college union election – Chandrika Daily

കോളജ് തെരഞ്ഞെടുപ്പിലെ ആള്‍മാറാട്ടം നടത്തിയ എസ്.എഫ്.ഐ ഏരിയാ സെക്രട്ടറിയെ പുറത്താക്കി

webdesk14 — Wed, 17 May 2023 12:17:18 +0000

തിരുവനന്തപുരം: കാട്ടാക്കട ക്രിസ്ത്യന്‍ കോളേജിലെ തിരഞ്ഞെടുപ്പുമായി ബന്ധപ്പെട്ട് ആള്‍മാറാട്ടം നടത്തിയ എസ്.എഫ്.ഐ കാട്ടാക്കട ഏരിയാ സെക്രട്ടറി വിശാഖിനെ യുയുസി സ്ഥാനത്ത് നിന്ന് പുറത്താക്കി.

യൂണിവേഴ്‌സിറ്റിയിലേക്ക് അയച്ച യുയുസി ലിസ്റ്റില്‍ ഉണ്ടെന്നറിഞ്ഞിട്ടും അത് തിരുത്തുന്നതിനൊ ഉത്തരവാദിത്തപ്പെട്ട ഇടങ്ങളില്‍ അറിയിക്കുന്നതിനൊ വിശാഖ് തയ്യാറായിരുന്നില്ലെന്ന് എസ്എഫ്‌ഐ സംസ്ഥാന സെക്രട്ടറി പി.എം ആര്‍ഷോ സമ്മതിച്ചു.

കാട്ടാക്കട ക്രിസ്ത്യന്‍ കോളേജ് യൂണിയന്‍ തിരഞ്ഞെടുപ്പില്‍ ജയിച്ചയാളെ വെട്ടി എസ്എഫ്‌ഐ നേതാവായ വിശാഖിനെ യുയുസി പട്ടികയില്‍ കൃത്രിമമായി ചേര്‍ക്കുകയായിരുന്നു. സംഭവത്തില്‍ കെ.എസ്.യു ഡിജിപിക്ക് പരാതി നല്‍കിയിട്ടുണ്ട്. എസ്എഫ്‌ഐ പാനലിലെ അനഘയാണ് യൂണിയന്‍ തിരഞ്ഞെടുപ്പില്‍ യുയുസിയായി ജയിച്ചത്. എന്നാല്‍, എസ്.എഫ്.ഐ ഏരിയ സെക്രട്ടറി എ.വിശാഖിന്റെ പേരാണ് കോളേജ് യൂണിവേഴ്‌സിറ്റിയിലേക്ക് നല്‍കിയത്.

എം.എസ്.എഫിന്റെ വിജയം; ക്യാമ്പസുകളില്‍ സര്‍ക്കാര്‍ വിരുദ്ധ തരംഗം: പി.കെ കുഞ്ഞാലിക്കുട്ടി

chandrika — Tue, 04 Sep 2018 04:03:43 +0000

മലപ്പുറം: സര്‍ക്കാരിന് കാമ്പസിന്റെ പിന്തുണയില്ല എന്നതിന് തെളിവാണ് കാലിക്കറ്റ് സര്‍വകലാശാലക്ക് കീഴിലെ കോളജ് യൂണിയന്‍ തെരഞ്ഞെടുപ്പില്‍ യു.ഡി.എഫ് വിദ്യാര്‍ഥി സംഘടനകള്‍ക്ക് ലഭിച്ച അഭൂതപൂര്‍വമായ വിജയമെന്ന് മുസ്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം പി. വെള്ളപ്പൊക്ക ദുരിതമടക്കമുള്ള വിഷയങ്ങളില്‍ ജനങ്ങള്‍ അസംതൃപ്തരാണ്. അതിന്റെ പ്രതികരണമാണ് കാമ്പസുകളിലും കണ്ടതെന്ന് കുഞ്ഞാലിക്കുട്ടി പറഞ്ഞു.
ഇത്തവണ എസ്.എഫ്.ഐ കാമ്പസുകള്‍ പിടിച്ചെടുക്കുമെന്നായിരുന്നു വെല്ലുവിളി. പക്ഷേ കഴിഞ്ഞ പ്രാവശ്യം ഉണ്ടായിരുന്ന കാമ്പസുകള്‍ പോലും നിലനിറുത്താന്‍ അവര്‍ക്കായില്ല.
ചരിത്രത്തില്‍ ഇതാദ്യമായാണ് കാലിക്കറ്റ് സര്‍വകലാശാലയില്‍ എം.എസ്.എഫ് 152ഓളം യു യു സിമാരെ വിജയിപ്പിച്ചെടുത്തത്. ഇത് ചരിത്ര നേട്ടമാണ്. മികച്ച വിജയത്തിന് ചുക്കാന്‍ പിടിച്ച എം എസ് എഫിന്റെ സംസ്ഥാന ജില്ലാ ഭാരവാഹികളെ അദ്ദേഹം അഭിനന്ദിച്ചു.