നേരത്തെ സിഎം രവീന്ദ്രനെ ചോദ്യം ചെയ്യാന്‍ നോട്ടീസ് കൊടുത്തപ്പോള്‍ കോവിഡാണെന്ന കാരണം പറഞ്ഞ് ഒഴിയുകയായിരുന്നു. പിന്നീട് പോസ്റ്റ് കോവിഡ് പ്രശ്‌നങ്ങളുണ്ടെന്ന് പറഞ്ഞ് ചോദ്യം ചെയ്യലിന് ഹാജരായില്ല. ഇന്നലെ വീണ്ടും ചോദ്യം ചെയ്യലിന് ഹാജരാവാന്‍ ആവശ്യപ്പെട്ട് നോട്ടീസ് നല്‍കിയെങ്കിലും ദേഹാസ്വാസ്ഥ്യം കാരണമായി പറഞ്ഞ് പിന്‍മാറുകയായിരുന്നു.

അതിനിടെ സ്വര്‍ണക്കടത്തുമായി ബന്ധപ്പെട്ട ഉന്നതന്‍ സ്പീക്കര്‍ പി. ശ്രീരാമകൃഷ്ണനാണെന്ന് ബിജെപി സംസ്ഥാന പ്രസിഡന്റ് കെ. സുരേന്ദ്രന്‍ ആരോപിച്ചത് കാര്യങ്ങള്‍ കൂടുതല്‍ സങ്കീര്‍ണമാക്കിയിരിക്കുകയാണ്. കേരള ചരിത്രത്തില്‍ ഇതുവരെ ഒരു സ്പീക്കറും നേരിടാത്ത ആരോപണമാണ് ശ്രീരാമകൃഷ്ണനെതിരെ ഉയര്‍ന്നിരിക്കുന്നത്. ഇത് സംബന്ധിച്ച് പ്രതികരിക്കാന്‍ ഇടതു മുന്നണിയോ സിപിഎം നേതാക്കളോ ഇതുവരെ തയ്യാറായിട്ടില്ല.

രജിസ്​ട്രേഷൻ വകുപ്പ്​ അതാത്​ ജില്ലാ രജിസ്​ട്രേഷൻ ഓഫീസുകളിലേക്ക് വിവരം​ കൈമാറും. അവിടെ നിന്നാണ്​ വിവരങ്ങൾ ഇഡിക്ക്​ നൽകുക. അന്വേഷണം കൂടുതൽ വ്യാപിപ്പിക്കുന്നതിന്റെ ഭാഗമായാണ്​ രവീന്ദ്രനെതിരായ നീക്കമെന്നാണ്​ സൂചന.

അതേസമയം, സി.എം രവീന്ദ്രനെ ഇഡി ഇതുവരെ ചോദ്യം ചെയ്യാന്‍ ഇഡി ഉദ്യോഗസ്ഥര്‍ക്ക് കഴിഞ്ഞിട്ടില്ല. രണ്ട്​ തവണ നോട്ടീസ്​ നൽകിയെങ്കിലും ആദ്യത്തെ തവണ കോവിഡിനെ തുടർന്നും പിന്നീട്​ കോവിഡാനന്തര ശാരീരിക അസ്വസ്ഥതകളെ തുടർന്നും രവീന്ദ്രൻ ചോദ്യം ചെയ്യലിന്​ ഹാജരായിരുന്നില്ല.

രാവിലെ ഒന്‍പത് മണിയോടെയാണ് വടകര നാദാപുരം റോഡിലെ ഊരാളുങ്കല്‍ സൊസൈറ്റി ആസ്ഥാനത്ത് ഇഡി സംഘം എത്തിയത്. രണ്ടര മണിക്കൂറോളം ഓഫീസില്‍ പരിശോധന നടത്തി. അതേസമയം ഇഡി സംഘം വിവരങ്ങള്‍ ചോദിച്ചറിയുകയാണ് ചെയ്തതെന്നും ഫയലുകള്‍ കൊണ്ടുപോയിട്ടില്ലെന്നും സൈസൈറ്റി ചെയര്‍മാന്‍ പാലേരി രമേശന്‍ പ്രതികരിച്ചു.

അതിനിടെ, സിഎം രവീന്ദ്രന് കോഴിക്കോട്, കണ്ണൂര്‍ ജില്ലകളിലായി 12 സ്ഥാപനങ്ങളില്‍ ഓഹരിയുണ്ടെന്ന് ഇഡി പറയുന്നു. രണ്ടു ദിവസങ്ങളിലായി നടത്തിയ റെയ്ഡിലാണ് ഇഡിയുടെ കണ്ടെത്തല്‍. വടകര, ഓര്‍ക്കാട്ടേരി, തലശ്ശേരി, കണ്ണൂര്‍ എന്നിവിടങ്ങളിലെ 24 സ്ഥാപനങ്ങളിലാണ് റെയ്ഡ്.

നിലവില്‍ ഈ സ്ഥാപനങ്ങള്‍ നടത്തുന്നവരില്‍ നിന്ന് ഇഡി വിവരം ശേഖരിക്കുക മാത്രമാണ് ചെയ്തത്. രവീന്ദ്രനു വലിയ അളവില്‍ സാമ്പത്തിക ഇടപാടുണ്ടെന്ന് പരാതി ഉയര്‍ന്ന സ്ഥാപനങ്ങള്‍ പരിശോധിക്കാന്‍ ഇഡി കൊച്ചി യൂണിറ്റാണ് കോഴിക്കോട് സബ് സോണല്‍ ഉദ്യോഗസ്ഥരോട് ആവശ്യപ്പെട്ടത്.

സ്വര്‍ണക്കടത്ത് ഉള്‍പ്പെടെ കേസുകളില്‍ ചോദ്യം ചെയ്യാന്‍ കഴിഞ്ഞ ആറിന് ഹാജരാകണമെന്ന് ഇഡി രവീന്ദ്രനോട് നിര്‍ദേശിച്ചിരുന്നു. അന്നാണു കോവിഡ് ബാധയെ തുടര്‍ന്ന് ഇദ്ദേഹത്തെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്.

മുഖ്യമന്ത്രിയുടെ ഏറ്റവും വിശ്വസ്തരായ ഉദ്യോഗസ്ഥരില്‍ ഒരാളാണ് സി.എം. രവീന്ദ്രന്‍. ഒരാളെ ചോദ്യം ചെയ്യലിന് വിളിച്ചെന്നു കരുതി അയാള്‍ കുറ്റവാളിയാകില്ലെന്ന് മുഖ്യമന്ത്രി നേരത്തെ വാര്‍ത്താസമ്മേളനത്തില്‍ പ്രതികരിച്ചിരുന്നു.