ദേശാഭിമാനി വാര്‍ത്ത കേവലം പത്രത്തിന്റെ ഡെസ്‌കില്‍ നിന്ന് ഉരുത്തിരിഞ്ഞ ഒന്നല്ല. സിപിഎം അടുത്തകാലത്തായി മുന്നോട്ടുവെക്കുന്ന നിലവാരമില്ലാത്ത രാഷ്ട്രീയത്തിന്റെ തുടര്‍ച്ച മാത്രമാണിത്. രമേശ് ചെന്നിത്തലയെ ആര്‍എസ്എസുകാരനായും ഉമ്മന്‍ ചാണ്ടിയേയും കുഞ്ഞാലിക്കുട്ടിയേയും ന്യൂനപക്ഷ തീവ്രവാദികളുടെ അടുപ്പക്കാരായും ചിത്രീകരിക്കുന്നതിലൂടെ ന്യൂനപക്ഷ, ഭൂരിപക്ഷ വര്‍ഗീയതയെ ഒരുപോലെ പരിപോഷിപ്പിച്ച് സംസ്ഥാനത്തെ വിഭജിച്ച് രാഷ്ട്രീയനേട്ടമുണ്ടാക്കുക എന്ന ആര്‍എസ്എസ് രീതിയാണ് സിപിഎം പിന്തുടരുന്നത്.

നിരന്തരം മതേതരവാദികളെന്ന് അവകാശപ്പെടുകയും വര്‍ഗീയത പറഞ്ഞ് വോട്ടുപിടിക്കുകയും ചെയ്യുന്ന സിപിഎം രാഷ്ട്രീയത്തിന്റെ ഒടുവിലത്തെ ഉദാഹരണമാണ് ഇന്നത്തെ ദേശാഭിമാനി പത്രം. മുസ്‌ലിം ലീഗ് അധികാരത്തിലെത്തിയപ്പോഴെല്ലാം ഇതുപോലെ സിപിഎം വര്‍ഗീയ പ്രചാരണം നടത്തിയിരുന്നു. ഉമ്മന്‍ ചാണ്ടി സര്‍ക്കാറിന്റെ കാലത്ത് പച്ച ബോര്‍ഡ്, പച്ച ബ്ലൗസ് വിവാദങ്ങളെല്ലാം ഇത്തരത്തിലുള്ളതായിരുന്നു. നിലവിളക്ക് കൊളുത്താത്ത അബ്ദുറബ്ബിനെതിരെ ഏറ്റവും വലിയ പുരോഗമന വിദ്യാര്‍ത്ഥി പ്രസ്ഥാനമെന്ന് അവകാശപ്പെടുന്ന എസ്എഫ്‌ഐ നിലവിളക്കേന്തി പ്രതിഷേധിച്ചതും കേരളം കണ്ടിരുന്നു. ഏറ്റവും വലിയ മതേതരവാദികളെന്ന് അവകാശപ്പെടുകയും തരം കിട്ടുമ്പോഴെല്ലാം ന്യൂനപക്ഷ, ഭൂരിപക്ഷ ചേരിതിരിവ് സൃഷ്ടിക്കുകയും ചെയ്യുന്ന യഥാര്‍ത്ഥ വര്‍ഗീയവാദികളെ കേരളം തിരിച്ചറിയണമെന്ന സന്ദേശമാണ് ഇന്നത്തെ ദേശാഭിമാനി നല്‍കുന്നത്.

ശനിയാഴ്ച രാത്രിയാണ് ഗ്രാമത്തെ നടുക്കിയ സംഭവം. രാത്രി നമസ്‌ക്കാരത്തിനുശേഷം സ്വന്തം മുറിയിലേക്ക് പോയ ഇമാമിനെ പുലര്‍ച്ച നമസ്‌ക്കാരത്തിനായി കാണാതായപ്പോള്‍ മുറിയില്‍ ചെന്നുനോക്കിയപ്പോഴാണ് മൃതദേഹങ്ങള്‍ കണ്ടത്. രണ്ടുദിവസം മുമ്പ് പള്ളി മതിലിനോട് ചേര്‍ന്ന് നാലംഗ സംഘം മദ്യപിച്ചത് ഇമാം ചോദ്യം ചെയ്തിരുന്നുവെന്നും ഇതേ തുടര്‍ന്ന് ഇമാമിനെ തീര്‍ത്തോളാമെന്ന് ഭീഷണിപ്പെടുത്തിയിരുന്നതായും പ്രദേശവാസിയായ അംജദ് പറഞ്ഞു. ഭീഷണി മുഴക്കിയവര്‍ക്കെതിരെ ആദ്യം നടപടിയെടുക്കാന്‍ തയ്യാറാവാതിരുന്ന പൊലീസ് നാട്ടുകാരുടെ സമ്മര്‍ദ്ദത്തെ തുടര്‍ന്ന് കസ്റ്റഡിയിലെടുത്തെങ്കിലും ചോദ്യം ചെയ്ത് വിട്ടയക്കുകയായിരുന്നു.

ജൂണ്‍ 7ന് വേണു ബാലകൃഷ്ണന്‍ നയിക്കുന്ന മാതൃഭൂമി ന്യൂസിലെ സൂപ്പര്‍ പ്രൈം ടൈം പരിപാടിക്കിടെയാണ് പരാതിക്കിടയായ സംഭവം അരങ്ങേറിയത്. പ്രിയപ്പെട്ട മുസ്സീം സഹോദരങ്ങളേ, നിങ്ങള്‍ ഉമിനീര് പോലും ഇറക്കാതെ വ്രതശുദ്ധിയില്‍ കഴിയുകയാണ്. ആ നിങ്ങള്‍ക്ക് മേലാണ് ഇത്ര വലിയൊരു കളങ്കം മുഖ്യമന്ത്രി ചാര്‍ത്തി നല്‍കിയിരിക്കുന്നത്. നോമ്പ് തുറക്കാന്‍ പോയവന് തുറങ്ക് കിട്ടുന്ന നാടാണിത് എന്നാണ് വേണു ബാലകൃഷ്ണന്‍ ഉസ്മാന്‍ വിഷയത്തിലെ ചര്‍ച്ചയ്ക്ക് ആമുഖമായി പറഞ്ഞത്.

തുടര്‍ന്ന് വേണു മതസ്പര്‍ധ വളര്‍ത്തുന്നു എന്നാരോപിച്ച് ഡിവൈഎഫ്ഐ കൊല്ലം ജില്ലാ സെക്രട്ടറി ബിജു കൊല്ലംസിറ്റി പൊലീസ് കമ്മീഷണര്‍ക്ക് പരാതി നല്‍കുകയായിരുന്നു. ചര്‍ച്ചയുടെ തുടക്കത്തില്‍ വേണു പറഞ്ഞ വാചകങ്ങള്‍ ബോധപൂര്‍വ്വവും ദുരുദ്ദേശപരവുമായി പറഞ്ഞതാണ്. സമാധാന പൂര്‍വ്വം മതേതര മൂല്യങ്ങള്‍ ഉയര്‍ത്തിപ്പിടിച്ച് ജീവിക്കുന്ന ജനങ്ങള്‍ക്കിടയില്‍ ശത്രുതയും വിവേചനവും വളര്‍ത്താനാണ് വേണു ആ വാക്കുകള്‍ ഉപയോഗിച്ചതെന്നും പരാതിയില്‍ പറയുന്നു. പരിപാടിയുടെ വീഡിയോ സഹിതമാണ് ഡിവൈഎഫ്ഐ പരാതി നല്‍കിയിരിക്കുന്നത്.

ഇന്ത്യന്‍ ശിക്ഷാ നിയമം 153എ പ്രകാരം വേണുവിന്റെ നടപടി കുറ്റകരവും ശിക്ഷാര്‍ഹവും ആണെന്നും പരാതിയില്‍ ചൂണ്ടിക്കാണിക്കുന്നു. വേണുവിനെതിരെ കേസെടുത്ത പൊലീസും 153 എ പ്രകാരം തന്നെയുള്ള കുറ്റങ്ങളാണ് ചുമത്തിയിരിക്കുന്നത്. കുറ്റം തെളിയിക്കപ്പെട്ടാല്‍ വേണുവിന് മൂന്ന് വര്‍ഷം വരെ തടവ് ശിക്ഷ ലഭിച്ചേക്കും.

കഴിഞ്ഞ ദിവസമാണ് ക്ഷേത്രങ്ങളിലെ പ്രഭാത ഗീതത്തിനെതിരെ സയ്യിദ് ഹൈദരലി തങ്ങളുടെ ചിത്രമുള്‍പ്പെടുത്തി സമൂഹ മാധ്യമങ്ങളില്‍ വ്യാജ പ്രചാരണം വ്യാപകമായത്. വര്‍ഗീയ കലാപം സൃഷ്ടിക്കാന്‍ ഉദ്ദേശ്യം വെച്ചുള്ള പ്രചാരണം തടയണമെന്നും ഇതിനു പിന്നില്‍ പ്രവര്‍ത്തിക്കുന്നവരെ നിയമത്തിന് മുന്നില്‍കൊണ്ടുവരാന്‍ അടിയന്തര നടപടി സ്വീകരിക്കണമെന്നും ഡി.ജി.പിക്ക് നല്‍കിയ പരാതിയില്‍ ആവശ്യപ്പെട്ടിട്ടുണ്ട്. ഇതിന്റെ പകര്‍പ്പ് ജില്ലാ പൊലീസ് മേധാവിക്കും മലപ്പുറം ഡി.വൈ.എസ്.പിക്കും കൈമാറുകയും ചെയ്തിട്ടുണ്ട്.

ഇതില്‍ സന്തോഷ് ബി എന്ന പേരിലുള്ള ഫെയ്‌സ്ബുക്ക് അക്കൗണ്ടാണ് കടുത്ത വര്‍ഗ്ഗീയ വിദ്വേഷ സന്ദേശങ്ങള്‍ പ്രചരിപ്പിക്കുന്നതായി ശ്രദ്ധയില്‍ പെട്ടത്.കക്ഷി രാഷ്ട്രീയ ഭേദമന്യേ എല്ലാവരും ആദരിക്കുന്ന പാണക്കാട് സയ്യിദ് ഹൈദരലി ശിഹാബ് തങ്ങള്‍ക്കെതിരെയും കടുത്ത അശ്ലീല ഭാഷയിലുള്ള പോസ്റ്റാണ് ഇയാള്‍ ഇട്ടിരിക്കുന്നത്.മന്നൂറിലേറെ പേരാണ് ഈ പോസ്റ്റ് ഷെയര്‍ ചെയ്തിരിക്കുന്നത്. ഈ പോസ്റ്റിനു താഴെയിട്ടിരിക്കുന്ന കമ്മന്റുകളും സഭ്യതയുടെ എല്ലാ സീമകളും ലംഘിക്കുന്നതാണ്.

ഇടതു പക്ഷത്തേയും പിണറായി സര്‍ക്കാറിനെയും വിമര്‍ശിക്കുന്ന പോസ്റ്റുകളിലും തീരെ മാന്യമല്ലാത്ത ഭാഷയാണ് ഉപയോഗിച്ചിരിക്കുന്നത്. കൂടാതെ വളരെ പ്രകോപനപരമായ കമന്റുകളാണ് ചുവടെ വന്നു കൊണ്ടിരിക്കുന്നതും.

യേശുദാസ് അടക്കമുള്ള സമൂഹത്തിലെ സര്‍വ്വസമ്മതരായ വ്യക്തികള്‍ക്കെതിരെയും വര്‍ഗ്ഗീയ ആരോപണളുയര്‍ത്തുന്ന പോസ്റ്റുകളും ഇയാള്‍ ഷെയര്‍ ചെയ്യുന്നു. ക്രിസ്തീയ സമൂഹത്തെ അപമാനിക്കുന്ന വ്യാജ കഥകളും ആരോപണങ്ങളും പടച്ചുണ്ടാക്കുന്ന പോസ്റ്റുകളും ഇയാളുടെ വാളില്‍ ധാരാളമുണ്ട്.

സാമൂഹ്യ മാധ്യമങ്ങള്‍ വഴി സംഘ് പരിവാര്‍ കടുത്ത വര്‍ഗീയ വിഷം പരത്തുന്നത് ഈയിടെയായി കൂടുതലാണെങ്കിലും കേരള പൊലീസിന്റെ സൈബര്‍ സെല്‍ ഇക്കാര്യം കണ്ട ഭാവം നടിക്കാറില്ലെന്ന് പരാതിയുണ്ട്. 2019 ലോക്‌സഭാ തെരഞ്ഞെടുപ്പിനു മുമ്പായി ന്യൂനപക്ഷങ്ങള്‍ക്കെതിരെ വര്‍ഗീയ ധ്രുവീകരണം നടത്തുന്നതിനു വേണ്ടിയുള്ള ബി.ജെ.പിയുടെ ശ്രമത്തിന്റെ ഭാഗമാണ് ഇത്തരം വിദ്വേഷ പ്രചരണങ്ങള്‍ എന്നു സംശയിക്കുന്നു. ഹിന്ദുത്വ പേജുകള്‍ക്കും പ്രൊഫൈലുകള്‍ക്കും പുറമെ യുക്തിവാദി പരിവേഷമണിഞ്ഞും ന്യൂനപക്ഷങ്ങളെ അപമാനിക്കുകയും ഹിന്ദു മതസ്ഥരെ പ്രകോപിപ്പിക്കുകയും ചെയ്യുന്ന സൈബര്‍ നീക്കങ്ങള്‍ സജീവമാണ്. ഫേസ്ബുക്കിനു പുറമെ ട്വിറ്റര്‍, വാട്ട്‌സാപ്പ്, ടെലഗ്രാം തുടങ്ങിയ മാധ്യമങ്ങളും ഇതിനായി ഉപയോഗിക്കുന്നു.

രണ്ട് ദിവസം മുമ്പാണ് മുസ്ലിം ഭൂരിപക്ഷ മേഖലയായ ഭാഗല്‍പൂരില്‍ ബി.ജെ.പി, ആര്‍.എസ്.എസ് പ്രവര്‍ത്തകര്‍ കലാപമഴുച്ചുവിട്ടത്. ഈ സംഭവവുമായി ബന്ധപ്പെട്ടാണ് വര്‍ഗീയ കലാപത്തിന് ശ്രമിച്ചെന്ന കേസില്‍ അശ്വിനികുമാറിന്റെ മകനെതിരെ പോലീസ് കേസെടുത്തത്. അനുമതിയില്ലാതെ സംഘടിപ്പിച്ച റാലിയില്‍ പ്രകോപനപരമായി പ്രസംഗിക്കുകയും മുദ്രാവാക്യം മുഴക്കുകയും ചെയ്തുവെന്നാണ് കേസ്. ഇതിനെ തുടര്‍ന്നാണ് ആര്‍.എസ്.എസ് പ്രവര്‍ത്തകര്‍ മുസ്ലീം വീടുകള്‍ ആക്രമിച്ചത്.

അരിജിതിനെക്കൂടാതെ അഭയ്കുമാര്‍ ഘോഷ്, പ്രമോദ് വര്‍മ്മ, ദേവ്കുമാര്‍ പാണ്ഡെ, നിരഞ്ജന്‍ സിങ്, സഞ്ജയ് സിങ്, സുരേന്ദ്രപഥക് തുടങ്ങിയ ആര്‍.എസ്.എസ് നേതാക്കള്‍ക്കെതിരെയും പോലീസ് കേസെടുത്തിട്ടുണ്ട്.

ലക്‌നൗ: ഉത്തര്‍പ്രദേശിലെ കസ്ഗഞ്ച് ജില്ലയില്‍ കഴിഞ്ഞ ദിവസം ഇരു വിഭാഗങ്ങള്‍ തമ്മിലുണ്ടായ സംഘര്‍ഷത്തിന്റെ തുടര്‍ച്ചയായി ഏറ്റുമുട്ടല്‍ വ്യാപിക്കുന്നു. കഴിഞ്ഞ ദിവസം വെടിയേറ്റു മരിച്ച ചന്ദന്‍ ഗുപ്തയുടെ സംസ്‌കാര ചടങ്ങുകള്‍ക്കു ശേഷമാണ് ഇരു സമുദായങ്ങള്‍ തമ്മില്‍ വീണ്ടും സംഘര്‍ഷം ആരംഭിച്ചത്. സുരക്ഷാ നടപടികളുടെ ഭാഗമായി ജില്ലയില്‍ അധികാരികള്‍ ഇന്റര്‍നെറ്റ് സംവിധാനങ്ങള്‍ വിച്ഛേദിച്ചിരിക്കുകയാണ്. ജില്ലയില്‍ 144 പ്രഖ്യാപിച്ചിട്ടുണ്ട്. മൂന്നു കടകളും രണ്ട് സ്വകാര്യ ബസുകളും ഒരു കാറും ഇന്നലത്തെ സംഘര്‍ഷത്തിനിടെ തകര്‍ന്നിട്ടുണ്ട്. ചില സാമൂഹിക വിരുദ്ധര്‍ മുസ ്‌ലിം പള്ളികള്‍ തകര്‍ക്കാന്‍ ശ്രമം നടത്തിയെങ്കിലും പൊലീസിന്റെ സമയോചിത ഇടപെടല്‍ ഇതു വിഫലമാക്കി.

കസ്ഗഞ്ച് ജില്ലയിലെ പ്രധാന മാര്‍ക്കറ്റിലുള്ള നിരവധി കടകള്‍ അക്രമികള്‍ തീവെച്ചു നശിപ്പിച്ചിട്ടുണ്ട്. ശനിയാഴ്ച രാത്രിയും നഗരത്തിന്റെ പലയിടങ്ങളിലും അക്രമങ്ങള്‍ തുടരുകയാണെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ചില സാമൂഹിക വിരുദ്ധര്‍ പ്രദേശത്തെ മുസ്‌ലിം പള്ളിയുടെ ഗേറ്റ് തകര്‍ക്കാന്‍ ശ്രമിച്ചതായും അഡീഷനല്‍ ഡയറക്ടര്‍ ജനറല്‍ ഓഫ് പൊലീസ് അനന്ത് കുമാര്‍ വാര്‍ത്താ ഏജന്‍സിയായ പിടിഐയോട് അറിയിച്ചു. എന്നാല്‍ പൊലീസ് കൃത്യസമയത്ത് എത്തിയതോടെ ഇവര്‍ ശ്രമം പരാജയപ്പെടുകയും ഓടി രക്ഷെപ്പെടുകയുമായിരുന്നെന്ന് എഡിജിപി കൂട്ടിച്ചേര്‍ത്തു. സംഭവത്തില്‍ രണ്ടുകേസുകള്‍ റജിസ്റ്റര്‍ ചെയ്തിട്ടുണ്ടെന്നും ഒന്‍പതുപേരെ അറസ്റ്റ് ചെയ്തിട്ടുണ്ടെന്നും ആഭ്യന്തര പ്രിന്‍സിപ്പല്‍ സെക്രട്ടറി അരവിന്ദ് കുമാര്‍ അറിയിച്ചു. അക്രമ സംഭവങ്ങളുമായി ബന്ധപ്പെട്ട് ശനിയാഴ്ച വൈകുന്നേരം വരെ 49 പേരെ പോലീസ് അറസ്റ്റ് ചെയ്തതായി കാസ്ഗഞ്ച് ജില്ലാ മജിസ്‌ട്രേറ്റ് ആര്‍ പി സിങ് വ്യക്തമാക്കി.

റിപ്പബ്ലിക് ദിനത്തോടനുബന്ധിച്ച് അനുമതിയില്ലാതെ നടത്തിയ റാലിക്കിടെയാണ് നെഞ്ചില്‍ വെടിയേറ്റ് 22 കാരനായ ചന്ദന്‍ ഗുപ്ത മരിച്ചത്. തുടര്‍ന്നാണ് ഇരു ഇരുവിഭാവും തമ്മില്‍ സംഘര്‍ഷം രൂക്ഷമായത്. തിരങ്കയാത്ര എന്ന പേരില്‍ ഒരു വിഭാഗം നടത്തിയ ബൈക്ക് റാലിക്കിടെ ഉയര്‍ന്ന ചില മുദ്രാവാക്യങ്ങളാണ് സംഘര്‍ഷത്തിന് കാരണമായതെന്ന് പൊലീസ് പറഞ്ഞു.

സെന്‍കുമാറിന്റെ അഭിമുഖം പ്രസിദ്ധീകരിച്ച വാരികയുടെ എഡിറ്റര്‍ സജി ജയിംസ്, റിപ്പോര്‍ട്ടര്‍ റംഷാദ് എന്നിവര്‍ െ്രെകംബ്രാഞ്ച് എഡിജിപി നിതിന്‍ അഗര്‍വാളിന് അഭിമുഖത്തിന്റെ പൂര്‍ണരൂപമടങ്ങിയ ടേപ്പ് കൈമാറിയിരുന്നു. വിവാദ പരാമര്‍ശങ്ങള്‍ ഇതിലുണ്ടെന്നു കണ്ടെത്തിയതോടെ നിയമോപദേശം തേടി. ഇതേത്തുടര്‍ന്നാണ് കേസെടുത്തത്.

എഡിറ്റ് ചെയ്യാത്ത ടേപ്പാണു വാരിക െ്രെകംബ്രാഞ്ചിനു നല്‍കിയത്. മണിക്കൂറുകള്‍ നീണ്ട അഭിമുഖത്തിനിടെ സ്വകാര്യ സംഭാഷണങ്ങളും റിക്കോര്‍ഡ് ചെയ്തിരുന്നു. ഇതില്‍ ഒരു ഭാഗത്തു കൊച്ചിയില്‍ ആക്രമിക്കപ്പെട്ട നടിയെ അധിക്ഷേപിച്ചു സെന്‍കുമാര്‍ സംസാരിക്കുന്നുണ്ട്. അഭിമുഖം തയ്യാറാക്കുന്നതിനിടെ സെന്‍കുമാര്‍ നടത്തിയ സ്വകാര്യ ഫോണ്‍ സംഭാഷണമാണു റിക്കോര്‍ഡായത്. ഈ സംഭാഷണവും വാരിക െ്രെകംബ്രാഞ്ചിനു കൈമാറി.

വിവിധ മതവിഭാഗങ്ങള്‍ തമ്മില്‍ സ്പര്‍ധയുണ്ടാകുന്ന തരത്തില്‍ സെന്‍കുമാര്‍ പരാമര്‍ശം നടത്തിയെന്ന് ആരോപിച്ചു. യൂത്ത് ലീഗ് ഉള്‍പ്പെടെ നല്‍കിയ പരാതികളിലാണു ഡിജിപി ലോക്‌നാഥ് ബെഹ്‌റ െ്രെകംബ്രാഞ്ച് അന്വേഷണത്തിന് ഉത്തരവിട്ടത്. രണ്ടു സമുദായങ്ങള്‍ തമ്മില്‍ ശത്രുത വളര്‍ത്തുന്ന പ്രവൃത്തികള്‍ ഒരാളുടെ ഭാഗത്തു നിന്നുണ്ടായാല്‍ കേസെടുക്കാമെന്നും അതിനുള്ള സാഹചര്യം ഈ കേസില്‍ കാണാന്‍ കഴിയുന്നുവെന്നുമാണു ലഭിച്ച നിയമോപദേശം.