countries – Chandrika Daily

ലോകത്തെ ഏറ്റവും സന്തോഷമുള്ള രാജ്യമായി വീണ്ടും ഫിന്‍ലന്‍ഡ്, ഇന്ത്യ 126ാംമത്

webdesk13 — Sun, 02 Apr 2023 07:04:55 +0000

ഫിന്‍ലന്‍ഡിനെ കുറിച്ച് കേള്‍ക്കാത്തവരുണ്ടോ?. എന്നാല്‍ ഏറ്റവും സന്തോഷമുള്ള രാജ്യമായാണ് ഈ നഗരം അറിയപ്പെടുന്നത്. തുടര്‍ച്ചയായ ആറാം വര്‍ഷവും എറ്റവും സന്തുഷ്ടരായ ജനങ്ങള്‍ താമസിക്കുന്ന രാജ്യമെന്ന നേട്ടം സ്വന്തമാക്കിയിരിക്കുകയാണ് ഫിന്‍ലന്‍ഡ്. യുഎന്‍ സസ്റ്റൈനബിള്‍ ഡെവലപ്‌മെന്റ് സൊല്യൂഷ്യന്‍സ് നെറ്റ്‌വര്‍ക്ക് പുറത്തിറക്കിയ വേള്‍ഡ് ഹാപ്പിനെസ് റിപ്പോര്‍ട്ടിലാണ് ഇക്കുറിയും ഫിന്‍ലന്‍ഡ് ഒന്നാമതെത്തിയത്. 137 രാജ്യങ്ങളില്‍ നിന്നാണ് ഫിന്‍ലന്‍ഡ് ഒന്നാം സ്ഥാനത്തെത്തിയത്.

ഡെന്‍മാര്‍ക്കും ഐസ്‌ലെന്‍ഡുമാണ് രണ്ടും മൂന്നും സ്ഥാനങ്ങളില്‍. കഴിഞ്ഞ വര്‍ഷവും ആദ്യ മൂന്ന് സ്ഥാനങ്ങളില്‍ ഇങ്ങനെ തന്നെയാണ് നിലനിന്നിരുന്നത്. 5 സ്ഥാനങ്ങള്‍ മെച്ചപ്പെടുത്തി ഈ വര്‍ഷം ഇസ്രായേല്‍ നാലാം സ്ഥാനത്തെത്തി. നെതര്‍ലാന്‍ഡ്‌സ് 5ാം സ്ഥാനത്താണ്. സ്വീഡന്‍, നോര്‍വെ, സ്വിറ്റ്‌സര്‍ലന്‍ഡ്, ലക്‌സംബര്‍ഗ്, ന്യൂസിലന്‍ഡ്, എന്നിവയാണ് ആദ്യ പത്തിലെ മറ്റ് രാജ്യങ്ങള്‍.

ഏറ്റവും അസന്തുഷടമായ രാജ്യങ്ങളായി ഇക്കുറിയും അഫ്ഗാനിസ്ഥാനും, ലെബനനും തുടര്‍ന്നു. ഇന്ത്യ 126ാം സ്ഥാനത്താണ്. പാകിസ്ഥാന്‍, നേപ്പാള്‍, ചൈന, ബംഗ്ലാദേശ്, ശ്രീലങ്ക, ഇറാഖ് എന്നിവര്‍ക്ക് താഴെയാണ് ഇന്ത്യ. റഷ്യയും യുക്രയ്‌നും പോലും യുന്ധത്തിന് ശേഷവും ഇന്ത്യയേക്കാള്‍ മുന്നിലാണ്.

യുഎഇയില്‍ 44 രാജ്യക്കാര്‍ക്ക് സ്വന്തം രാജ്യത്തെ ലൈസന്‍സില്‍ വാഹനമോടിക്കാം, ഇന്ത്യക്കാര്‍ പട്ടികക്ക് പുറത്ത്

webdesk13 — Wed, 18 Jan 2023 10:09:43 +0000

ദുബായ്- 44 രാജ്യത്തെ പൗരന്മാര്‍ക്ക് ഇനി സ്വന്തം രാജ്യത്തെ െ്രെഡവിങ് ലൈസന്‍സ് ഉപയോഗിച്ചു യുഎഇയില്‍ വാഹനം ഓടിക്കാം. വിവിധ രാജ്യക്കാരെ യുഎഇയിലേക്ക് ആകര്‍ശിക്കുന്നതിന്റെ ഭാഗമായാണ് െ്രെഡവിങ് ലൈസന്‍സ് നിയമങ്ങള്‍ ലളിതമാക്കിയതെന്നു യുഎഇ ആഭ്യന്തര മന്ത്രാലയം അറിയിച്ചു. പുറത്ത് വിട്ട പട്ടികയിലെ 43 രാജ്യക്കാര്‍ക്ക് റസിഡന്റ്‌സ് വീസയുണ്ടെങ്കില്‍ പരിശീലനമോ പരീക്ഷയോ ഇല്ലാതെ തന്നെ യുഎഇ െ്രെഡവിങ് ലൈസന്‍സ് സ്വന്തമാക്കാം. ഇന്ത്യ പട്ടികക്ക് പുറത്താണ്.

വിനോദ സഞ്ചാരികള്‍ക്കും സന്ദര്‍ശകര്‍ക്കും ഇതു സംബന്ധിച്ച നിയമാവബോധം ലഭിക്കാന്‍ മന്ത്രാലയം വെബ്‌സൈറ്റില്‍ പ്രത്യേക സേവനവും ആരംഭിച്ചു.സന്ദര്‍ശക വീസയില്‍ എത്തുന്നവര്‍ക്കോ റസിന്റ്‌സിനോ വണ്ടിയോടിക്കണമെങ്കില്‍ പഠിച്ചു പരീക്ഷ പാസായി യുഎഇ ലൈസന്‍സ് എടുക്കണം.

നിശ്ചിത രാജ്യക്കാര്‍ക്ക് ആഭ്യന്തര മന്ത്രാലയത്തിന്റെ സ്മാര്‍ട്‌സ് സംവിധാനം വഴി അവരുടെ െ്രെഡവിങ് ലൈസന്‍സ് വിശദാംശങ്ങള്‍ നല്‍കി യുഎഇ ലൈസന്‍സ് ആക്കി മാറ്റാനും സൗകര്യമുണ്ട്. യുഎഇ തിരിച്ചറിയല്‍ കാര്‍ഡ്, വിദേശ െ്രെഡവിങ് ലൈസന്‍സിന്റെ പരിഭാഷ, ഒറിജിനല്‍ വിദേശ ലൈസന്‍സ് എന്നിവയാണ് യുഎഇ ലൈസന്‍സാക്കി മാറ്റാന്‍നാവശ്യമായ രേഖകള്‍. 600 ദിര്‍ഹമാണ് സേവന നിരക്ക്.

യുഎഇ ലൈസന്‍സിന്അര്‍ഹമായ രാജ്യങ്ങള്‍

എസ്‌തോണിയ, അല്‍ബേനിയ, പോര്‍ച്ചുഗല്‍, ചൈന, ഹംഗറി, ഗ്രീസ്, യുക്രെയ്ന്‍, ബള്‍ഗേറിയ, സ്ലോവാക്യ, സ്ലോവേനിയ, സെര്‍ബിയ, സൈപ്രസ്, ലാത്വിയ, ലക്‌സംബര്‍ഗ്, ലിത്വാനിയ, മാള്‍ട്ട, ഐസ്‌ലന്‍ഡ്, മോണ്ടിനെഗ്രോ, യുഎസ്, ഫ്രാന്‍സ്, ജപ്പാന്‍, ബെല്‍ജിയം, സ്വിറ്റ്‌സര്‍ലന്‍ഡ്, ജര്‍മനി, ഇറ്റലി, സ്വീഡന്‍, അയര്‍ലന്‍ഡ്, സ്‌പെയിന്‍, നോര്‍വേ, ന്യൂസിലാന്‍ഡ്, റൊമേനിയ, സിംഗപ്പൂര്‍, ഹോങ്കോങ്, നെതര്‍ലാന്‍ഡ്, െഡന്‍മാര്‍ക്ക്, ഓസ്ട്രിയ, ഫിന്‍ലന്‍ഡ്, യുകെ, തുര്‍ക്കി, കാനഡ, പോളണ്ട്, ദക്ഷിണാഫ്രിക്ക, ഓസ്‌ട്രേലിയ, ദക്ഷിണ കൊറിയ.

ആറ് വിദേശ രാജ്യങ്ങളില്‍ നിന്നെത്തുന്ന യാത്രക്കാര്‍ക്ക് കൊവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധം

webdesk12 — Thu, 29 Dec 2022 05:18:41 +0000

ന്യുഡല്‍ഹി: ചൈന ഉള്‍പ്പെടെ ആറ് രാജ്യങ്ങളില്‍ നിന്നും എത്തുന്ന യാത്രക്കാര്‍ക്ക് അടുത്ത ആഴ്ച മുതല്‍ ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കുമെന്ന് റിപ്പോര്‍ട്ട്.ചൈനയ്ക്ക് പുറമെ ജപ്പാന്‍, ദക്ഷിണ കൊറിയ, ഹോങ്കോങ്, തായ്ലന്‍ഡ്, സിംഗപ്പൂര്‍ എന്നിവിടങ്ങളില്‍ നിന്നുള്ള രാജ്യാന്തര യാത്രക്കാര്‍ക്കാണ് പരിശോധനാ ഫലം കൈവശം കരുതേണ്ടത് നിര്‍ബന്ധമാക്കുന്നത്.

72 മണിക്കൂറിനുള്ളില്‍ എടുത്ത ആര്‍ടിപിസിആര്‍ പരിശോധനാഫലമാണ് ആവശ്യം. ഇതിനു പുറമെ എയര്‍ സുവിധ ഫോം പൂരിപ്പിക്കുകയും വേണം. കഴിഞ്ഞ രണ്ട് ദിവസത്തിനിടെ പരിശോധന നടത്തിയ 6000 പേരില്‍ 39 രാജ്യാന്തര യാത്രക്കാര്‍ക്ക് കൊവിഡ് സ്ഥിരീകരിച്ചിരുന്നു.