Common wealth – Chandrika Daily

ഇന്ത്യക്ക് ചരിത്ര നേട്ടം; വനിതാ ലോണ്‍ ബോളില്‍ സ്വര്‍ണം

Chandrika Web — Tue, 02 Aug 2022 13:56:41 +0000

ബിര്‍മിങ്ങാം: 2022 കോമണ്‍വെല്‍ത്ത് ഗെയിംസില്‍ ചരിത്രമെഴുതി ഇന്ത്യന്‍ വനിതാ ലോണ്‍ ബോള്‍ ടീം. ഇന്ന് നടന്ന ഫോര്‍സ് ഫൈനലില്‍ ദക്ഷിണാഫ്രിക്കയെ 17-10 എന്ന സ്‌കോറിന് തകര്‍ത്ത് ഇന്ത്യന്‍ വനിതകള്‍ സ്വര്‍ണമണിഞ്ഞു.

കോമണ്‍വെല്‍ത്ത് ഗെയിംസില്‍ ഇന്ത്യയുടെ വനിതാ ലോണ്‍ ബോള്‍ ടീമിന്റെ ആദ്യ ഫൈനല്‍ കൂടിയായിരുന്നു ഇത്. ഇതോടെ ബിര്‍മിങ്ഹാമിം കോമണ്‍വെല്‍ത്തില്‍ ഇന്ത്യയുടെ സ്വര്‍ണ നേട്ടം നാലായി.

കോമണ്‍വെല്‍ത്ത് ഗെയിംസ്: ഇന്ത്യക്ക് ഏഴാം സ്വര്‍ണ്ണം

chandrika — Sun, 08 Apr 2018 12:49:34 +0000

ഗോള്‍ഡ്‌കോസ്റ്റ്: കോമണ്‍വെല്‍ത്ത് ഗെയിംസില്‍ ടേബിള്‍ ടെന്നിസില്‍ ഇന്ത്യക്ക് സ്വര്‍ണ്ണം. വനിതകളുടെ ടീമിനത്തിലാണ് ഇന്ത്യ സ്വര്‍ണ്ണം നേടിയത്. മാണിക്യബത്ര, മൗമദാസ്, മധുരിക ഭട്കര്‍ എന്നിവരടങ്ങിയ ടീമിനാണ് സ്വര്‍ണം .കോമണ്‍വെല്‍ത്ത് ടേബിള്‍ ടെന്നിസില്‍ ഇതാദ്യമായാണ് ഇന്ത്യ സ്വര്‍ണം നേടുന്നത്. ഫൈനലില്‍ സിംഗപ്പൂരിനെയാണ് ഇന്ത്യ തോല്‍പ്പിച്ചത്. ഇതോടെ ആകെ ഏഴു സ്വര്‍ണ്ണവും രണ്ടു വെള്ളിയും മൂന്നു വെങ്കലവും ഉള്‍പ്പെടെ 12 മെഡലുകളുമായി ഇന്ത്യ മെഡല്‍ പട്ടികയില്‍ നാലാം സ്ഥാനത്തെത്തി. ആതിഥേയരായ ഓസ്‌ട്രേലിയയും ഇംഗ്ലണ്ടും കാനഡയുമാണ് ഇന്ത്യക്ക് മുന്നിലുള്ളത്.

കോമണ്‍വെല്‍ത്ത് ഗെയിംസിന് വര്‍ണാഭമായ തുടക്കം

chandrika — Wed, 04 Apr 2018 19:25:50 +0000

ഗോള്‍ഡ് കോസ്റ്റ്: കരാര സ്‌റ്റേഡിയം രണ്ടര മണിക്കൂര്‍ കണ്ണടച്ചില്ല-വിസ്മയം നിറഞ്ഞ ഓസീസ് കാഴ്ച്ചകളിലൂടെ ഇരുപത്തിയൊന്നാമത് കോമണ്‍വെല്‍ത്ത് ഗെയിംസിന് വര്‍ണാഭമായ തുടക്കം. മഴയുടെ നനവിലും എലിസബത്ത് രാജ്ഞിയുടെ അഭാവത്തില്‍ മകന്‍ ചാള്‍സ് രാജകുമാരന്‍ ഉദ്ഘാടനം നിര്‍വഹിച്ച ഗെയിംസില്‍ ഇന്ന് മുതല്‍ പോരാട്ടങ്ങളാണ്. ഓസീസ് സംസ്‌ക്കാരത്തിന്റെ വര്‍ണ ചിത്രങ്ങള്‍ നിറഞ്ഞ കലാപരിപാടികള്‍ക്ക് ശേഷം നടന്ന മാര്‍ച്ച് പാസ്റ്റില്‍ ഒളിംപ്യന്‍ പി.വി സിന്ധു ഇന്ത്യന്‍ സംഘത്തെ നയിച്ചു. സ്‌ക്കോട്ട്‌ലാന്‍ഡായിരുന്നു മാര്‍ച്് പാസ്റ്റില്‍ ആദ്യം അണിനിരന്നത്. പിറകെ ഇംഗ്ലണ്ടും. ഇന്ത്യന്‍ സംഘത്തിന് നിറഞ്ഞ കൈയ്യടി ലഭിച്ചപ്പോള്‍ ഏറ്റവുമൊടുവിലെത്തിയ ആതിഥേയരായ ഓസീസ് സംഘത്തിനായിരുന്നു നിലക്കാത്ത പിന്തുണ

സുന്ദര ദിവസങ്ങള്‍

chandrika — Tue, 03 Apr 2018 17:53:20 +0000

ഗോള്‍ഡ് കോസ്റ്റ്: കനത്ത സുരക്ഷയില്‍ കോമണ്‍വെല്‍ത്ത് ഗെയിംസിന് ഇന്ന് ഓസ്‌ട്രേലിയന്‍ തീരദേശ നഗരമായ ഗോള്‍ഡ് കോസ്റ്റില്‍ ആരംഭിക്കുന്നു. ഇന്ത്യ ഉള്‍പ്പെടെ മുഴുവന്‍ കോമണ്‍വെല്‍ത്ത്് രാജ്യങ്ങളിലെയും കായിക താരങ്ങള്‍ പങ്കെടുക്കുന്ന ഗെയിംസിന്റെ മാര്‍ച്ച്് പാസ്റ്റ് ഇന്ത്യന്‍ സമയം ഉച്ചക്ക് മൂന്നിന് ആരംഭിക്കും. ആറ് ലക്ഷത്തോളം സന്ദര്‍ശകരെ പ്രതീക്ഷിക്കുന്ന ഗെയിംസ് കാലത്ത് സുരക്ഷക്കാണ് വന്‍ മുന്‍ത്തൂക്കം. കഴിഞ്ഞ ദിവസം ഓസീസ് നഗരമായ ബ്രിസ്‌ബെനിലെ ഒരു കാറിന് സമീപം നാടന്‍ ബോംബ് കണ്ടെടുത്തതോടെയാണ് ഓസ്‌ട്രേലിയന്‍ ഭരണകൂടം സുരക്ഷയില്‍ വന്‍ ജാഗ്രതക്ക് നിര്‍ദ്ദേശം നല്‍കിയിരിക്കുന്നത്. ഗെയിംസിന് സുരക്ഷാ ഭീഷണിയില്ലെന്നാണ് സംഘാടകരും പ്രാദേശിക പൊലീസും വ്യക്തമാക്കുന്നത്. എന്നാല്‍ മൂവായിരത്തോളം കായിക താരങ്ങളും ധാരാളം മാധ്യമ പ്രവര്‍ത്തകരും സഞ്ചാരികളുമെല്ലാം സംബന്ധിക്കുന്ന മേളയില്‍ അനിഷ്ട സംഭവങ്ങള്‍ പൂര്‍ണമായും ഒഴിവാക്കാനാണ് സര്‍ക്കാര്‍ മുന്‍ഗണന നല്‍കുന്നത്. 3,500 പൊലീസിനെയും രണ്ടായിരത്തോളം വരുന്ന സൈനീകരെയുമാണ് ഗെയിംസ് കാലയളവില്‍ ഗോള്‍ഡ് കോസ്റ്റിലും സമീപസ്ഥങ്ങളിലും വിന്യസിച്ചിരിക്കുന്നത്. ഗോള്‍ഡ് കോസ്റ്റിനെ കൂടാതെ ക്യൂന്‍സ്‌ലാന്‍ഡിലെ മറ്റ് മല്‍സര വേദികളായ ബ്രിസ്‌ബെന്‍, കെയിന്‍സ്, ടൗണ്‍സ്വില്‍ എന്നിവിടങ്ങളില്‍ സുരക്ഷാ ചുമതല സ്വകാര്യ ഏജന്‍സികള്‍ക്കും നല്‍കിയിട്ടുണ്ട്.