യുവതാരം ഗാവിയാണ് ആദ്യ ഗോള്‍ നേടിയത്. 27ാം മിനിറ്റില്‍ ഡിഫെന്‍ഡര്‍ ജുല്‍സ് കുന്‍ഡെ ബാഴ്‌സയുടെ ലീഡ് രണ്ടാക്കി ഉയര്‍ത്തി. ലമീന്‍ യമാലിന്റെ അസിസ്റ്റിലായിരുന്നു ഫ്രഞ്ച് താരം ലക്ഷ്യംകണ്ടത്.

രണ്ടാം പകുതിയില്‍ ബാഴ്‌സ ആക്രമണം തുടര്‍ന്നു. 58ാം മിനിറ്റില്‍ റഫീഞ്ഞയിലൂടെ മൂന്നാം ഗോളും കണ്ടെത്തി. 67ാം മിനിറ്റില്‍ ഫെറാന്‍ ടോറസും 75ാം മിനിറ്റില്‍ ലാമിന്‍ യമാലും ഗോള്‍ നേടിയതോടെ അഞ്ച് ഗോളുകള്‍ക്ക് ബാഴ്‌സ മുന്നിലെത്തി.

84ാം മിനിറ്റില്‍ പെനാല്‍റ്റിയിലൂടെ വിറ്റര്‍ റോക്ക് റയല്‍ ബെറ്റിസിന് വേണ്ടി ആശ്വാസ ഗോള്‍ നേടിയത്. കഴിഞ്ഞ ദിവസം സ്പാനിഷ് സൂപ്പര്‍ കപ്പ് ഫൈനലില്‍ റയല്‍മാഡ്രിഡിനെ അനായാസം തോല്‍പ്പിച്ച് ബാഴ്‌സ കിരീടംചൂടിയിരുന്നു.

മാഡ്രിഡില്‍ നിന്നും പ്രസിദ്ധീകരിക്കുന്ന പ്രധാന സ്‌പോര്‍ട്‌സ് പത്രങ്ങളിലൊന്നാണ് എ.എസ്. ഇന്നലെ പുറത്തിറങ്ങിയ പത്രത്തിന്റെ ഒന്നാം പേജിലെ വലിയ സ്റ്റോറിയുടെ തലക്കെട്ട് ഇപ്രകാരമായിരുന്നു-ഇനിയസ്റ്റ്, പോവരുത്…. മറ്റൊരു സുപ്രധാന സ്‌പോര്‍ട്‌സ് പത്രമായ മാര്‍ക്കയുടെ തലക്കെട്ട് ദി ലാസ്റ്റ് എംപറര്‍(അവസാനത്തെ ചക്രവര്‍ത്തി) എന്നായിരുന്നു. എ.എസ് പത്രത്തിന്റെ എഡിറ്റര്‍ ആല്‍ഫ്രെഡോ റൊലാനോ ഇങ്ങനെ എഴുതി- ലോക ഫുട്‌ബോളില്‍ ഇനിയസ്റ്റയുടെ പന്തടക്കം കാണുന്നതിനേക്കാള്‍ മറ്റൊരു സൗന്ദര്യമില്ല. സ്പാനിഷ് രാജാവില്‍ നിന്നാണ് അദ്ദേഹം കിംഗ്‌സ് കപ്പ് ഏറ്റുവാങ്ങിയത്. രാജാവില്‍ നിന്നും കപ്പ് വാങ്ങി വിടവാങ്ങുക. വലിയ നേട്ടം തന്നെ. പക്ഷേ ഞങ്ങളെല്ലാം ചോദിക്കുന്നത് ഇനിയസ്റ്റ എന്തിന് വിടവാങ്ങണമെന്നാണ്…?
ആല്‍ഫ്രെഡോയുടെ ചോദ്യം തന്നെ തേര്‍ഡ് ഐയും ചോദിക്കുന്നു- മുപ്പത്തി മൂന്നാം വയസ്സില്‍ എന്തിന് ബാര്‍സ വിടുന്നു….സംസാര പ്രിയനല്ലാത്ത, ക്യാമറകള്‍ക്ക് മുന്നില്‍ വീരവാദങ്ങള്‍ മുഴക്കാത്ത, സ്വതവേ മിതഭാഷിയായ ഇനിയസ്റ്റ ഇതിനൊന്നും മറുപടി പറയില്ല. ബാര്‍സയുടെ എട്ടാം നമ്പര്‍ കുപ്പായമെന്നത് അദ്ദേഹത്തിന്റെ ജീവനാണ്. മുഖ്യ കളിക്കാരെല്ലാം പത്താം നമ്പര്‍ ആഗ്രഹിക്കുമ്പോള്‍, അത് ചോദിച്ച് വാങ്ങുമ്പോള്‍ തനിക്ക് എട്ട് മതിയെന്ന് പറഞ്ഞ കുറിയ താരം. പലപ്പോഴും മൈതാനത്ത് പത്തിനേക്കാള്‍ തിളക്കത്തില്‍ എട്ട് ഉയര്‍ന്നു നിന്നപ്പോഴും അമിതാഹ്ലാദ പ്രകടനമില്ലാതെ സ്വയം ഒതുങ്ങുന്ന താരം. ഇത്തരത്തിലൊരു കളിക്കാരന്‍ സത്യം പറഞ്ഞാല്‍ ലോക ഫുട്‌ബോളില്‍ ഇല്ല എന്ന് തന്നെ പറയാം.

CHAMPIOOOOOOOOOOOOONSSSS!!!
#Copa30 pic.twitter.com/GI91a4EQR7

— FC Barcelona (@FCBarcelona) April 21, 2018

അഞ്ചാം വയസ്സില്‍ തുടങ്ങിയ ഫുട്‌ബോള്‍ ജീവിതം. ദേശീയ ജൂനിയര്‍ ടീമുകളില്‍-അണ്ടര്‍ 16, അണ്ടര്‍-19, അണ്ടര്‍-21 സംഘങ്ങളില്‍ സ്ഥിരം പ്രതിനിധിയായി മാറി 2002 ല്‍ ബാര്‍സയുടെ മുഖ്യ സംഘത്തിലെത്തിയപ്പോള്‍ മുതല്‍ മധ്യനിരയിലെ കളിയാസുത്രകന്‍ എന്ന നിലയില്‍ അദ്ദേഹം വഹിക്കുന്ന നിശബ്ദ റോളിന് സമാനതകളില്ല. ബഹളമയമല്ല ഇനിയസ്റ്റയുടെ ഫുട്‌ബോള്‍ ജീവിതം. വിവാദങ്ങളുടെ ലോകത്തുമില്ല ഇനിയസ്റ്റ. 2010 ലെ ലോകകപ്പില്‍ സ്‌പെയിന്‍ ജേതാക്കളായപ്പോള്‍ ഫൈനലിലെ ഗോള്‍ അദ്ദേഹത്തിന്റെ ബൂട്ടില്‍ നിന്നായിരുന്നു. ആ ഗോള്‍ നേടിയപ്പോഴും ആഘോഷം അതിര്‍ത്തി കടന്നില്ല. ചാമ്പ്യന്‍ഷിപ്പിലെ താരമായി തെരഞ്ഞെടുക്കപ്പെട്ടപ്പോഴും ഒരു ചിരി മാത്രം. 2008 ലും 2012 ലും സ്‌പെയിന്‍ യൂറോപ്യന്‍ ചാമ്പ്യന്മാരായിരുന്നു. രണ്ട് നേട്ടങ്ങളിലും വലിയ പങ്ക് മറ്റാര്‍ക്കുമായിരുന്നില്ല. ചാമ്പ്യന്‍ഷിപ്പിലെ താരമായി വീണ്ടും തെരഞ്ഞെടുക്കപ്പെട്ടിട്ടും മതിമറക്കാത്ത് പ്രകൃതക്കാരന്‍. 2009 മുതല്‍ അദ്ദേഹം യുവേഫ ഓള്‍ സ്റ്റാര്‍ സംഘത്തിലുണ്ട്. മെസിയും നെയ്മറും സുവരാസുമെല്ലാം ഉള്‍പ്പെടുന്ന ബാര്‍സാ സൂപ്പര്‍ മുന്നണിക്ക് കൃത്യമായി പന്ത് എത്തിച്ച് കൊടുക്കുന്ന വിലയുള്ള ജോലിയിലായിരുന്നു ഇനിയസ്റ്റയുടെ ആത്മാര്‍ത്ഥത. മെസിയിലെ രാജാവിന് യഥാര്‍ത്ഥ മന്ത്രിയായിരുന്നു അദ്ദേഹം,. രണ്ട് പേരും തമ്മിലുള്ള സ്‌നേഹ ബഹുമാനത്തിന് ഒരു വേള പോലും വിള്ളല്‍ വീഴാതിരിക്കാന്‍ കാരണം ഇനിയസ്റ്റക്ക് സ്വന്തം ജോലി അറിയുന്നത് കൊണ്ടും അതില്‍ അഹങ്കരിക്കാത്തത് കൊണ്ടുമായിരുന്നു. മെസിക്ക് പന്ത് നല്‍കാതെ എതിര്‍ വലയിലേക്ക് പന്ത് പായിക്കാന്‍ എത്രയോ അവസരങ്ങള്‍ അദ്ദേഹത്തിനുണ്ടായിരുന്നു. അപ്പോഴെല്ലാം തളികയിലെന്നോണം പന്ത് കൂട്ടുകാരന് നല്‍കി സ്വന്തം ജോലിയില്‍ വ്യാപൃതനാവുന്ന മധ്യനിരക്കാരന്‍… ഇത്തരത്തിലൊരാളെ കാണില്ല.

ദേശീയ ഫുട്‌ബോളില്‍ മെസി എന്ത് കൊണ്ട് പരാജയപ്പെടുന്നു എന്ന ചോദ്യം പലവുരു ഉന്നയിക്കപ്പെട്ടപ്പോള്‍ കൃത്യമായി ഒരു മറുപടി ഉണ്ടായിരുന്നു-അര്‍ജന്റീന സംഘത്തില്‍ ഒരു ഇനിയസ്റ്റ ഇല്ലല്ലോ…. ഇന്നലെ കിംഗ്‌സ് കപ്പ് സ്പാനിഷ് രാജാവില്‍ നിന്നും സ്വീകരിക്കേണ്ടത് മെസിയായിരുന്നു. അതിന് തുനിയാതെ മെസി ഇനിയസ്റ്റയെ വിളിച്ചു-കപ്പ് സ്വീകരിക്കാന്‍ പറഞ്ഞു. സ്‌നേഹ ബഹുമാനത്തിന്റെ വിശാലമായ ലോകത്ത് ഇതില്‍പ്പരം സഹൃദയത്വം മറ്റെന്താണ്…. വാമോസ് ഇനിയസ്റ്റ…!

Barcelona have just won their 30th Copa del Rey!





pic.twitter.com/Wa05gcMe1f

— Goal (@goal) April 21, 2018

4 in a row. 6 of the last 10.

Barcelona Copa del Rey! pic.twitter.com/WxfoWqJRCF

— FOX Soccer (@FOXSoccer) April 21, 2018

ആദ്യ പകുതിയില്‍ തന്നെ ബാര്‍സ സെവിയയുടെ പോസ്റ്റില്‍ എണ്ണം പറഞ്ഞ മൂന്നു ഗോളുകള്‍ അടിച്ചു കയറ്റിയിരുന്നു. 14-ാം മിനിറ്റില്‍ സുവാരസാണ് ആദ്യ ഗോള്‍ നേടിയത്. ഫിലിപ്പ് കൗട്ടിന്യോയുടെ പാസ് സുവാരസ് വലയിലാക്കുകയായിരുന്നു. 31-ാം മിനിറ്റില്‍ ലയണല്‍ മെസി ബാര്‍സയുടെ ലീഡ് ഇരട്ടിയാക്കി. ഈ ഗോളോടെ അഞ്ചു കോപ ഡെല്‍ റേ ഫൈനലില്‍ ഗോള്‍ നേടുന്ന താരമെന്ന റെക്കോര്‍ഡിനൊപ്പമെത്താനും മെസ്സിക്കായി. 40-ാം മിനിറ്റില്‍ സുവാരസ് തന്റെ ഗോള്‍ നേട്ടം ഇരട്ടിയാക്കി.

Lionel Messi has scored 40 goals across all competitions for nine consecutive seasons:

2009/10: 47
2010/11: 53
2011/12: 73
2012/13: 60
2013/14: 41
2014/15: 58
2015/16: 41
2016/17: 54
2017/18: 40

pic.twitter.com/dvisRg93Ll

— Squawka Football (@Squawka) April 21, 2018

ബാര്‍സ കുപ്പായത്തില്‍ അവസാന ഫൈനലിന് ഇറങ്ങിയ 54-ാം നായകന്‍ ആന്ദ്രെ ഇനിയസ്റ്റയുടെ വകയായിരുന്നു ഗോള്‍. 69-ാം മിനിറ്റില്‍ പെനാല്‍ട്ടി കിക്ക് ലക്ഷ്യത്തിലെത്തിച്ച് ഫിലിപ്പെ കുട്ടിഞ്ഞ്യോ ബാര്‍സയുടെ ഗോള്‍ പട്ടിക പൂര്‍ത്തിയാക്കി ഒപ്പം കിരീടവും. ചാമ്പ്യന്‍സ് ലീഗില്‍ ഇറ്റാലിന്‍ ക്ലബ് എ.എസ് റോമയോട് അപ്രതീക്ഷിത തോല്‍വി പിണഞ്ഞ് പുറത്തായ ബാര്‍സക്ക് കൂടുതല്‍ ശക്തി പകരുന്നതാണ് കോപ ഡെല്‍ റെ കിരീടം.

മാഡ്രിഡ് : കോപ്പാ ഡെല്‍ റേ ക്വാര്‍ട്ടറില്‍ സ്വന്തം തട്ടകത്തില്‍ റയലിന് അപ്രതീക്ഷിത തോല്‍വി. ലെഗനിസാണ് റയല്‍ മാഡ്രിഡിനെ ഒന്നിനെതിരെ രണ്ടു ഗോളുകള്‍ക്ക് മുട്ടുകുത്തിച്ചത്. ലാ ലീഗ് കിരീടം ഏറെകുറെ ബാര്‍സക്ക് അടിയറവ് വെച്ച റയലിന് മറ്റൊരു ആഘാതമായി ഈ തോല്‍വി. ചരിത്രത്താലാദ്യമായാണ് ലെഗാനിസ് അവസാന നാലില്‍ ഇടം നേടുന്നത്. അതേസമയം ടൂര്‍ണ്ണമെന്റില്‍ ആദ്യ പാദം വിജയിച്ചതിനു ശേഷം റയല്‍ മാഡ്രിഡ് തോറ്റു പുറത്താവുന്നതും ആദ്യമായിട്ടാണ്.

ആദ്യപാദത്തില്‍ മാര്‍ക്കോ അസെന്‍സിയോയുടെ ഗോളിന് ജയിച്ച റയല്‍ മാഡ്രിഡ് ക്രിസ്റ്റ്യാനോ റൊണാള്‍ഡോ, ഗാരെത് ബെയ്ല്‍, ലൂക്കാ മോഡ്രിച്ച്, കാസിമിറോ എന്നീ പ്രമുഖ താരങ്ങളെ പുറത്ത് ഇരുത്തിയാണ് ടീമിനെ ഇറക്കിയത്. ആദ്യ പാദത്തിലെ തോല്‍വി വകവെക്കാതെ പോരിനിറങ്ങിയ ലെഗനിസ് 31-ാം മിനുട്ടില്‍ മാഡ്രിഡ് പരിശീലകന്‍ സിനദ്ദിന്‍ സിദ്ദാന്‍ ഞെട്ടിച്ചുക്കൊണ്ട് റയല്‍ വല കുലുക്കി. ഹെവിയര്‍ എറാസോയായിരുന്നു ഗോള്‍ നേടിയത്. എന്നാല്‍ 47-ാം മിനുട്ടില്‍ കരീം ബെന്‍സീമ റയലിനെ ഒപ്പമെത്തിച്ചു. എട്ടു മിനുട്ടുനുള്ളില്‍ വീണ്ടും റയല്‍ വലകുലുക്കി ഗബ്രിയേല്‍ പിറസിലൂടെ ലെഗാനിസ് ചരിത്ര വിജയം നേടുകയായിരുന്നു. എവേ ഗോള്‍ ആനുകൂല്യത്തിലാണ് ലെഗനിസ് സെമി പ്രവേശം സ്വന്തമാക്കിയത്.

മാഡ്രിഡ് : പുതുവര്‍ഷത്തില്‍ ജയത്തോടെ തുടങ്ങി റയല്‍ മാഡ്രിഡ്. കോപ ഡെല്‍റേ പ്രീ-ക്വാര്‍ട്ടറിന്റെ ആദ്യപാദത്തില്‍ നുമാന്‍സിയയെ എതിരില്ലാത്ത മൂന്നു ഗോളിന് തകര്‍ത്താണ് റയല്‍ പുതുവര്‍ഷത്തിലെ ആദ്യ മത്സരം അവിസ്മരണീയമാക്കിയത്. അതേസമയം നിവവിലെ ചാമ്പ്യമാരായ ബാര്‍സലോണയെ സെല്‍റ്റാ വിഗോ സമനിലയില്‍ തളച്ചു.

ക്രിസ്റ്റ്യാനോ റെണാള്‍ഡോ, കരീം ബെന്‍സീമ, ടോണി ക്രൂസ്, സെര്‍ജിയോ തുടങ്ങി പ്രമുഖ താരങ്ങള്‍ക്ക് വിശ്രമം നല്‍കിയ കോച്ച് സിനദിന്‍ സിദ്ദാന്‍ ഗാരെത് ബെയ്‌ലിന് ആദ്യ ഇലവനില്‍ അവസരം നല്‍കുകയായിരുന്നു. 35-ാം മിനുട്ടില്‍ അനുകൂലമായി ലഭിച്ച പെനാല്‍ട്ടി ലക്ഷ്യത്തിലെത്തിച്ച് ഗാരെത് ബെയ്ല്‍ റയലിന്റെ ഗോള്‍ വേട്ട തുടക്കം കുറിച്ചു. 89-ാം മിനുട്ടില്‍ മറ്റൊരു സ്‌പോര്‍ട്ട് കിക്കിലൂടെ സ്പാനിഷ് താരം ഇസ്‌കോ ഗോള്‍ നേട്ടം ഇരട്ടിയാക്കി. ഇഞ്ചുറി ടൈമില്‍ ബോര്‍യ മയോറല്‍ ഗോള്‍പ്പട്ടിക പൂര്‍ത്തിയാക്കി.

റയലിനെപോലെ ലയണല്‍ മെസ്സി, ലൂയി സുവാരസ്. ഇനിയേസ്റ്റ എന്നിവരെ പുറത്തിരുത്തിയ ബാര്‍സക്ക് സെല്‍റ്റാ വിഗോക്കെതിരെ വിജയിക്കാനായില്ല. സീനിയര്‍ ടീമില്‍ അവസരം ലഭിച്ച സ്പാനിഷ് മുന്നേറ്റതാരം ജോസെ അര്‍സെയ്‌സ് 15-ാം മിനുട്ടില്‍ ബാര്‍സയെ മുന്നിലെത്തിച്ചു. എന്നാല്‍ 16 മിനുറ്റു മാത്രമേ ബാര്‍സയുടെ ലീഡിന് ആയുസ്സുണ്ടായിരുന്നുള്ളൂ. ഡെന്‍മാര്‍ക്ക്് താരം പിയോനെ സിസേറ്റെയിലൂടെ വിഗോ ഒപ്പമെത്തുകയായിരുന്നു. രണ്ടാം പകുതിയില്‍ ഇരുവരും വിജയഗോളിനായി കിണഞ്ഞു ശ്രമിച്ചെങ്കിലും ലക്ഷ്യം കാണാനായില്ല. ഇതോടെ ബാര്‍സയുടെ തട്ടകത്തില്‍ നടക്കുന്ന രണ്ടാം പാദം ഇരുടീമുകള്‍ക്ക് നിര്‍ണായമായി.

We’ve arrived in Vigo ahead of tonight’s #CopaBarça clash…#FCBlive pic.twitter.com/FxjAZ47I9z

— FC Barcelona (@FCBarcelona) January 4, 2018

ഡിസംബര്‍ 23-ലെ എല്‍ ക്ലാസിക്കോയ്ക്കു ശേഷം ഇതാദ്യമായാണ് ഇരു ടീമുകളും കളിക്കാനിറങ്ങുന്നത്. എല്‍ ക്ലാസിക്കോ വിജയത്തിനു ശേഷം അവധിയില്‍ പ്രവേശിച്ച ലയണല്‍ മെസ്സി, ലൂയിസ് സുവാരസ് എന്നിവര്‍ ചൊവ്വാഴ്ച വൈകുന്നേരമാണ് ബാര്‍സയില്‍ റിപ്പോര്‍ട്ട് ചെയ്തത്. സെല്‍റ്റയുടെ തട്ടകത്തില്‍ നടക്കുന്ന മത്സരത്തില്‍ ഇരുവര്‍ക്കും വിശ്രമം അനുവദിക്കാനാണ് കോച്ച് ഏണസ്‌റ്റോ വെല്‍വര്‍ദെ തീരുമാനിച്ചത്.

ഇരുവര്‍ക്കുമൊപ്പം ഒരാഴ്ചയിലേറെ നീണ്ട അവധിയിലായിരുന്ന ഡിഫന്റര്‍ ഹവിയര്‍ മഷരാനോയെ ബാര്‍സ ഇന്ന് കളിപ്പിക്കുന്നുണ്ട്. അതേസമയം, വെറ്ററന്‍ മിഡ്ഫീല്‍ഡര്‍ ആന്ദ്രേ ഇനിയസ്റ്റക്കും വിശ്രമം അനുവദിച്ചിട്ടുണ്ട്. സ്‌ട്രൈക്കര്‍ ഉസ്മാന്‍ ഡെംബലെ പരിക്കു മാറി ആരോഗ്യം കൈവരിച്ചത് അവര്‍ക്ക് പ്രതീക്ഷ പകരുന്നു.

Here’s our 19-man squad for our trip to Soria to face @cdnumancia! #RMCopa | #HalaMadrid pic.twitter.com/hQ49Upha1I

— Real Madrid C.F. (@realmadriden) January 4, 2018

ലാലിഗ കിരീട പോരാട്ടത്തില്‍ ഏറെ പിറകിലായിരുന്നിട്ടും ക്രിസ്റ്റ്യാനോ അടക്കമുള്ള സൂപ്പര്‍ താരങ്ങളില്ലാത്ത 19 അംഗ ടീമിനെയാണ് നുമാന്‍സിയയെ നേരിടാന്‍ റയല്‍ കോച്ച് സിനദെയ്ന്‍ സിദാന്‍ ഒരുക്കുന്നത്. പോര്‍ച്ചുഗീസ് താരത്തിനു പുറമെ ടോണി ക്രൂസ്, ലൂക്കാ മോഡ്രിച്ച്, മാര്‍സലോ, സെര്‍ജിയോ റാമോസ് എന്നിവര്‍ക്കും റയല്‍ വിശ്രമം അനുവദിച്ചു. എല്‍ ക്ലാസിക്കോയില്‍ പരിക്കേറ്റ കരീം ബെന്‍സേമയും കളിക്കുന്നില്ല. ഗരത് ബെയ്ല്‍, കസമീറോ, ഡാനി കാര്‍വഹാള്‍, കെയ്‌ലര്‍ നവാസ് തുടങ്ങിയവര്‍ കളിക്കുന്നുണ്ട്.

ഇന്ന് രാത്രി ഇന്ത്യന്‍ സമയം 11.30 നാണ് സെല്‍റ്റ വിഗോയും ബാര്‍സലോണയും തമ്മിലുള്ള പോരാട്ടം. കിങ്‌സ് കപ്പിലെ നിലവിലെ ചാമ്പ്യന്മാരായ ബാര്‍സ, കിരീടം നിലനിര്‍ത്താന്‍ ലക്ഷ്യമിട്ടാണ് ഇറങ്ങുന്നത്. 1.30 നാണ് റയല്‍-നുമാന്‍സിയ മത്സരം. ലെഗാനീസ് – വിയ്യാറയല്‍, എസ്പാന്യോള്‍ – ലെവന്റെ എന്നിവയാണ് മറ്റ് ക്വാര്‍ട്ടര്‍ മത്സരങ്ങള്‍.