഭുതത്തോടെയാണ് ആ കാഴ്ച കണ്ടു നിന്നത്.

ഗോണ്‍സാലോ റാമോസ് തന്നെ പറഞ്ഞത് ലോക കപ്പു മത്സരങ്ങളില്‍ തന്റെ ടീമിനുവേണ്ടി തുടക്കത്തിലേ ഇറങ്ങുമെന്നും ഇങ്ങനെ ഹാട്രിക് ഗോളുകള്‍ അടിക്കാന്‍ കഴിയുമെന്നും തന്റെ വിദൂര സ്വപ്നങ്ങളില്‍ പോലും കരുതിയിരുന്നില്ല എന്നാണ്.
കളിയുടെപതിനേഴാം മിനുട്ടില്‍ സ്വിസ് ഗോള്‍ കീപ്പറെ നിസ്സഹായനായി നിര്‍ത്തി തന്റെ ഇടങ്കാലുകൊണ്ട് റാമോസ് സ്വിസ്സ് ഗോള്‍ പോസ്റ്റിലേക്ക് പായിച്ച ആ പന്ത് നെഞ്ചേറ്റിയത് ലുസൈല്‍ സ്‌റ്റേഡിയത്തിലെ പതിനായിരങ്ങള്‍ മാത്രമല്ല ലോകത്തിലെ കോടിക്കണക്കിനു ഫുട്ബാള്‍ ആരാധകര്‍ കൂടിയായിരുന്നു. അങ്ങനെ ആ ഇടങ്കാല്‍ ഗോള്‍ ചരിത്രത്തിന്റെ ഭാഗമായി മാറി.
സൌമ്യനായ ആ ‘പാവം’ ചെറുപ്പക്കാരന്‍ തുടര്‍ന്ന് രണ്ടു തവണയും സ്വിസ് വല കുലുക്കിയപ്പോള്‍ പിറന്നു വീണത് ഈ ലോക കപ്പിലെ റിക്കാര്‍ഡു മാത്രമല്ല ഒരു പുതിയ ഫുട്‌ബോള്‍ താരം കൂടിയാണ്. പതിനേഴാം മിനുട്ടില്‍ ആ ഗോള്‍ എങ്ങനെ പറന്നു പോസ്റ്റില്‍ വീണുവെന്ന് പലരും അത്ഭുതം കൂറി.

സ്വന്തം ടീമിന്റെ വിശ്വ പ്രസിദ്ധനായ ക്യാപ്റ്റനെ മൂലക്കിരുത്തി ഫെര്‍ണാണ്ടോ സാന്റോസ് നടത്തിയ പരീക്ഷണം പക്ഷെ വിജയിച്ചു. അതൊരു കൈവിട്ട കളി തന്നെ ആയിരുന്നു. മത്സരത്തില്‍ പോര്‍ച്ചുഗല്‍ എങ്ങാനും തോറ്റിരുന്നുവെങ്കില്‍ മാനേജരുടെ അവസ്ഥ എന്താകുമായിരുന്നുവെന്ന് ഊഹിക്കാന്‍ പോലും പറ്റില്ല.

തുടരെത്തുടരെ ഗോളുകള്‍ തങ്ങളുടെ പോസ്റ്റിലേക്ക് വീണു കൊണ്ടിരുന്ന പ്പോള്‍ സ്വിസ് കളിക്കാര്‍ അടപടലം പതറി. അവരുടെ ഡിഫന്‍സും തകര്‍ന്നു. ഫോര്‍ വേഡ്കളുടെ മുന്നേറ്റം ചിന്നിച്ചിതറി.
ഈ വേള്‍ഡ് കപ്പിലെ പോര്‍ച്ചുഗലിന്റെ ഈ കളി ഏറ്റവും മികച്ച തായിരുന്നു. അതില്‍ റൊണാള്‍ഡോയുടെ റോള്‍ ആകട്ടെ എഴുപത്തി രണ്ടാം മിനുട്ടിലിറങ്ങി പതിനേഴു മിനിട്ട് മാത്രം ഗ്രൗണ്ടില്‍ ഓടി നടന്ന കേവലമൊരു പകരം കളിക്കാരന്‍ മാത്രമായിട്ടും.
എന്നിട്ടും സ്‌റ്റേഡിയ മാകെ മുഴങ്ങിക്കേട്ടത് റൊണാള്‍ഡോ റൊണാള്‍ഡോ എന്ന ആര്‍പ്പു വിളികള്‍ മാത്രം.

താനിറങ്ങിക്കളിച്ച പതിനേഴു മിനിട്ട് കൊണ്ട് പലപ്രദമായ ഒരു നീക്കം നടത്താന്‍ പോലും താരത്തിനു കഴിഞ്ഞുമില്ല. അടുത്ത കളിയില്‍ പരീക്ഷണം ആവര്‍ത്തിക്കുകയും റൊണാള്‍ഡോ എന്ന ക്യാപ്റ്റന്‍താരത്തെ കേവലമൊരു പകരക്കാരന്‍ മാത്രമായി ബെഞ്ചില്‍ ത്തന്നെ ഇരുത്തുകയും ചെയ്യുമെന്നുമുള്ള സൂചനയാണ് മാനേജര്‍ ഫെര്‍ണാണ്ടോ നല്‍കുന്നത്.
റൊണാള്‍ഡോയെന്ന സൂപ്പര്‍ താരത്തെ തുടക്കത്തിലെ ലൈന്‍ അപ്പില്‍ നിര്‍ത്താന്‍ പോലും കൂട്ടാക്കാതിരുന്ന ഫെര്‍ണാണ്ടോ പക്ഷെ പറയുന്നത് റൊണാള്‍ഡോയും താനുമായി ഒരു പ്രശ്‌നവും ഇല്ലെന്നും തങ്ങള്‍ നല്ല സുഹൃത്തുക്കള്‍ ആണെന്നുമാണ്.

പക്ഷെ സൌത്ത് കൊറിയയുമായി ഉള്ള കളിയില്‍ തന്നെ കേവലം പകരക്കാരനാക്കിയതിനെതിരെ റൊണാള്‍ഡോ നടത്തിയ രൂക്ഷമായ പ്രതികരണവും കൊറിയന്‍ കളിക്കാരനോടുള്ള മോശം പെരുമാറ്റവുമാണ് ഫെര്‌നാണ്ടോയെ ചൊടിപ്പിച്ചത് എന്നാണു പറഞ്ഞു കേള്‍ക്കുന്നത്. റൊണാള്‍ഡോ ഇല്ലാതെയും തങ്ങള്‍ക്കു കളിയില്‍ ജയിക്കനാകും എന്ന് ബോധ്യപ്പെടുത്താനാകും ഇനി ഇനി ഫെര്‍ണാണ്ടോ യുടെ ശ്രമം.

ഏറ്റവും രസകരമായ കാര്യം ഇന്നിപ്പോള്‍ കോടിക്കണക്കിനു ജനങ്ങള്‍ ആരാധിക്കുന്ന രണ്ടു സൂപ്പര്‍ താരങ്ങള്‍ റൊണാള്‍ഡോക്കും ലയണല്‍ മെസ്സിക്കും തങ്ങളുടെ ടീമിനെ ലോക കപ്പു ജയിപ്പിക്കുവാന്‍ ഇതുവരെ കഴിഞ്ഞിട്ടില്ല എന്നതാണ്.
മെസ്സിയെക്കാള്‍ ആരാധകരുടെ എണ്ണം കൂടുതല്‍ ഉള്ള റൊണാള്‍ഡോ ഇത് വരെയായി 1142 കളികളിലായി 819 ഗോളുകളാണ് നേടിയത്.
മെസ്സിയാവട്ടെ 1020 കളികളിലായി 794 ഗോളുകളാണ് നേടിയിട്ടുള്ളത്. ബ്രസീലിന്റെ നെയ്മാര്‍ 122 കളികളിലായി 75 ഗോളുകളാണ് ഇത് വരെയായി നേടിയിട്ടുള്ളത്.

ഓള്‍ഡ് ട്രാഫോര്‍ഡിലെ രണ്ട് സ്‌പെല്ലുകളിലായി 346 മത്സരങ്ങളില്‍ നിന്ന് 145 ഗോളുകള്‍ സമ്മാനിച്ച അദ്ദേഹത്തിന്റെ സംഭാവനക്ക് നന്ദിയും ആശംസയും നേര്‍ന്ന് കൊണ്ടായിരുന്നു വാര്‍ത്ത പങ്കുവെച്ചത്.

ഓസ്‌ട്രേയിയന്‍ ഇതിഹാസം ജോസഫ് ബികാന്റെ 759 ഗോളുകള്‍ എന്ന റെക്കോര്‍ഡാണ് റൊണോള്‍ഡോ പഴങ്കഥയാക്കിയത്. ലോകോത്തരതാരം പെലെ(757)യാണ് ഗോള്‍വേട്ടയില്‍ മൂന്നാമത്. റൊമാരിയോ(743)നാലാമതും ബാഴ്‌സസൂപ്പര്‍താരം ലയണല്‍ മെസി(719) അഞ്ചാമതുമാണ്. രാജ്യത്തിനും ക്ലബുകള്‍ക്കുമായി കളിച്ചാണ് റൊണാള്‍ഡോയുടെ ഈ ഗോള്‍നേട്ടം.

സ്‌പോര്‍ട്ടിംഗ്, മാഞ്ചസ്റ്റര്‍ യുണൈറ്റഡ്, റയല്‍മാഡ്രിഡ്, യുവന്റസ് എന്നീ ക്ലബുകള്‍ക്ക് വേണ്ടി കളത്തിലിറങ്ങിയ ക്രിസ്റ്റിയാനോ പോര്‍ച്ചുഗല്‍ ദേശീയ ടീമിനുവേണ്ടിയും നിരവധി ഗോളുകള്‍ നേടിയിട്ടുണ്ട്.

758 ഗോളുകളാണ് യുവന്റസ് താരം ഇതുവരെ സ്വന്തമാക്കിയത്. 757 ആണ് പെലെയുടെ അക്കൗണ്ടിലുള്ള ഗോളുകളുടെ എണ്ണം. ഈ റെക്കോര്‍ഡാണ് റൊണാള്‍ഡോ തിരുത്തിക്കുറിച്ചത്.

സ്‌കോര്‍ ചെയ്ത ഗോളുകളുടെ എണ്ണത്തില്‍ ലോകത്ത് രണ്ടാം സ്ഥാനത്താണ് നിലവില്‍ റോണോ ഉള്ളത്.

ഇപ്പോഴിതാ, ഇംഗ്ലണ്ടിലെ തന്റെ തട്ടകമായ മാഞ്ചസ്റ്ററില്‍ 11 നിലയുള്ള അത്യാഡംബര ഹോട്ടല്‍ പണിയാന്‍ ഒരുങ്ങുകയാണ് താരം. 150 മുറികളുള്ള ഹോട്ടല്‍ 2023ന് ഉദ്ഘാടനം ചെയ്യപ്പെടും എന്നാണ് പ്രതീക്ഷിക്കപ്പെടുന്നത്. മുറികള്‍ക്ക് പുറമേ, ഗ്രൗണ്ട് ഫ്‌ളോര്‍ ലോഞ്ച് ബാര്‍, അതിഥികള്‍ക്കായി റൂഫ് ടെറസ് എന്നിവയും ഉണ്ടാകും.

ഹോട്ടലിന്റെ രൂപകല്പന

മാഞ്ചസ്റ്ററില്‍ മുന്‍ മാഞ്ചസ്റ്റര്‍ താരങ്ങളായ ഗാരി നെവില്ലയ്ക്കും റിയാന്‍ ഗിഗ്‌സിനും ഹോട്ടലുകളുണ്ട്. ഇരുവരും ചേര്‍ന്ന് നഗരത്തില്‍ രണ്ട് ഹോട്ടലുകളാണ് നടത്തുന്നത്. എട്ടു വര്‍ഷം മുമ്പ് ഇവരുടെ കമ്പനി ഓഹരി വിപണിയിലെ രണ്ടാം ഗ്രേഡില്‍ രജിസ്റ്റര്‍ ചെയ്തിരുന്നു. ഈ മേഖലയിലേക്കാണ് റൊണാള്‍ഡോയുടെ വരവ്.

മാഞ്ചസ്റ്ററിലെ നോര്‍ത്തേണ്‍ ക്വാര്‍ട്ടറിലാണ് ക്രിസ്റ്റിയാനോയുടെ ഹോട്ടല്‍ വരുന്നത്. ഫോര്‍ സ്റ്റാര്‍ പ്ലസ് ഹോട്ടലാണ് വിഭാവനയില്‍ ഉള്ളത്. ഹോട്ടലിന്റെ രൂപകല്‍പ്പന അധികൃതര്‍ക്ക് അനുമതിക്കായി കൈമാറിയിട്ടുണ്ട്.

ലിസ്ബണിലെ ഹോട്ടല്‍

നിലവില്‍ ഇറ്റാലിയന്‍ ക്ലബായ യുവന്റസിനു വേണ്ടി കളിക്കുന്ന ക്രിസ്റ്റ്യാനോയ്ക്ക് സ്വന്തം നാടായ മദേറിയയിലെ ഫുഞ്ചലിലും ലിസ്ബണിലും ഹോട്ടലുകളുണ്ട്. തന്റെ ബ്രാന്‍ഡായ സിആര്‍7 ഷോറൂമുകള്‍ ന്യൂയോര്‍ക്ക്, മാഡ്രിഡ്, മറകെച്ച്, പാരിസ് എന്നിവിടങ്ങളില്‍ ആരംഭിക്കാനും താരത്തിന് പദ്ധതിയുണ്ട്.

വേനല്‍ക്കാല സീസണില്‍ തന്നെ താരത്തെ ലേലത്തില്‍ വയ്ക്കുമെന്നാണ് ദ സണ്‍ പറയുന്നത്. ആഴ്ചയില്‍ 540,000 പൗണ്ടാണ് ക്ലബ് താരത്തിനായി മുടക്കുന്നത്. ഏറ്റവും കൂടുതല്‍ ശമ്പളം വാങ്ങുന്ന തൊട്ടു താഴെയുള്ള മാറ്റിസ് ഡി ലിറ്റിനേക്കാള്‍ നാലു മടങ്ങ് തുകയാണ് ക്ലബ് ക്രിസ്റ്റ്യാനോയ്ക്കായി മുടക്കുന്നത്.

2018ല്‍ നൂറ് ദശലക്ഷം പൗണ്ടിനാണ് ക്രിസ്റ്റ്യാനോ റയല്‍ മാഡ്രിഡില്‍ നിന്ന് യുവന്റസിലെത്തിയിരുന്നത്. രണ്ടര വര്‍ഷത്തിനിടെ 94 കളികളില്‍ നിന്ന് 71 ഗോളുകളാണ് താരം നേടിയിട്ടുള്ളത്. രണ്ടു തവണ സീരി എ കിരീടവും സ്വന്തമാക്കി.

ഒരു സീസണില്‍ 28 ദശലക്ഷം പൗണ്ടാണ് നിലവില്‍ റോണോയുടെ സമ്പാദ്യം. സഹതാരം പൗളോ ഡിബാലയുടെ ശമ്പളത്തേക്കാള്‍ അഞ്ചു മടങ്ങ് കൂടുതലാണിത്.

കളിയില്‍ മാത്രമല്ല, കാശിന്റെ കാര്യത്തിലും അതിസമ്പന്നനാണ് ക്രിസ്റ്റ്യാനോ. അതു കൊണ്ടു തന്നെ ഇത്രയും വലിയൊരു താരത്തെ നോക്കാനുള്ള സാമ്പത്തിക ശേഷി ഇപ്പോള്‍ യുവന്റസിനില്ല. പ്രത്യേകിച്ചും കോവിഡ് മഹാമാരിക്കു ശേഷം. ക്രിസ്റ്റിയാനോയെ വിറ്റ് കാശാക്കാന്‍ ക്ലബ് ഉദ്ദേശിക്കുന്നതും അതു കൊണ്ടു തന്നെ.

എന്നാല്‍ മെസിയാണ് തന്നെ മികച്ച കളിക്കാരനാക്കി മാറ്റിയതെന്ന അഭിപ്രായവുമായി രംഗത്തെത്തിയിരിക്കുകയാണ് ഇപ്പോള്‍ ക്രിസ്റ്റിയാനോ റൊണാള്‍ഡോ. മെസിയുമായുള്ള ആരോഗ്യപരമായ പോര് താന്‍ ആസ്വദിക്കുന്നുണ്ടെന്നും ക്രിസ്റ്റിയാനോ പറഞ്ഞു. പോര്‍ച്ചുഗിലിലെ ടി.വി.ഐ ചാനലിനോട് സംസാരിക്കുകയായിരുന്നു അദ്ദേഹം.

എന്നെ ഇത്ര മേല്‍ മികച്ച കളിക്കാരനാക്കിയത് മെസിയാണെന്നതില്‍ സംശയമില്ല. അതുപോലെ മെസിയെ മികച്ച കളിക്കാരനാക്കിയത് താനാണ്. താന്‍ ഒരു കിരീടം നേടുമ്പോള്‍ തീര്‍ച്ചയായും മെസിക്കു വേദനയുണ്ടാവും. അതേപോലെ മെസി ഒരു കിരീടം നേടുന്ന അവസരത്തില്‍ തനിക്കും വേദനയുണ്ടാകും-ക്രിസ്റ്റിയാനോ വ്യക്തമാക്കി.

മെസിയും താനുമായി കഴിഞ്ഞ 15 വര്‍ഷമായി ഒരുമിച്ചു കളിക്കുകയാണെന്നും തമ്മില്‍ നല്ല ബന്ധമാണുള്ളതെന്നും ക്രിസ്റ്റിയാനോ പറഞ്ഞു.

സ്പാനിഷ് ക്ലബ്ബുകളായ ബാഴ്‌സലോണയിലും റിയല്‍ മാഡ്രിഡിലുമായി യഥാക്രമം മെസിയും ക്രിസ്റ്റിയാനോയും കളിച്ചതിനെ തുടര്‍ന്നാണ് ഇരുവരുടെയും മികവുകള്‍ തമ്മിലുള്ള താരതമ്യങ്ങള്‍ കൂടിയത്. പിന്നീട് ഇറ്റാലിയന്‍ ക്ലബ്ബായ ജുവന്റസിലേക്ക് ക്രിസ്റ്റിയാനോ കൂടു മാറിയപ്പോഴും ഈ മികവു സംബന്ധിച്ച താരതമ്യ തര്‍ക്കങ്ങള്‍ക്ക് കുറവുണ്ടായില്ല.