college students – Chandrika Daily

ബോംബ് ഭീഷണി; ഡല്‍ഹിയില്‍ സ്‌കൂളില്‍ നിന്ന് വിദ്യാര്‍ഥികളെ ഒഴിപ്പിച്ചു

webdesk13 — Wed, 12 Apr 2023 09:07:53 +0000

ഇ-മെയില്‍ വഴി സ്‌കൂളിന് ബോംബ് ഭീഷണി ലഭിച്ചതിനെ തുടര്‍ന്ന് ഡല്‍ഹിയിലെ സ്‌കൂളില്‍ നിന്ന് വിദ്യാര്‍ഥികളെ ഒഴിപ്പിച്ചു. ബോംബ് വെച്ചിട്ടുണ്ടെന്ന് കാണിച്ച് രാവിലെ 10:50നാണ് സാദിഖ് നഗറിലെ ഇന്ത്യന്‍ പബ്ലിക് സ്‌കൂളിന് ഇമെയില്‍ സന്ദേശം ലഭിച്ചത്. മുന്‍കരുതല്‍ എന്ന നിലയിലാണ് സ്‌കൂള്‍ ഒഴിപ്പിച്ചതെന്ന് പൊലീസ് പറഞ്ഞു.

സ്‌കൂളിന് പുറത്ത് വിദ്യാര്‍ഥികളും രക്ഷിതാക്കളും ഉള്‍പ്പെടെ വന്‍ജനക്കൂട്ടം തടിച്ചുകൂടിയ ദൃശ്യങ്ങള്‍ സമൂഹമാധ്യമങ്ങളില്‍ പുറത്തുവന്നു. കുട്ടികളെ വീട്ടിലേക്ക് കൊണ്ടുപോകാന്‍ ആവശ്യപ്പെട്ട് സ്‌കൂളില്‍ നിന്ന് സന്ദേശം ലഭിച്ചതായി രക്ഷിതാക്കള്‍ പറഞ്ഞു.

ഇതാദ്യമായല്ല സ്‌കൂളിലേക്ക് ബോംബ് ഭീഷണി വരുന്നത്. കഴിഞ്ഞ വര്‍ഷം നവംബറില്‍ അജ്ഞാനില്‍ നിന്ന് സമാനമായ ഇമെയില്‍ ലഭിച്ചിരുന്നു.

ബോംബ് സ്‌ക്വാഡും ഡോഗ് സ്‌ക്വാഡുമായി സ്‌കൂളില്‍ പരിശോധന നടത്തുന്നുണ്ടെന്ന് പൊലീസ് പറഞ്ഞു.

കാസർഗോഡ് ലോറിയും ബൈക്കും കൂട്ടിയിടിച്ച് വിദ്യാർത്ഥി മരിച്ചു

webdesk15 — Tue, 28 Mar 2023 10:37:18 +0000

ലോറിയും ബൈക്കും കൂട്ടിയിടിച്ച് വിദ്യാർത്ഥി മരിച്ചു. കുമ്പള മഹാത്മാ കോളേജ് വിദ്യാർത്ഥിയായ ആദിൽ (22) ആണ് മരിച്ചത്.മഞ്ചേശ്വരത്തിനടുത്ത് ഹൊസങ്കടിയിലാണ് അപകടം. കൂടെയുണ്ടായിരുന്ന ഗുരുതരമായി പരിക്കേറ്റ വിദ്യാർത്ഥിയെ കുട്ടിയെ മംഗലാപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.

ഭക്ഷ്യവിഷബാധ; ആറ് കോളേജ് വിദ്യാര്‍ഥികള്‍ ആശുപത്രിയില്‍

webdesk12 — Fri, 13 Jan 2023 16:32:01 +0000

സംസ്ഥാനത്ത് വീണ്ടും ഭക്ഷ്യവിഷബാധ. തൃശൂര്‍ പെരുമ്പിലാവ് അന്‍സാര്‍ കോളേജിലെ വിദ്യാര്‍ഥികള്‍ക്കാണ് ഭക്ഷ്യവിഷബാധയേറ്റത്. കോളേജിലെ പരിപാടിയില്‍ വിതരണം ചെയ്ത ഭക്ഷണത്തില്‍ നിന്നാണ് വിഷബാധയുണ്ടായത്. സംഭവത്തില്‍ ആറുപേര്‍ ആശുപത്രിയിലാണ്. ശാരീരികകാസ്വാസ്ഥ്യം പ്രകടിപ്പിച്ച വിദ്യാര്‍ഥികളെ പെരുമ്പിലാവിലെ അന്‍സാര്‍ ആശുപത്രിയില്‍ പ്രവേശിപ്പിച്ചു. മലപ്പുറത്തു നിന്നുള്ള കാറ്ററിങ് ടീമാണ് പരിപാടിയ്ക്കുവേണ്ട ഭക്ഷണങ്ങള്‍ എത്തിച്ചതെന്നാണ് അറിയാന്‍ കവിഞ്ഞത്.

സ്‌കൂള്‍ ബസില്‍ സ്‌കൂട്ടര്‍ ഇടിച്ച് രണ്ട് കോളേജ് വിദ്യാര്‍ഥികള്‍ മരിച്ചു

webdesk14 — Fri, 13 Jan 2023 05:11:51 +0000

കാസര്‍ക്കോട് സ്‌കൂള്‍ ബസില്‍ സ്‌കൂട്ടര്‍ ഇടിച്ച് രണ്ടുപേര്‍ മരിച്ചു. കോളേജ് വിദ്യാര്‍ഥികളായ അബി, പ്രതീഷ് എന്നിവരാണ് മരിച്ചത്. മഞ്ചേശ്വരം മിയപദവിയില്‍വെച്ചാണ് അപകടമുണ്ടായത്. കുന്നില്‍ സ്‌കൂളിലേക്ക് കുട്ടികളുമായി പോവുന്ന സ്‌കൂള്‍ ബസ് ആണ് ബൈക്കില്‍ ഇടിച്ചത്.

എം എസ് എഫ് സംസ്ഥാന സമ്മേളനം; കോളേജ് വിദ്യാര്‍ത്ഥികള്‍ക്കായുള്ള പ്രസംഗ മത്സരം സെപ്തംബര്‍ 28 ന്

Test User — Tue, 24 Sep 2019 13:40:12 +0000

കോഴിക്കോട്: ‘ഗതകാലങ്ങളുടെ പുനര്‍വായന പോരാട്ടമാണ്’ എന്ന പ്രമേയത്തില്‍ നവംബര്‍ 15,16 , 17 തീയതികളില്‍ കോഴിക്കോട് വെച്ചു നടക്കുന്ന എം എസ് എഫ് സംസ്ഥാന സമ്മേളനമായ ‘വിദ്യാര്‍ത്ഥി വസന്തം ‘ പ്രചരണാര്‍ത്ഥം മുസ്ലിം ലീഗ് നേതാവും മുന്‍ മുഖ്യ മന്ത്രിയുമായ സി എച്ഛ് മുഹമ്മദ് കോയയുടെ അനുസ്മരണ ദിനമായ സെപ്തംബര് 28 നു എം എസ് എഫ് സ്ംസ്ഥാന കമ്മിറ്റിയുടെ ആഭിമുഖ്യത്തില്‍ കോളേജ് വിദ്യാര്‍ത്ഥികള്‍ക്കായി അഖില കേരള പ്രസംഗ മത്സരം സംഘടിപ്പിക്കുന്നു.

താല്‍പര്യമുള്ളവര്‍ https://forms.gle/xGze9tosKrM9e1VG9 എന്ന ലിങ്ക് വഴി സെപ്തംബര് 26 നു മുന്‍പായി രജിസ്റ്റര്‍ ചെയ്യേണ്ടതാണു.മത്സരത്തില്‍ പങ്കെടുക്കുന്നവര്‍ കോളേജ് ഐഡന്റിറ്റി കാര്‍ഡോ സ്ഥാപന മേധാവിയുടെ സാക്ഷ്യപത്രമോ സഹിതം 28 നു രാവിലെ 9:30 നു കോഴിക്കോട് ലീഗ് ഹൗസില്‍ റിപ്പോര്‍ട്ട് ചെയ്യേണ്ടതാണു.
വിശദ വിവരങ്ങള്‍ക്ക് 9747399193,9400942494
എന്ന നമ്പറില്‍ ബന്ധപ്പെടുക.