കഴിഞ്ഞ വർഷം മാർച്ചിലാണ് 1.52 ഗ്രാം എൽഎസ്ഡി,1.435 കിലോഗ്രാം ഹഷിഷ് ഓയിൽ, 2.74 ഗ്രാം എംഡിഎംഎ ,3.15 ഗ്രാം കൊക്കെയ്ൻ എന്നിവയുമായി ഇയാൾ എക്സൈസ് സംഘത്തിന്റെ പിടിയിലായത്. എൻജിനീയറിങ് ബിരുദധാരിയായ ഇയാൾ ബെംഗളൂരു, ഡൽഹി, ഗോവ എന്നിവിടങ്ങളിൽ നിന്നു വൻതോതിൽ ലഹരിമരുന്നു വാങ്ങി കൊറിയർ വഴി ആവശ്യക്കാർക്കു ചില്ലറ വിൽപന നടത്തുകയായിരുന്നു. ഗൾഫിൽ നിന്നു ലഹരിമരുന്നു കൊറിയർ വഴി വരുത്തിയതിന് എറണാകുളത്തും ഇയാൾക്കെതിരെ കേസുണ്ട്.