congress president – Chandrika Daily https://www.chandrikadaily.com Tue, 17 Jan 2023 04:38:15 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg congress president – Chandrika Daily https://www.chandrikadaily.com 32 32 കണ്ണൂരില്‍ കോണ്‍ഗ്രസ് ബ്ലോക്ക് പ്രസിഡന്റിന് നേരെ ആക്രമണം; ഗുരുതര പരിക്ക് https://www.chandrikadaily.com/0news-kerala-congress-block-president-attack.html https://www.chandrikadaily.com/0news-kerala-congress-block-president-attack.html#respond Tue, 17 Jan 2023 04:36:31 +0000 https://www.chandrikadaily.com/?p=233071 കണ്ണൂര്‍: കോണ്‍ഗ്രസ് പാനൂര്‍ ബ്ലോക്ക് പ്രസിഡണ്ട് കെ പി ഹാഷിമിന് നേരെ ആക്രമണം. അണിയാരം വലിയാണ്ടി പീടികയില്‍ വെച്ചാണ് ആക്രമണം നടന്നത്.ഗുരുതരമായി പരിക്കേറ്റ ഹാഷിമിനെ തലശേരി ഇന്ദിരാ ഗാന്ധി സഹകരണാശുപത്രിയില്‍ പ്രവേശിപ്പിച്ചു.

അക്രമത്തിന് പിന്നില്‍ ആര്‍എസ്‌എസ് ആണെന്ന് കോണ്‍ഗ്രസ് നേതൃത്വം ആരോപിച്ചു . ഇന്നലെ രാത്രി പന്ന്യന്നൂര്‍ കുറുമ്ബക്കാവ് ക്ഷേത്രപരിസര കോണ്‍ഗ്രസ് -ആര്‍എസ്‌എസ് സംഘര്‍ഷം ഉണ്ടായിരുന്നു.

]]> https://www.chandrikadaily.com/0news-kerala-congress-block-president-attack.html/feed 0 സോണിയ ഗാന്ധി വിദേശത്ത്, ഒപ്പം രാഹുലും; പാർലമെന്റ് സമ്മേളനത്തിൽ പങ്കെടുത്തേക്കില്ല https://www.chandrikadaily.com/sonia-gandhi-health-check-up-abroad-with-son-rahul-gandhi.html https://www.chandrikadaily.com/sonia-gandhi-health-check-up-abroad-with-son-rahul-gandhi.html#respond Sat, 12 Sep 2020 17:07:32 +0000 https://www.chandrikadaily.com/?p=152641 ന്യൂഡല്‍ഹി: സാധാരണയായുള്ള മെഡിക്കല്‍ പരിശോധനയ്ക്കായി അധ്യക്ഷ സോണിയ ഗാന്ധി വിദേശത്തേയ്ക്ക് പോയി. കോണ്‍ഗ്രസ് ദേശീയ വ്യക്താവ് രംന്ദീപ് സിങ് സുര്‍ജേവാലയാണ് ഇക്കാര്യം അറിയിച്ചത്. സോണിയക്കൊപ്പം മകന്‍ രാഹുല്‍ ഗാന്ധിയും അനുഗമിക്കുന്നുണ്ട്.

ഇതോടെ തിങ്കളാഴ്ച ആരംഭിക്കുന്ന പാര്‍ലമെന്റ് സമ്മേളനത്തിന്റെ ആദ്യഘട്ടത്തില്‍ കോണ്‍ഗ്രസ് അധ്യക്ഷ സോണിയ ഗാന്ധിയും രാഹുല്‍ ഗാന്ധിയും പങ്കെടുക്കില്ലെന്ന് വ്യക്തമായി. അതേസമയം കുറച്ചു ദിവസങ്ങള്‍ക്കു ശേഷം രാഹുല്‍ മടങ്ങുകയും പ്രിയങ്ക ഗാന്ധി സോണിയയുടെ അടുത്തേയ്ക്ക് പോകുകയും ചെയ്യുമെന്നാണ് വിവരം.

യാത്രയ്ക്ക് മുന്നോടിയായി സോണിയ ഗാന്ധി തന്റെ പാര്‍ലമെന്ററി സ്ട്രാറ്റജി ഗ്രൂപ്പുമായി കൂടിക്കാഴ്ച നടത്തി. രാജ്യത്തെ ബാധിക്കുന്ന പ്രധാന പ്രശ്‌നങ്ങള്‍ സഭകളില്‍ ഉന്നയിക്കാനും മറ്റു പാര്‍ട്ടി നേതൃത്വത്തിന് നിര്‍ദേശം നല്‍കിയതായാണ് സൂചന. ലോക്‌സഭയിലും രാജ്യസഭയിലും സ്വീകരിക്കേണ്ട നയങ്ങളെക്കുറിച്ചും ഏകോപനത്തെ സംബന്ധിച്ചും സോണിയ നിര്‍ദേശങ്ങള്‍ നല്‍കിയെന്ന് പാര്‍ട്ടിയുടെ അടുത്തവൃത്തങ്ങള്‍ അറിയിച്ചു. സഭാ ഡെപ്യൂട്ടി സ്പീക്കര്‍ തെരഞ്ഞെടുപ്പിലും മറ്റും നേരത്തെ തന്നെ കോണ്‍ഗ്രസ് തീരുമാനമെടുത്തതായാണ് വിവിരം. സാമ്പത്തിക തകര്‍ച്ച, കോവിഡ് പ്രതിരോധത്തിലെ കേന്ദ്രത്തിന്റെ വീഴ്ചകള്‍ തുടങ്ങിയവ കോണ്‍ഗ്രസ് ഉന്നയിക്കുമെന്നാണ് സൂചന.
കോവിഡ് വ്യാപനത്തിന്റെ പശ്ചാത്തലത്തില്‍ വന്‍ സുരക്ഷാ ക്രമീകരണങ്ങളോടെയാണ് സെപ്റ്റംബര്‍ 14ന് പാര്‍ലമെന്റിന്റെ മഴക്കാല സമ്മേളനം ആരംഭിക്കുന്നത്.

കോണ്‍ഗ്രസ് അധ്യക്ഷ വിദേശത്തേയ്ക്ക് പോകുന്നതിനു മുന്‍പ് വെള്ളിയാഴ്ച, പാര്‍ട്ടിയുടെ സംഘടനാതലത്തില്‍ വലിയ മാറ്റം നടത്തിയിരുന്നു. പുനഃസംഘടനയില്‍ ജനറല്‍ സെക്രട്ടറിമാരെ മാറ്റിയും പുതിയ സംസ്ഥാനങ്ങളിലേക്കു ചുമതല നല്‍കിയും എഐസിസി പുനഃസംഘടിപ്പിച്ചതിനൊപ്പം പ്രവര്‍ത്തക സമിതിയിലും മാറ്റങ്ങള്‍ കൊണ്ടു വന്നു.

 

]]> https://www.chandrikadaily.com/sonia-gandhi-health-check-up-abroad-with-son-rahul-gandhi.html/feed 0 ‘ഗോദി മീഡിയക്കെതിരെ’ രാഹുല്‍ ഗാന്ധി നയിക്കണം; ആവശ്യം ശക്തമാക്കി കോണ്‍ഗ്രസ് https://www.chandrikadaily.com/godi-media-scared-of-rahul-gandhi-myleaderrahulgandhi-trend-in-social-media.html https://www.chandrikadaily.com/godi-media-scared-of-rahul-gandhi-myleaderrahulgandhi-trend-in-social-media.html#respond Sun, 23 Aug 2020 15:30:18 +0000 https://www.chandrikadaily.com/?p=147223 ന്യൂഡല്‍ഹി: പാര്‍ട്ടിയുടെ ഇടക്കാല പ്രസിഡന്റ് സ്ഥാനം ഒഴിയാന്‍ സോണിയാ ഗാന്ധി താല്‍പര്യം പ്രകടിപ്പിച്ചെന്ന വാര്‍ത്ത വന്നതോടെ സാമൂഹ്യമാധ്യമങ്ങളില്‍ രാഹുല്‍ ഗാന്ധിയുടെ തിരിച്ചുവരവിനായി ആവശ്യമുയരുന്നു. കോണ്‍ഗ്രസ് നേതൃത്വത്തില്‍ അടിമുടി മാറ്റം വേണമെന്നാവശ്യപ്പെട്ട് 23 കോണ്‍ഗ്രസ് നേതാക്കന്‍മാര്‍ സോണിയാ ഗാന്ധിക്ക് കത്ത് നല്‍കിയിരുന്നു. ഇതിനുപിന്നാലെയാണ് സ്ഥാനം ഒഴിയാന്‍ താല്‍പര്യം പ്രകടിപ്പിച്ച് സോണിയാ ഗാന്ധി പാര്‍ട്ടി നേതാക്കള്‍ക്ക് കത്ത് നല്‍കിയതെന്നാണ് റിപ്പോര്‍ട്ടുകള്‍. ഇതോടെയാണ് പാര്‍ട്ടി നേതൃത്വത്തിലേക്ക് രാഹുലിന്റെ തിരിച്ചുവരവിനായി സാമൂഹ്യമാധ്യമങ്ങളില്‍ കോണ്‍ഗ്രസ് നേതാക്കളുടെ പരസ്യ പ്രതികരണം വന്നുതുടങ്ങിയത്.

ബിജെപി സര്‍ക്കാറിനും പ്രധാനമന്ത്രി നരേന്ദ്ര മോദിക്കുമെതിരെ നിരന്തരം പ്രതികരിക്കുന്ന രാഹുല്‍ ഗാന്ധിയെയാണ് നിലവില്‍ പാര്‍ട്ടിക്ക് ആവശ്യമെന്നാണ് പ്രവര്‍ത്തകര്‍ ഉന്നയിക്കുന്നത്. മോദി അനുകൂല പ്രചാരണം നടത്തുന്ന രാജ്യത്തെ
ഗോദി മീഡിയക്കെതിരെ തുറന്നടിക്കാന്‍ രാഹുല്‍ ഗാന്ധിക്കെ സാധിക്കൂ എന്ന മുന്‍കാല ചരിത്രം തുറന്നു കാണിച്ചാണ് പ്രവര്‍ത്തകര്‍ ആവശ്യംഉന്നയിക്കുന്നത്. #MyleaderRahulGandhi ഹാഷ് ടാഗ് ഇതിനകം ട്വിറ്ററില്‍ ട്രന്റായി.

വിവിധ സംസ്ഥാനങ്ങളിലെ ഔദ്യോഗിക കോണ്‍ഗ്രസ് പേജുകളില്‍ യൂത്ത് കോണ്‍ഗ്രസിന്റെ പേജുകളിലും രാഹുലിനായുള്ള ആവശ്യം ഉയര്‍ന്നു കഴിഞ്ഞു. നിരവധി കോണ്‍ഗ്രസ് നേതാക്കളാണ് നേതൃസ്ഥാനത്തേക്കുള്ള രാഹുല്‍ ഗാന്ധിയുടെ മടങ്ങിവരവിനായി ഇതിനകം തങ്ങളുടെ അഭിപ്രായം രേഖപ്പെടുത്തിയിരിക്കുന്നത്.

ഒരു വര്‍ഷത്തേക്കാണ് സോണിയാ ഗാന്ധിയെ ഇടക്കാല പ്രസിഡന്റായി തെരഞ്ഞെടുത്തത്. കാലാവധി പൂര്‍ത്തിയായ സാഹചര്യത്തിലാണ് സോണിയ സ്ഥാനമൊഴിയാന്‍ താല്‍പര്യമറിയിച്ച് കത്ത് നല്‍കിയത്. നാളെ ചേരുന്ന കോണ്‍ഗ്രസ് വര്‍ക്കിങ് കമ്മിറ്റി യോഗം ഇക്കാര്യം ചര്‍ച്ച ചെയ്യുമെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. എന്നാല്‍ സ്ഥാനമൊഴിയാന്‍ സോണിയ സന്നദ്ധത പ്രകടിപ്പിച്ചെങ്കിലും ഇങ്ങനെയൊരു കത്തെഴുതിയിട്ടില്ലെന്ന് കോണ്‍ഗ്രസ് വക്താവ് രണ്‍ദീപ് സിങ് സുര്‍ജേവാല പറഞ്ഞു.

കോണ്‍ഗ്രസ് പ്രവര്‍ത്തക സമിതിയുടെ നിര്‍ണായക യോഗം തിങ്കളാഴ്ച ചേരാനിരിക്കെ നേതൃമാറ്റം സംബന്ധിച്ച വ്യത്യസ്ത നിലപാടുകളുമായി മുതിര്‍ന്ന നേതാക്കള്‍ രംഗത്തെത്തിയിട്ടുണ്ട്. സോണിയ തന്നെ പാര്‍ട്ടിയെ നയിക്കണമെന്ന് ഒരു വിഭാഗവും രാഹുല്‍ കോണ്‍ഗ്രസ് അധ്യക്ഷനാകണമെന്ന ആവശ്യമുന്നയിച്ച് മറ്റൊരു വിഭാഗം നേതാക്കളും രംഗത്തെത്തിയിട്ടുണ്ട്. കോണ്‍ഗ്രസ് അധ്യക്ഷസ്ഥാനം രാഹുല്‍ ഗാന്ധിയെത്തന്നെ ഏല്‍പ്പിക്കണമെന്ന് അസം കോണ്‍ഗ്രസ് അധ്യക്ഷന്‍ രിപുന്‍ ബോറ ഇടക്കാല അധ്യക്ഷ സോണിയാ ഗാന്ധിയോട് അഭ്യര്‍ഥിച്ചു. പ്രധാനമന്ത്രി നരേന്ദ്ര മോദി ഭയക്കുന്നത് രാഹുല്‍ ഗാന്ധിയെ മാത്രമാണെന്നും ബോറ അഭിപ്രായപ്പെട്ടു. സോണിയാ ഗാന്ധിയുമായും കോണ്‍ഗ്രസിന്റെ രാജ്യസഭാ എംപിമാരുമായും നടത്തിയ വീഡിയോ കോണ്‍ഫറന്‍സില്‍ ഇക്കാര്യം താന്‍ ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു.

അതേസമയം, രാഹുല്‍ഗാന്ധിക്ക് കോണ്‍ഗ്രസ് നേതാക്കളുടെയും പ്രവര്‍ത്തകരുടെയും പൂര്‍ണ പിന്തുണയുണ്ട്. ലോക്സഭാ തെരഞ്ഞെടുപ്പിലെ പരാജയത്തിന്റെ ഉത്തരവാദിത്വം ഏറ്റെടുത്ത് കഴിഞ്ഞ ജൂലായിലാണ് രാഹുല്‍ കോണ്‍ഗ്രസ് അധ്യക്ഷസ്ഥാനം രാജിവച്ചത്. വീണ്ടും പാര്‍ട്ടി അധ്യക്ഷനാകാന്‍ താത്പര്യമില്ലെന്ന നിലപാടിലാണ് അദ്ദേഹം. കോണ്‍ഗ്രസിന് പുതിയ സ്ഥിരം പ്രസിഡന്റ് വേണമെന്ന് പല മുതിര്‍ന്ന നേതാക്കളും അഭിപ്രായപ്പെട്ടിട്ടുണ്ട്. രാഹുല്‍ ഗാന്ധിക്ക് അതിന് രാജി പിന്‍വലിക്കേണ്ട ആവശ്യമേ ഉള്ളൂ എന്നായിരുന്നു ശശി തരൂരിന്റെ ആഭിപ്രായം. സ്ഥിരമായി ഇടക്കാല പ്രസിഡന്റ് തുടരുന്നത് ബിജെപിയെ ശക്തിപ്പെടുത്തുമെന്ന് പഞ്ചാബ് മുഖ്യമന്ത്രി അമരീന്ദര്‍ സിങ് പറഞ്ഞിരുന്നു.

 

 

]]> https://www.chandrikadaily.com/godi-media-scared-of-rahul-gandhi-myleaderrahulgandhi-trend-in-social-media.html/feed 0 അധിമാകാരമല്ല ആദര്‍ശമാണ് വലുത്: ശിവസേനയുമായുള്ള സഖ്യസാധ്യതകള്‍ തള്ളി സോണിയാ ഗാന്ധി https://www.chandrikadaily.com/soniya-gandhi-about-shivasena.html https://www.chandrikadaily.com/soniya-gandhi-about-shivasena.html#respond Sat, 02 Nov 2019 06:55:46 +0000 http://www.chandrikadaily.com/?p=143505 ന്യൂഡല്‍ഹി: രാഷ്ട്രീയ പ്രതിസന്ധി നിലനില്‍ക്കുന്ന മഹാരാഷ്ട്രയില്‍ ശിവസേനയുമായി ചേര്‍ന്ന് സര്‍ക്കാര്‍ രൂപീകരിക്കാനുള്ള സാധ്യതകള്‍ തള്ളി കോണ്‍ഗ്രസ് അധ്യക്ഷ സോണിയാ ഗാന്ധി. സര്‍ക്കാര്‍ രൂപവത്കരണത്തില്‍ ബി.ജെ.പിയുമായി ഇടഞ്ഞ ശിവസേനയെ എന്‍.സി.പികോണ്‍ഗ്രസ് സഖ്യം പുറത്തു നിന്ന് പിന്തുണച്ചേക്കുമെന്ന് റിപ്പോര്‍ട്ടുകളുണ്ടായിരുന്നു. ബി.ജെ.പി അധികാരത്തിലെത്തുന്നത് തടയാന്‍ ശിവസേനയുമായി ചേര്‍ന്ന സര്‍ക്കാര്‍ രൂപീകരിക്കണമെന്ന് മഹാരാഷ്ട്രയിലെ ചില കോണ്‍ഗ്രസ് നേതാക്കള്‍ ആവശ്യപ്പെട്ടിരുന്നു.

എന്നാല്‍ ആശയപരമായി ശിവസേനയുമായി ഒരിക്കലും യോജിക്കാനാവില്ലെന്നാണ് സോണിയാ ഗാന്ധി വ്യക്തമാക്കിയിരിക്കുന്നത്. നിലവില്‍ മഹാരാഷ്ട്രയില്‍ നടക്കുന്നത് അധികാരത്തര്‍ക്കമാണ്. തത്വശാസ്ത്രപരമായ യാതൊന്നും അതിലല്ല. ആര്‍.എസ്.എസും ബി.ജെ.പിയും ഉയര്‍ത്തിപ്പിടിക്കുന്ന ആശയങ്ങള്‍ തന്നെയാണ് ശിവസേനയും ഉയര്‍ത്തുന്നത്. അതുകൊണ്ട് അധികാരത്തിന് വേണ്ടി മാത്രം അവരുമായി യാതൊരു തരത്തിലും യോജിക്കാനാവില്ലെന്ന് സോണിയ മഹാരാഷ്ട്ര നേതാക്കളെ അറിയിച്ചു.

]]> https://www.chandrikadaily.com/soniya-gandhi-about-shivasena.html/feed 0 സോന്‍ഭദ്ര വെടിവെപ്പ് ; മരിച്ചവരുടെ കുടുംബങ്ങള്‍ക്ക് പ്രിയങ്കാഗാന്ധി പ്രഖ്യാപിച്ച സാമ്പത്തിക സഹായം കൈമാറി https://www.chandrikadaily.com/sonabadra-shootout-priyanka-offered-relief-fund-give-to-the-victim-families.html https://www.chandrikadaily.com/sonabadra-shootout-priyanka-offered-relief-fund-give-to-the-victim-families.html#respond Sun, 28 Jul 2019 12:26:28 +0000 http://www.chandrikadaily.com/?p=134672 ഉത്തര്‍പ്രദേശിലെ സോന്‍ഭദ്രയില്‍ ഭൂമി തര്‍ക്കത്തെ തുടര്‍ന്നുണ്ടായ വെടിവെപ്പില്‍ മരിച്ചവരുടെ കുടുംബങ്ങള്‍ക്ക് പ്രിയങ്കാഗാന്ധി പ്രഖ്യാപിച്ച സാമ്പത്തിക സഹായം കൈമാറി. സോന്‍ഭദ്രയില്‍ സന്ദര്‍ശനം നടത്തിയ പ്രിയങ്ക മരിച്ചവരുടെ കുടുംബങ്ങള്‍ക്ക് പത്തുലക്ഷം രൂപവീതം കോണ്‍ഗ്രസ് നല്‍കുമെന്ന് പ്രഖ്യാപിച്ചിരുന്നു.

കോണ്‍ഗ്രസ് പ്രവര്‍ത്തകര്‍ മരിച്ചവരുടെ കുടുംബങ്ങളില്‍ നേരിട്ടെത്തിയാണ് പ്രിയങ്ക വാഗ്ദാനംചെയ്ത സഹായത്തുകയുടെ ചെക്ക് കൈമാറിയത്. ജൂലായ് 17നുണ്ടായ വെടിവെപ്പില്‍ പത്തുപേരാണ് കൊല്ലപ്പെട്ടത്. 20പേര്‍ക്ക് പരിക്കേറ്റിരുന്നു. ജൂലായ് 20ന് പ്രിയങ്ക സോന്‍ഭദ്രയില്‍ സന്ദര്‍ശനം നടത്തിയത്.

]]> https://www.chandrikadaily.com/sonabadra-shootout-priyanka-offered-relief-fund-give-to-the-victim-families.html/feed 0 ഛത്തീസ്ഗഡ് കോണ്‍ഗ്രസ്; ഭൂപേഷ് ബഗേല്‍ അധ്യക്ഷ സ്ഥാനമൊഴിഞ്ഞത് നിറമിഴിയോടെ https://www.chandrikadaily.com/bhupesh-baghel-gets-teary-eyed-while-passing-chhattisgarh-congress-chief.html https://www.chandrikadaily.com/bhupesh-baghel-gets-teary-eyed-while-passing-chhattisgarh-congress-chief.html#respond Mon, 01 Jul 2019 12:02:05 +0000 http://www.chandrikadaily.com/?p=131649 റായ്പൂര്‍: നിറമിഴികളോടെ ഛത്തീസ്ഗഡ് കോണ്‍ഗ്രസ് അധ്യക്ഷ സ്ഥാനത്ത് നിന്ന് പടിയിറങ്ങി മുഖ്യമന്ത്രി ഭൂപേഷ് ബഗേല്‍. പാര്‍ട്ടി യോഗത്തില്‍ വികാരാധീനനായി കരഞ്ഞുകൊണ്ടാണ് അദ്ദേഹം പ്രതികരിച്ചത്. കോണ്‍ഗ്രസ് പ്രവര്‍ത്തകരെ അഭിസംബോധന ചെയ്തുകൊണ്ടുള്ള പ്രസംഗത്തില്‍ ഭൂപേഷ് ബഗേലിന്റെ കണ്ണ് നിറഞ്ഞു. തൊണ്ട ഇടറി. അല്‍പ്പനേരത്തേയ്ക്ക് പ്രസംഗം നിര്‍ത്തിയ ബഗേല്‍ കണ്ണട ഊരി കര്‍ച്ചീഫ് കൊണ്ട് കണ്ണീര്‍ തുടച്ചു. 2013ലെല്‍ നിയമസഭ തെരഞ്ഞെടുപ്പ് തോറ്റതിന് പിന്നാലെയാണ് ബഗേലിനെ പി.സി.സി പ്രസിഡന്റായി നിയമിച്ചത്. തുടര്‍ന്ന് 2018 ല്‍ നടന്ന തെരഞ്ഞെടുപ്പില്‍ ഉജ്ജ്വല വിജയത്തോടെ കോണ്‍ഗ്രസ് അധികരത്തില്‍ തിരിച്ചെത്തി. ബഗേലിന്റെ നേതൃത്വത്തില്‍ 90ല്‍ 68 സീറ്റ് നേടി അപ്രതീക്ഷിതമായ വിജയമാണ് കോണ്‍ഗ്രസ് നേടിയത്.

2013 മേയിലെ മാവോയിസ്റ്റ് ആക്രമണത്തില്‍ സംസ്ഥാനത്തെ പ്രധാന കോണ്‍ഗ്രസ് നേതാക്കളായിരുന്ന മഹേന്ദ്ര കര്‍മ്മയും വി.സി ശുക്ലയും അടക്കമുള്ളവര്‍ കൊല്ലപ്പെട്ടിരുന്നു. ഇതിന് ശേഷം കോണ്‍ഗ്രസ് സംഘടനാസംവിധാനത്തെ പുനരുജ്ജീവിപ്പിച്ച ഭൂപേഷ് ബഗേല്‍ നിയമസഭ തെരഞ്ഞെടുപ്പിലെ വന്‍ വിജയത്തില്‍ നിര്‍ണായക പങ്കാണ് വഹിച്ചത്. മുഖ്യമന്ത്രി പദവിക്കൊപ്പം ഭൂപേഷ് ബഗേല്‍ തന്നെയാണ് സംസ്ഥാന കോണ്‍ഗ്രസ് അധ്യക്ഷ സ്ഥാനവും വഹിച്ചിരുന്നത്. രണ്ട് ചുമതലകളും ഒരുമിച്ച് കൊണ്ടുപോകുന്നതിലെ ബുദ്ധിമുട്ട് അദ്ദേഹം രാഹുല്‍ ഗാന്ധിയെ അറിയിച്ചിരുന്നു. ഇതിന് പിന്നാലെയാണ് കൊണ്ടഗോണ്‍ എം.എല്‍.എ ആയ മോഹന്‍ മാര്‍ക്കാമിനെ അധ്യക്ഷ സ്ഥാനത്ത് നിയമിക്കുന്നത്. ആദിവാസി വിഭാഗത്തില്‍പ്പെടുന്ന ഒരു നേതാവ് അധ്യക്ഷ പദവിയിലക്ക് എത്തുന്നത് ആദ്യമായാണ്. 2014 ജൂണില്‍ തുടങ്ങിയ പരിശ്രമങ്ങളാണ് ഇപ്പോള്‍ അധികാരത്തിലെത്താന്‍ സഹായിച്ചതെന്ന് ഭൂപേഷ് ബഗേല്‍ വികാരാധീതനായി പ്രതികരിച്ചു.

]]> https://www.chandrikadaily.com/bhupesh-baghel-gets-teary-eyed-while-passing-chhattisgarh-congress-chief.html/feed 0 കോണ്‍ഗ്രസ് അധ്യക്ഷനായി രാഹുല്‍ ഗാന്ധി തുടരും https://www.chandrikadaily.com/rahul-gandhi-remain-the-president-of-congress.html https://www.chandrikadaily.com/rahul-gandhi-remain-the-president-of-congress.html#respond Wed, 12 Jun 2019 11:56:06 +0000 http://www.chandrikadaily.com/?p=129944 ഡല്‍ഹി : കോണ്‍ഗ്രസ് അധ്യക്ഷ സ്ഥാനത്ത് രാഹുല്‍ ഗാന്ധി തുടരും. കോണ്‍ഗ്രസ് പാര്‍ട്ടി വക്താവ് റണ്‍ദീപ് സുര്‍ജേവാലയാണ് ഈ കാര്യം അറിയിച്ചത്. രാഹുല്‍ ഗാന്ധി അധ്യക്ഷ സ്ഥാനത്ത് നിന്ന് മാറുന്നതിന് മുന്‍പ് താല്‍പര്യം പ്രകടിപ്പിച്ചിരുന്നു.


ലോക്‌സഭ തെരഞ്ഞെടുപ്പിന് ശേഷമുള്ള സാഹചര്യം ചര്‍ച്ച ചെയ്യാന്‍ ജനറല്‍ സെക്രട്ടറിമാരുടെ യോഗം വിളിക്കാന്‍ കെ സി വേണുഗോപാലിനെ ചുമതലപ്പെടുത്തി.
ആറ് മാസത്തിനകം 4 സംസ്ഥാനങ്ങളില്‍ നിയമസഭാ തെരഞ്ഞെടുപ്പ് നടക്കുന്ന സാഹചര്യത്തിലാണ് രാഹുല്‍ ഗാന്ധി അധ്യക്ഷ സ്ഥാനത്ത് തുടരുന്നത്.
ലോക്‌സഭ തെരഞ്ഞെടുപ്പിലെ തോല്‍വിക്ക് പിന്നാലെ രാഹുല്‍ സ്ഥാനം ഒഴിഞ്ഞാല്‍ സംഘടന പ്രതിസന്ധിയിലാകുമെന്ന നിലപാടിലാണ് മുതിര്‍ന്ന നേതാക്കള്‍.


അതേസമയം ഡല്‍ഹിയില്‍ ചേര്‍ന്ന മുതിര്‍ന്ന കോണ്‍ഗ്രസ് നേതാക്കളുടെ യോഗത്തില്‍ നിന്ന് രാഹുല്‍ വിട്ടുനിന്നു. മഹാരാഷ്ട്ര, ഹരിയാന, ജാര്‍ഖണ്ഡ്, ജമ്മു കശ്മീര്‍ സംസ്ഥാനങ്ങളിലെ തെരഞ്ഞെടുപ്പ് ഒരുക്കങ്ങള്‍ യോഗം വിലയിരുത്തി.
കെസി വേണുഗോപാല്‍, എ.കെ.ആന്റണി, ഗുലാം നബി ആസാദ്, പി ചിദംബരം, മല്ലികാര്‍ജുന്‍ ഖാര്‍ഗെ, ജയറാം രമേശ് ഉള്‍പ്പെടയുള്ളവര്‍ പങ്കെടുത്തു. കോണ്‍ഗ്രസ് ലോക്‌സഭാ കക്ഷി നേതാവിനെ സോണിയ ഗാന്ധി തീരുമാനിക്കും.

]]> https://www.chandrikadaily.com/rahul-gandhi-remain-the-president-of-congress.html/feed 0 കോണ്‍ഗ്രസ് ധീരമായി പോരാടി; പരാജയം മറന്ന് സഹപ്രവര്‍ത്തകര്‍ക്ക് ധൈര്യം പകര്‍ന്ന് രാഹുല്‍ ഗാന്ധി https://www.chandrikadaily.com/40-mps-were-enough-to-take-on-bjp-this-time-we-are-52-rahulgandhi-at-congress-parliamentary-party-meet.html https://www.chandrikadaily.com/40-mps-were-enough-to-take-on-bjp-this-time-we-are-52-rahulgandhi-at-congress-parliamentary-party-meet.html#respond Sat, 01 Jun 2019 08:40:49 +0000 http://www.chandrikadaily.com/?p=129016 കനത്ത പരാജയത്തിന്റെ ആഘാതം മറന്ന് ബിജെപിക്കെതിരെ ശക്തമായി പോരാടാന്‍ പാര്‍ട്ടി എംപിമാര്‍ക്ക് ആവേശം നല്‍കി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ലോക്‌സഭാ തെരഞ്ഞെടുപ്പിന് ശേഷമുള്ള കോണ്‍ഗ്രസിന്റെ ആദ്യത്തെ പാര്‍ലമെന്ററി പാര്‍ട്ടിയോഗത്തില്‍ സംസാരിക്കുകയായിരുന്നു രാഹുല്‍ഗാന്ധി.

ലോക്‌സഭാ തെരഞ്ഞെടുപ്പില്‍ കോണ്‍ഗ്രസ് ധീരമായി പോരാടിയെന്നും അംഗസംഖ്യ കുറവെങ്കിലും കോണ്‍ഗ്രസ് ആശയങ്ങള്‍ക്കായി പൊരുതണമെന്നും ആത്മാര്‍ത്ഥമായ പോരാട്ടത്തിന് അന്‍പത്തിരണ്ട് പേര്‍ ധാരാളമാണെന്നും രാഹുല്‍ പ്രവര്‍ത്തകരെ ഓര്‍മ്മിപ്പപ്പെടുത്തി.

ഭരണഘടനയെ സംരക്ഷിക്കാന്‍ വേണ്ടിയാകണം കോണ്‍ഗ്രസ് പ്രവര്‍ത്തകരുടെ പോരാട്ടം. ജാതി-മത-വര്‍ണ്ണഭേദമില്ലാതെ ഇന്ത്യയിലെ ജനങ്ങള്‍ക്കും ഭരണഘടനയ്ക്കും വേണ്ടിയാണ് നിങ്ങളോരോരുത്തരും പോരാടേണ്ടത്. സഭയില്‍ കിട്ടുന്ന സമയം ജനങ്ങള്‍ക്ക് വേണ്ടി സംസാരിക്കണമെന്നും ഭരണഘടന സംരക്ഷിക്കാന്‍ വേണ്ടി കോണ്‍ഗ്രസ് പ്രവര്‍ത്തകര്‍ മുന്നിട്ടിറങ്ങി പോരാടാണമെന്നും രാഹുല്‍ ഗാന്ധി ആവശ്യപ്പെട്ടു. ആത്മ പരിശോധനയ്ക്കും പുനരുജ്ജീവനത്തിനുമുള്ള സമയമാണിത്. അധിക്ഷേപവും വിദ്വേഷവും നേരിടേണ്ടി വന്നേക്കാം
എന്നാലും ശക്തമായി പ്രവര്‍ത്തകര്‍ പോരാടണമെന്നും രാഹുല്‍ ആഹ്വാനം ചെയ്തു. 40 പേരുള്ളപ്പോള്‍ നമ്മള്‍ ബിജെപിക്കെതിരെ പോരാടി എന്നാല്‍ കോണ്‍ഗ്രസിന് ഇക്കുറി 52 എംപിമാരുണ്ട് ആത്മാര്‍ത്ഥമായ പോരാട്ടത്തിന് അന്‍പത്തിരണ്ട് പേര്‍ ധാരാളമാണെന്നും രാഹുല്‍ ഗാന്ധി ധൈര്യം പകര്‍ന്നു. കോണ്‍ഗ്രസിന് വോട്ടുചെയ്ത എല്ലാവര്‍ക്കും പാര്‍ട്ടി പ്രവര്‍ത്തകര്‍ക്കും രാഹുല്‍ പ്രസംഗത്തില്‍ നന്ദി പറഞ്ഞു.

അതേസമയം ലോക്‌സഭാ തെരഞ്ഞെടുപ്പിന് ശേഷം ഇതാദ്യമായി ചേര്‍ന്ന കോണ്‍ഗ്രസ് പാര്‍ലമെന്ററി പാര്‍ട്ടിയോഗത്തില്‍ കോണ്‍ഗ്രസിന്റെ പാര്‍ലമെന്ററി പാര്‍ട്ടി അധ്യക്ഷയായി സോണിയാ ഗാന്ധിയെ തെരഞ്ഞെടുത്തു. മുന്‍പ്രധാമന്ത്രി മന്‍മോഹന്‍സിംഗാണ് സോണിയയെ ഈ സ്ഥാനത്തേക്ക് നിര്‍ദേശിച്ചത്. കെ.മുരീധരനും ചത്തീസ്ഗണ്ഡില്‍ നിന്നുള്‌ല എംപി ജ്യോത്സന മോഹന്തും നിര്‍ദേശത്തെ പിന്താങ്ങി. വിദ്വേഷ രാഷ്ട്രീയത്തിനെതിരായ കോണ്‍ഗ്രസ് നിലപാട് ഇനിയും തുടരും. വോര്‍ട്ടര്‍മാര്‍ പാര്‍ട്ടിയില്‍ അര്‍പ്പിച്ച വിശ്വാസം കാക്കണമെന്ന് എംപിമാരോട് സോണിയാ ഗാന്ധി ആവശ്യപ്പെട്ടു. ലോക്‌സഭാ തെരഞ്ഞെടുപ്പില്‍ രാജ്യത്തെ 12.13 കോടി വോട്ടര്‍മാര്‍ കോണ്‍ഗ്രസിന് വോട്ട് ചെയ്തു. അതിന് വോട്ടര്‍മാരോട് നന്ദി പറയുന്നതായും പാര്‍ലമെന്ററി പാര്‍ട്ടി യോഗത്തില്‍ സോണിയ പറഞ്ഞു.

പാര്‍ലമെന്ററി പാര്‍ട്ടി യോഗത്തിന് ശേഷം സോണിയാ ഗാന്ധിയുടെ വസതിയില്‍ എത്തിയ കേരളത്തില്‍ നിന്നുള്ള ലോക്‌സഭാ എംപിമാര്‍ ഇവിടെ വച്ച് സോണിയയുമായും രാഹുല്‍ ഗാന്ധിയുമായും കൂടിക്കാഴ്ച നടത്തി. കോണ്‍ഗ്രസ് അധ്യക്ഷ സ്ഥാനത്ത് രാഹുല്‍ തുടരണമെന്നാണ് കേരളത്തിലെ കോണ്‍ഗ്രസ് നേതൃത്വത്തിന്റെയും പ്രവര്‍ത്തകരുടേയും ജനങ്ങളുടേയും യുഡിഎഫ് നേതാക്കളുടേയും ആഗ്രഹമെന്ന് കേരളത്തിലെ എംപിമാര്‍ സോണിയേയും രാഹുലിനേയും അറിയിച്ചു.

]]> https://www.chandrikadaily.com/40-mps-were-enough-to-take-on-bjp-this-time-we-are-52-rahulgandhi-at-congress-parliamentary-party-meet.html/feed 0 പാര്‍ലമെന്റെറി പാര്‍ട്ടി യോഗം ഇന്ന്; രാഹുലിന്റെ മറുപടി കാത്ത് കോണ്‍ഗ്രസ് https://www.chandrikadaily.com/congress-parliamentary-party-to-meet-on-1st-june.html https://www.chandrikadaily.com/congress-parliamentary-party-to-meet-on-1st-june.html#respond Sat, 01 Jun 2019 03:40:05 +0000 http://www.chandrikadaily.com/?p=128986 കോണ്‍ഗ്രസ് പാര്‍ലമെന്റെറി പാര്‍ട്ടി യോഗം ഇന്ന് ഡല്‍ഹിയില്‍ ചേരും. പാര്‍ലമെന്റ് സെന്‍ട്രല്‍ ഹാളില്‍ രാവിലെ 9.15 നാണ് യോഗം. യുപിഎ അധ്യക്ഷ സോണിയ ഗാന്ധി അധ്യക്ഷത വഹിക്കുന്ന പാര്‍ലമെന്ററി പാര്‍ട്ടി യോഗത്തില്‍ പുതുതായി തെരഞ്ഞെടുക്കപ്പെട്ട എംപിമാര്‍ക്കൊപ്പം പാര്‍ട്ടി ജനറല്‍ സെക്രട്ടറിമാരും പാര്‍ട്ടി അധ്യക്ഷന്‍ രാഹുല്‍ ഗാന്ധിയും പങ്കെടുക്കും. ലോകസഭയുടെ ആദ്യ സമ്മേളനം ജൂണ്‍ 17 തുടങ്ങാന്‍ മന്ത്രിസഭ തീരുമാനം വന്ന സ്ഥിതിക്ക് ലോക്സഭ കക്ഷി നേതാവിനെ ഇന്ന് യോഗം തെരഞ്ഞെടുത്തേക്കും.

സന്നദ്ധത അറിയിച്ചാല്‍ രാഹുല്‍ ഗാന്ധി തന്നെ ഒരുപക്ഷെ ലോക്സഭ കക്ഷി നേതാവ് ആയേക്കും. ഇല്ലെങ്കില്‍ മാത്രമേ മറ്റു പേരുകള്‍ പരിഗണിക്കാന്‍ സാധ്യത ഒള്ളു. ഉപനേതാവ്, ചീഫ് വിപ്പ് എന്നിവരെയും ഇന്ന് ചേരുന്ന പാര്‍ലമെന്ററി പാര്‍ട്ടി യോഗം തീരുമാനിച്ചേക്കും.

]]> https://www.chandrikadaily.com/congress-parliamentary-party-to-meet-on-1st-june.html/feed 0 രാഹുല്‍ തന്നെ തുടരാന്‍ സാധ്യത; വൈകീട്ട് നാല് മണിക്ക് പ്രത്യേക യോഗം ചേരും https://www.chandrikadaily.com/priyanka-gandhi-sachin-pilot-visit-rahul-gandhi-on-quitting-as-congress-chief.html https://www.chandrikadaily.com/priyanka-gandhi-sachin-pilot-visit-rahul-gandhi-on-quitting-as-congress-chief.html#respond Tue, 28 May 2019 09:05:33 +0000 http://www.chandrikadaily.com/?p=128615 ലോക്സഭാ തെരഞ്ഞെടുപ്പിലെ തോല്‍വിയെ തുടര്‍ന്ന് കോണ്‍ഗ്രസില്‍ ഉടലെടുത്ത പ്രശ്നങ്ങള്‍ക്ക് പരിഹാരമാകുന്നു. ദേശീയ അധ്യക്ഷപദവി രാഹുല്‍ ഗാന്ധി രാജിവെച്ചേക്കില്ല. പകരം രാഹുല്‍ പദവി ഒഴിയാതെയുള്ള പാര്‍ട്ടിയുടെ ഉടച്ചുവാര്‍ക്കലിനാണ് കോണ്‍ഗ്രസ് നേതൃത്വം ഒരുങ്ങുന്നത്. കോണ്‍ഗ്രസ് പ്രതിസന്ധി നേരിടുന്ന ഈ വേളയില്‍ രാഹുല്‍ രാജിവെച്ചാല്‍ ഉപതെരഞ്ഞെടുപ്പുകളും നിയമസഭാ തെരഞ്ഞെടുപ്പുകളും വരാനിരിക്കെ പാര്‍ട്ടി നാഥനില്ലാതാവുമെന്ന് വാദം കണക്കിലെടുത്താണ് തീരുമാനം. രാഹുല്‍ മാറിയാല്‍ ഒരുപക്ഷേ പിന്നീട് ഒരു തിരിച്ചുവരവ് സാധ്യമായേക്കില്ല എന്ന് സോണിയ ഗാന്ധിയും സഹോദരി പ്രിയങ്കയും ഉപദേശിച്ചുവെന്നാണ് റിപ്പോര്‍ട്ടുകള്‍.

അതേസമയം രാഹുല്‍ പാര്‍ട്ടി നേതാക്കളുമായി ചര്‍ച്ചക്ക് തയ്യാറായതായും റിപ്പോര്‍ട്ടുണ്ട്. ലോക്സഭാ തെരഞ്ഞെടുപ്പിലെ പരാജയത്തിന്റെ ഉത്തരവാദിത്തം ഏറ്റെടുത്ത് അധ്യക്ഷസ്ഥാനം രാജിവെക്കാനുള്ള തീരുമാനത്തില്‍ രാഹുല്‍ ഗാന്ധി ഉറച്ചുനിന്നതോടെ കോണ്‍ഗ്രസ് ഉന്നത നേതൃത്വം വീണ്ടും യോഗം ചേരുന്നു. ഇന്ന് വൈകീട്ട് നാല് മണിക്ക് രാഹുലിന്റെ വസതിയില്‍ വെച്ചാണ് യോഗം ചേരുക. അവസാന ശ്രമമെന്ന മട്ടില്‍ രാഹുലിനെ രാജിയില്‍ നിന്ന് പിന്തിരിപ്പിക്കാന്‍ ശ്രമിക്കുക എന്നതാണ് യോഗത്തിന്റെ ലക്ഷ്യമെന്ന് കോണ്‍ഗ്രസ് വൃത്തങ്ങളെ ഉദ്ധരിച്ച് എന്‍.ഡി.ടി.വി റിപ്പോര്‍ട്ട് ചെയ്യുന്നു. ലോകസഭയില്‍ കോണ്‍ഗ്രസ് നേതാവായി രാഹുല്‍ തുടരാനും പാര്‍ട്ടി അധ്യക്ഷ സ്ഥാനം വെച്ചുമാറാനും സാധ്യതയുണ്ട്. എന്നാല്‍ പ്രധാന നേതാക്കള്‍ പുതിയ ഫോര്‍മുല തയ്യാറാക്കിയതായും റിപ്പോര്‍ട്ടുണ്ട്. രാഹുല്‍ ഗാന്ധിയെ നിലനിര്‍ത്തി വര്‍ക്കിങ് പ്രസിഡന്റിനെ നിയമിക്കാനാണ് പുതിയ നീക്കം. രാഷ്ട്രീയ കാര്യങ്ങളും സംഘടനാ കാര്യങ്ങളും രണ്ടായി തിരിച്ചു മുന്നോട്ട് പോകും. രാഹുല്‍ ഗാന്ധി പാര്‍ട്ടി കാര്യങ്ങളില്‍ കൂടുതല്‍ ഇടപെടും. പാര്‍ട്ടിയെ ശക്തിപ്പെടുത്തുന്നതിനാകും രാഹുല്‍ പ്രധാന്യം നല്‍കുക.

രാജിവയ്ക്കാനുള്ള രാഹുല്‍ ഗാന്ധിയുടെ തീരുമാനം ബി.ജെ.പിയുടെ കെണിയില്‍ വീഴുന്നതിന് തുല്യമാണെന്ന് മുതിര്‍ന്ന ആര്‍ജെഡി നേതാവ് ലാലു പ്രസാദ് യാദവും വ്യക്തമാക്കിയിരുന്നു. രാഹുലിന് പകരം ഗാന്ധി കുടുംബത്തിന് പുറത്ത് നിന്നൊരാള്‍ കോണ്‍ഗ്രസ് അധ്യക്ഷസ്ഥാനത്ത് വന്നാലും നിലവിലെ സ്ഥിതിയില്‍ മാറ്റം വരില്ലെന്നും പുതിയ നേതാവ് രാഹുലിന്റെയും ഗാന്ധികുടുംബത്തിന്റെയും ദാസ്യനാണെന്നാവും മോദിയും അമിത് ഷായും പ്രചരിപ്പിക്കുകയെന്നും ലാലു സൂചിപ്പിച്ചു. പുതിയ ആളെ പാവയാക്കി നിര്‍ത്തി രാഹുലും സോണിയയും പാര്‍ട്ടി ഭരിക്കുകയാണെന്ന പ്രചരണം ബിജെപിക്കാര്‍ അടുത്ത തെരഞ്ഞെടുപ്പ് വരെ അവര്‍ തുടരുമെന്നും ലാലു ഉപദേശം നല്‍കി.

അതേസമയം കോണ്‍ഗ്രസ് പ്രവര്‍ത്തക സമതിയുമായി ബന്ധപ്പെട്ട് ഊഹാപോഹങ്ങള്‍ പ്രചരിക്കുന്നതിനിടെ ഇതുമായി ബന്ധപ്പെട്ട് കോണ്‍ഗ്രസ് പ്രസ്താവന പുറത്തിറക്കി. ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പാര്‍ട്ടിക്കുണ്ടായ പരാജയം ചര്‍ച്ച ചെയ്യുന്നതിനായി ശനിയാഴ്ച ചേര്‍ന്ന കോണ്‍ഗ്രസ് പ്രവര്‍ത്തക സമിതിക്കു ശേഷം മാധ്യമങ്ങളിലൂടെ അനാവശ്യമായ ഊഹാപോഹങ്ങളും, പല തരത്തിലുള്ള കിംവദന്തികളും, നുണകളും, കുത്സിതമായ അപവാദ പ്രചരണവുമാണ് നടക്കുന്നതെന്നും പ്രസ്താവനയില്‍ പറയുന്നു. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി തല്‍സ്ഥാനം രാജിവെക്കുമെന്ന വാര്‍ത്തകള്‍ പ്രചരിക്കുന്നതിനിടെയാണ് പ്രസ്താവന പുറത്തിറക്കിയത്. അടച്ചിട്ട മുറിയില്‍ നടന്ന കോണ്‍ഗ്രസ് പ്രവര്‍ത്തക സമിതി യോഗത്തിന്റെ പവിത്രത മാധ്യമങ്ങളുള്‍പ്പെടെ മാനിക്കുമെന്നാണ് പാര്‍ട്ടി പ്രതീക്ഷിക്കുന്നത്. ഇപ്പോള്‍ പ്രചരിക്കുന്ന പലതും അനാവശ്യവും അപക്വവുമാണെന്നും പാര്‍ട്ടി പ്രസ്താവനയിലൂടെ വ്യക്തമാക്കുന്നു. ഒരു പ്രത്യേക വ്യക്തിയുടെ കാര്യം ചര്‍ച്ച ചെയ്യാന്‍ വേണ്ടിയല്ല, പാര്‍ട്ടിയുടെ ലോക്‌സഭാ തെരഞ്ഞെടുപ്പിലെ പ്രകടനത്തെ മൊത്തത്തില്‍ ചര്‍ച്ച ചെയ്യാനും മുന്നോട്ടുള്ള പ്രയാണത്തിലെ വെല്ലുവിളികള്‍ ചര്‍ച്ച ചെയ്യാനുമായാണ് സി.ഡബ്ലു.സി വിളിച്ചു ചേര്‍ത്തതെന്നും പ്രസ്താവന ചൂണ്ടിക്കാട്ടുന്നു. അധ്യക്ഷ സ്ഥാനത്തു നിന്നും താന്‍ മാറുകയാണെന്നും മറ്റൊരാളെ പകരക്കാരനായി കണ്ടെത്തണമെന്നും രാഹുല്‍ പാര്‍ട്ടി നേതൃത്വത്തോട് ആവശ്യപ്പെട്ടതായും പുതുതായി തെരഞ്ഞെടുക്കപ്പെട്ട എം.പിമാരെ കാണാന്‍ രാഹുല്‍ ഗാന്ധി തയാറായില്ലെന്നും ചില മാധ്യമങ്ങള്‍ വാര്‍ത്ത നല്‍കിയിരുന്നു. രാഹുലും, പ്രിയങ്കയും, യു.പി.എ അധ്യക്ഷ സോണിയ ഗാന്ധിയും പ്രവര്‍ത്തക സമിതിക്കു ശേഷം മാധ്യമങ്ങളെ കണ്ടിരുന്നില്ല. എന്നാല്‍ ഗുലാം നബി ആസാദിന്റെ നേതൃത്വത്തില്‍ പിന്നീട് കോണ്‍ഗ്രസ് നേതാക്കള്‍ പത്ര സമ്മേളനം നടത്തുകയും ചെയ്തിരുന്നു. അധ്യക്ഷ സ്ഥാനത്തു നിന്നും രാജിവെക്കാന്‍ രാഹുല്‍ സന്നദ്ധനായെങ്കിലും പ്രവര്‍ത്തക സമിതി ഐകകണ്‌ഠ്യേന അദ്ദേഹത്തിന്റെ രാജി തള്ളുകയായിരുന്നെന്ന് കോണ്‍ഗ്രസ് നേതാക്കള്‍ വാര്‍ത്താ സമ്മേളനത്തില്‍ വ്യക്തമാക്കിയിരുന്നു. ഇതിനു പിന്നാലെയാണ് കോണ്‍ഗ്രസ് അധ്യക്ഷനെ ചുറ്റിപ്പറ്റി മാധ്യമങ്ങള്‍ പല തരത്തിലുള്ള വാര്‍ത്തകളും മെനഞ്ഞത്. ആശയപരമായ പോരാട്ടത്തില്‍ രാഹുല്‍ തന്നെ കോണ്‍ഗ്രസിനെ നയിക്കുമെന്നും രാജ്യത്തെ യുവജനങ്ങള്‍, കര്‍ഷകര്‍, എസ്.സി, എസ്.ടി, ഒ.ബി.സി, ന്യൂനപക്ഷങ്ങള്‍, പാവപ്പെട്ടവര്‍, പാര്‍ശ്വവല്‍ക്കരിക്കപ്പെട്ടവര്‍ എന്നിവരുടെ അവകാശത്തിനു വേണ്ടി രാഹുല്‍ നേതൃത്വം നല്‍കുമെന്നും സി.ഡബ്ലു.സി പ്രമേയം പാസാക്കിയതായും പ്രവര്‍ത്തക സമതിക്കു ശേഷം നേതാക്കള്‍ അറിയിച്ചിരുന്നു.

]]> https://www.chandrikadaily.com/priyanka-gandhi-sachin-pilot-visit-rahul-gandhi-on-quitting-as-congress-chief.html/feed 0