മാഡ്രിഡ്: പ്രമുഖ സ്‌പോര്‍ട്‌സ് ഉപകരണ നിര്‍മ്മതാക്കളായ അമേരിക്കന്‍ കമ്പനി നൈക്കിയുടെ മണ്ടത്തരത്തിന് സ്പാനിഷ് വമ്പന്‍ ക്ലബായ ബാര്‍സക്ക് വിലകൊടുക്കേണ്ടി വന്നത് മുന്നൂറ് കോടിയിലേറെ രൂപ. ഇംഗ്ലീഷ് ക്ലബ് ലിവര്‍പൂളിന്റെ മധ്യനിര താരം കുട്ടിഞ്ഞോയുടെ ട്രാന്‍സ്ഫറുമായി ബന്ധപ്പെട്ട് നൈക്കി നടത്തിയ കൈഅബദ്ധമാണ് ഇത്രയും ഭീമമായ തുക ബാര്‍സക്ക് നഷ്ടമാവാന്‍ കാരണം.

ജനുവരി ട്രാന്‍സ്ഫര്‍ വിന്‍ഡോയില്‍ തന്റെ സ്വപ്‌ന ടീമായ ബാര്‍സയിലേക്ക് കുട്ടിഞ്ഞോ ചേക്കേറുമെന്ന ശക്തമായ അഭ്യൂഹങ്ങള്‍ക്കിടെ, നൈക്കി തങ്ങളുടെ ഔദ്യോഗിക വെബ്സൈറ്റില്‍ താരത്തിന്റെ ബാര്‍സലോണയിലേക്കുള്ള ട്രാന്‍സ്ഫര്‍ സ്ഥിരീകരിച്ച് ജെഴ്‌സി വില്‍പ്പന ആരംഭിച്ചത്തോടെയാണ് സംഭവത്തിന് വഴിത്തിരിവാകുന്നത്.

വെബ് സെറ്റില്‍ ബാര്‍സലോണയുടെ ജഴ്സി വില്‍ക്കുന്ന വിഭാഗത്തില്‍ ‘നൗകാമ്പില്‍ പന്തു തട്ടാന്‍ കുട്ടീഞ്ഞോ എത്തുന്നു’.കുട്ടീഞ്ഞോയുടെ പേരു സഹിതമുള്ള ബാര്‍സ ജെഴ്സി ജനുവരി ആറിനു മുമ്പ് സ്വന്തമാക്കൂ എന്നാണ് നല്‍കിയത്. അതീവ രഹസ്യമായി 135 ദശലക്ഷം പൗണ്ട് ഏകദേശം 1300 കോടി ഇന്ത്യന്‍ രൂപക്ക് ഇരുടീമുകളും വക്കാല്‍ കരാറിലെത്തിയ സാഹചര്യത്തിലാണ് ഇത്തരമൊരു നീക്കം നൈക്കിയുടെ ഭാഗത്തു നിന്നുണ്ടായത് ലിവര്‍പൂളിനെ ചൊടിപ്പിച്ചത്. ഇതോടെ താരത്തിന്റെ വില 160 ദശലക്ഷം പൗണ്ടായി ലിവര്‍പൂള്‍ ഉയര്‍ത്തിയതായാണ് പുതിയ റിപ്പോര്‍ട്ടുകള്‍. ഇതോടെ ബാര്‍സക്കു വരാന്‍ പോകുന്ന നഷ്ടം 300 കോടിരൂപയിലേറെയാണ്. സംഭവം വിവാദമായത്തോടെ പരസ്യം നൈക്കി വൈബ്‌സെറ്റില്‍ നിന്നും പിന്‍വലിച്ചു.

Philippe Coutinho

Jan 2017: 5yr #LFC deal
July: #LFC #FCB £72m bid
Aug 8: #LFC #FBC £90m bid
Aug 11: Transfer request/rejected
Aug 18: #LFC #FCB £114m bid

Jan 2, 2018: Wont play for #LFC
Jan 3: #LFC could accept £133m from #FCB pic.twitter.com/nGGSMGTPgb

— Crippy Cooke (@CrippyCooke) January 3, 2018

അതേസമയം കുട്ടീഞ്ഞോയുടെ താരകൈമാറ്റം ഇപ്പോഴും അനിശ്ചത്ത്വതിലാണ്. താരത്തെ ജനുവരിയില്‍ കൈമാറാന്‍ പരിശീലകന്‍ യുറുഗന്‍ ക്ലോപ് തയ്യാറല്ലയെന്നും ലിവര്‍പൂളിനായി ഇനി ബൂട്ടുകെട്ടില്ലയെന്ന് ഫിലിപ്പ് കുട്ടിഞ്ഞോ ക്ലബിനെ അറിയിച്ചതായും വാര്‍ത്തകളുണ്ട്.

Barcelona representatives are now in England for Coutinho. pic.twitter.com/vhI5ffyIEe

— FC Barcelona TV (@FC_BarcelonaTv) August 23, 2017

അതേസമയം, ബാര്‍സയുടെ പുതിയ ഓഫറും ലിവര്‍പൂള്‍ മാനേജര്‍ യുര്‍ഗന്‍ ക്ലോപ്പ് തള്ളി. ലിവര്‍പൂളില്‍ കാര്യങ്ങള്‍ക്ക് ഒരു മാറ്റവും ഉണ്ടായിട്ടില്ലെന്നും കുട്ടിന്യോ ക്ലബ്ബില്‍ തുടരുന്ന കാര്യത്തില്‍ 100 ശതമാനം ഉറപ്പുണ്ടെന്നും അദ്ദേഹം പ്രതികരിച്ചു.

എന്നാല്‍, ബാര്‍സലോണയിലേക്ക് കൂടുമാറാന്‍ കുട്ടിന്യോ മാനസികമായി തയാറെടുത്തു കഴിഞ്ഞതായി റിപ്പോര്‍ട്ടുകളുണ്ട്. ബാര്‍സയുടെ വാഗ്ദാനം യുര്‍ഗന്‍ ക്ലോപ്പും ക്ലബ്ബിന്റെ ഉടമസ്ഥരായ ഫെന്‍വേ സ്‌പോര്‍ട്‌സ് ഗ്രൂപ്പും കൈകാര്യം ചെയ്ത രീതിയില്‍ താരം അതൃപ്തനാണെന്നും ബാര്‍സയിലേക്കു പോകാന്‍ താരം ഒരുങ്ങിയതായും യാഹൂ സ്‌പോര്‍ട്ട് റിപ്പോര്‍ട്ട് ചെയ്തു. ബാര്‍സയിലേക്കുള്ള കൂടുമാറ്റം നടന്നില്ലെങ്കില്‍ തന്റെ അതൃപ്തി സോഷ്യല്‍ മീഡിയയിലൂടെയോ മാധ്യമങ്ങളിലൂടെയോ വ്യക്തമാക്കാന്‍ താരം ഒരുങ്ങുന്നതായും സൂചനയുണ്ട്.

എന്നാല്‍ കുട്ടീഞ്ഞോയുമായുള്ള ബാഴ്‌സയുടെ കരാര്‍ ഇനിയും വൈകാനാണ് സാധ്യതയെന്നാണ് വിവരം.
കൂടുമാറ്റത്തിനായി ബാഴ്‌സ വിലയിട്ട നൂറ് മില്ല്യന്‍ യൂറോ കരാര്‍ ലിവര്‍പൂള്‍ തള്ളിയതായി ഇ.എസ്.പി.എന്‍ എഫ്.സി റിപ്പോര്‍ട്ട് ചെയ്തു. നേരത്തെ 85 മില്ല്യന്‍ യൂറോയുടെ വാഗ്ദാനം ലിവര്‍പ്പൂള്‍ തള്ളിയതിനെ തുടര്‍ന്നാണ് ബോണസടക്കം 898.87 കോടി രൂപ കരാറുമായി കുട്ടീഞ്ഞോയ്ക്കായി ബാഴ്‌സ രംഗത്തെത്തിയത്.

നേരത്തെ കൂടുമാറ്റ കരാര്‍ അന്തിമഘട്ടത്തിലെത്തിയതായി വിവിധ സ്‌പോര്‍ട് പോര്‍ട്ടുകള്‍ റിപ്പോര്‍ട്ട് ചെയ്തിരുന്നു. ചൊവ്വാഴ്ച മുതല്‍ ബാഴ്‌സ അധികൃതര്‍ കുട്ടീഞ്ഞോക്കായി ഇംഗ്ലണ്ടിലെത്തിയതായും വിവരമുണ്ട്.

നെയ്മറിന്റെ വിടവ് നികത്തുന്നതോടൊപ്പം മിഡ്ഫീല്‍ഡില്‍ ക്യാപ്റ്റന്‍ ഇനിയേസ്റ്റയെ കൂടി സഹായിക്കാന്‍ ബ്രസീലിയന്‍ താരത്തിനാവുമെന്നാണ് ബാഴ്‌സയുടെ കണക്കു കൂട്ടല്‍. അതേ സമയം താരത്തെ വില്‍ക്കില്ലെന്ന് ലിവര്‍പൂള്‍ കോച്ച് യുര്‍ഗന്‍ ക്ലോപ്പ് കഴിഞ്ഞ ആഴ്ച വ്യക്തമാക്കിയിരുന്നു. കൂടാതെ വന്‍ തുക വാഗ്ദാനവുമായി പി.എസ്.ജിയും കുട്ടീഞ്ഞോക്കായി രംഗത്തുണ്ട്. റെക്കോര്‍ഡ് തുകയ്ക്ക് നെയ്മറെ റാഞ്ചിയതിന് പിന്നാലെ മറ്റൊരു വമ്പന്‍ ട്രാന്‍ഫറിന് കൂടി പി.എസ്.ജി തെയ്യാറെടുക്കുന്നതായാണ് വിവരം. ഫ്രഞ്ച് ലീഗില്‍ നിന്നും മൊണാക്കോ താരം കിലിയന്‍ എംബപ്പയെ കിട്ടാത്തപക്ഷം ബ്രസീലിയന്‍ താരം ഫിലിപ്പോ കുട്ടീഞ്ഞോയെ നെയ്മറിന് കൂട്ടായി എത്തിക്കാനാണ് ക്ലബ് ശ്രമിക്കുന്നത്. ഇതിനായി 150 ദശക്ഷം പൗണ്ട് വരെ ചെലവിടാന്‍ പി.എസ്.ജി ഒരുങ്ങിക്കഴിഞ്ഞതായാണ് വിവരം

അതേസമയം മൂന്നാം ഘട്ട കരാറില്‍ കുട്ടീഞ്ഞോ ബാഴ്‌സയില്‍ എത്തുമെന്നാണ്് ഫുട്‌ബോള്‍ ലോകത്തെ വിലയിരുത്തല്‍.

നേരത്തെ 2012ല്‍ എസ്പാനിയോളിന് വേണ്ടി സ്പാനിഷ് ലാ ലീഗയില്‍ കുട്ടീഞ്ഞോ കളിച്ചിട്ടുണ്ട്. 2013ല്‍ ലിവര്‍പൂളിനൊപ്പം ചേര്‍ന്ന താരം 182 മത്സരങ്ങളില്‍ നിന്നും 42 ഗോളുകള്‍ നേടിയിട്ടുണ്ട്.