കൊച്ചിയില്‍ പൊലീസിന്റെ ഭാഗത്തുനിന്ന് കുത്ത അക്രമമാണ് സി.പി.ഐ നേതാക്കള്‍ക്ക് നേരെയുണ്ടായതെന്ന് മുന്‍ എംപിയായ ജയദേവന്‍ പറഞ്ഞു. നേതാക്കളെ തിരഞ്ഞുപിടിച്ചു മര്‍ദ്ദിക്കുകയായിരുന്നു. സംഭവത്തില്‍ മൗനം പാലിക്കുന്ന കാനം രാജേന്ദ്രന്‍ ബ്ലാക്ക് മെയില്‍ ചെയ്യപ്പെടുന്നുണ്ടോയെന്ന് അറിയില്ലെന്നും സി.എന്‍ ജയദേവന്‍ പറഞ്ഞു. നിലപാട് വിശദീകരിക്കേണ്ടത് കാനം തന്നെയാണെന്നും ഭരണത്തിലിരുന്ന് തല്ലുകൊള്ളേണ്ട സ്ഥിതി കമ്മ്യൂണിസ്റ്റുകള്‍ക്കില്ലെന്നും അദ്ദേഹം കൂട്ടിച്ചേര്‍ത്തു. പൊലീസുകാര്‍ക്കെതിരെ നടപടിയെടുക്കണമെന്നും സി.എന്‍ ജയദേവന്‍ കൂട്ടിച്ചേര്‍ത്തു. ഇതോടെ വിഷയത്തില്‍ പരസ്യപ്രതികരണവും ഉണ്ടാവുകയായിരുന്നു.

അതിനിടെ, ആലപ്പുഴയില്‍ പ്രത്യക്ഷപ്പെട്ട പോസ്റ്ററില്‍ എല്‍ദോ എബ്രഹാം എംഎല്‍എക്കും സിപിഐ എറണാകുളം ജില്ലാ സെക്രട്ടറി രാജുവിനും അഭിവാദ്യമര്‍പ്പിച്ചിട്ടുണ്ട്. അമ്പലപ്പുഴ സിപിഐയിലെ തിരുത്തല്‍വാദികള്‍ പതിച്ചത് എന്ന നിലയിലാണ് പോസ്റ്റര്‍ പ്രത്യക്ഷപ്പെട്ടിരിക്കുന്നത്.

നല്ല ആഹാരം കിട്ടിയാല്‍ കഴിക്കുക തന്നെ ചെയ്യും. കല്യാണത്തിന് മുമ്പ് തന്നെ ഇത്തരം കാര്യങ്ങള്‍ സംസാരിച്ചിരുന്നു. താനും കല്യാണത്തിന് പോയിരുന്നു. എന്നാല്‍ ഇപ്പോഴാണ് സോഷ്യല്‍മീഡിയയിലൂടെ വിവാഹ ചിത്രങ്ങള്‍ പരക്കുന്നതും വിവാദമാകുന്നതും. രണ്ടു തവണ എം.എല്‍.എയും മറ്റു ഒട്ടേറെ സ്ഥാനങ്ങളും അലങ്കരിച്ച വ്യക്തിയാണ് ഗീതാഗോപി എം.എല്‍.എ. ഒരിക്കല്‍പോലും ഒരു തരത്തിലുള്ള അഴിമതി ആരോപണങ്ങള്‍ അവരെക്കുറിച്ച് ഇയര്‍ന്നുകേട്ടില്ല. ധാരാളം ആളുകള്‍ കല്യാണത്തിന് എത്തുന്നത് ഒരു തെറ്റല്ല. കാരണം ഒട്ടേറെ പാര്‍ട്ടി പ്രവര്‍ത്തകരുമായൊക്കെ അവര്‍ക്ക് അടുപ്പമുണ്ടാകുമെന്നും എം.പി പറഞ്ഞു. എന്നാല്‍ കൂടുതല്‍ സ്വര്‍ണ്ണം ഉപയോഗിച്ചത് ശരിയായില്ല. അതിനെക്കുറിച്ച് കൂടുതല്‍ വിശദീകരണങ്ങള്‍ തേടുമെന്നും അദ്ദേഹം കൂട്ടിച്ചേര്‍ത്തു. ഇത് തന്റെ വ്യക്തിപരമായ അഭിപ്രായമാണെന്ന് പറഞ്ഞ എം.പി ഗീതാഗോപി എം.എല്‍.എയുടെ മിശ്രവിവാഹമായിരുന്നുവെന്നും അവരെ അത്തരം കാര്യങ്ങളില്‍ അഭിനന്ദിക്കുകയാണ് വേണ്ടതെന്നും കൂട്ടിച്ചേര്‍ത്തു.

വിവാഹം നടത്തിയതില്‍ എം.എല്‍.എക്ക് ജാഗ്രതക്കുറവുണ്ടായെന്ന് സി.പി.ഐ തൃശൂര്‍ ജില്ലാ കൗണ്‍സില്‍ വിലയിരുത്തിയിട്ടുണ്ട്.