പുറത്തേക്കുള്ള യൂറിന്റെ അളവ് കൂട്ടാന്‍ ഡയാലിസിസ് നടത്തിയെങ്കിലും കാര്യമായ പുരോഗതിയില്ല. 72 മണിക്കൂര്‍ നിരീക്ഷണത്തിന് ശേഷം മാത്രമേ കൂടുതല്‍ കാര്യങ്ങള്‍ വ്യക്തമാകൂവെന്നാണ് മെഡിക്കല്‍ സംഘത്തിന്റെ വിലയിരുത്തല്‍.

അതേസമയം ഇസിജിയിലും വ്യതിയാനം ഉണ്ടാകുന്നുണ്ട്. ഇന്നലെ ഇസിജി ടെസ്റ്റിന് വി.എസിനെ വിധേയമാക്കിയിരുന്നു. ഇതിന്റെയടക്കമുള്ള പരിശോധനാഫലത്തിന് ശേഷമായിരിക്കും മെഡിക്കല്‍ സംഘം കൃത്യമായ നിഗമനത്തില്‍ എത്തുക.

വിഎസിന് ഹൃദയാഘാതം ഉണ്ടായതായി ഡോക്ടര്‍മാര്‍ അറിയിച്ചു. വിഎസിന്റെ ആരോഗ്യനില തൃപ്തികരമാണെന്ന് ഡോക്ടര്‍മാര്‍ വ്യക്തമാക്കി. 101 വയസായ വി എസ് ഏറെനാളായി വിശ്രമജീവിതം നയിച്ചുവരികയാണ്.

2006-2011 കാലത്ത് കേരളത്തിന്റെ മുഖ്യമന്ത്രിയായിരുന്നു. 1992-1996, 2001-2006, 2011-2016 വര്‍ഷങ്ങളില്‍ പ്രതിപക്ഷനേതാവ് ആയിരുന്നു. മൂന്നു തവണ സിപിഎം സംസ്ഥാന സെക്രട്ടറിയായിരുന്നിട്ടുണ്ട്.

മുഖ്യമന്ത്രിയുടെ പൊലീസ് മെഡല്‍’ എന്നതിന് പകരം ‘മുഖ്യമന്ത്രയുടെ പോലസ് ‘ എന്നാണ് വിതരണം ചെയ്ത മെഡലില്‍ ആലേഖനം ചെയ്തിരുന്നത്. പകുതിയോളം മെഡലുകളിലും അക്ഷരത്തെറ്റുകള്‍ ഉണ്ടായിരുന്നു.

ഒക്ടോബര്‍ 23നായിരുന്നു മെഡല്‍ തയ്യാറാക്കാന്‍ ഏജന്‍സിക്ക് ഓര്‍ഡര്‍ നല്‍കിയത്. ഒക്ടോബര്‍ 29 നാണ് ഭഗവതി ഏജന്‍സി മെഡലുകള്‍ കൈമാറിയത്.

മെഡലുകള്‍ ലഭിച്ച ലൊലീസി ഉദ്ധ്യോഗസ്ഥര്‍ മേലാധികാരെ അറിയിക്കുകയായിരുന്നു. സംഭവം വാര്‍ത്തയായതോടെ പ്രശ്‌നത്തില്‍ സംസ്ഥാന പൊലീസ് മേധാവി ഇടപെട്ടു. അക്ഷരത്തെറ്റ് സംഭവിച്ച മെഡലുകള്‍ ഉടന്‍ തിരികെ വാങ്ങി പകരം മെഡലുകള്‍ നല്‍കാന്‍ ടെന്‍ഡര്‍ എടുത്ത സ്ഥാപനത്തിന് നിര്‍ദേശം നല്‍കി.

അതേസമയം ഗുരുതരമായ പിഴവ് സംഭവിച്ചിട്ടും അത് കണ്ടെത്താനോ പരിഹരിക്കാനോ മുഖ്യമന്ത്രിയുടെ തന്നെ കീഴിലുള്ള ആഭ്യന്തര വകുപ്പിന് കഴിയാതെ പോയത് എങ്ങനെയെന്നതും പരിശോധിക്കും.

മുഖ്യമന്ത്രിമാരുടെ മക്കള്‍ സി.പി.എമ്മിന് എന്നും തലവേദനയായിട്ടുണ്ട്. മകള്‍ വീണ വിജയന്‍ വിവാദങ്ങളുടെ തോഴിയായതോടെ മക്കള്‍ വിവാദത്തില്‍ മുഖ്യമന്ത്രി പിണറായി വിജയന്‍തന്നെയാണ് മുന്നില്‍. വീണയുടെ ഇടപെടലുകള്‍ തുടര്‍ ഭരണത്തിലും കരുത്തോടെ മുന്നേറുകയാണെന്നാണ് വര്‍ത്തമാനകാല രാഷ്ട്രീയ സംഭവങ്ങള്‍ വ്യക്തമാക്കുന്നത്. മക്കള്‍ വിവാദം സി.പി.എമ്മിന് പുത്തരിയല്ല. ഇ.കെ നായനാറും വി.എസ് അച്യുതാനന്ദനും മുഖ്യമന്ത്രിയായിരിക്കെ മക്കളാല്‍ വിവാദം സൃഷ്ടിച്ചിട്ടുണ്ട്. നായനാര്‍ പരമശുദ്ധന്‍ ആണെന്നാണ് മാധ്യമങ്ങളുടെ പട്ടം. പൊതുവേ അങ്ങനെതന്നെ ആയിരുന്നു. എന്നാല്‍ നായനാര്‍ മുഖ്യമന്ത്രിയായിരിക്കെ മകന്‍ കൃഷ്ണകുമാറും വിവാദത്തില്‍ കുടുങ്ങിയിട്ടുണ്ട്. കൃഷ്ണകുമാറിന് ബന്ധമുള്ള പരസ്യ കമ്പനിക്ക് സര്‍ക്കാര്‍ പൊതുമേഖലാ സ്ഥാപനങ്ങളുടെ പരസ്യങ്ങള്‍ വാരിക്കോരി കൊടുത്തു എന്നത് അന്നത്തെ ഞെട്ടിക്കുന്ന വിവാദമായിരുന്നു. അതൊരു വിവാദം മാത്രമല്ല നേരായിരുന്നു എന്നത് ബോധ്യവുമാണ്. മുഖ്യമന്ത്രിയായിരുന്ന ഇ.എം.എസ് നമ്പൂതിരിപ്പാടും കുടുങ്ങിയത് നായനാര്‍ ഭരണകാലത്താണ്. കുടുംബത്തിലെ മൂന്നു പേര്‍ക്ക് ഒരുമിച്ച് ജോലി കൊടുത്തു എന്നത് ഇ.എം.എസിനെയും കുടുക്കിയിരുന്നു. അങ്ങനെ ബന്ധുനിയമനത്തില്‍ ഇ.എം.എസും കുടുങ്ങി. സംഭവം നടന്നത് നായനാര്‍ ഭരണകാലത്താണ് എന്നതാണ് ഇ.എം.എസിന് ആശ്വാസം.
മകന്‍ അരുണ്‍കുമാര്‍ വി.എസ് അച്യുതാനന്ദന് കുറച്ചൊന്നുമല്ല തലവേദന സൃഷ്ടിച്ചത്. കയര്‍ ബോര്‍ഡിലെ 47 ലക്ഷം രൂപയുടെ ക്രമക്കേടുകളുടെ ഉത്തരവാദിത്വം അനില്‍കുമാറിനായിരുന്നു. ഐ.എച്ച്.ആര്‍.ഡിലെ നിയമന കാലത്തുണ്ടായ വിവാദങ്ങളും തെല്ലൊന്നുമല്ല അരുണ്‍കുമാറിനാല്‍ വി.എസ് അച്യുതാനന്ദന് പൊല്ലാപ്പായത്. അനധികൃത സ്വത്ത് സമ്പാദ്യവുമായി ബന്ധപ്പെട്ട് വി.എസിന്റെ മകനെതിരെ കോടതി കേസെടുത്തിരുന്നു. മക്കള്‍ വിവാദത്തില്‍ വി.എസ് അച്ചുതനാനന്ദനെയൊഴികെ എല്ലാവരെയും പാര്‍ട്ടി നേതൃത്വം സംരക്ഷിച്ചിട്ടുണ്ട്. പാര്‍ട്ടി വിഷയംപോലെ കൈകാര്യം ചെയ്തിട്ടുണ്ട്. വി.എസിനെതിരായ ആരോപണങ്ങളില്‍ സംരക്ഷകരായി ആരുമുണ്ടായിരുന്നില്ല. മുഖ്യമന്ത്രിയായിരുന്നപ്പോഴും പ്രതിപക്ഷ നേതാവായിരുന്നുപ്പോഴും ഒറ്റയാള്‍പോരാട്ടം തന്നെയായിരുന്നു. വി.എസിനെ അന്നത്തെ പ്രതിപക്ഷം നിര്‍ത്തിപ്പൊരിച്ചിരുന്നു. എന്ത് കാര്യം സാധിക്കണമെങ്കിലും വി.എസ് അച്യുതാനന്ദന്റെ മകനെ കണ്ട് കാശ് കൊടുത്താല്‍ മതിയെന്ന്‌വരെ പ്രതിപക്ഷം പറഞ്ഞിരുന്നു. എന്നാല്‍ അത്തരം ആരോപണങ്ങളില്‍ വി.എസിന് രക്ഷക്ക് വിഎസ് മാത്രമാണുണ്ടാകാറുണ്ടായിരുന്നത്. നായനാരുടെ കാര്യത്തില്‍ അങ്ങനെയല്ലായിരുന്നു. ഇപ്പോള്‍ പിണറായിയുടെ കാര്യത്തിലും പാര്‍ട്ടി നായനാരെ സംരക്ഷിച്ച അതേ നിലപാടിലാണ്. ബന്ധുനിയമനവും കോഴയും വിവാദപ്പെരുമഴ തീര്‍ക്കുമ്പോള്‍ നിഷ്‌ക്രിയരായി നില്‍ക്കുകയാണ് പ്രവര്‍ത്തകര്‍. ഇപ്പോഴത്തെ വിവാദങ്ങള്‍ സത്യമാണെന്ന ബോധ്യവും പ്രവര്‍ത്തകര്‍ക്കുണ്ട്.

ദേശാഭിമാനി മുന്‍ സഹപത്രാധിപരും സി.പി.എമ്മിന്റെ നേതാക്കളിലൊരാളുമായ ജി. ശക്തിധരന്റെ മുഖ്യമന്ത്രിക്കെതിരായ വെളിപ്പെടുത്തല്‍ സംസ്ഥാനരാഷ്ട്രീയത്തില്‍ പുതിയ കോളിളക്കം സൃഷ്ടിക്കുന്നു. പ്രതിപക്ഷ നേതാക്കള്‍ക്കെതിരെ കേസെടുത്ത് കോടികളുടെ അഴിമതികള്‍ ഒതുക്കാന്‍ ശ്രമിക്കുമ്പോഴാണ് പുതിയ ആരോപണം സി.പി.എമ്മിനെയും ഇടതുമുന്നണിയെയും സര്‍ക്കാരിനെയും പിടിച്ചുലച്ചിരിക്കുന്നത്.

നിരവധി സൈബര്‍ സഖാക്കള്‍ നിത്യേന തന്റെ സമൂഹമാധ്യമ പേജില്‍ വന്ന് തെറിയഭിഷേകം നടത്തുന്നതിനെതിരെ എന്ന രീതിയിലാണ് ശക്തിധരന്‍ ഇന്നലെ മുഖ്യമന്ത്രിയെ സൂചിപ്പിച്ചുകൊണ്ട് കോടികളുടെ പണക്കടത്ത് ആരോപണം ഉന്നയിച്ചിരിക്കുന്നത്. എറണാകുളത്തെ ഒരു മന്ത്രിയെയും ഇതില്‍ പങ്കാളിയായി ശക്തിധരന്‍ സൂചിപ്പിച്ചിട്ടുണ്ട്. രണ്ടുകോടി രൂപ എറണാകുളത്തുനിന്ന് കൈതോലപ്പായയില്‍ തിരുവനന്തപുരത്തേക്ക് സി.പി.എം നേതാവ് കൊണ്ടുപോയെന്നും ഇത് അമേരിക്കയിലെ ടൈം സ്‌ക്വയറില്‍ വരെ എത്തിയ നേതാവിനുള്ളതാണെന്നും സൂചിപ്പിച്ചുകൊണ്ടാണ് ഇന്നലെ ശക്തിധരന്‍ തന്റെഫെയ്‌സ് ബുക് പേജില്‍ ആരോപണം തുറന്നുവിട്ടത്. ഇതില്‍ പാര്‍ട്ടിയില്‍നിന്ന ്പുറത്തുപോയ സി.പി.എമ്മിലെ ഒരു എം.എല്‍.എയെയും കുറ്റപ്പെടുത്തുന്നു. മന്ത്രി തോഴിയുമൊത്ത് ഹോട്ടലില്‍ കഴിഞ്ഞതിനെയും സൂചിപ്പിക്കുന്ന കുറിപ്പില്‍ കേന്ദ്ര ഇന്റലിജന്‍സ് ഇക്കാര്യം റിപ്പോര്‍ട്ട് ചെയ്തിരുന്നതായും പറയുന്നുണ്ട്.

ഏതായാലും സംസ്ഥാന രാഷ്ട്രീയത്തില്‍ സ്വര്‍ണക്കടത്തിന് ശേഷം വലിയ കോളിളക്കം സൃഷ്ടിക്കുന്ന ആരോപണമാണ് പുറത്തുവന്നിരിക്കുന്നത്. കേരളസര്‍ക്കാര്‍ ഇതേക്കുറിച്ച് അന്വേഷിക്കില്ലെന്ന ്ഉറപ്പായിരിക്കെ കേന്ദ്രസര്‍ക്കാര്‍ ഏതുസമയത്തും എത്താമെന്നതാണ ്സ്ഥിതി.
കെ.ഫോണിലെയും റോഡ് ക്യാമറയിലെയും കോടികളുടെ അഴിമതികളാണ് അടുത്തിടെ പ്രതിപക്ഷം പുറത്തുകൊണ്ടുവന്നതെങ്കില്‍ രണ്ടുകോടിയുടെ പായപ്പണക്കടത്ത് പുറത്തിട്ടിരിക്കുന്നത് സി.പി.എമ്മിന്റെ സഹയാത്രികന്‍ തന്നെയാണെന്നതാണ് ഞെട്ടിക്കുന്നത്. പാര്‍ട്ടിയിലെ വി.എസ് ഗ്രൂപ്പിന്റെ ആളായാണ് ശക്തിധരന്‍ അറിയപ്പെടുന്നത്. ആ ഗ്രൂപ്പിലെ പലരും മന്ത്രിമാരും മറ്റുമായി മറുകണ്ടം ചാടിയപ്പോള്‍ ദേശാഭിമാനി വിട്ട് സ്വസ്ഥ ജീവിതം നയിക്കുകയാണിപ്പോള്‍ ശക്തിധരന്‍.

മൊത്തം 2.35 കോടി രൂപ കടത്തിയതായ ആരോപണം ഇ.ഡിയുടെയും മറ്റും അന്വേഷണത്തിന് വിധേയമാകുമെന്നുറപ്പാണ്. അടുത്തിടെ കേന്ദ്രസര്‍ക്കാരുമായി കാര്യമായ ഏറ്റുമുട്ടലുകളൊന്നുമില്ലാതിരുന്ന സി.പി.എം സര്‍ക്കാര്‍ ഈ ആരോപണത്തിലൂടെ കൂടുതല്‍ പ്രതിരോധത്തിലായിരിക്കുകയാണ്. ഉന്നതനായ ഒരാള്‍ എന്നതിനര്‍ത്ഥം മുഖ്യമന്ത്രിയാണെന്ന ്‌വ്യക്തമാകുന്ന സൂചനകളാണ് ഫെയ്‌സ്ബുക് പേജിലെ കുറിപ്പിലുളളത്. ഇക്കാര്യത്തില്‍ ഇതുവരെ മുഖ്യമന്ത്രിയോ മന്ത്രിമാരോ സി.പി.എം നേതാക്കളോ പ്രതികരിച്ചിട്ടില്ല. പ്രതിപക്ഷനേതാവ് വി.ഡി.സതീശന്‍, ബെന്നി ബഹനാന്‍ എം.പി തുടങ്ങിയവര്‍ ആരോപണത്തെക്കുറിച്ച് മുഖ്യമന്ത്രി മാറിനിന്ന് അന്വേഷിക്കണമെന്ന് ആവശ്യപ്പെട്ടിരിക്കുകയാണ്. സി.പി.എമ്മിനും ഇടതുമുന്നണിക്കകത്തും പ്രശ്‌നം പിറുപിറുക്കലും കടന്ന് രോഷം നീറിപ്പുകയുന്ന അവസ്ഥയിലാണ്. ആരാണ് ആദ്യവെടി പൊട്ടിക്കുക എന്ന ്മാത്രമേ അറിയാനുള്ളൂ.
കഴിഞ്ഞസര്‍ക്കാരിലെ മുഴുവന്‍ മന്ത്രിമാരെയും പുറത്താക്കിയ മുഖ്യമന്ത്രി പിണറായി വിജയന്‍ താരതമ്യേന ചെറുപ്പക്കാരെയാണ് പകരം മന്ത്രിമാരാക്കിയത്. ഇത് തനിക്കെതിരായ നീക്കങ്ങള്‍ തടയാനായിരുന്നു. പ്രതിഷേധിച്ച ശംസീറിനെ പോലും സ്പീക്കര്‍ പദവി നല്‍കി ഒതുക്കിയതോടെ സര്‍വം അടങ്ങിയെന്ന ്കരുതിയെങ്കിലും ഇ.പി ജയരാജനെയും പി.ജയരാജനെയും പോലുള്ളവര്‍ പിണറായിക്കെതിരെ കടുത്ത പ്രതിഷേധത്തിലാണ്. ജയരാജന്മാരെ പാര്‍ട്ടിയില്‍ നടപടിയും ശാസനയും വഴി ഒതുക്കിയ പിണറായിയെ തേടി ഇനിയെന്നാണ് കേന്ദ്ര ഏജന്‍സികള്‍ വരികയെന്ന ്കാത്തിരിക്കുകയാണ് ജനം.

സീറോ ട്രാഫിക് പ്രോട്ടോക്കോള്‍ മാറ്റാന്‍ കമ്മീഷണര്‍ക്ക് നിര്‍ദേശം നല്‍കിയെന്നും അദ്ദേഹം അറിയിച്ചു. മറ്റ് വാഹനങ്ങള്‍ തടയുന്നത് മൂലം ജനങ്ങള്‍ക്കുണ്ടാകുന്ന ബുദ്ധിമുട്ട് നേരിട്ട് കണ്ടതിനാലാണ് നിര്‍ദേശമെന്നും സിദ്ധരാമയ്യ വ്യക്തമാക്കി.

നിയമസഭാ തെരഞ്ഞെടുപ്പിനുശേഷം അതിരൂക്ഷമായ ആക്രമണങ്ങളാണ് പ്രതിപക്ഷ കക്ഷികൾക്കുനേരെ ത്രിപുരയിൽ അരങ്ങേറുന്നത്. പൊലീസ് നിഷ്ക്രിയത്വം മൂലം ക്രമസമാധാനം പാടേ തകർന്ന അവസ്ഥയാണ്. ത്രിപുരയിലെ സംഘപരിവാർ തേർവാഴ്ചയിൽ പ്രതിഷേധിക്കാനും സംസ്‌ഥാനത്തെ നിയമവാഴ്ച പുനസ്‌ഥാപിക്കാനും രാജ്യത്തെ ജനാധിപത്യ സമൂഹം ഒറ്റക്കെട്ടായി മുന്നോട്ടുവരണമെന്നും പിണറായി വിജയൻ ആവശ്യപ്പെട്ടു.