നിറങ്ങളുടെ നടുവിലൂടെ നിറം പറ്റാതെ നടക്കുന്ന ആ ഫോട്ടോ ആയിരുന്നു ഇന്നത്തെ സോഷ്യല്‍ മീഡിയാ ട്രെന്റ്. ത്രസിക്കുന്ന ആ ക്യാമ്പസ് മുറ്റം പിന്നിട്ട് നിറം പുരളാതെ തന്റെ മസ്ജിദിലെത്താന്‍ അവനെ സഹായിച്ച ഈ മതേതര കാഴ്ചവട്ടം ഒരുങ്ങിയത് പുത്തനത്താണി സി.പി.എ ആര്‍ട്‌സ് ആന്റ് സയന്‍സ് കോളജിലെ രണ്ടാം വര്‍ഷ വിദ്യാര്‍ഥി കൂട്ടായ്മ നടത്തിയ ഹോളി ആഘോഷത്തില്‍ നിന്നാണ്. വൈറലായ സര്‍ഫ് എക്‌സല്‍ പരസ്യത്തിന്റെ ദൃശ്യാനുഭവത്തോട് ഏതാണ്ട് സാമ്യമുള്ള ഈ ഫോട്ടോ സോഷ്യല്‍ മീഡിയ ഏറ്റെടുക്കുകയായിരുന്നു.