2010 ഏപ്രില്‍ 17നാണ് പുസ്തക പ്രകാശനത്തിനായി കോഴിക്കോട് എത്തിയ അദ്ധ്യാപികയും എഴുത്തുകാരിയുമായ യുവതിക്കെതിരെ അതിക്രമം ഉണ്ടായത്. ബലാല്‍സംഗം, സ്ത്രീത്വത്തെ അപമാനിക്കല്‍, പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് എതിരായ അതിക്രമം, തുടങ്ങിയ വകുപ്പുകളാണ് പോലീസ് പ്രധാനമായും ചേര്‍ത്തിരിക്കുന്നത്.

മുന്‍കൂര്‍ ജാമ്യം നല്‍കിയത് ചോദ്യം ചെയ്ത് അതിജീവിതയും വിധി പുനഃപരിശോധനിക്കണമെന്ന് ആവശ്യപ്പെട്ട് സര്‍ക്കാറും അപ്പീലുകള്‍ നല്‍കിയിരുന്നു. ഇത് പരിഗണിച്ചാണ് ഹൈക്കോടതിയുടെ നടപടി.

മുന്‍കൂര്‍ ജാമ്യം നല്‍കി കോഴിക്കോട് സെഷന്‍സ് കോടതി ജഡ്ജി എസ്. കൃഷ്ണകുമാര്‍ പുറപ്പെടുവിച്ച ഉത്തരവിലെ പരാമര്‍ശങ്ങള്‍ മുമ്പ് വലിയ വിവാദമായിരുന്നു. പരാതിക്കാരി ലൈംഗിക പ്രകോപനം ഉണ്ടാക്കുന്ന വസ്ത്രം ധരിച്ചതിനാല്‍ ലൈംഗീകാതിക്രമ കുറ്റം നിലനില്‍ക്കില്ലെന്നായിരുന്നു പരാമര്‍ശം. പ്രകോപനപരമായ വസ്ത്രധാരണം സ്ത്രീകളെ അപമാനിക്കാനുള്ള ലൈസന്‍സല്ലെന്ന് ഹൈക്കോടതി വ്യക്തമാക്കുകയും പരാമര്‍ശം നീക്കുകയും ചെയ്തിരുന്നു.

ബലാത്സംഗം, സ്ത്രീത്വത്തെ അപമാനിക്കല്‍ തുടങ്ങിയ വകുപ്പുകളാണ് ചുമത്തിയിരിക്കുന്നത്. രണ്ടു കേസുകളാണ് സിവികിനെതിരെ നിലവിലുള്ളത്.