കോവിഡ് സാഹചര്യം കണക്കിലെടുത്ത് കഴിഞ്ഞ രണ്ട് വര്‍ഷമായി വിദ്യാഭ്യാസ വകുപ്പ് വിദ്യാര്‍ത്ഥികള്‍ക്ക് ഗ്രേസ് മാര്‍ക്ക് അനുവദിച്ചിരുന്നില്ല. നേരത്തെ ഈ വര്‍ഷത്തെ പത്താം ക്ലാസ്, പ്ലസ് ടു പരീക്ഷാ വിജ്ഞാപനങ്ങളിലും ഗ്രേസ് മാര്‍ക്കിനെക്കുറിച്ച് പരാമര്‍ശിച്ചിരുന്നില്ല. ഇതോടെ വിദ്യാര്‍ത്ഥികള്‍ക്ക് ഇടയില്‍ ആശയക്കുഴപ്പം നിലനിന്നിരുന്നു.

സംസ്ഥാനത്ത് കായികമത്സരങ്ങളും, ശാസ്ത്രമേളയും പൂര്‍ത്തിയായി കഴിഞ്ഞു. സ്‌കൂള്‍ കലോത്സവം അടുത്ത ആഴ്ച നടക്കാനിരിക്കുകയാണ്. ഈ സാഹചര്യത്തില്‍ പാഠ്യേതര വിഷയങ്ങളില്‍ മികവ് കാണിക്കുന്നവര്‍ക്ക് ഗ്രേസ് ലഭ്യമാവും.