ഓസ്‌ട്രേലിയന്‍ താരം ജമീമ മോണ്‍ടാംഗാണ് ഈ വിഭാഗത്തില്‍ സ്വര്‍ണം നേടിയത്. കെനിയയുടെ എമിലി വാമൂസി എന്‍ഗിയക്കാണ് വെങ്കലം. 43.38 മിനിറ്റിലാണ് പ്രിയങ്ക തന്റെ ലക്ഷ്യം പൂര്‍ത്തിയാക്കിയത്. ആദ്യ 4000 മീറ്ററില്‍ പ്രിയങ്കയായിരുന്നു ഏറ്റവും മുന്നില്‍. പിന്നീട് ഓസ്‌ട്രേലിയന്‍ താരം മുന്നിലെത്തുകയായിരുന്നു.

ഇത് രണ്ടാം തവണയാണ് സൈന കോമണ്‍വെല്‍ത്ത് ഗെയിംസില്‍ സ്വര്‍ണ്ണം നേടുന്നത്. ഫൈനലിലെ ജയത്തോടെ ലോക റാങ്കില്‍ മൂന്നാം സ്ഥാനത്തുള്ള പി.വി സിന്ധുവിനെതിരെ സൈനയുടെ ജയം നാലായി ഉയര്‍ന്നു. ഇരുവരും തമ്മില്‍ അഞ്ചു തവണ ഏറ്റൂമുട്ടിയപ്പോള്‍ ഒരിക്കല്‍ മാത്രമാണ് സിന്ധു ജയിച്ചത്. ഒരേ കോച്ചിന് കീഴില്‍ പരിശീലിക്കുന്നവരായിരുന്നിട്ടും ഇരുവര്‍ക്കും തമ്മില്‍ സൗഹൃദം അത്ര നല്ലരീതിയിലായിരുന്നില്ല. തമ്മില്‍ കണ്ടാല്‍ ചിരിക്കുമെന്നതല്ലാതെ സംസാരിക്കാറില്ലെന്ന് പി.വി.സിന്ധു തന്നെയാണ് നേരത്തെ വെളിപ്പെടുത്തിയിട്ടുളളത്. അതുക്കൊണ്ടു തന്നെ ഇരുവരും തമ്മിലുള്ള പോരാട്ടം വളരെ ശ്രദ്ധനേടിയിരുന്നു. ലോക റാങ്കില്‍ പന്ത്രണ്ടാം സ്ഥാനത്താണ് ഇപ്പോള്‍ സൈന. കരിയറില്‍ ലോകറാങ്കിങ്ങില്‍ ഒന്നാം സ്ഥാനത്ത് വരെയെത്തിയിട്ടുണ്ട് സൈന

45.31 സെക്കന്‍ഡിലാണ് അനസ് ഫിനിഷ് ചെയ്തത്. 44.35 സെക്കന്‍ഡില്‍ ഫിനിഷ് ചെയ്ത ബോട്‌സ്വാനയുടെ ഐസക് മാക്വാലക്കാണ് സ്വര്‍ണം. 45.09 സെക്കന്‍ഡില്‍ ഓടിയെത്തിയ ബോട്‌സ്വാനയുടെ തന്നെ ബബൊലോക്കി തെബെയ്ക്കാണ് വെള്ളി. ജമൈക്കയുടെ ജവോന്‍ ഫ്രാന്‍സിസാണ് വെങ്കലം സ്വന്തമാക്കിയത്.

ഭാരോദ്വഹനത്തില്‍ ഇന്ത്യയുടെ പ്രദീപ് സിങ് വെള്ളി നേടി. 105 കിലോ വിഭാഗത്തിലാണ് പ്രദീപ് സിങ് വെള്ളി നേടിയത്. 352 കിലോഗ്രാം ഭാരമുയര്‍ത്തിയാണ് പ്രദീപിന്റെ നേട്ടം.

ഇതോടെ ഗെയിംസില്‍ ഇന്ത്യയുടെ സ്വര്‍ണനേട്ടം എട്ടായി ഉയര്‍ന്നു. എട്ട് സ്വര്‍ണവും മൂന്ന് വെള്ളിയും നാല് വെങ്കലവുമായി മൂന്നാം സ്ഥാനത്താണ് ഇന്ത്യ.

248 കിലോ ഉയര്‍ത്തിയാണ് ഇരുപത്തിയെട്ടുകാരനായ ഗുരുരാജ വെള്ളി സ്വന്തമാക്കിയത്. 261 കിലോ ഉയര്‍ത്തിയ മലേഷ്യയുടെ മുഹമ്മദ് ഇസ്ഹര്‍ അഹമ്മദിനാണ് ഈ ഇനത്തില്‍ സ്വര്‍ണം.

കോമണ്‍വെല്‍ത്ത് ഗെയിംസ് റെക്കോര്‍ഡോടെയാണ് മുഹമ്മദ് ഇസ്ഹര്‍ സ്വര്‍ണം നേടിയത്. ശ്രീലങ്കയുടെ ചതുരങ്ക ലക്മല്‍ വെങ്കലവും സ്വന്തമാക്കി. 248 കിലോയാണ് ചതുരങ്ക ഉയര്‍ത്തിയത്.

അതേസമയം, പ്രതീക്ഷയോടെ നീന്തല്‍കുളത്തിലിറങ്ങിയ മലയാളി താരം സജന്‍ പ്രകാശിന് മികവു കാട്ടാനായില്ല.